1 ᑯᕆᓐᑎᔭᓇ 5:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᐊᑲᐎᔾ ᐱᔅᑎᓂᒧᒄ ᒥᒋᑥᐅᓐ ᒐᒋ ᑎᒂᒡ ᐊᓐᑕ ᐊ ᑕᔭᒄ᙮ ᐛᔅ ᒧᔭᒻ ᑲᐅᐱᔨᒡ ᐃᑕᔨᑕᑯᓐ ᒥᒋᑥᐅᓐ, ᐊᐅᒄ ᐅᔭ ᑲ ᐃᑐᑕᑯᑦ ᐸᒂᓯᑭᓐ ᒐᒋ ᐅᐱᔨᑦ ᐊᐅᑯᓐ ᒪᒃ ᒧᔭᒻ ᐊ ᐃᑐᑕᒐᒥᑲᒡ ᒥᒋᑥᐅᓐ ᐱᒪᑎᓯᐅᓂᒡ᙮ ᓇᒪ ᒋᐸ ᐅᒋ ᐊᔭᓇᐛᐤ ᒥᒋᑥᐅᓐ ᒋᐱᒪᑎᓯᐅᓄᐛᒡ ᐛᔅ ᔅᒋ ᐎᐧᑯᒋᐃᑯᓇᐛᐤ ᒥᒋᑥᐅᓂᒡ ᐅᒡ᙮ ᐛᔅ ᙭ ᒋ ᐎᒪᔅᑲᒐᐤ ᒪᔭᑕᓂᓯᒥᓄᐤ ᒋ ᓂᐸᐊᑭᓄᐤ ᒋᔭᓄᐤ ᐅᒋ ᒐᒋ ᐱᒪᒋᐅᔭᐧᒄ᙮

1 ᑯᕆᓐᑎᔭᓇ 5:7 Iomraidhean Croise

ᐊᒃᓱᑕᔅ 12:15

ᐃᔅᐱᔅ ᓂᔄᐅᑕᒡ ᒋᓯᑲᐛ ᒋᑭ ᐎ ᒧᐛᐛᐤ ᐸᒂᓯᑭᓐ ᐊᑲ ᐅᐱᓱᑦ᙮ ᐊᓐ ᓂᔅᑎᒻ ᒋᓯᒄ ᒐ ᐎᐎᑎᓯᓇᒃ ᓯᐅᔅᑎᒪᑭᓐ, ᐅ ᒥᒄ ᐊᐛᓐ ᒥᒋᒐ ᒐᒂᔪᐤ ᓯᐅᔅᑎᒪᑭᓇ ᐊ ᐅᒋ ᐅᓯᑕᑭᓄᐎᒡ ᒪᒂᒡ ᐊᓂᔭ ᓂᔄᐅᑕᒡ ᒋᓯᒂ, ᒋ ᐃᑲᑎᓴᐛᑭᓄᐤ ᐊᓐᑕ ᐃᔅᕋᐃᓪ ᐅᒡ᙮

ᒪᑎᔪᐤ 13:33

ᒋᓴᔅ ᒪᒃ ᒥᓐ ᒋ ᐎᑎᒧᐛᐤ ᑯᑎᒋᔪᐤ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ᐃᑕᑦ, “ᒪᐅ ᐊ ᐃᑕᔨᑕᒂᒡ ᒋᒋᒋᓯᒄ ᒋᓴᐅᒋᒪᐅᓐ᙮ ᒧᔭᒻ ᓯᐅᔅᑎᒪᑭᓇ ᐊᓂᔭ ᑲᒋ ᒪᒧᐱᔭᑦ ᐃᔎᐤ ᒥᔅᑎ ᐸᒂᓯᑭᓂᒡ, ᒥᓯᐛ ᒪᒃ ᐅᐱᔪᐛ ᐸᒂᓯᑭᓇ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:12

