1 ᑯᕆᓐᑎᔭᓇ 4:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐛᔅ ᐊᓂᔭ ᐊ ᐊᑐᔅᑯᐅᒋᑦ ᙭, ᐊᐅᒄ ᐛᒋ ᐃᑕᔨᒥᑯᐅᔭᒡ ᐊ ᒋᔎᔭᒡ᙮ ᒋᔨᐛᐤ ᒪᒃ ᐎ ᒧᔭᒻ ᓇᔅᒡ ᐊ ᑭᒐᑕᐛᔨᑎᒪᒄ ᒋᑦ ᐃᑕᔨᒥᑯᐅᓇᐛᐤ ᐊ ᐊᑐᔅᑯᐛᒄ ᙭᙮ ᓂᔭᓐ ᐊᑈᔅᑕᓇᒡ ᓇᔅᒡ ᓇᒪ ᓂᓴᐱᓯᓇᓐ, ᒋᔨᐛᐤ ᐎ ᒪᒃ ᒋ ᓱᐧᑲᑎᓯᓇᐛᐤ᙮ ᓂ ᐛᐧᑲᑎᑯᐅᓇᓐ ᓂᔭᓐ᙮ ᒋᔨᐛᐤ ᒪᒃ ᒋ ᒋᔅᑕᔨᒥᑯᐅᓇᐛᐤ᙮

1 ᑯᕆᓐᑎᔭᓇ 4:10 Iomraidhean Croise

ᒪᑎᔪᐤ 24:9

“ᑭᔭ ᒐ ᒪᑯᓂᑯᔭᒄ ᑭᔭ ᒋᑭ ᓂᓇᐧᑲᒋᐃᑯᓇᐛᐤ᙮ ᐛᐛᒡ ᒋᑭ ᓂᐸᐃᑯᓇᐛᐤ᙮ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒋᑭ ᐛᐧᑲᑎᑯᐛᐅᒡ ᐊ ᓇᓴᐅᔭᒄ᙮

ᒪᑎᔪᐤ 5:11

“ᒋ ᓱᐛᔨᑕᑯᓯᓇᐛᐤ ᐊ ᒪᔭᔨᒥᑯᐅᔭᒄ, ᒪᒃ ᐊ ᓂᓇᐧᑲᒋᐃᑯᐅᔭᒄ ᑭᔭ ᐊ ᑭᑭᒋᔭᐛᑕᒋᒥᑯᐅᔭᒄ ᓂᔾ ᐅᒋ ᐊ ᐸᒋ ᓇᓴᐅᔭᒄ᙮

ᓗᒃ 10:16

ᐊᑯ ᒋᓴᔅ ᒂ ᐃᑕᑦ ᐅᒋᔅᒋᓄᐊᒧᐛᑭᓇ, “ᐊᐛᓐ ᑲ ᓂᑐᑕᑕᒄ ᒧᔭᒻ ᓂᔾ ᐊ ᐸᒋ ᓂᑐᑐᐅᑦ ᐊᐅᑯᓐ ᐊ ᐃᓯᓇᑯᓯᑦ᙮ ᐊᐛᓐ ᒪᒃ ᑲ ᐊᑐᐛᔨᒥᑕᒄ ᒧᔭᒻ ᓂᔾ ᐊ ᐊᑐᐛᔨᒥᑦ ᐊᐅᑯᓐ ᐊ ᐃᓯᓇᑯᓯᑦ᙮ ᐊᑯ ᐊᐛᓐ ᑲ ᐊᑐᐛᔨᒥᑦ ᒧᔭᒻ ᐊ ᐊᑐᐛᔨᒪᑦ ᒋᓴᒪᓂᑐᐛ, ᐊᓂᔭ ᑲ ᐸᒋ ᐃᑎᓴᐅᔨᒋ, ᐊᐅᑯᓐ ᐊ ᐃᓯᓇᑯᓯᑦ᙮”

ᓗᒃ 18:9

ᒋᓴᔅ ᒥᓐ ᒂ ᐃᓯ ᐎᑎᒧᐛᑦ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊᓂᔭᔪᐛ ᑲ ᒪᒥᓯᑐᑕᓱᔨᒋ ᓂᑯᐃᔅᑯᑕᑎᓯᓇᓐ ᐊ ᐃᑕᔨᒥᓱᔨᒋ ᒥᒄ ᒪᒃ ᑲ ᒥᒐᔨᒪᔨᒋ ᑯᑎᑲ ᐊᐛᔪᐛ᙮ ᐊᔪᐅᒄ ᐅᔭ ᒋᓴᔅ ᑲ ᐃᑕᑦ,

