1 ᑯᕆᓐᑎᔭᓇ 4:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐊᑎ ᒪᒃ ᓇᔅᒡ ᐊ ᒥᔅᑎ ᒥᒐᑎᒡ ᐊᓐᒡ ᑲ ᒋᔅᑯᑎᒪᑕᑯᒡ ᐊ ᐛᐎᑎᒪᑕᑯᒡ ᑕᓐ ᒐ ᐃᓯ ᐱᒪᑎᓯᐛᒄ ᐊ ᓇᓴᐅᒪᑯ ᙭ᑕ᙮ ᓂᔾ ᐊ ᐸᐃᑯᓯᔭᓐ ᔅᒋ ᐎᑎᒪᑎᓇᐛᐤ ᒥᔽᒋᒧᐅᓐ᙮ ᐊᑯ ᒪᒃ ᐊ ᐃᓯᓇᒂᒡ ᒧᔭᒻ ᓂᔾ ᐊᒋ ᐊᑎ ᐅᑕᐎᑐᐅᔭᒄ ᙭ ᒋᓴᔅ ᐅᒋ᙮

1 ᑯᕆᓐᑎᔭᓇ 4:15 Iomraidhean Croise

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:20

ᒧᔅ ᓂᒋ ᐃᑕᔨᑕᓐ ᐊᓐᑕ ᐊᔅᒄ ᐊᑲ ᐅᒋ ᐊᔨᒧᑎᒧᐛᑭᓄᐎᒡ ᐊᐛᓐᒋ ᒋᓴᔅ ᙭ᑕ ᐊᑯᑕ ᒥᒄ ᐊᓐᑕ ᒐ ᐛᐎᑎᒪᓐ ᒥᔽᒋᒧᐅᓐ᙮ ᓇᒪ ᓂ ᐅᒋ ᐎ ᐃᑐᑕᓐ ᐊᓐᑕ ᑯᑎᒃ ᐊᐛᓐ ᓴᔅ ᐊᒋ ᒋᒋᐱᔨᑕᑦ ᐊ ᐛᐎᑕᐧᒃ ᒥᔽᒋᒧᐅᓂᔪᐤ᙮

1 ᑯᕆᓐᑎᔭᓇ 1:30

ᐎᔾ ᒋᓴᒪᓂᑐᐤ ᒋ ᓇᐃᐱᔨᑕᐤ ᒐᒋ ᐎᒐᐅᒪᑯ ᒋᓴᔅ ᙭ᑕ᙮ ᒋᓴᔅ ᒪᒃ ᐊ ᑕᑦ ᐅᒋ ᐊᑯᑕ ᐛᒋ ᐊᔭᔭᐧᒄ ᑭᒐᑕᐛᔨᑎᒧᐅᓐ, ᑭᔭ ᑯᐃᔅᑯᑕᑎᓯᐅᓐ, ᑭᔭ ᐸᔭᒋ ᐱᒪᑎᓯᐅᓐ, ᑭᔭ ᐱᒪᒋᐃᑯᓯᐅᓐ᙮

1 ᑯᕆᓐᑎᔭᓇ 15:1

ᐊᑯ ᒪᒃ ᐛ ᒋᔅᒋᓱᒥᑎᑯᒡ, ᓂᐧᑲᓂᓯᑐᒄ, ᐊᓐ ᒥᔽᒋᒧᐅᓐ ᑲ ᐊᔨᒧᑎᒪᓐ ᑲ ᑭᒐᔅᒋᒥᑎᑯᒡ, ᔅᒋ ᑕᑈᑕᓇᐛᐤ ᑭᔭ ᔅᒋ ᐅᑎᓇᓇᐛᐤ ᑕᓐ ᑲ ᐃᓯ ᐎᑎᒪᓐ᙮ ᐊᐅᒄ ᒥᔽᒋᒧᐅᓐ ᐊᔨᒋᑲᐳᐃᑯᔭᒄ᙮

