1 ᑯᕆᓐᑎᔭᓇ 4:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᓇᔅᒡ ᒥᔅᑎ ᓂᑦ ᐊᐱᑎᓯᓇᓐ ᒐᒋ ᐱᒪᒋᐃᓱᔭᒡ᙮ ᐊ ᐛᐧᑲᓯᔨᒥᒡ ᐊᐛᓐᒋ, ᓂ ᓂᑐᑎᒧᒪᓇᓂ ᒋᓴᒪᓂᑐᐛ ᒐᒋ ᓱᐛᔨᒥᑯᒡ᙮ ᑭᔭ ᓂᔭᐧᑲᒋᐃᔨᒥᒡ ᐊᐛᓐᒋ ᓇᒪ ᓂ ᒋᔅᑐᑕᓇᓐᒡ᙮

1 ᑯᕆᓐᑎᔭᓇ 4:12 Iomraidhean Croise

ᒪᑎᔪᐤ 5:11

“ᒋ ᓱᐛᔨᑕᑯᓯᓇᐛᐤ ᐊ ᒪᔭᔨᒥᑯᐅᔭᒄ, ᒪᒃ ᐊ ᓂᓇᐧᑲᒋᐃᑯᐅᔭᒄ ᑭᔭ ᐊ ᑭᑭᒋᔭᐛᑕᒋᒥᑯᐅᔭᒄ ᓂᔾ ᐅᒋ ᐊ ᐸᒋ ᓇᓴᐅᔭᒄ᙮

ᒪᑎᔪᐤ 5:44

ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᓴᒋᐊᐧᑯᒡ ᐊᓐᒡ ᑲ ᐛᐧᑲᑎᑕᑯᒡ ᑭᔭ ᐊᔭᒥᐊᔅᑎᒧᐛᐧᑯᒡ ᐊᓐᒡ ᑲ ᓂᓇᐧᑲᒋᐃᑕᑯᒡ,

ᓗᒃ 23:34

ᐊᑯ ᒋᓴᔅ ᒂ ᐃᔅᒋᔄᑦ, “ᓄᑕ, ᐛᐸᔨᑎᒧᐅᒡ, ᐛᔅ ᓇᒪ ᒋᔅᒐᔨᑎᒧᒡ ᑕᓐ ᐊ ᐃᑎᒡ᙮” ᐊᑯ ᐊᓐᒡ ᐊᓯᒪᑭᓂᓯᒡ ᒂ ᐎᐅᑕᐅᑐᒡ, ᐊᑯᑕ ᑲ ᐅᒋ ᐎᔭᔨᑕᒡ ᐊᐛᔪᐛ ᒐ ᐊᔭᔨᒋ ᐊᓂᔭᔪᐛ ᐅᑦ ᐊᐱᒋᑕᐅᓂᔪᐛ᙮

ᓗᒃ 6:28

ᐊᔭᒥᐊᔅᑎᒧᐛᐧᑯᒡ ᒐᒋ ᓱᐛᔨᒥᑯᒡ ᒋᓴᒪᓂᑐᐛ ᑕᓐ ᐊᓐᒡ ᑲ ᒥᒐᒋᒥᑕᑯᒡ ᑭᔭ ᐊᔭᒥᐊᔅᑎᒧᐛᐧᑯᒡ ᐊᓐᒡ ᐊᑲ ᒧᔭᒻ ᐃᑐᑕᑕᑯᒡ᙮

ᒠᓐ 15:20

ᒐ ᒋᔅᒋᓯᔭᒄ ᑕᓐ ᑲ ᐃᑎᑎᑯᒡ, ‘ᓇᒪ ᑕᐤ ᐊᐱᒋᐊᑭᓐ ᐃᐛᒃ ᐊ ᐅᒋᒪᐛᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐅᒋᒪᒪ᙮’ ᒧᔭᒻ ᑲ ᓂᓇᐧᑲᒋᐃᐛᒂ ᑭᔭ ᒋᔨᐛᐤ ᒋᑭ ᓂᓇᐧᑲᒋᐃᑯᐛᐅᒡ᙮ ᑲ ᓂᓇᐃᑎᒧᐛᒂ ᑕᓐ ᑲ ᐃᓯ ᐊᔨᒧᑎᒧᐅᒂᐤ ᒋᑭ ᓂᓇᐃᑎᒧᒡ ᑭᔭ ᒋᔨᐛᐤ ᑕᓐ ᒐ ᐃᓯ ᐊᔨᒧᑎᒧᐛᑯᒡ᙮

