1 ᑯᕆᓐᑎᔭᓇ 5:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᓂᒋ ᐎᑎᒪᑯᐅᓐ ᐊ ᑕᑦ ᐊᐛᓐ ᐊᓐᑕ ᐊ ᑕᔭᒄ ᓂᑐᐎᔾ ᐊ ᐃᑕᑎᓯᑦ᙮ ᓇᒪ ᐛᐛᒡ ᐊᓐᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ ᒋᐸ ᐅᒋ ᐃᓯ ᐱᒪᑎᓯᐅᒡ ᑕᓐ ᐊ ᐃᓯ ᐱᒪᑎᓯᔨᒋ ᐊᓂᔭᔪᐛ ᓇᐸᐛ᙮ ᓂᒋ ᐎᑎᒪᑯᐅᓐ ᐅᑕᐎᔭ ᐎᐎᐛ ᐊ ᐎᒋᒪᑦ ᐊᓐ ᓇᐸᐤ᙮

1 ᑯᕆᓐᑎᔭᓇ 5:1 Iomraidhean Croise

ᒐᓂᓯᔅ 35:22

ᒪᒂᒡ ᑲ ᐎᒋᒡ ᐊᓐᑕ ᐃᑕᐅᓂᒡ, ᕈᐱᓐ ᒋ ᐎᐸᒪᐤ ᐱᓚᔨᒋ, ᐸᐃᒄ ᐅᑕᐎᔭ ᐎᑎᒧᓯᔪᐛ᙮ ᓇᓇᒐ ᒋ ᐸᑎᒻ ᒐᑭᑉ ᑲ ᐃᑎᔨᒋ ᕈᐱᓇ᙮ ᐊᐅᑯᔪᐤ ᐅᔭ ᑲ ᐃᓯᓂᐧᑲᓱᔨᒋ ᑲ ᓂᓱᓴᐳᔨᒋ ᒐᑭᑉ ᐅᑯᓴ᙮

ᒐᓂᓯᔅ 37:2

ᐊᐅᑯᐤ ᐊ ᐃᓯ ᑎᐸᒋᒪᑭᓄᐅᑦ ᒐᑭᑉ ᐅᑦ ᐊᓂᔅᑯᑕᐸᓇ᙮ ᒍᓯᐸ ᒋ ᐅᑯᓱᐤ᙮ ᐃᔅᐱ ᓂᔄᐅᑕᒡ ᑕᑐᓴᑉ ᑲ ᐃᑕᑐᐳᓇᓯᑦ ᒍᓯᑉ, ᒋ ᐎᒋ ᐊᑐᔅᒐᒪᐤ ᐱᔅᒐ ᐎᐧᑲᓂᓴ, ᐱᓚ ᑭᔭ ᓯᓪᐸ ᐅᑯᓯᔪᐛ᙮ ᒪᒧᐤ ᒋ ᑭᓄᐛᔨᒪᐅᒡ ᐅᑕᐎᐛᐛ ᐅᑦ ᐊᐛᓯᓯᒥᔪᐛ᙮ ᓇᓇᒐ, ᒋ ᐎᑎᒧᐛᐤ ᐅᑕᐎᔭ ᐊ ᐃᓯ ᒥᒋ ᐃᑎᔨᒋ ᐎᐧᑲᓂᓴ᙮

ᒐᓂᓯᔅ 49:4

ᐛᔅ ᒧᔭᒻ ᐊᑲ ᒋᑲᐛᑕᔨᑕᒂᒡ ᐊ ᐃᔅᒋᐸᒡ ᒂᑕᔨᑕᑯᓯᔨᓐ, ᒥᒄ ᓇᒪ ᓴᔅ ᒋᑭ ᒋ ᒥᔅᑎ ᐃᔅᐱᑕᔨᑕᑯᓯᓐ, ᐛᔅ ᔅᒋ ᐎᐸᒪᐤ ᓂᐅ ᑭᔭ ᔅᒋ ᐅᓂᑐᑕᓐ ᓂᓂᐸᐅᓂᒡ᙮