1 ᑯᕆᓐᑎᔭᓇ 3:10

ᒋᓴᒪᓂᑐᐤ ᑲ ᐃᓯ ᒐᓱᐛᑦ ᒥᔪᑐᑎᒧᐅᑦ ᓂᒋ ᐃᑎᒄ ᒐᒋ ᐊᑐᔅᑯᐅᒃ᙮ ᓂᒋ ᐃᓯ ᐊᑐᔅᒐᓐ ᒪᒃ ᒧᔭᒻ ᐊᓐ ᐊᐛᓐ ᓇᔅᒡ ᑲ ᑭᔅᒋᐅᑦ ᐊ ᐅᓯᑕᑦ ᑕᓐᑕ ᒐ ᑕᒋᑲᐳᐎᔨᒡ ᒥᒋᐛᐱᔪᐤ᙮ ᐊᑯ ᒪᒃ ᑯᑎᑭᒡ ᐊ ᐊᑎ ᒋᔅᑕᒡ ᐊᓂᔭ ᑲ ᐃᓯ ᒋᒋ ᐎᔨᑲᐳᐅᑕᐅᒡ᙮ ᒥᒄ ᒪᒃ ᒥᓯᐛ ᐊᓐᒡ ᑲ ᐊᑎ ᐊᑐᔅᒐᔅᑕᒡ ᐊᓂᔭ ᑲ ᐃᓯ ᒋᒋ ᐎᔨᑲᐳᐅᑕᐅᒡ ᔭᐃᑕᔾ ᑯᐃᔅᒄ ᒋᑭ ᐎ ᐃᓯ ᐎᔨᑲᐳᐅᑕᐅᒡ ᐊᓂᔭ ᒥᒋᐛᐱᔪᐤ᙮

1 ᑯᕆᓐᑎᔭᓇ 3:6

ᒧᔭᒻ ᑲᓂᑕᐅᒋᒋᑭᓂᒐᑦ ᐊ ᒋᒋᐱᔨᑕᑦ ᐊ ᓂᑕᐅᒋᑕᑦ, ᐊᐅᑯᓐ ᐊ ᐃᓯᓇᑯᓯᔭᓐ ᓂᔾ, ᐛᔅ ᓂᔾ ᓂᔅᑎᒻ ᔅᒋ ᐎᑎᒪᑎᓇᐛᐤ ᒥᔽᒋᒧᐅᓐ᙮ ᐊᑯ ᒪᒃ ᐊᐳᓚᔅ ᒧᔭᒻ ᐊᓐ ᑲ ᓂᑕᐅᒋᑕᑦ ᒧᔅ ᑲ ᓱᒋᔅᑕᑦ ᐊᓂᔭᔪᐛ ᑲ ᓂᑕᐅᒋᑕᐅᒡ ᐃᓯᓇᑯᓱᐤ᙮ ᐊᑐᐎᔅ ᔅᒋ ᐎᑎᒪᑯᐛᐤ ᑕᓐ ᒋᐸ ᐃᓯ ᐱᒪᑎᓯᐛᓇᐛᐤ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᒥᒄ ᒪᒃ ᒋᓴᒪᓂᑐᐤ ᐊᐅᒄ ᒋᒋᐛ ᐊ ᐃᑐᑕᑕᒄ ᒐᒋ ᒥᔪ ᓂᑕᐅᒍᐛᒄ ᒋᑕᑈᑎᒧᐅᓄᐛᒡ᙮

1 ᑯᕆᓐᑎᔭᓇ 3:8

ᐊᓐ ᐊᐛᓐ ᑲ ᓂᑕᐅᒋᑕᑦ ᑭᔭ ᐊᓐ ᑲ ᓱᒋᔅᑕᑦ ᐊᓂᔭ ᓂᑕᐅᒋᑕᑭᓂᔪᐤ, ᓂᓱ ᐊᑐᔅᒐᐅᒡ᙮ ᑕᐱᔅᑯᓐ ᐊᑐᔅᒐᔅᑎᒧᒡ ᐊᓂᔭ ᓂᑕᐅᒋᑕᑭᓂᔪᐤ᙮ ᒋᓴᒪᓂᑐᐛ ᒪᒃ ᒋᑭ ᑎᐸᐊᒪᑯᐅᒡ ᑕᓐ ᒐ ᐃᓯ ᐊᑐᔅᒐᔅᑎᒺᒂ᙮

