1 ᑯᕆᓐᑎᔭᓇ 4:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐸᐃᒄ ᒐᒂᔪᐤ ᑕᑈ ᐊ ᐃᓯ ᓂᑐᐛᔨᑕᑯᓯᒡ ᒐᒋ ᐃᑕᔨᑕᑯᓯᒡ ᐅᒡ ᐅᔭ ᑲ ᐃᓯ ᒥᔭᑭᓄᐎᒡ ᒐᒋ ᐃᑕᐱᑎᓯᒡ ᐊᐅᒄ ᒐᒋ ᒐᔅᑎᓇᑕᔨᑕᑯᓯᒡ ᑕᑈ ᒐᒋ ᑐᑕᒡ ᑕᓐ ᐊ ᐃᑎᓱᒥᑯᒡ ᐅᒋᒪᒧᐛᐛ᙮

1 ᑯᕆᓐᑎᔭᓇ 4:2 Iomraidhean Croise

ᒪᑎᔪᐤ 25:21

“ ‘ᑕᑈ ᒋ ᒥᔪᑐᑕᓐ ᑭᔭ ᑕᑈ ᒋ ᒥᔪ ᐊᐱᑎᓯᓐ,’ ᒋ ᐃᑎᑯᐤ ᐊᓂᔭ ᐅᒋᒪᒪ᙮ ‘ᑯᐃᔅᒄ ᐊᒋ ᐃᓯ ᐊᑐᔅᒐᔅᑎᒥᓐ ᐊᓐ ᐊ ᐊᐱᓴᓯᒡ ᑕᓐ ᑲ ᐃᓯ ᐱᑯᓴᔨᒥᑯᔨᓐ ᐊᑯ ᐊᑐᐎᔅ ᐊ ᒥᓴᒋ ᒐᒂᔪᐛ ᒐ ᐱᔅᑎᓂᒪᑯᔨᓐ ᒐᒋ ᐅᒋᒪᐧᑲᑎᒥᓐ᙮ ᐊᔅᑎᒻ ᐸᒋ ᐱᒐ, ᒐ ᐸᒋ ᐎᒋᐃᔨᓐ ᑕᓐ ᐊ ᐃᓯ ᒥᔽᔨᑎᒪᓐ᙮’ ”

ᒪᑎᔪᐤ 25:23

‘ᑕᑈ ᒋ ᒥᔪᑐᑕᓐ ᑭᔭ ᐊᔪᐛᒡ ᑲ ᒥᔪ ᐊᐱᑎᓯᔨᓐ’ ᒋ ᐃᑎᑯᐤ ᐊᓂᔭ ᐅᒋᒪᒪ᙮ ‘ᑯᐃᔅᒄ ᐊᒋ ᐃᓯ ᐊᑐᔅᒐᔅᑎᒥᓐ ᐊᓐ ᐊ ᐊᐱᓴᓯᒡ ᑕᓐ ᑲ ᐃᓯ ᐱᑯᓴᔨᒥᑯᔨᓐ, ᐊᑐᐎᔅ ᐊ ᒥᓴᒋ ᒐᒂᔪᐛ ᒋᑭ ᐱᔅᑎᓂᒪᑯᐅᓐ ᒐᒋ ᐅᒋᒪᐧᑲᑎᒥᓐ᙮ ᐊᔅᑎᒻ ᐸᒋ ᐱᒐ, ᒐ ᐸᒋ ᐎᒋᐃᔨᓐ ᑕᓐ ᐊ ᐃᓯ ᒥᔽᔨᑎᒪᓐ᙮’ ”

ᓗᒃ 12:42

ᐅᑎᐸᔨᒋᒐᐤ ᒋ ᐃᔅᒋᔄᐤ, “ᐊᐱᒋᐊᑭᓐ ᑯᐃᔅᒄ ᑲ ᐃᑐᑕᐧᒃ ᐅᑦ ᐊᑐᔅᒐᐅᓐ ᑭᔭ ᑲ ᐃᑈᐧᑲᑦ ᐊᐅᒄ ᒐ ᐅᑎᓂᑯᑦ ᐅᒋᒪᒪ ᐎᔾ ᒐᒋ ᐅᒋᒪᐧᑲᑐᐛᑦ ᒥᓯᐛ ᐊᓂᔭ ᑯᑎᑲ ᐊᐱᒋᐊᑭᓇ ᑭᔭ ᒐᒋ ᓂᓇᑭᑐᐛᔨᑕᒺᑦ ᐊᓂᔭ ᒐᒋ ᐃᓯ ᐊᓯᒪᑭᓄᔨᒋ ᐃᔅᐱ ᐅᑎᒋᐱᔨᒐ ᒐ ᐊᓯᒪᑭᓄᔨᒋ᙮