ᐊᑈᔅᑕᓇᒡ 15:20

ᒋᐸ ᒥᓯᓇᐊᒧᐛᓄᐅᒡ ᐅᒡ ᐊ ᐎᑎᒧᐛᐧᑯᒡ ᐅᔭ ᒐᒋ ᐃᓯ ᓂᓇᑭᑐᐛᔨᑕᒡ᙮ ᒐ ᐊᑲ ᒋ ᒧᐛᒡ ᐊᐛᓯᓴ ᐊᒋ ᒥᑐᔅᑕᐊᒧᐛᑭᓄᔨᒋ ᒥᓂᑐᐧᑲᓇ, ᑭᔭ ᐊᐛᓯᓴ ᐊᒋ ᒋᐳᑕᒪᐱᐧᑲᑕᑭᓄᔨᒋ ᒪᒃ ᑭᔭ ᒥᐧᑯᔪᐤ ᒐᒋ ᒥᒋᒡ ᑭᔭ ᐊᑲ ᐎᓂᓱᐅᓂᒡ ᒐᒋ ᐃᓯ ᐱᒪᑎᓯᒡ᙮

ᐊᑈᔅᑕᓇᒡ 15:29

ᒐ ᐊᑲ ᒋ ᒧᐛᒄ ᐊᐛᓯᔅ ᐊᒋ ᒥᑐᔅᑕᐊᒧᐛᑭᓄᐅᑦ ᒥᓂᑐᐧᑲᓐ, ᒐ ᐊᑲ ᒋ ᒥᒍᐛᒄ ᐅᒥᐧᒄ ᑭᔭ ᒐ ᐊᑲ ᒋ ᒧᐛᑯᒡ ᐊᓐᒡ ᐊᐛᓯᓯᒡ ᐊᒋ ᒋᐳᑕᒪᐱᐧᑲᑕᑭᓄᐎᒡ ᑭᔭ ᐊᑲ ᐎᓂᓱᐅᓂᒡ ᒐᒋ ᐃᓯ ᐱᒪᑎᓯᔭᒄ᙮ ᒋᑭ ᒥᔪᐱᔨᓇᐛᐤ ᐃᑐᑎᒪᒂ ᐅ ᑲ ᐃᑎᓱᒥᑕᒡ᙮ ᒋ ᐛᒋᔭᒥᑎᓇᓐ ᒪᒃ ᒥᓯᐛ ᐊ ᑎᓯᔭᒄ᙮ ᐛᒋᔭ᙮”

1 ᑯᕆᓐᑎᔭᓇ 1:11

ᓂᐧᑲᓂᓯᑐᒄ, ᑲᓗᐃ ᑲ ᐃᓯᓂᐧᑲᓱᔨᒋ ᐃᔎᐛ ᐊ ᑕᔨᒋ ᐊ ᐅᑐᑕᒡ ᐊᐛᓐᒋ ᓂᒋ ᐃᑕᒋᒧᔅᑕᑯᒡ ᐊ ᒪᒥᒋᐱᔭᒄ ᐊᓐᑕ ᒪᒂᒡ ᐊ ᑕᔭᒄ᙮

1 ᑯᕆᓐᑎᔭᓇ 5:11

ᒥᓐ ᒪᒃ ᐸᐃᒂᐤ ᓂᑭ ᒥᓯᓇᐊᓐ ᒐᔅᑎᓇᔅ ᒐᒋ ᓂᔅᑐᑎᒪᒄ ᐊᐛᓐᒋ ᑲ ᐊᔨᒧᒥᒂᐤ᙮ ᐊᑲᐎᔾ ᐎᒐᐛᑭᓂᒄ ᐊᐛᓐ ᐊ ᐃᔅᒋᔄᑦ ᐊ ᑕᑈᔭᔨᒪᑦ ᒋᓴᓴ, ᒥᓯᐛ ᓂᓇᐧᑯᐤ ᐎᓂᓱᐅᓂᒡ ᐊ ᐃᓯ ᐱᒪᑎᓯᒂ, ᐊ ᒧᔅᑕᓂᒪᒐᒂ ᒐᒂᔪᐛ ᑭᔭ ᒪᒃ ᐊ ᐊᔭᒥᐊᔅᑐᐛᒂ ᒥᓂᑐᐧᑲᓇ ᑭᔭ ᒪᒃ ᓂᑎᒥᒄ ᐊ ᐃᑕᒋᒪᒂ ᐊᐛᔪᐛ, ᑭᔭ ᒪᒃ ᐊ ᐎᒋᐸᒂ ᑭᔭ ᒪᒃ ᐊ ᐎᒋ ᑲᒐᒧᑎᒂ᙮ ᐊᑲᐎᔾ ᐛᐛᒡ ᐎᒋᒥᒋᓱᒪᐧᒃ ᐊᐛᓐ ᐅᔭ ᐊ ᐃᑕᑎᓯᑦ᙮