1 ᑯᕆᓐᑎᔭᓇ 9:12

ᓇᒪᐎᔾ ᒐᒂᓐ ᒋᑦ ᐃᑕᔨᑕᓇᓄᐤ ᑯᑎᑭᒡ ᐊᐛᓐᒋ ᐊ ᐱᒪᒋᐊᑯᒡ᙮ ᐊᑐᐎᔅ ᒪᒃ ᐃᑕᔨᑕᑯᓐ ᓂᔭᓐ ᒐᒋ ᐱᒪᒋᐃᔭᒡ᙮ ᐊᑎ ᐊ ᐃᑕᔨᑕᒂᒡ ᒐᒋ ᓂᑐᑎᒪᑕᒡ ᒐᒋ ᐎᒋᐃᔨᐊᒡ ᓇᒪ ᐃᔭᐱᒡ ᒋ ᐅᒋ ᑯᒂᒋᒥᑎᓇᓐ᙮ ᐊᑯ ᒪᒃ ᓂᔭᓐ ᐸᒥᐱᔨᐃᓱᔭᒡ ᐛᔅ ᑕᐸ ᓇᓂᑐᐛᔨᑕᓇᓐ ᒐᒂᓐ ᒐᒋ ᒋᐱᔅᑲᑯᔭᒡ ᐊ ᐎ ᐛᐎᑎᒪᒡ ᒥᔽᒋᒧᐅᓐ᙮

1 ᑯᕆᓐᑎᔭᓇ 9:14

ᐊᐅᑯᓐ ᒪᒃ ᒧᔭᒻ ᑲ ᐃᔅᒋᔄᑦ ᐅᑎᐸᔨᒋᒐᐤ ᒐ ᐃᑐᑐᐛᑭᓄᔨᒋ ᐊᓂᔭᔪᐛ ᑲ ᐛᐎᑎᒥᔨᒋ ᒥᔽᒋᒧᐅᓂᔪᐤ᙮ ᒋ ᐃᑎᓱᐛᐤ ᒐᒋ ᒥᔭᑭᓄᔨᒋ ᒐᒂᔪᐤ ᒐᒋ ᐅᒋ ᐱᒪᒋᐃᓱᔨᒋ᙮

1 ᑯᕆᓐᑎᔭᓇ 9:16

ᓇᒪ ᒪᒃ ᐃᓯᓇᑯᓐ ᒐᒋ ᓴᒂᔨᒧᔭᓐ ᐊ ᑭᒐᔅᒋᒧᔭᓐ ᐊ ᐛᐎᑎᒪᓐ ᒥᔽᒋᒧᐅᓐ᙮ ᐛᔅ ᐊᐅᑯᓐ ᑲ ᐃᑎᓱᒥᑯᐅᔭᓐ ᒐᒋ ᐃᑎᔭᓐ᙮ ᒋᑭ ᑎᑯᓐ ᐛᔅ ᐊᓐ ᒐ ᐃᓯ ᐊᒂᒡ ᒥᒋᐱᔨᔭᓐ ᐊᑲ ᐛᐎᑎᒪᓇ ᒥᔽᒋᒧᐅᓐ᙮

1 ᑯᕆᓐᑎᔭᓇ 9:18

ᒐᒄ ᑎᐸᐊᒪᑯᓯᐅᓐ ᒪᒃ ᒪᔨᑯᐅᔭᓐ᙮ ᐊᓐ ᓴᒐᔾ ᐊ ᑭᒐᔅᒋᒧᔭᓐ ᐊ ᐛᐎᑎᒪᓐ ᒥᔽᒋᒧᐅᓐ ᐊᐅᑯᓐ ᐊᓐ ᓂᑎᐸᐊᒪᑯᓯᐅᓐ᙮ ᐊᑎ ᐊ ᐃᑕᔨᑕᒂᒡ ᒐᒋ ᓂᑐᑎᒪᑎᑯᒡ ᒐᒋ ᐱᒪᒋᐃᔭᒄ ᐊ ᐛᐎᑎᒪᓐ ᒥᔽᒋᒧᐅᓐ ᓇᒪ ᒋ ᑯᒂᒋᒥᑎᓇᐛᐤ ᒐᒋ ᐛᐎᒋᐃᔭᒄ᙮