ᐊᑈᔅᑕᓇᒡ 18:3

ᒂ ᐎᒋᒪᑦ ᑭᔭ ᒂ ᐎᒋ ᐊᐱᑎᓯᒪᑦ ᐊ ᐅᓯᑕᔨᒋ ᒥᒋᐛᐸ ᐛᔅ ᐊᐅᑯᓐ ᑲ ᐃᑕᐱᑎᓯᔨᒋ ᒧᔭᒻ ᐎᔾ ᑲ ᐃᑕᐱᑎᓯᑦ ᐊᓐᑕ ᒐᒋ ᐅᒋ ᐎᒋᐃᓱᑦ᙮

ᐊᑈᔅᑕᓇᒡ 20:34

ᒋ ᒋᔅᒐᔨᑕᓇᐛᐤ ᑭᔭ ᓂᔾ ᑎᐱᔨᐛ ᐊᒋ ᐊᔭᐱᑎᓯᔭᓐ ᒐᒋ ᐅᒋ ᐅᑎᓇᒪᓱᔭᓐ ᑕᓐ ᐊ ᐃᓯ ᓂᑐᐛᔨᑎᒪᓐ ᒐᒋ ᐱᒪᒋᐅᔭᓐ ᑭᔭ ᑕᓐ ᐊ ᐃᓯ ᓂᑐᐛᔨᑕᒡ ᐊᓐᒡ ᑲ ᐎᒐᐅᒡ᙮

ᐊᑈᔅᑕᓇᒡ 7:60

ᔅᑎᐱᓐ ᒋ ᓂᐱᔅᑯᐳᐤ, ᐊ ᒋᔄᐛ ᑕᑈᑦ ᐊ ᐃᔅᒋᔄᑦ, “ᐅᑎᐸᔨᒋᒐᐤ, ᐛᐸᔨᑎᒧᐅᒡ ᐅᒥᒋᑥᐅᓄᐛᐤ᙮ ᐅᔭᔪᐤ ᑲ ᐃᑐᑐᐅᒡ ᐊᑲᐎᔾ ᒋᑭ ᐎ ᒪᑎᑯᔅᑲᑯᐅᒡ᙮” ᐊᐅᑯᐤ ᐅᔭ ᑲ ᐃᔅᒋᔄᑦ, ᐊᑯ ᒪᒃ ᒂ ᓂᐱᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:14

ᓱᐛᔨᒪᐧᑯᒡ ᐊᓐᒡ ᑲ ᐅᓂᑐᑕᑕᑯᒡ᙮ ᓱᐛᔨᒪᐧᑯᒡ, ᐊᑲᐎᔾ ᒥᒐᒋᒪᐧᑯᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:20

ᐃᔭᐱᒡ ᒪ ᐃᑐᑕ ᐅ ᑲ ᐃᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐊ ᓯᐛᔨᒂ ᐊᓐ ᐊᐛᓐ ᑲ ᐛᐧᑲᑎᔅᒃ, ᐊᓯᒻ᙮ ᐛ ᒥᓂᒂ, ᒥᓇᐃ᙮ ᐛᔅ ᐅᔭ ᐃᑐᑐᐅᑕ, ᓇᔅᒡ ᑕᑈ ᒋᑭ ᓴᒂᔨᒧᐊᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:35