1 ᑯᕆᓐᑎᔭᓇ 6:13

ᓂᑭ ᒋ ᐃᑎᒄ ᐊᐛᓐ, “ᒋ ᐅᓯᑕᑭᓄᐤ ᒥᒋᒻ ᒥᔅᑭᑕᒡ ᒐᒋ ᑎᒂᒡ᙮ ᐊᑯ ᒥᔅᑭᑎᔾ ᑲ ᐅᓯᑕᑭᓄᐅᒡ ᒐᒋ ᐅᑎᓂᒧᒥᑲᒡ ᒥᒋᒻ᙮” ᑕᑈ ᑭᑈ᙮ ᒥᒄ ᒪᒃ ᑕᐱᔅᑯᓐ ᐅᔭ ᒋᑭ ᓂᓱᐅᓇᒋᑕᐤ ᒋᓴᒪᓂᑐᐤ᙮ ᑕᐸ ᐎᓂᓱᐅᓂᒡ ᒋᐸ ᐅᒋ ᐃᓯ ᐊᐱᒋᑕᓇᓄᐤ ᒋᔭᓄᐛ᙮ ᐅᑎᐸᔨᒋᒐᐤ ᐊ ᐊᑐᔅᑯᐛᐧᒄ ᒋᐸ ᐃᑕᐱᒋᑕᓇᓄᐤ ᐛᔅ ᐎᔾ ᑎᐸᔨᑎᒻ ᒋᔭᓄᐛ᙮

1 ᑯᕆᓐᑎᔭᓇ 6:18

ᒋᑎᓯᒧᑎᒥᒄ ᐎᓂᓱᐤ ᐱᒪᑎᓯᐅᓐ᙮ ᑯᑎᑲ ᒥᒋᑐᑎᒧᐅᓇ ᓇᒪ ᐎᔭᔅᑐᑕᒐᒥᑭᓇ ᒥᔭᒡ᙮ ᐎᓂᓱᐅᓂᒡ ᐊ ᐃᓯ ᐱᒪᑎᓯᑦ ᐊᐛᓐ ᐎᔾ ᑎᐱᔨᐛ ᐎᔪᐤ ᐅᓂᑐᑎᒻ᙮

1 ᑯᕆᓐᑎᔭᓇ 6:9

ᐊᑲᐎᔾ ᐎᔭᓯᐃᓱᒄ᙮ ᒋ ᒋᔅᒐᔨᑕᓇᐛᒐ ᐊᓐᒡ ᐊᐛᓐᒋ ᑲ ᒥᒐᑎᓯᒡ ᓇᒪ ᒋᑭ ᐅᒋ ᒥᔨᑯᐅᒡ ᒋᓴᒪᓂᑐᐛ ᐊᓐᑕ ᐅᒋᓴᐅᒋᒪᐅᓂᔨᒡ ᒐᒋ ᑕᒡ᙮ ᒪᒃ ᐊᓐᒡ ᐊᐛᓐᒋ ᒥᓯᐛ ᐎᓂᓱᐅᓂᒡ ᑲ ᐃᓯ ᐱᒪᑎᓯᒡ, ᑭᔭ ᒪᒃ ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ, ᑭᔭ ᒪᒃ ᐊᓐᒡ ᑲ ᐅᓂᑐᑐᐛᒡ ᐅᐎᒋᒪᑭᓄᐛᐛ ᑭᔭ ᒪᒃ ᐊᓐᒡ ᑲ ᒋᓯᐧᑯᐛᑭᓄᐎᒡ ᓇᐸᐅᒡ ᐊ ᐎᐸᒪᑭᓄᐎᒡ ᑭᔭ ᒪᒃ ᐊᓐᒡ ᓇᐸᐅᒡ ᑲ ᐎᐸᒥᑐᒡ, ᑭᔭ ᐃᔎᐅᒡ ᑲ ᐎᐸᒥᑐᒡ᙮