ᓗᒃ 6:22

ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ᐛᐧᑲᑎᑯᐅᔭᒄ, ᐊᑲ ᐱᔅᑲᑎᑯᐅᔭᒄ, ᐊ ᒪᔭᔨᒥᑯᐅᔭᒄ ᑭᔭ ᐊ ᒥᒋ ᐊᔨᒧᒥᑯᐅᔭᒄ ᓂᔾ ᐅᒋ ᐊ ᓇᓴᐅᔭᒄ, ᐃᔪᐤ ᐅᑯᓯᓴᓐ᙮”

ᐊᑈᔅᑕᓇᒡ 17:18

ᐸᐃᒂᐤ ᒋ ᓂᒋᐊᐅᒡ ᒋᔅᑯᑎᒪᒐᓱᐛ ᓇᔅᒡ ᐊᒋ ᐃᑈᐧᑲᔨᒋ ᐊᐱᑯᕆᔭᓐ ᑭᔭ ᔅᑐᐃᒃ ᑲ ᐃᓯᓂᐧᑲᑕᑭᓄᔨᒋ᙮ ᐅᒡ ᒪᒃ ᒋᔅᑯᑎᒪᒐᓱᐅᒡ ᒋ ᐊᔭᒥᐊᐅᒡ ᐊᓂᔭ ᑈᓚ ᐊᑯ ᑲ ᒪᔭᔨᒪᒡ ᐊ ᐃᑕᒡ, “ᑕᓐ ᐊ ᐃᔅᒋᔄᑦ ᐅ ᒋᔎᐧᑲᓐ ?” ᐊᑯ ᑯᑎᑭᒡ ᑲ ᐃᔅᒋᔄᒡ, “ᒐᔅᑲ ᐊᔨᒧᒪᐤ ᐊᓂᔭ ᐎᔾ ᐊ ᐊᔭᒥᐊᔅᑐᐛᑦ ᐊᐛᔪᐛ, ᓇᒪ ᒪᒃ ᒋ ᒋᔅᒐᔨᒪᓄᐤ ᒋᔭᓄᐤ ᐊᐛᔪᐛ ᐊᓂᔭ᙮” ᐊᐅᒄ ᐅᔭ ᑲ ᐃᔅᒋᔄᒡ ᐛᔅ ᑈᓚ ᒋ ᐊᔨᒧᒪᔪᐛ ᒋᓴᓴ, ᑲ ᐅᓂᔅᑲᔨᒋ ᓂᐳᐅᓂᒡ ᐅᒡ᙮

ᐊᑈᔅᑕᓇᒡ 17:32

ᐃᔅᐱ ᒪᒃ ᐱᔭᑐᐛᒡ ᐊᓂᔭ ᑈᓚ ᐊ ᐊᔨᒧᑎᒥᔨᒋ ᐊᓂᔭ ᑲᐤ ᐊ ᐅᓂᔅᑲᓄᐎᒡ ᓂᐳᐅᓂᒡ ᐅᒡ, ᒋ ᒪᔭᔨᒪᐅᒡ ᐊ ᐅᓯᓄᐛᒡ, ᒥᒄ ᒪᒃ ᐱᔅᒐ ᒋ ᐃᑕᐅᒡ, “ᒥᓐ ᒋ ᐎ ᐸᑕᑎᓇᓐ ᐊ ᐊᔨᒧᑎᒥᓐ ᐅ᙮”

ᐊᑈᔅᑕᓇᒡ 26:24

ᒪᒂᒡ ᒪᒃ ᐅᔭ ᐊ ᐃᓯ ᐃᔨᒥᑦ ᑈᓪ, ᐸᔅᑕᓴ ᒋ ᐊᓯᒂᑎᑯᐤ ᐊ ᐃᑎᑯᑦ, “ᑈᓪ, ᒋ ᒋᔎᓐ ! ᒋ ᒋᔎᐃᑯᓐ ᐊᓐ ᑲ ᐃᔅᐱᔅ ᒥᔅᑎ ᒋᔅᑯᑎᒪᑯᔨᓐ !”