ᐊᐛᓐ ᒪᒃ ᒐᒋ ᐃᒐᓂᑕᐧᒄ ᙭ᑕ ᐅᓴᒋᐃᐛᐅᓂᔨᒡ ᐅᒋ᙮ ᐊᑎ ᓇᔅᒡ ᓂᓇᐧᑲᑕᔨᒧᔭᒂ ᒪᒃ ᓇᔅᒡ ᐊᔨᒥᐅᔭᒂ, ᑭᔭ ᐊᑎ ᐛᐎᓯᒐᔨᑎᒥᐃᑯᐅᔭᒂ, ᐊᑎ ᐃᓯᓇᒂᒐ ᒐᒋ ᑯᐅᐧᑭᑕᔭᐧᒄ, ᑭᔭ ᐊᑎ ᓇᔅᒡ ᒋᔅᑎᒪᑎᓯᔭᒂ, ᐊᑎ ᓇᔅᒡ ᑯᔅᑕᑎᒂᒐ ᑕᓐᑕ ᐊ ᑕᐛᐧᒄ ᑭᔭ ᒪᒃ ᐊᑎ ᓂᐸᐃᑯᐅᔭᒂ ᓇᒪ ᐃᔭᐱᒡ ᒋᑭ ᒋ ᐃᒐᑕᐃᑯᓇᓄᐤ ᒋᓴᔅ ᐅᓴᒋᐃᐛᐅᓂᒡ ᐅᒋ᙮

1 ᑯᕆᓐᑎᔭᓇ 9:6

ᒥᒄ ᐊ ᓂᔭᓐ ᐸᕐᓇᐸᔅ ᐊ ᓂᓯᔭᒡ ᐃᑕᔨᑕᑯᓐ ᒐᒋ ᐊᑐᔅᒐᔭᒡ ᒐᒋ ᐅᒋ ᐱᒪᒋᐃᓱᔭᒡ᙮

2 ᑯᕆᓐᑎᔭᓇ 11:8

ᒋ ᐊᐃᑎᓱᐅᒡ ᑭᔭ ᐊᓐᒡ ᒋᐧᑲᓂᓯᓄᐅᒡ ᑲ ᐎᒋᐃᒡ ᓱᓇᔭᔪᐤ ᐃᔅᐱ ᑲ ᐛᐎᑎᒪᑎᑯᒡ ᒥᔽᒋᒧᐅᓐ᙮ ᒧᔭᒻ ᐊ ᑭᒐᒧᑎᒧᐅᒂᐤ ᐅᒡ ᒋᐧᑲᓂᓯᓄᐅᒡ ᓂᒋ ᐃᓯᓇᑯᓯᓐ ᐊᒋ ᐅᑎᓂᒧᒡ ᑕᓐ ᑲ ᐎ ᐃᓯ ᐸᒋ ᐎᒋᐃᒡ ᒋᔨᐛᐤ ᒐᒋ ᐎᒋᐃᑎᑯᒡ᙮

ᐃᐱᓯᔭᓇ 4:28

ᑭᔭ ᐊᓐ ᐊᐛᓐ ᑲ ᑭᒐᒧᑎᑦ ᒋᐸ ᐳᓂᐤ ᐊ ᑭᒐᒧᑎᑦ᙮ ᐃᔭᐱᒡ ᒋᐸ ᐊᑐᔅᒐᐤ ᑯᐃᔅᒄ ᐊ ᐃᑎᑦ ᐊ ᐎ ᐎᒋᐃᓱᑦ ᑭᔭ ᐊᑐᔅᒐᒐ ᐊᑯᑕ ᒐᒋ ᐅᒋ ᐎᒋᐊᑦ ᑲ ᒋᔅᑎᒪᑎᓯᔨᒋ ᐊᐛᔪᐛ᙮