1 ᑯᕆᓐᑎᔭᓇ 9:23

ᐊᐅᒄ ᐛᒋ ᐃᑎᔭᓐ ᐅ ᒐᒋ ᑕᑈᑕᑭᓄᐅᒡ ᒥᔽᒋᒧᐅᓐ ᑕᓐᑕ ᒥᒄ ᐊ ᐊᑎ ᐛᐎᑎᒪᓐ᙮ ᐊᑯ ᒪᒃ ᒐ ᒥᔅᑭᒪᓐ ᑕᓐ ᐊ ᐃᓯ ᐊᔨᒧᑕᒡ ᓱᐛᔨᒋᒐᐅᓐ ᐊᓐᑕ ᒥᔽᒋᒧᐅᓂᒡ᙮

2 ᑯᕆᓐᑎᔭᓇ 4:5

ᐃᔅᐱ ᐊ ᑭᒐᔅᒋᒧᔭᒡ ᓇᒪ ᓂᔭᓐ ᓂᑦ ᐊᔨᒧᒥᓱᓇᓐ᙮ ᒋᓴᔅ ᙭ ᓂᑦ ᐊᔨᒧᒪᓇᓐ ᐎᔾ ᐊ ᑎᐸᔨᒋᒐᐅᑦ᙮ ᒋᓴᔅ ᓂᒋ ᐸᒋ ᐃᑎᓴᐅᑯᓇᓐ ᒐᒋ ᐊᑐᔅᑲᑕᒡ᙮

ᑲᓚᓯᔭᓇ 3:24

ᐊᐅᒄ ᐎᓱᐛᐅᓐ ᓇᔅᒡ ᑲ ᒋᔅᒋᓄᐱᔨᐃᑯᔭᐧᒄ ᐊᔅᒄ ᐊᑲ ᐅᒋ ᑎᑯᓯᐧᒃ ᒋᓴᔅ᙮ ᐊᐅᒄ ᐎᓱᐛᐅᓐ ᑲ ᐃᑐᑕᑯᔭᐧᒄ ᒐᒋ ᑕᑈᑎᒪᐧᒄ ᑭᔭ ᒋᓴᒪᓂᑐᐤ ᒐᒋ ᓇᐊᔨᒥᑕᐧᒄ᙮

ᑲᓚᓯᔭᓇ 3:25

ᐊᑯ ᒪᒃ ᐃᔅᐱ ᑎᔭᑈᑕᐧᒃ ᐊᐛᓐ ᐊᑯ ᑭᑈ ᓇᒪ ᐊᑯ ᓂᑐᐛᔨᑕᑯᓂᔪᐤ ᐎᓱᐛᐅᓂᔪᐤ ᒐᒋ ᒋᔅᒋᓄᐱᔨᐃᑯᑦ᙮

ᑲᓚᓯᔭᓇ 4:19

ᒋᔨᐛᐤ ᓂᑦ ᐊᐛᓯᒥᒡ ᑲ ᐃᑕᔨᒥᑎᑯᒡ, ᒧᔭᒻ ᐃᔎᐤ ᐊ ᐃᔅᐱᔅ ᐊᐧᑯᓯᑦ ᐊ ᐎ ᐛᐱᒪᐅᓱᑦ ᐊᐅᑯᓐ ᒥᓐ ᐊ ᐃᑎᒪᒋᐅᔭᓐ ᐊ ᒪᒥᑐᓇᔨᒥᑎᑯᒡ, ᐊᐅᑯᓐ ᒐ ᐃᑎᒪᒋᐅᔭᓐ ᐸᑐᔅ ᓂᔅᐱᑐᐛᒂ ᒋᓴᔅ ᐊ ᐃᑕᔨᑕᑯᓯᑦ᙮

