1 ᑯᕆᓐᑎᔭᓇ 5:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐱᔅᑎᓇᐧᒄ ᐊᓐ ᓇᐸᐤ ᐊᓐᑕ ᒥᒋᒥᓂᑐᐛ ᐊ ᑕᔨᒋ ᒐᒋ ᓂᓱᐅᓇᒋᑕᑭᓄᐎᒡ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒡ ᐎᔭᔅ᙮ ᐊᑯ ᒪᒃ ᐅᑦ ᐊᒐᒂ ᒐ ᐱᒪᒋᐊᑭᓄᔨᒋ ᐊᓂᔭ ᐊ ᒋᓯᑲᔨᒡ ᐸᒋ ᑎᑯᓯᓂᔨᒐᓂ ᐅᑎᐸᔨᒋᒐᐛ ᒋᓴᓴ᙮

1 ᑯᕆᓐᑎᔭᓇ 5:5 Iomraidhean Croise

ᑎᐱᑦ ᐅᓂᑭᒧᐅᓇ 109:6

ᑐᑐᐛᐤ ᒐᒋ ᑎᐸᔨᒥᑯᑦ ᒥᒋ ᐃᔪᐛ, ᐊᑯᔅ ᑭᔭ ᓴᐃᑕᓇ ᒋᑭ ᓂᐳᐎᔪᐛ ᐅᒥᔪᐅᓂᒡ᙮

ᒪᑎᔪᐤ 4:10

ᒥᒄ ᒪᒃ ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᒋᔾ ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᒄ ᐅᑎᐸᔨᒋᒐᐤ ᒋᒋᓴᒪᓂᑐᒧᐛᐤ ᐊᔭᒥᐊᔅᑐᐛᐧᒄ ᑭᔭ ᒥᒄ ᐎᔾ ᐊᑐᔅᑯᐛᐧᒄ᙮”

ᓗᒃ 22:31

ᐊᑯ ᒪᒃ ᒋᓴᔅ ᑲ ᒂᔅᒋᑲᐳᔅᑐᐛᑦ ᓴᐃᒥᓐ ᐱᑕᕋ ᒂ ᐃᑕᑦ, “ᓴᐃᒥᓐ, ᓴᐃᒥᓐ, ᒥᒋᒥᓂᑐᐤ ᓇᔅᒡ ᒋ ᐎ ᑎᐸᔨᒧᒄ᙮ ᒋ ᑯᒂᑕᔨᒧᐤ ᒐᒋ ᑯᒂᒋᐃᔅᒃ ᒧᔭᒻ ᐊ ᓴᐳᐱᔨᐃᔅᒃ ᒐᒋ ᐃᑐᑕᔅᒃ᙮ ᒋ ᐎ ᐃᑐᑕᒄ ᑕᐱᔅᑯᓐ ᑲᒋ ᐃᑐᑐᐛᑦ ᑲᓂᑕᐅᒐᐊᔨᒋ ᐸᒂᓯᑭᓇ ᐊ ᓴᐳᐱᔨᐊᑦ᙮

ᐊᑈᔅᑕᓇᒡ 26:18

ᒋᑦ ᐃᑎᓴᐅᑎᓐ ᐊᓐᑕ ᐊ ᑕᒡ ᒐᒋ ᓂᔅᑐᑎᒥᐃᑥᐤ ᑕᓐ ᐊ ᐃᓯᓇᑯᓂᔨᒋ ᐅᐱᒪᑎᓯᐅᓄᐛᐛ᙮ ᒋᔅᒐᔨᑕᒂᐛ ᒪᒃ ᐊᑯ ᒐ ᓂᑭᑕᒡ ᐅᓂᑎᐱᔅᒋᓯᐅᓂᔪᐤ ᐊᑯ ᐛᔅᑕᐅᓂᔪᐤ ᒐ ᓇᑕᒡ᙮ ᑭᔭ ᒐ ᓂᑭᑕᒺᒡ ᒥᒋᒥᓂᑐᐛ ᐅᓱᐧᑲᑎᓯᐅᓂᔪᐤ ᐃᔭᐱᒡ ᒋᓴᒪᓂᑐᐛ ᐅᓱᐧᑲᑎᓯᐅᓂᔪᐤ ᒐᒋ ᓇᑎᒺᒡ᙮ ᐊᑯ ᒪᒃ ᑕᑈᔭᔨᒥᑥᐛ ᒐ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ᙮ ᐊᑯ ᒪᒃ ᒐ ᒥᓯᓇᓱᒡ ᑭᔭ ᐎᔨᐛᐤ ᐊᓐᑕ ᒪᓯᓇᓱᐎᒋ ᒋᓴᒪᓂᑐᐛ ᐅᑦ ᐃᔨᒥᔪᐛ ᐊᓂᔭᔪᐛ ᑲ ᐅᑎᓇᔨᒋ᙮’ ”