2 ᑯᕆᓐᑎᔭᓇ 12:21

ᓂᑯᔅᐱᓇᔨᑕᓐ ᒥᓐ ᒧᐱᔅᑕᑎᑯᒐ ᒋᓴᒪᓂᑐᐤ ᒐ ᐃᑐᑕᐧᒃ ᒐᒋ ᓴᒂᔨᒥᑎᑯᒡ ᐛᐱᒥᑎᑯᒐ᙮ ᓇᔅᒡ ᑕᑈ ᓂᑭ ᒥᓯᒪᔨᑎᒥᐃᑯᒡ ᐊᓐᒡ ᑲ ᒥᒋᑐᑕᒡ ᐊᓐᑕ ᐅᑕᒡ ᐊᑲ ᒪᒃ ᐅᒋ ᒥᑕᒋᔨᐛᔨᑕᒡ ᑭᔭ ᐊᑲ ᐅᒋ ᓂᑭᑕᒡ ᑕᓐ ᑲ ᐃᓯ ᒥᒋᑐᑕᒡ, ᐊᓐᒡ ᐊᑲ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᑲ ᒥᑕᒋᔨᐛᔨᑕᒡ ᑕᓐ ᑲ ᐃᔅᐱᔅ ᐊᑲ ᐅᒋ ᐸᔭᒋ ᐱᒪᑎᓯᒡ ᑭᔭ ᑕᓐ ᑲ ᐃᔅᐱᔅ ᒋ ᐎᓂᓱᐤ ᐱᒪᑎᓯᒡ ᑭᔭ ᑲ ᐃᔅᐱᔅ ᒋ ᐃᑐᑕᒡ ᐎᓂᓱᐅᓂᔪᐤ᙮

2 ᑯᕆᓐᑎᔭᓇ 2:5

ᐊ ᐃᑕᒂ ᐊᐛᓐ ᐊᒋ ᒥᓯᒪᔨᑎᒥᐊᑦ ᐊᐛᔪᐛ, ᓇᒪ ᓂᔾ ᓂ ᐅᒋ ᒥᓯᒪᔨᑎᒥᐃᒄ᙮ ᒋᔨᐛᐤ ᒪᒃ ᒥᓯᐛ ᐊ ᑎᓯᔭᒄ ᒋ ᑎᑯᓂᔪᐤ ᑕᓐ ᑲ ᐃᓯ ᒥᓯᒪᔨᑎᒥᐃᑕᒄ᙮ ᓇᒪ ᐊᑐᐎᔅ ᓂ ᐎ ᐊᔨᒧᑕᓐ ᐅ᙮

2 ᑯᕆᓐᑎᔭᓇ 7:12

ᓇᒪᐎᔾ ᐊᓐ ᐊᐛᓐ ᑲ ᒥᒋᑐᑕᐧᒃ ᒪᒃ ᐊᓂᔭᔪᐛ ᐊᐛᔪᐛ ᑲ ᐅᓂᑐᑕᑯᑦ ᐛᒋ ᒥᓯᓇᐊᒪᑎᑯᒡ᙮ ᔅᒋ ᒥᓯᓇᐊᒪᑎᓇᐛᐤ ᒐᒋ ᐛᐸᑎᔨᑕᒄ ᒋᓴᒪᓂᑐᐤ ᑕᓐ ᐊᔅᐱᔅ ᐊᐱᑕᔨᒥᔭᒡ᙮

ᑲᓚᓯᔭᓇ 5:19

ᐱᔭᑭᔅᒡ ᓂᔅᑐᓇᑯᓂᔪᐤ ᑕᓐ ᐊ ᐃᑎᑦ ᐊᐛᓐ ᓂᑎᒥᒄ ᑲ ᐎ ᐃᓯ ᓂᓇᐊᔨᑎᒥᐃᓱᑦ᙮ ᒥᔽᔨᑎᒻ ᐊ ᐱᓯᒂᑎᓯᑦ, ᐊ ᐎᓂᓱᐤ ᐃᑎᑦ, ᐊ ᐎᓂᓱᐤ ᐱᒪᑎᓯᑦ, ᐊ ᐎᓂᓱᐤ ᒪᒥᑐᓇᔨᑕᐧᒃ,