ᐊᑈᔅᑕᓇᒡ 9:16

ᐛᔅ ᓂᔾ ᓂᑭ ᐛᐸᑎᔭᐤ ᑕᓐ ᒐ ᐃᓯ ᓂᓇᐧᑲᑕᔨᒧᑦ ᓂᔾ ᐅᒋ᙮”

1 ᑯᕆᓐᑎᔭᓇ 1:21

ᐊᑯ ᒪᒃ ᐊ ᐃᔅᐱᔅ ᑭᒐᑕᐛᔨᑕᐧᒃ ᒋᓴᒪᓂᑐᐤ ᒋ ᐃᑐᑎᒻ ᐊᑲ ᑭᒐᑕᐛᔨᑎᒧᐅᓂᒡ ᒐᒋ ᐅᒋ ᒋᔅᒐᔨᒥᑯᑦ ᐊᐛᔪᐛ᙮ ᐃᔭᐱᒡ ᒋ ᓇᐊᔨᑎᒥᐃᑯᐤ ᒐᒋ ᐱᒪᒋᐊᑦ ᐊᓂᔭ ᐊᐛᔪᐛ ᑲ ᑕᑈᑎᒥᔨᒋ ᐊᓂᔭ ᒋᔎ ᐃᔨᒧᐅᓂᔪᐤ ᑲ ᐃᓯᓂᐧᑲᑕᑭᓄᐎᒡ ᐊᓂᔭ ᐎᔭᐎᑎᒺᐧᒄ᙮

1 ᑯᕆᓐᑎᔭᓇ 1:23

ᒋᔭᓄᐤ ᒪᒃ ᐎ ᙭ ᐊᒋ ᒋᔅᑕᔎᑕᑭᓄᐅᑦ ᐊᐅᒄ ᐊ ᐃᓯ ᐛᐎᑎᒪᐧᒄ ᐊ ᑭᒐᔅᒋᒧᔭᐧᒄ᙮ ᒥᒄ ᒪᒃ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᓂ ᒪᔭᔨᒥᑯᐅᓇᓐ ᐃᑕᔨᑎᒧᒡ ᐅᔭ ᐊ ᐃᓯ ᑭᒐᔅᒋᒧᓇᓄᐎᒡ᙮ ᐊᑯ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒋᔎ ᐃᔨᒧᐅᓐ ᐅᔭ ᐃᑕᔨᑎᒧᒡ᙮

1 ᑯᕆᓐᑎᔭᓇ 1:25

ᐅᔭ ᒪᒃ ᒋᓴᒪᓂᑐᐤ ᑲ ᐃᑐᑕᐧᒃ ᒋᐱᔭᑎᑯᒡ ᓇᔅᒡ ᐊᑲ ᐃᑈᐧᑲᐛᔨᑎᒥᔨᒋ ᐊᐛᔪᐛ ᐊᑐᐎᔅ ᑭᒐᑕᐛᔨᑕᑯᓂᔪᐤ ᐃᔅᐱᔅ ᐊᓂᔭ ᐊᑐᐎᔅ ᐊ ᑭᒐᑕᐛᔨᑕᑯᓂᔨᒡ ᓇᐸᐤ ᐅᑭᒐᑕᐛᔨᑎᒧᐅᓂᔪᐤ᙮ ᐊᑯ ᐊᓂᔭ ᑲ ᐃᑕᔨᑕᒡ ᐊᐛᓐᒋ ᓇᔅᒡ ᐊᑲ ᓱᒐᔨᑕᑯᓂᔨᒡ ᐊᑐᐎᔅ ᓱᒐᔨᑕᑯᓂᔪᐤ ᒋᓴᒪᓂᑐᐤ ᐅᓂᔨᒥᓯᐅᓐ᙮