1 ᑯᕆᓐᑎᔭᓇ 1:8

ᐎᔾ ᒋᑭ ᐎᒋᐃᑯᐛᐤ ᒧᔅ ᒐᒋ ᓱᒋᑲᐳᐅᐛᒄ ᑕᑈᑎᒧᐅᓂᒡ ᑭᔭ ᓇᒪ ᒋᑭ ᐅᒋ ᑎᑯᓐ ᑕᓐ ᒐ ᐃᓯ ᐊᑕᒪᔨᑕᑯᓯᔭᒄ ᐃᔅᐱ ᐅᑎᒋᐱᔨᒐ ᐊᓂᔭ ᐊ ᒋᓯᑲᔨᒡ ᒐ ᑎᑯᓯᐧᒃ ᐅᑎᐸᔨᒋᒐᐤ ᒋᓴᔅ ᙭᙮

1 ᑯᕆᓐᑎᔭᓇ 11:32

ᒥᒄ ᒪᒃ ᐊᓂᔭ ᐊ ᑎᐸᔅᑯᓂᑕᐧᒄ ᐅᑎᐸᔨᒋᒐᐤ, ᐛᔅ ᐊᓐ ᒋ ᐎ ᑯᐃᔅᑯᓂᑯᓄᐤ, ᑭᔭ ᒋᓴᒪᓂᑐᐤ ᐃᔅᐱ ᑎᐸᔅᑯᓇᒐ ᐊᓂᔭ ᐊᑲ ᑕᑈᑎᒥᔨᒋ ᓇᒪ ᒋᑭ ᐅᒋ ᓂᓱᐅᓇᒋᒥᑯᓇᓄᐤ᙮

1 ᑯᕆᓐᑎᔭᓇ 5:13

ᒋᓴᒪᓂᑐᐤ ᐊᐅᒄ ᑕᐸᔅᑯᓇᑦ ᐊᓂᔭᔪᐛ ᐊᑲ ᑕᑈᑎᒥᔨᒋ᙮ ᐃᑎᔅᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᐃᒐᓇᐧᒄ ᐊᓐ ᓇᐸᐤ ᑲ ᒥᒐᑎᓯᑦ ᐊᓐᑕ ᐊ ᑕᔭᒄ ᐊ ᑕᑦ᙮”

2 ᑯᕆᓐᑎᔭᓇ 10:6

ᓂᔅᑎᒻ ᒪᒃ ᒋ ᐎ ᑕᐅᐱᔨᑥᑎᓇᓐ ᒐᒋ ᓄᑯᑕᔭᒄ ᑕᑈ ᐊ ᓂᓇᐃᑐᐛᒄ ᙭᙮ ᐊᑯ ᒪᒃ ᒐ ᐛᐛᓯᐊᒋᒡ ᐊᓐᒡ ᐊᔅᒄ ᐃᔭᐱᒡ ᐊᑲ ᓂᓇᐃᑕᒡ᙮