2 ᑎᒧᑎ 4:3

ᐛᔅ ᒋᑭ ᐅᑎᒋᐱᔪᐤ ᑕᓐᑕ ᒐ ᐊᑲ ᐅᒋ ᓂᑐᑕᒡ ᐊᐛᓐᒋ ᐊᓂᔭ ᑎᔭᑈᒥᑭᓂᔨᒡ ᒋᔅᑯᑎᒪᒐᐅᓂᔪᐤ᙮ ᐃᔭᐱᒡ ᒋᑭ ᓇᓂᑐᐛᔨᒪᐅᒡ ᐊᐛᔪᐛ ᒐᒋ ᒋᔅᑯᑎᒪᑯᒡ ᐎᔨᐛᐤ ᑕᓐ ᐛ ᐃᓯ ᐸᑕᒡ᙮

ᑕᐃᑕᔅ 1:4

ᒋᔾ ᑕᐃᑕᔅ ᒋ ᒥᓯᓇᐊᒪᑎᓐ᙮ ᒧᔭᒻ ᑎᐱᔨᐛ ᓂᑯᔅ ᐊᐅᑯᓐ ᐊ ᐃᑕᔨᒥᑕᓐ ᐛᔅ ᐸᐃᑯᓄᒡ ᒋ ᐊᑎ ᐃᓯ ᑕᑈᑕᓇᓄᐤ᙮ ᓂᑦ ᐊᔭᒥᐊᐤ ᒋᓴᒪᓂᑐᐤ ᐅᑕᐎᒪᐤ ᑭᔭ ᒋᓴᔅ ᙭ ᒋᐱᒪᒋᐃᐛᒥᓄᐤ ᒐᒋ ᒋᓴᐛᑐᑕᔅᒡ ᑭᔭ ᒐᒋ ᒥᔨᔅᒡ ᒋᔭᒪᔨᑎᒧᐅᓂᔪᐤ᙮

ᐸᐃᓕᒪᓐ 1:19

ᐊᑯ ᒪᒃ ᓂᔾ ᑎᐱᔨᐛ ᐊ ᐃᑎᓯᓇᐃᒐᔭᓐ, ᓂᔾ ᑈᓪ, ᒋᑭ ᐱᑯᒥᓯᓇᐊᒪᑎᓐ᙮ ᓇᒪ ᒋᐸ ᐅᒋ ᓂᑐᐛᔨᑕᑯᓐ ᒐᒋ ᒋᔅᒋᓱᒥᑕᓐ ᐊ ᒥᓯᓇᐊᒧᔨᓐ ᒋᔾ ᑎᐱᔨᐛ ᒋᐱᒪᑎᓯᐅᓐ᙮

ᒋᒥᔅ ᐅᒥᓯᓇᐊᒪᒐᐅᓐ 1:18

ᔅᒋ ᒥᔨᑯᓄᐤ ᐱᒪᑎᓯᐅᓂᔪᐤ ᐊᓐᑕ ᐅᒋ ᐊᓂᔭ ᐅᑦ ᐃᔨᒧᐅᓐ ᑲ ᑕᑈᒥᑭᓂᔨᒡ ᒋᔭᓄᐤ ᓂᔅᑎᒻ ᒐᒋ ᐎᐧᑯᒋᐃᑕᐧᒄ ᐅᑕ ᐅᔭ ᐊᔅᒋᔪᐤ᙮

1 ᐱᑕᕐ 1:23

ᐛᔅ ᐃᔅᐱ ᒥᓐ ᐊ ᐱᒪᑎᓯᔭᒄ ᑲ ᐃᓯᓇᑯᓯᔭᒄ ᑲᒋᒡ ᐱᒪᑎᓯᐅᓐ ᔅᒋ ᒥᔨᑯᓇᐛᐤ ᐛᔅ ᒋ ᐅᑦ ᐊᐛᓯᒥᑐᑕᑯᐛᐤ ᒋᓴᒪᓂᑐᐤ ᐅᑕᐎᒪᐤ ᐊᓐᑕ ᒐ ᐊᑲ ᓂᑕ ᐳᓂᐱᒪᑎᓯᑦ, ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᓐ ᒐ ᐊᑲ ᓂᑕ ᐅᓂᑎᒡ ᑭᔭ ᒐ ᐊᑲ ᓂᑕ ᐃᔎᐱᔨᒡ, ᐊᑯᑕ ᑲ ᐅᒋ ᐃᓯᓇᑯᓯᔭᒄ ᒥᓐ ᐊ ᐱᒪᑎᓯᔭᒄ᙮