1 ᑯᕆᓐᑎᔭᓇ 10:12

ᐃᔭᒂᒥ ᒋᔾ ᑲ ᐃᑕᔨᑎᒥᓐ ᒧᔅ ᐊ ᓱᒋᑲᐳᔨᓐ ᒐ ᐊᑲ ᒋ ᐸᒋᓯᓂᔨᓐ ᒥᒋᑥᐅᓂᒡ ᐃᔅ᙮

1 ᑯᕆᓐᑎᔭᓇ 2:14

ᐊᓐ ᐊᐛᓐ ᐊᑲ ᐊᔭᐛᑦ ᒋᓴᒪᓂᑐᐛ ᐅᑦ ᐊᒐᐧᑯᔪᐛ, ᓇᒪ ᒋᑭ ᒋ ᐅᑎᓂᒻ ᐊᓂᔭᔪᐛ ᒥᔨᐛᐅᓇ ᑕᓐ ᐊ ᐃᓯ ᒥᔨᐛᔨᒋ ᒋᓴᒪᓂᑐᐛ ᐅᑦ ᐊᒐᐧᑯᔪᐛ᙮ ᐅ ᐊᐛᓐ ᓇᒪ ᑕᑈ ᓂᔅᑐᑎᒻ ᒐᒂᔪᐛ ᐅᔭ, ᓇᒪ ᐎᔭᔅ ᐃᑕᐱᑎᓇ ᐃᑕᔨᑎᒻ᙮ ᐛᔅ ᒥᒄ ᐊᓐᒡ ᐸᔭᒋ ᐊᒐᒂ ᑲ ᐊᔭᐛᒡ ᒋᑭ ᒋ ᓂᔅᑐᑎᒧᒡ ᑕᓐ ᐊ ᐃᓯ ᒋᒋᐛ ᐃᑕᔨᑕᑯᓂᔨᒋ ᐅᔭ ᒥᔨᐛᐅᓇ᙮

1 ᑯᕆᓐᑎᔭᓇ 2:3

ᓇᑕ ᐊ ᑕᔭᒄ ᑲ ᑕᔭᓐ ᓇᒪ ᓇᔅᒡ ᓂ ᐅᒋ ᑕᑈᐅᒐᔨᒥᓱᓐ᙮ ᓇᔅᒡ ᐃᔭᒂ ᓂᒋ ᐃᑎᓐ ᑭᔭ ᓂᒋ ᓇᓇᒥᐱᔨᓐ ᐊᔅᐱᔅ ᓴᒋᓯᔭᓐ᙮

1 ᑯᕆᓐᑎᔭᓇ 3:18

ᐊᑲᐎᔾ ᐊᐛᓐ ᒋᑭ ᐅᒋ ᐎ ᐎᔭᓯᐃᑎᓱᐤ᙮ ᐊ ᐃᑕᒂ ᐊᐛᓐ ᐊᓐᑕ ᐊ ᑎᓯᔭᒄ ᐊ ᐃᑕᔨᑎᒧᒂ ᓇᔅᒡ ᐊ ᒋᔅᒐᔨᑕᐧᒃ ᒐᒂᔪᐤ ᐅᑕ ᐊᔅᒋᒡ ᐊᑯᔅ ᒋᑭ ᐃᓯᓇᑯᓱᐤ ᐊᑲ ᐃᑈᐧᑲᑦ ᒐᒋ ᐅᒋ ᑭᒐᑕᐛᔨᑕᐧᒃ᙮

1 ᑯᕆᓐᑎᔭᓇ 3:2

ᐊᐛᔅ ᓂᔅᑎᒻ ᒋᒋᓇᐳᔭ ᒥᔭᑭᓄᐤ ᐊᔅᒄ ᐊᑲ ᐃᔅᐱᑎᓯᑦ ᒋᒋᐛ ᒐᒋ ᒥᒋᓱᐅᑦ᙮ ᒋ ᐛᒋᑕᑯᓐ ᑕᓐ ᑲ ᐃᓯ ᐎᑎᒪᑎᑯᒡ ᒥᔽᒋᒧᐅᓐ ᒐᒋ ᓂᔅᑐᑕᒡ ᐊᒋ ᐃᑕᔨᒥᑎᑯᒡ᙮ ᐊᓄᒡ ᒪᒃ ᐃᔭᐱᒡ ᐊᔅᒄ ᓇᒪ ᔅᒋ ᓂᔅᑐᑕᓇᐛᐤ ᐊᓂᔭ ᐊᒐᐧᑯ ᑕᑈᐅᓇ ᐊ ᐊᔨᒥᓂᔨᒋ ᒐᒋ ᓂᔅᑐᑕᑭᓄᐅᒋ᙮