2 ᑯᕆᓐᑎᔭᓇ 12:7

ᓇᔅᒡ ᑕᑈ ᒋ ᒥᔅᑲᑕᔨᑕᑯᓂᔪᐤ ᑕᓐ ᑲ ᐃᓯ ᐛᐸᑎᔨᑦ ᐅᑎᐸᔨᒋᒐᐤ᙮ ᐊᑲ ᒪᒃ ᒐᒋ ᒋᔅᑕᔨᒧᔭᓐ ᑕᓐ ᑲ ᐃᓯ ᒪᒥᔅᑲᒡ ᐛᐸᑎᔨᑦ ᐅᑎᐸᔨᒋᒐᐤ ᓂᒋ ᐸᒋ ᒥᔨᒄ ᒐᒂᔪᐤ ᐊ ᐅᔅᑐᔅᑲᑯᐅᒡ ᓂᔭᒡ ᒧᔭᒻ ᑲ ᑲᐛᒡ ᓂᐱᓯᔭᑎᒄ ᐊ ᐃᓯ ᑲᐅᔅᑲᑯᑦ ᐊᐛᓐ ᐎᔭᒡ᙮ ᒥᒋᒥᓂᑐᐤ ᒋ ᐱᔅᑎᓇᑭᓄᐤ ᒐᒋ ᐸᒋ ᒥᑯᔅᑲᑎᔅᑯᐅᑦ ᐊᑲ ᒥᔅᑎ ᒐᒋ ᐃᑕᔨᒥᓱᔭᓐ᙮

2 ᑯᕆᓐᑎᔭᓇ 13:10

ᐅ ᒋᑦ ᐃᑎᓯᓇᐊᒪᑎᓇᐛᐤ ᐊᔅᒄ ᒪᒂᒡ ᐅᑕ ᐊ ᑕᔭᓐ ᑭᔭ ᐃᔅᐱ ᒥᓐ ᐛᐱᒥᑎᑯᒐ ᓇᒪ ᒋᑭ ᐅᒋ ᑎᑯᓐ ᒐᒂᓐ ᒐ ᐅᒋ ᒥᔅᑎ ᐊᓏᔨᒥᑎᑯᒡ ᒐᒋ ᓄᑯᑕᔭᓐ ᑕᓐ ᑲ ᐃᓯ ᒥᔨᑯᔭᓐ ᑎᐸᔨᒋᒐᐅᓐ᙮ ᐅᑎᐸᔨᒋᒐᐤ ᓂᒋ ᒥᔨᒄ ᐅᔭ ᑎᐸᔨᒋᒐᐅᓂᔪᐤ ᒐᒋ ᐎᒋᐃᑎᑯᒡ ᓇᒪ ᐎ ᒐᒋ ᓂᑕᐅᑎᑯᒡ᙮

ᐱᓕᐱᔭᓇ 1:6

ᓂ ᒐᔅᑎᓇᐅᓐ ᒪᒃ ᒋᓴᒪᓂᑐᐤ ᒐᒋ ᒋᔅᑕᑦ ᑕᓐ ᑲ ᐃᓯ ᒋᒋᒥᔪᓇᑯᑕᑦ ᒋᐱᒪᑎᓯᐅᓄᐛᐛ ᐃᔅᐱ ᑲ ᐱᒪᒋᐃᑕᒄ ᑭᔭ ᒐ ᐎᒋᐃᑕᒄ ᐊᑎᑐᐤ ᒐᒋ ᐊᑎ ᓂᑕᐅᒍᐛᒄ ᐱᐃᒻ ᐊᓂᔭᔪᐤ ᐊ ᒋᓯᑲᔨᒡ ᑎᑯᓯᓂᔨᒐᓂ ᒋᓴᔅ ᙭ᑕ᙮

1 ᑎᒧᑎ 1:20

ᐊᑯᑕ ᑲ ᐃᓯ ᓴᐧᑯᒋᐱᑕᑭᓄᐎᒡ ᐃᒥᓇᔭᔅ ᑭᔭ ᐊᓕᒃᓴᓐᑕᕐ᙮ ᒥᒋᒥᓂᑐᐤ ᒪᒃ ᓂᒋ ᐱᔅᑎᓱᐛᑕᐤ ᒐᒋ ᓂᓇᐧᑲᑕᔨᑎᒥᐊᑦ ᐅᔭ᙮ ᐱᑯᓴᔨᑕᑯᓂᔪᐤ ᒪᒃ ᐊᓐᑕ ᒐᒋ ᐅᒋ ᒋᔅᒐᔨᑕᒡ ᒐ ᐊᑲ ᒋ ᐸᔅᑕᒧᒡ᙮

