1 ᑯᕆᓐᑎᔭᓇ 4:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐛᐛᒡ ᑭᔭ ᒪᒂᒡ ᐊᓄᒡ ᓇᓂᑯᑎᓂᔾ ᓂ ᓯᐛᔨᓇᓐ᙮ ᓇᓂᑯᑎᓂᔾ ᓂ ᐸᐧᑯᑕᑕᓇᓐ᙮ ᓇᓂᑯᑎᓂᔾ ᓇᒪ ᓇᔅᒡ ᒋ ᐃᓯᓇᑯᓇ ᓂᑦ ᐊᐱᒋᑕᐅᓇᓇ᙮ ᓇᔅᒡ ᓂ ᐎ ᐃᑐᑕᑯᐅᓇᓐ ᑭᔭ ᒪᓐ᙮ ᑭᔭ ᓇᒪ ᑎᑯᓐ ᐊᓐᑕ ᒐᒋ ᐎᒋᔭᒡ᙮

1 ᑯᕆᓐᑎᔭᓇ 4:11 Iomraidhean Croise

ᒪᑎᔪᐤ 8:20

ᐊᑯ ᒋᓴᔅ ᐊᑕᑦ, “ᒪᒐᓱᐅᒡ ᑎᑯᓂᔪᐛ ᐅᐛᑎᑯᐛᐛ, ᐱᔭᓯᓯᒡ ᑭᔭ ᑎᑯᓂᔪᐛ ᐅᔅᑎᓄᐛᐛ, ᒥᒄ ᒪᒃ ᐃᔪᐤ ᐅᑯᓯᓴᓐ ᓇᒪ ᐊᔭᐤ ᐊᓐᑕ ᒐᒋ ᐛᐛᔨᓯᓐᑦ ᒐᒋ ᐊᔅᑕᔭᔅᑯᓯᑦ᙮”

ᐊᑈᔅᑕᓇᒡ 14:19

ᐱᔅᒐ ᒍᐤ ᐃᔪᒡ ᒋ ᐅᑐᑕᐅᒡ ᐊᓐᑕ ᐊᓐᑎᔭᑭᒡ ᐊᓐ ᐅᑕᓇᐤ ᐊᓐᑕ ᐱᓯᑎᔭ ᐊᔅᒋᒡ ᑲ ᑎᒂᒡ, ᑭᔭ ᐱᔅᒐ ᐊᓐᑕ ᐊᐃᑯᓂᔭᒻ ᒋ ᐅᑐᑕᐅᒡ, ᐊᑯ ᑲ ᓴᐧᑯᒋᒪᒡ ᐊᓂᔭ ᐃᔪᐛ ᒐᒋ ᐎᒋᐃᑯᒡ ᐊ ᐎ ᓂᐸᐊᒡ ᑈᓚ᙮ ᐊᑯ ᑲ ᐸᐱᒧᓯᓇᑕᐛᒡ ᐊᑯ ᑲ ᐎᐎᑕᐸᑕᒡ ᐊᓐᑕ ᐊᓂᔭ ᐅᑕᓇᔪᐤ ᐊᒋ ᐃᑕᔨᒪᒡ ᐊ ᓂᐱᔨᒋ ᐊᓂᔭ ᑈᓚ᙮

ᐊᑈᔅᑕᓇᒡ 16:23

ᐃᔅᐱ ᒪᒃ ᑲᒋ ᐃᓯ ᒥᔅᑎ ᐸᐱᓯᔅᑕᐛᑭᓄᐎᒡ ᐊᑯ ᑲ ᐱᑎᑲᐊᑭᓄᐎᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ, ᐊᑯ ᑲ ᐃᑎᓱᒪᑭᓄᐅᑦ ᐊᓐ ᑲ ᓂᓇᑭᑐᐛᔨᑕᐧᒃ ᑲᒪᑯᓄᐛᓯᐅᒋᐛᐱᔪᐤ ᐃᔭᒂ ᐅᔭ ᒐᒋ ᓂᓇᑭᑐᐛᔨᒪᑦ᙮

ᐊᑈᔅᑕᓇᒡ 23:2

ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᐊᓇᓇᔭᔅ ᑲ ᐃᓯᓂᐧᑲᓱᑦ ᒂ ᐃᑎᓱᒪᑦ ᐊᓂᔭᔪᐛ ᐊᐛᔪᐛ ᒥᒋᒪ ᑈᓚ ᐊ ᑕᔨᒋ ᑲ ᓂᐳᔨᒋ ᒐᒋ ᐅᑕᒥᑐᓇᐛᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:35

ᐊᐛᓐ ᒪᒃ ᒐᒋ ᐃᒐᓂᑕᐧᒄ ᙭ᑕ ᐅᓴᒋᐃᐛᐅᓂᔨᒡ ᐅᒋ᙮ ᐊᑎ ᓇᔅᒡ ᓂᓇᐧᑲᑕᔨᒧᔭᒂ ᒪᒃ ᓇᔅᒡ ᐊᔨᒥᐅᔭᒂ, ᑭᔭ ᐊᑎ ᐛᐎᓯᒐᔨᑎᒥᐃᑯᐅᔭᒂ, ᐊᑎ ᐃᓯᓇᒂᒐ ᒐᒋ ᑯᐅᐧᑭᑕᔭᐧᒄ, ᑭᔭ ᐊᑎ ᓇᔅᒡ ᒋᔅᑎᒪᑎᓯᔭᒂ, ᐊᑎ ᓇᔅᒡ ᑯᔅᑕᑎᒂᒐ ᑕᓐᑕ ᐊ ᑕᐛᐧᒄ ᑭᔭ ᒪᒃ ᐊᑎ ᓂᐸᐃᑯᐅᔭᒂ ᓇᒪ ᐃᔭᐱᒡ ᒋᑭ ᒋ ᐃᒐᑕᐃᑯᓇᓄᐤ ᒋᓴᔅ ᐅᓴᒋᐃᐛᐅᓂᒡ ᐅᒋ᙮