ᐊᓐ ᒪᒃ ᓂᔅᑎᒻ ᐊ ᒋᓯᑲᒡ ᐊᑲ ᐅᐱᔨᑦ ᐸᒂᓯᑭᓐ ᐊᐱᒋᐊᑭᓄᐅᑦ, ᐃᔅᐱ ᒪᒃ ᑲ ᓂᐸᐊᒡ ᐎᒪᔅᑲᒐᐤ ᒪᔭᑕᓂᓴ ᒋᓴᔅ ᒋ ᐃᑎᑯᐤ ᐅᒋᔅᒋᓄᐊᒧᐛᑭᓇ, “ᑕᓐᑕ ᓇᑐᐛᔨᒥᔭᒡ ᒐᒋ ᐊᔭᔅᑯᔅᑎᒪᑕᒡ ᒐᒋ ᒥᒋᔨᓐ ᐎᒪᔅᑲᒐᐅ-ᒥᑯᓴᓐ ?”

ᒠᓐ 1:29

ᒥᓐ ᒪᒃ ᐊᓂᔭ ᐎᔭᐱᓂᔨᒡ ᒠᓐ ᒋ ᐛᐱᒪᐤ ᒋᓴᓴ ᐊ ᐸᒋ ᓇᑎᑯᑦ, ᐊᑯ ᒂ ᐃᔅᒋᔄᑦ, “ᑭᓄᐛᐱᒪᐧᒄ ᒪ ᐅ ᓇᐸᐤ, ᐊᐅᒄ ᐅᔭ ᒋᓴᒪᓂᑐᐤ ᐅᒪᔭᑕᓂᓯᒪ ᑲ ᐸᒋ ᐃᑎᓴᐛᑦ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮

ᒠᓐ 1:36

ᐃᔅᐱ ᒪᒃ ᐎᔭᐱᒪᑦ ᒋᓴᓴ ᐊᓐᑕ ᐊ ᐱᒧᑕᔨᒋ, ᒋ ᐃᑕᐤ, “ᒪᐅᔭᔪᐛ ᒪᒃ ᒋᓴᒪᓂᑐᐤ ᐅᒪᔭᑕᓂᓯᒪ᙮”

ᒠᓐ 19:14

ᒪᒂᒡ ᒪᒃ ᐊᓐ ᐊ ᒋᓯᑲᒡ ᐎᒪᔅᑲᒐᐅ-ᒥᑯᓴᐅᓐ ᐊ ᐊᔭᔅᑯᔅᑕᑭᓄᐅᒡ ᒋ ᐃᓯ ᒋᓯᑲᐤ᙮ ᒐᑲᑦ ᒪᒃ ᒋ ᐊᐱᑕᒋᓯᑲᔪᐤ ᑈᓚᑦ ᑲ ᐃᑕᑦ ᐊᓂᔭ ᒍᐤ ᐃᔪᐛ, “ᑭᓄᐛᐱᒪᐧᒄ ᒪᒃ ᐅ ᒋᒋᓴᐅᒋᒪᒧᐛᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:25

ᐛᔅ ᒋᓴᒪᓂᑐᐤ ᒋ ᐱᔅᑎᓇᐤ ᒋᓴᓴ ᒐᒋ ᓂᐸᐊᑭᓄᔨᒋ ᒋᐱᔭᑎᑯᒡ ᒐᒋ ᐅᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮ ᐊ ᑕᑈᔭᔨᒪᑦ ᒪᒃ ᐊᐛᓐ ᒋᓴᓴ ᐊᑯᑕ ᐊ ᐅᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮ ᒋᓴᒪᓂᑐᐤ ᒋ ᐃᑐᑎᒻ ᐅᔭ ᒐᒋ ᐛᐸᑎᔨᐛᑦ ᒧᔅ ᑯᐃᔅᒄ ᐊ ᐃᑎᑦ᙮ ᐅᑕ ᐃᔅ ᐅᑕᒡ ᓇᔅᒡ ᑕᑈ ᒋ ᓯᐱᔪᐛᓯᔅᑕᒐᐤ ᒋᓴᒪᓂᑐᐤ ᑕᓐ ᑲ ᐃᓯ ᒥᒋᑐᑕᑭᓄᐎᒡ᙮ ᓇᒪ ᒧᔅ ᐊᓐ ᐊ ᐃᑕᔨᑕᑯᓂᔨᒡ ᒐᒋ ᐃᓯ ᑎᐸᔅᑯᓇᑭᓄᔨᒋ ᐊᐛᔪᐛ ᐅᒋ ᐃᓯ ᑎᐸᔅᑯᓇᐤ᙮