1 ᑯᕆᓐᑎᔭᓇ 4:1

᙭ ᐅᑦ ᐊᐱᒋᐊᑭᓇ ᒋᐸ ᐃᓯ ᑭᓄᐛᐱᒥᓇᓐ, ᐊᓐᒡ ᑲ ᒥᔭᑭᓄᐎᒡ ᒐ ᐊᓱᐤ ᒋᔅᑯᑎᒪᒐᒡ ᐊᓂᔭ ᒐᒂᔪᐛ ᐊᔅᒄ ᐊᑲ ᐅᒋ ᐎᑕᑭᓄᔨᒋ, ᐊᓂᔭᔪᐛ ᒋᓴᒪᓂᑐᐤ ᐊ ᑕᑦ ᑲ ᐅᒋᐱᔨᒋ᙮

1 ᑯᕆᓐᑎᔭᓇ 4:17

ᐊᐅᒄ ᐛᒋ ᐃᑎᓴᐅᒃ ᑎᒧᑎ ᐊᓐᑕ ᐊ ᑕᐛᒄ᙮ ᒧᔭᒻ ᓂᑯᔅ ᒋᓴᒪᓂᑐᐤ ᐊᒋ ᐸᒋ ᒥᔨᑦ ᓂᑦ ᐃᑕᔨᒪᐤ, ᓇᔅᒡ ᓂ ᓴᒋᐊᐤ᙮ ᒧᔅ ᑯᐃᔅᒄ ᐃᑐᐤ᙮ ᓂᑐᐛᔨᒪᐤ ᒐᒋ ᒋᔅᒋᓱᒥᑕᒄ ᑕᓐ ᐊ ᐃᓯ ᐱᒪᑎᓯᐅᒡ ᙭ᑕ ᐃᔅ ᐊ ᑕᔨᒋ ᑭᔭ ᐊᓂᔭ ᐊ ᐃᓯ ᒋᔅᑯᑎᒪᒐᐅᒡ ᒥᓯᐛ ᒐᒋ ᐎᑕᐧᒃ ᒪᒂᒡ ᒥᓯᐛ ᐊᓐᑕ ᐊ ᐊᑎ ᑕᔨᒋ ᐅᒪᒧᐊᔭᒥᐊᐛ᙮

1 ᑯᕆᓐᑎᔭᓇ 4:3

ᐊᑯ ᒪᒃ ᐊᓐ ᐊ ᐃᓯᓇᑯᓱᐛᓇ ᑭᔭ ᒪᒃ ᐊᑲ ᐊᓐ ᐊ ᐃᓯᓇᑯᓱᐛᓇ, ᓇᒪ ᒋ ᒋᔅᒐᔨᑕᓇᐛᐤ ᑭᔭ ᓇᒪ ᑯᑎᒃ ᐊᐛᓐ ᒋᔅᒐᔨᑎᒻ᙮ ᓇᒪ ᐛᐛᒡ ᓂᔾ ᓂ ᒋᔅᒐᔨᑕᓐ᙮ ᑕᐸ ᓇᔅᒡ ᓂᑦ ᐊᔨᒪᔨᑎᒥᐃᑯᓐ ᑕᓐ ᐊ ᐃᑕᔨᒥᒂ ᐊᐛᓐ᙮

1 ᑯᕆᓐᑎᔭᓇ 7:25

ᐊᑯ ᒪᒃ ᐊᓐᒡ ᐅᔅᒋᓂᒋᓱᐅᒡ ᐊᑲ ᐅᐎᒋᒪᑭᓂᒡ ᐛ ᐃᔨᒥᐃᒂᐤ᙮ ᐅ ᒪᒃ ᒐ ᐃᓯ ᐎᑎᒪᑎᑯᒡ ᓇᒪ ᐅᑎᐸᔨᒋᒐᐤ ᐅᒋ ᐃᑎᓱᐛᐤ᙮ ᓂᔾ ᐊᐅᑯᓐ ᐊ ᐃᑕᔨᑎᒪᓐ ᒋᐸ ᒥᔽᐤ ᐃᑎᔭᒄ ᐅ ᒐ ᐃᑎᑎᑯᒡ᙮ ᓂ ᒋᔅᑕᔨᑕᑯᓯᓐ ᒪᒃ ᒐᒋ ᑕᑈᐅᒐᔨᒥᔭᒄ ᐛᔅ ᒋᓴᒪᓂᑐᐤ ᓂᒋ ᒋᔅᑎᒪᒐᔨᒥᒄ᙮

2 ᑯᕆᓐᑎᔭᓇ 2:17

ᐱᔅᒐ ᐊᐛᓐᒋ ᑲ ᐱᐸ ᑭᒐᔅᒋᒧᒡ ᒧᔭᒻ ᐊ ᐱᐸ ᐊᑕᐛᐛᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᐅᑯᓐ ᐊ ᐃᓯᓇᑯᓯᒡ, ᐊ ᐎ ᐅᓯᑎᒪᓱᒡ ᓱᓇᔭᔪᐤ ᐊ ᐃᑎᒡ᙮ ᓇᒪ ᐎ ᓂᔭᓐ ᐅ ᓂᑦ ᐃᓯᓇᑯᓯᓇᓐ᙮ ᓂ ᑯᐃᔅᑯᑕᐊᓇᓐ ᑭᔭ ᒋᒋᐛ ᓂᑦ ᐃᑕᔨᑕᓇᓐ ᑕᓐ ᐊ ᐃᑎᓱᒥᔨᒥᑦ ᙭ ᒐᒋ ᐃᓯ ᐊᑐᔅᑯᐅᒋᑦ ᐛᔅ ᓂ ᒋᔅᒐᔨᒥᑯᓇᓐ ᑕᓐ ᐊ ᐃᑐᐅᒋᒡ᙮