1 ᑕᓴᓗᓂᔭᓇ 2:9

ᓂᐧᑲᓂᓯᑐᒄ, ᒐᔅᑎᓇᔅ ᒋ ᒋᔅᒋᓯᓇᐛᒐ ᑕᓐ ᑲ ᐃᔅᐱᔅ ᒥᔅᑎ ᐊᑐᔅᒐᔭᒡ ᐊᓐᑕ ᐊ ᑕᔭᒄ᙮ ᓂᒋ ᐊᑐᔅᒐᓇᓐ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᓂᔭᓐ ᒐᒋ ᐱᒥᐱᔨᐃᓱᔭᒡ ᒐ ᐊᑲ ᒋ ᑯᓯᑯᔅᑲᑯᔭᒄ ᐊ ᐃᑕᔨᑎᒪᒄ ᒐᒋ ᐸᒋ ᐱᒥᐱᔨᐃᔭᒡ ᒪᒂᒡ ᐊ ᐛᐎᑎᒪᑕᒡ ᒋᓴᒪᓂᑐᐤ ᐅᒥᔽᒋᒧᐅᓐ᙮

2 ᑕᓴᓗᓂᔭᓇ 3:8

ᓇᒪ ᓂ ᐅᒋ ᐱᔅᑎᓇᓇᓐᒡ ᐊᐛᓐᒋ ᒐᒋ ᐊᓯᒥᔨᒥᒡ ᐊᑲ ᐛᐛᒡ ᒋᓯᐧᑯᐅᒋᒡ᙮ ᐃᔭᐱᒡ ᓂᒋ ᒥᔅᑎ ᐊᑐᔅᒐᓇᓐ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᒐ ᐊᑲ ᒋ ᐊᔨᒥᐃᑕᒡ᙮

1 ᑎᒧᑎ 4:10

ᐊᐅᒄ ᒪᒃ ᐛᒋ ᓱᒃ ᐃᔭᐱᒡ ᐃᑕᔨᑎᒥᐃᑯᔭᐧᒄ ᐅ ᑕᓐ ᐊ ᐃᑕᐱᑎᓯᔭᐧᒄ ᐊᑎ ᐊ ᐊᔨᒥᐅᔭᐧᒄ ᐛᔅ ᒋᑦ ᐊᔅᐸᔨᒧᑐᑐᐛᓄᐤ ᒋᓴᒪᓂᑐᐤ ᑲ ᐱᒪᑎᓯᑦ, ᐊᓐ ᑲ ᓂᑐᐛᔨᒪᑦ ᒥᓯᐛ ᐊᐛᔪᐛ ᒐᒋ ᐱᒪᒋᐎᒋ ᑭᔭ ᑲ ᐱᒪᒋᐊᑦ ᒥᓯᐛ ᐊᓂᔭ ᑲ ᑕᑈᔭᔨᒥᑯᑦ᙮

1 ᐱᑕᕐ 2:23

ᑲ ᒪᔭᔨᒪᑭᓄᐅᑦ ᓇᒪ ᔭᐃᑕᔾ ᐅᒋ ᒪᔭᔨᒐᐤ ᑕᓐ ᑲ ᐃᓯ ᒪᔭᔨᒪᑭᓄᐅᑦ᙮ ᑲ ᓂᓇᐧᑲᒋᐊᑭᓄᐅᑦ ᓇᒪ ᐅᒋ ᐎ ᓯᓴᒋᒧᐛᐤ ᐊ ᐊᔨᒧᑕᐧᒃ ᑕᓐ ᒐᒋ ᐃᓯ ᐃᔪᐛᐃᔨᒧᑦ᙮ ᐅᔅᑕ ᓇᔅᒡ ᒋ ᐊᔅᐸᔨᒧᑐᑕᐛᐤ ᐊᓂᔭ ᑲ ᒐᔅᑎᓇᑕᔨᑕᑯᓯᔨᒋ ᒐᔅᑎᓇᔅ ᑯᐃᔅᒄ ᒐ ᐃᓯ ᑎᐸᔅᑯᓂᒐᔨᒋ᙮