ᐃᐱᓯᔭᓇ 5:3

ᒋᔨᐛᐤ ᐊ ᑕᑈᑎᒪᒄ ᓇᒪ ᓇᔅᒡ ᒋᐸ ᐅᒋ ᑎᑯᓐ ᐎᓂᓱᐅᓐ ᐊᓐᑕ ᐊ ᑕᔭᒄ᙮ ᓇᒪ ᑭᔭ ᒋᐸ ᐅᒋ ᑎᑯᓐ ᓂᑎᒥᒄ ᐃᑐᐅᓐ ᑭᔭ ᒧᔅᑕᓇᔨᑎᒧᐅᓐ᙮

ᑯᓚᓯᔭᓇ 3:5

ᓂᓱᐅᓇᒋᑕᒄ ᒥᒐᑎᓯᐅᓐ ᑕᓐ ᐊ ᐃᓯ ᑎᒂᒡ ᒋᐱᒪᑎᓯᐅᓄᐛᒡ᙮ ᓂᓱᐅᓇᒋᑕᒄ ᐎᓂᓱᐤ ᐱᒪᑎᓯᐅᓐ, ᐎᓂᓱᐤ ᒪᒥᑐᓇᔨᑎᒧᐅᓐ, ᒥᒋ ᓂᑐᐛᔨᑎᒧᐅᓐ, ᑭᔭ ᐊᓐ ᐊ ᒧᔅᑕᓇᔨᑎᒪᒄ ᒐᒋ ᐛᔪᐅᒡ ᐊᔭᔭᒄ ᒐᒂᓐ ᐅᑕ ᐊᔅᒋᒡ᙮ ᐊᓐ ᐊᐛᓐ ᒧᔅ ᑲ ᒧᔅᑕᓇᔨᑕᐧᒃ ᒐᒋ ᐛᔪᐅᒡ ᐊᔭᑦ ᒐᒂᔪᐛ ᒧᔭᒻ ᐊ ᐅᒥᓂᑐᐧᑲᓂᒥᑦ ᐊᓂᔭ ᒐᒂᔪᐛ ᐃᓯᓇᑯᓂᔪᐤ᙮

1 ᑕᓴᓗᓂᔭᓇ 4:7

ᐛᔅ ᑕᐸ ᒋ ᐅᒋ ᑕᑈᑎᑯᓄᐤ ᒋᓴᒪᓂᑐᐤ ᐎᓂᓱᐛᑎᓯᐅᓂᒡ ᒐᒋ ᐃᓯ ᐱᒪᑎᓯᐛᐧᒄ᙮ ᐸᔭᒋᓯᐅᓂᒡ ᒋ ᓂᑐᐛᔨᒥᑯᓄᐤ ᒐᒋ ᐃᓯ ᐱᒪᑎᓯᐛᐧᒄ᙮

ᒋᔅᒐᔨᑕᑯᑕᒐᐅᓐ 2:21

ᓂᒋ ᐊᓱᐛᐱᒪᐤ ᒪᒃ ᒐᒋ ᒂᔅᑲᑎᓯᑦ, ᓇᒪ ᒪᒃ ᐅᒋ ᐎ ᓂᑭᑎᒻ ᐅᐎᓂᓱᐛᑎᓯᐅᓐ᙮

ᒋᔅᒐᔨᑕᑯᑕᒐᐅᓐ 21:8

ᐊᑯ ᐊᓐᒡ ᐊᐛᓐᒋ ᐊᑲ ᓱᒋᔅᑕᐊᒡ ᒐᒋ ᐎᑕᒡ ᐊ ᑕᑈᔭᔨᒪᒡ ᒋᓴᓴ, ᐊᓐᒡ ᑲ ᒋᐛᑲᐳᔅᑕᒡ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᓴ, ᐊᓐᒡ ᓇᔅᒡ ᑲ ᒥᒐᑎᓯᒡ, ᐊᓐᒡ ᑲ ᓂᐸᐊᒡ ᐊᐛᔪᐛ, ᐊᓐᒡ ᓂᓇᐧᑯᐤ ᑲ ᐃᓯ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐛᑎᓯᒡ, ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᒥᒋ ᐃᔅᑯᑕᐤ ᓴᑲᐃᑭᓂᒡ ᒋᑭ ᐃᓯ ᐛᐱᓇᑭᓄᐎᒡ᙮ ᐊᐅᒄ ᐅ ᓂᓱ ᓂᐳᐅᓐ᙮”