1 ᑯᕆᓐᑎᔭᓇ 9:4

ᓇᒪᐎᔾ ᐊ ᒪᒃ ᐃᓯᓇᑯᓐ ᑭᔭ ᓂᔭᓐ ᒐᒋ ᐊᓯᒥᑯᐅᔭᒡ ᑭᔭ ᒐᒋ ᒥᓂᐃᑯᐅᔭᒡ ᐊᓐ ᐊ ᐃᑕᐱᑎᓯᔭᒡ᙮

2 ᑯᕆᓐᑎᔭᓇ 11:20

ᒋ ᐱᔅᑎᓇᐛᐅᒡ ᐅᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᒐᒋ ᐅᒋᒪᐧᑲᑕᑕᑯᒡ ᑭᔭ ᒐᒋ ᒥᓂᓱᓇᔭᐛᑐᑕᑕᑯᒡ᙮ ᒋ ᐱᔅᑎᓇᐛᐅᒡ ᒐᒋ ᑭᒐᒧᑎᒪᑕᑯᒡ ᑭᔭ ᒐᒋ ᒪᔭᔨᒥᑕᑯᒡ ᑭᔭ ᒐᒋ ᐅᑕᒥᒂᐅᑕᑯᒡ᙮

2 ᑯᕆᓐᑎᔭᓇ 4:8

ᒥᒐᑥᐤ ᓂᓇᐧᑯᐤ ᓂᑦ ᐃᓯ ᒥᔅᑎ ᐊᔨᒥᐅᓇᓐ᙮ ᒥᒄ ᒪᒃ ᓇᒪ ᓇᔅᒡ ᓂ ᒥᑯᔅᑲᑎᔅᑲᑯᓇᓐ ᑕᓐ ᐊ ᐃᓯ ᓂᒋᔅᑭᒪᒡ᙮ ᓇᓂᑯᑎᓂᔾ ᓂ ᐛᐛᓇᔨᑕᓇᓐ ᒥᒄ ᒪᒃ ᓇᒪ ᐎ ᓂᑕ ᓇᔅᒡ ᒐᒋ ᐛᐛᓇᔨᑎᒪᒡ᙮

ᐱᓕᐱᔭᓇ 4:12

ᓂ ᒋᔅᒐᔨᑕᓐ ᐛᔅ ᑕᓐ ᐊ ᐃᑕᔨᑕᒂᒡ ᐊ ᓄᑕᐱᔨᓇᓄᐅᒡ ᒐᒂᓐ, ᑭᔭ ᒪᒃ ᑕᓐ ᐊ ᐃᑕᔨᑕᒂᒡ ᐊ ᐛᔪᒋᑕᑭᓄᐅᒡ ᒐᒂᓐ᙮ ᒥᒄ ᑕᓐ ᐊ ᐃᔅᐱᔪᐛᓇ ᓂ ᒋᔅᒐᔨᑕᓐ ᐃᔭᐱᒡ ᒐᒋ ᓇᐊᔨᑎᒪᓐ᙮ ᓇᒪ ᒐᒂᓐ ᐊᓐ ᓂᑦ ᐃᑕᔨᑕᓐ ᐊ ᓯᐛᔨᔭᓐ ᑭᔭ ᒪᒃ ᐊ ᒋᔅᐳᔭᓐ, ᐊ ᒋᔅᑎᒪᑎᓯᔭᓐ ᑭᔭ ᒪᒃ ᐊ ᐛᔪᒋᑕᔭᓐ ᒐᒂᓐ᙮

2 ᑎᒧᑎ 3:11

ᑭᔭ ᔅᒋ ᐛᐸᑕᓐ ᑕᓐ ᑲ ᐃᓯ ᓂᓇᐧᑲᒋᐃᑯᐅᔭᓐ ᑭᔭ ᑕᓐ ᑲ ᐃᓯ ᐛᐎᓯᒐᔨᑎᒪᓐ᙮ ᐛᔅ ᒥᓯᐛ ᒋ ᒋᔅᒐᔨᑕᓐ ᑕᓐ ᑲ ᐃᓯ ᐃᑐᑕᑯᐅᔭᓐ ᐊᓐᑕ ᐊᓐᑎᔭᑭᒡ, ᐊᐃᑯᓂᔭᒥᒡ ᑭᔭ ᐊᓐᑕ ᓕᔅᑐᕋᒡ᙮ ᑕᑈ ᐊᔪᐛᒡ ᒋ ᐊᒂᑕᔨᑕᑯᓐ ᑕᓐ ᑲ ᐃᓯ ᓂᒋᔅᑭᒪᓐ᙮ ᒥᒄ ᒪᒃ ᐅᑎᐸᔨᒋᒐᐤ ᐎᔾ ᓂᒋ ᐎᐧᑯᒋᐃᒄ ᒐᒋ ᓴᐳᔅᑭᒪᓐ ᒥᓯᐛ ᑕᓐ ᑲ ᐃᑐᑕᑯᐅᔭᓐ᙮