1 ᐱᑕᕐ 3:14

ᐊᑎ ᐃᓯᓇᒂᒡ ᒐᒋ ᓂᓇᐧᑲᒋᐃᑯᐅᔭᒄ ᐊ ᑯᐃᔅᑯᑕᑎᓯᔭᒄ ᐅᒋ, ᒋᑭ ᓱᐛᔨᒥᑯᐛᐤ ᒋᓴᒪᓂᑐᐤ᙮ ᐊᑲᐎᔾ ᑯᑯᔅᑕᐧᑯᒡ ᑲ ᐎᐎᔭᔅ ᐃᑐᑕᑕᑯᒡ ᐊᐛᓐᒋ, ᐊᑲᐎᔾ ᒋᑭ ᐅᒋ ᒥᑯᔅᑲᑕᔨᑕᓇᐛᐤ,

1 ᐱᑕᕐ 3:9

ᐊᑲᐎᔾ ᔭᐃᑕᔾ ᐎ ᑎᐸᐊᒪᓱ ᐊᐛᓐ ᐊ ᐅᓂᑐᑕᔅᒃ ᒪᒃ ᐊ ᒪᒥᐊᔭᔨᒥᔅᒃ᙮ ᐃᔭᐱᒡ ᐅᔅᑕ ᒥᔪᑐᑎᒧᐤ ᑭᔭ ᐊᔭᒥᑐᐤ ᒐᒋ ᓱᐛᔨᒥᑯᑦ ᒋᓴᒪᓂᑐᐛ, ᐛᔅ ᐊᐅᒄ ᐅ ᑲ ᐃᓯ ᐃᑕᔨᑕᑭᓄᐅᒡ ᒋᐱᒪᑎᓯᐅᓐ ᒐᒋ ᐃᓯᓇᒂᒡ᙮ ᐊᑯᑕ ᒐᒋ ᐅᒋ ᐊᓂᔅᒐ ᒥᑭᐎᔨᓐ ᓱᐛᔨᒋᒐᐅᓐ᙮

1 ᐱᑕᕐ 4:19

ᐊᑯ ᒪᒃ ᐊᓐᒡ ᐊᐛᓐᒋ ᑲ ᓂᓇᐧᑲᑕᔨᒧᒡ ᒋᓴᒪᓂᑐᐛ ᐊᒋ ᐱᔅᑎᓂᒥᔨᒋ ᐅᔭ ᒐᒋ ᐃᔅᐱᔨᒡ, ᐃᔭᐱᒡ ᒋᐸ ᐃᑐᑎᒧᒡ ᐊᓂᔭ ᑕᓐ ᐊ ᐃᓯ ᑯᐃᔅᑯᓇᑯᓂᔨᒡ ᑭᔭ ᓇᔅᒡ ᒋᐸ ᑕᑈᐅᒐᔨᒪᐅᒡ ᒋᓴᒪᓂᑐᐛ ᐊᓂᔭ ᑲ ᐅᓯᐃᑯᒡ, ᐊᓂᔭ ᒐ ᐊᑲ ᓂᑕ ᐅᒋ ᐳᓂᔨᒋ ᐊ ᐎᒋᐃᑯᒡ᙮

ᒍᑦ 1:9

ᓇᒪ ᐛᐛᒡ ᐊᓐ ᑲ ᓂᑲᓇᔨᑕᑯᓯᑦ ᐊᓐᒋᓐ ᒪᐃᑲᓪ ᑲ ᐃᓯᓂᐧᑲᓱᑦ, ᐅᒋ ᐃᑕᔨᑎᒻ ᐎᔾ ᒐᒋ ᓱᒐᔨᒧᑐᐛᑦ ᒥᒋᒥᓂᑐᐛ ᒐᒋ ᒪᔭᔨᒪᑦ᙮ ᒥᒄ ᒋ ᐃᑕᐤ, “ᐅᑎᐸᔨᒋᒐᐤ ᒋᑭ ᒋᑕᐊᒪᒄ᙮” ᐊᔪᐅᒄ ᐅᔭ ᑲ ᐃᑕᑦ ᐃᔅᐱ ᑲ ᐊᔭᔅᑕᒥᑐᒡ ᒥᒋᒥᓂᑐᐛ ᒧᓱᓴ ᐎᔭᔪᐤ ᐅᒡ᙮