1 ᑯᕆᓐᑎᔭᓇ 10:17

ᒥᒄ ᐸᐃᑯᓱᐤ ᐊᓐ ᐸᒂᓯᑭᓐ ᒥᓯᐛ ᐊ ᒧᐛᐧᒄ, ᐊᑎ ᐊ ᒥᒐᑎᔭᐧᒄ ᓂᓇᐧᑯᐤ ᐊ ᐃᑕᔨᑕᑯᓯᔭᐧᒄ᙮ ᐃᔅᐱ ᒪᒃ ᐊ ᒧᐛᐧᒄ ᐊᓐ ᐸᐃᒄ ᐸᒂᓯᑭᓐ ᐸᐃᒄ ᒥᔪᐤ ᒋᑦ ᐃᓯᓇᑯᓯᓇᓄᐤ᙮

1 ᑯᕆᓐᑎᔭᓇ 5:13

ᒋᓴᒪᓂᑐᐤ ᐊᐅᒄ ᑕᐸᔅᑯᓇᑦ ᐊᓂᔭᔪᐛ ᐊᑲ ᑕᑈᑎᒥᔨᒋ᙮ ᐃᑎᔅᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᐃᒐᓇᐧᒄ ᐊᓐ ᓇᐸᐤ ᑲ ᒥᒐᑎᓯᑦ ᐊᓐᑕ ᐊ ᑕᔭᒄ ᐊ ᑕᑦ᙮”

ᐃᐱᓯᔭᓇ 4:22

ᔅᒋ ᐎᑎᒪᑯᓇᐛᐤ ᒐ ᓂᓱᐅᓇᒋᐃᑯᔭᒄ ᐊᓐ ᑲ ᐎᔭᓯᒥᑯᔭᒄ ᒋᒥᒋᓂᑐᐛᔨᑎᒧᐅᓄᐛᐛ, ᑭᔭ ᔅᒋ ᐃᑎᑯᓇᐛᐤ ᒐᒋ ᐛᐱᓂᒪᒄ ᐛᔅᑭᒡ ᑕᓐ ᑲᒋ ᐃᑕᑎᓯᔭᒄ ᐊ ᒥᒋᑐᑎᒪᒄ᙮

ᒋᔅᒐᔨᑕᑯᑕᒐᐅᓐ 5:12

ᒋ ᒋᔄᐛᐅᒡ ᒪᒃ ᐊ ᓂᑭᒧᒡ, “ᐊᓐ ᒪᔭᑕᓂᔅ ᑲ ᓂᐸᐊᑭᓄᐅᑦ ᒋᔅᑕᔨᑕᑯᓱᐤ ᐎᔾ ᒐᒋ ᐊᔭᑦ ᓱᐧᑲᑎᓯᐅᓂᔪᐤ, ᐛᔪᑎᓯᐅᓂᔪᐤ, ᑭᒐᑕᐛᔨᑎᒧᐅᓂᔪᐤ, ᒥᔅᑯᓯᐅᓂᔪᐤ, ᒋᔅᑕᒋᒥᑯᓯᐅᓂᔪᐤ, ᒋᔅᑕᔨᑕᑯᓱᐅᓂᔪᐤ, ᑭᔭ ᓱᐛᔨᒋᒐᐅᓂᔪᐤ᙮”