2 ᑯᕆᓐᑎᔭᓇ 4:2

ᐊ ᐛᐎᑎᒪᒡ ᐅ ᒥᔽᒋᒧᐅᓐ ᓇᒪ ᒐᒂᓐ ᓂ ᒋᒧᒡ ᐃᑎᓇᓐ᙮ ᒧᔅ ᑯᐃᔅᒄ ᑭᔭ ᒧᓴ ᓂ ᐎᑕᓇᓐ ᒐᒂᓐ᙮ ᓇᒪ ᓂ ᐎ ᐎᔭᓯᒪᓇᓐ ᐊᐛᓐ ᒐᒋ ᐅᒋ ᑕᑈᑕᐧᒃ᙮ ᓇᒪ ᑭᔭ ᓂ ᒪᒧᐱᔨᑕᓇᓐ ᑯᑎᒡ ᒐᒂᓐ ᐊ ᐛᐎᑎᒪᒡ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑯᐃᔅᒄ ᓂ ᐎᑎᒧᐛᓇᓐ ᒥᓯᐛ ᐊᐛᓐ ᑕᑈᐅᓂᔪᐤ ᑭᔭ ᒐ ᒋᔅᒐᔨᑕᒡ ᑕᑈ ᒐᒋ ᑕᑈᑕᒡ ᑕᓐ ᐊ ᐃᓯ ᐛᐎᑎᒧᐅᒋᑦ᙮ ᓂ ᒋᔅᒐᔨᒥᑯᓇᓐ ᒪᒃ ᒋᓴᒪᓂᑐᐤ ᐊ ᑕᑈᐅᒋᑦ᙮

ᑯᓚᓯᔭᓇ 1:7

ᐊᐸᑉᕋᔅ ᒪᒃ ᑲ ᐃᓯᓂᐧᑲᓱᑦ ᓂᐎᒐᐛᑭᓇᓐ ᐊᐅᒄ ᑲ ᒋᔅᒐᔨᑎᒥᐃᑕᒄ ᒋᓴᒪᓂᑐᐛ ᐅᒋᓴᐛᑎᓯᐅᓂᔪᐤ ᑲ ᐛᐎᑎᒪᑕᒄ ᒥᔽᒋᒧᐅᓂᔪᐤ᙮ ᓇᔅᒡ ᑕᑈ ᓂᓴᒋᐎᒐᐛᓇᓐ ᐊ ᐎᒋ ᐊᑐᔅᒐᒥᒋᒡ ᐅ ᐊᐸᑉᕋᔅ᙮ ᒧᔅ ᑯᐃᔅᒄ ᐃᓯ ᐊᑐᔅᑯᐛᐤ ᙭ᑕ ᑭᔭ ᐎᔾ᙮ ᓇᔅᒡ ᑕᑈ ᓂ ᒥᔪ ᐎᒋᐃᑯᓇᓐ ᑕᓐ ᐊ ᐃᓯ ᐊᑐᔅᑯᐛᑦ ᙭ᑕ᙮

ᑯᓚᓯᔭᓇ 4:17

ᑭᔭ ᒐ ᐃᑕᒄ ᐊᕐᑭᐸᔅ ᒐᒋ ᒋᔅᑕᑦ ᐊᓂᔭ ᑲ ᒥᔭᑭᓄᐅᑦ ᒐ ᐃᓯ ᐊᑐᔅᑯᐛᑦ ᐅᑎᐸᔨᒋᒐᐛ᙮

ᑯᓚᓯᔭᓇ 4:7

ᒋᐧᑲᓂᓯᓄᐤ ᑕᐃᑭᑲᔅ ᓇᔅᒡ ᑲ ᓴᒋᒋᒡ ᑭᔭ ᒧᔅ ᑯᐃᔅᒄ ᑲ ᐃᑎᑦ ᐊᔭᒥᐊᐤ ᐊᐱᒋᐊᑭᓐ ᓂ ᐎᒋ ᐊᑐᔅᒐᒥᑯᓇᓐ ᐊ ᐊᑐᔅᒐᔅᑐᐅᒥᒋᒋ ᐅᑎᐸᔨᒋᒐᐛ᙮ ᐎᔾ ᒋᑭ ᑎᐸᒋᒧᔅᑕᑯᐛᐤ ᑕᓐ ᐊ ᐃᑐᐅᒋᒡ᙮