2 ᑎᒧᑎ 1:18

ᑭᒪ ᒋ ᓄᑯᑥᑯᑦ ᐅᑎᐸᔨᒋᒐᐛ ᐊ ᒋᔅᑎᒪᒐᔨᒥᑯᑦ ᐊᓐᑕ ᐊᓂᔭ ᐊ ᒋᓯᑲᔨᒡ ᙭ᑕ ᒥᓐ ᑎᑯᓯᓂᔨᒐᓂ᙮ ᑭᔭ ᒋ ᒋᔅᒐᔨᑎᒺᓐ ᑕᓐ ᑲ ᐃᔅᐱᔅ ᒋ ᒥᔪᑐᑎᒧᐅᑦ ᐊᓐᑕ ᒪᒂᒡ ᐃᐱᓴᔅ ᑲ ᑕᐅᒡ᙮

2 ᐱᑕᕐ 3:12

ᑭᔭ ᐊ ᐱᑯᓴᔨᑎᒪᒄ ᒋᓴᒪᓂᑐᐤ ᐅᒋᓯᑲᒻ ᒐ ᐅᑎᒋᐱᔨᒡ᙮ ᓱᒃ ᒋᐸ ᐊᑐᔅᑯᐛᐛᐤ ᒋᓴᒪᓂᑐᐤ ᐎᐱᒡ ᒐᒋ ᐅᑎᒋᐱᔨᒡ ᐊᓂᔭ ᐅᒋᓯᑲᒻ᙮ ᐛᔅ ᐊᓐ ᐊ ᒋᓯᑲᒡ ᒥᓯᐛ ᒋᓯᒂ ᒋᑭ ᐊᑎᑎᔅᑕᐛ ᑭᔭ ᒋᑭ ᓂᓱᐅᓇᑎᓇ᙮ ᐊᑯ ᒥᓯᐛ ᐊᓂᔭ ᐛᔅᑕᐅᓇ ᐊᓐᑕ ᒋᓯᑯᒡ ᑲ ᑎᒂᒋ ᒋᑭ ᐊᑎᑎᔅᑕᐛ ᒐ ᐃᔅᐱᔅ ᐛᓴ ᒥᔅᑎ ᒥᓯᑕᐱᔨᒡ ᐃᔅᑯᑕᐤ ᒥᓯᐛ ᐊᓐᑕ ᒋᓯᑯᒡ᙮

1 ᒠᓐ 5:16

ᐊᐛᓐ ᐛᐱᒪᒐ ᐎᐧᑲᓂᓴ ᐊ ᒥᒋᑐᑎᒥᔨᒋ ᐊᑲ ᒪᒃ ᓂᐳᐅᓂᒡ ᐃᑐᑕᐃᑯᔨᒋ ᐊᓂᔭ ᑲ ᐃᓯ ᒥᒋᑐᑎᒥᔨᒋ, ᒋᐸ ᐊᔭᒥᐊᔅᑎᒧᐛᐤ, ᑭᔭ ᒐ ᒥᔨᑯᔨᒋ ᒋᓴᒪᓂᑐᐛ ᐱᒪᑎᓯᐅᓂᔪᐤ᙮ ᐊᐅᑯᓐ ᒐ ᐃᔅᐱᔨᒋ ᐊᓂᔭᔪᐛ ᐊᑲ ᓂᐳᐅᓂᒡ ᐃᑐᑕᐃᑯᔨᒋ ᐊᓂᔭ ᑲ ᐃᓯ ᐅᓂᑐᑎᒥᔨᒋ᙮ ᒥᒄ ᒪᒃ ᑎᑯᓐ ᒥᒋᑥᐅᓐ ᒐ ᐃᑐᑕᐃᑯᑦ ᐊᐛᓐ ᓂᐳᐅᓂᒡ᙮ ᐅᔭ ᒪᒃ ᐃᓯ ᒥᒋᑐᑕᒐ ᐊᐛᓐ, ᐊᑯᔅ ᐊᑲ ᐊᔭᒥᐊᔅᑎᒧᐤ᙮