1 ᑯᕆᓐᑎᔭᓇ 4:8

ᒧᔭᒻ ᓴᔅ ᒥᓯᐛ ᐊ ᐊᔭᔭᒄ ᑕᓐ ᒋᐸ ᐃᓯ ᐊᔭᓇᐛᐤ ᒋᑦ ᐃᑕᔨᑕᓇᐛᐤ᙮ ᑭᔭ ᒋᑦ ᐃᑕᔨᑕᓇᐛᐤ ᓇᔅᒡ ᐊ ᐛᑎᒡ ᐊᔭᔭᒄ ᑕᓐ ᑲ ᐃᓯ ᓄᑕᐱᔨᔭᒄ ᒥᔨᐛᐅᓇ᙮ ᒋᒋᓴᐅᒋᒪᐅᓇᐛᐤ ᐊ ? ᐊᑲ ᒪᒃ ᒋᓴᐅᒋᒪᐎᔭᒡ ᓂᔭᓐ᙮ ᑭᒪ ᑕᑈ ᒋᒋᐛ ᒋᓴᐅᒋᒪᐎᔭᒄ ᐊᑯ ᑭᔭ ᓂᔭᓐ ᓂᐸ ᒋᓴᐅᒋᒪᐅᓇᓐ᙮

2 ᑯᕆᓐᑎᔭᓇ 10:10

ᐱᔅᒐ ᐛᔅ ᐊᐛᓐᒋ ᐃᔅᒋᔄᐅᒡ, “ᓇᔅᒡ ᑕᑈ ᓱᒋᑕᑯᓂᔪᐤ ᑕᓐ ᐊ ᐃᑎᓯᓇᐃᒐᑦ ᑈᓪ᙮ ᒧᒡ ᒪᒃ ᐊ ᑕᑦ ᐅᑕ ᓇᔅᒡ ᑕᑈ ᐃᔨᔨᒥᓯᐛᔨᑕᑯᓱᐤ᙮ ᑭᔭ ᓇᒪᐎᔾ ᒐᒂᓂᒡ ᐃᑕᐱᑎᓂᔪᐤ ᑕᓐ ᐊ ᐃᔅᒋᔄᑦ᙮”

2 ᑯᕆᓐᑎᔭᓇ 11:19

ᓇᒪ ᒪᒃ ᒋᐸ ᐅᒋ ᑯᔅᑯᓯᑯᓇᐛᐤ ᐅ᙮ ᓇᔅᒡ ᑕᑈ ᒋ ᑭᒐᑕᐛᔨᒥᓱᓇᐛᐤ᙮ ᒪᓐ ᒥᒄ ᑲ ᐃᓯ ᐱᑎᑲᐊᑯᒡ ᐊᓐᒡ ᑲ ᒋᔎ ᐃᔨᒥᒡ᙮

2 ᑯᕆᓐᑎᔭᓇ 11:29

ᐊᐛᓐ ᐊᑲ ᓴᐸᔨᒥᓱᑦ ᓂ ᒋᔅᒐᔨᑕᓐ ᑕᓐ ᐊ ᐃᑕᔨᑕᒂᒡ ᐊᓂᔭ ᐊ ᐃᑎᑦ ᐊᐛᓐ᙮ ᐛᔅ ᒧᔭᒻ ᐊᐛᓐ ᐊ ᒥᒋᑐᑕᐧᒃ ᑎᑯᓐ ᐊ ᐃᓯ ᒥᓯᒪᔨᑎᒥᐃᑯᔭᓐ ᐅ᙮

2 ᑯᕆᓐᑎᔭᓇ 13:9

ᓂ ᒥᔽᔨᑕᓇᓐ ᐊᓐᑕ ᒪᒂᒡ ᐊᑲ ᓯᔭᐱᓯᔭᒡ ᓂᔭᓐ ᐊᑯᑕ ᒋᔨᐛᐤ ᓱᒋᑲᐳᔭᒄ ᐅᑎᐸᔨᒋᒐᐤ ᐊ ᑕᑦ᙮ ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᒐᒋ ᓂᑕᐅᒋᔭᒄ ᐎᔾ ᐃᔅ ᐊ ᑕᑦ᙮

2 ᑯᕆᓐᑎᔭᓇ 4:12

ᐊᑯ ᒪᒃ ᐊ ᐃᓯᓇᒂᒡ ᐊ ᐎᒋᐃᑯᔭᒄ ᒋᐱᒪᑎᓯᐅᓄᐛᒡ ᐊᓐ ᐊ ᓂᓇᐧᑲᑕᔨᒧᐃᑯᐅᔭᒡ᙮

2 ᑯᕆᓐᑎᔭᓇ 6:8

ᑎᑯᓐ ᐊ ᐃᓯ ᒥᔪ ᐊᔨᒧᒥᑯᐅᔭᒡ᙮ ᑎᑯᓐ ᐊ ᐃᓯ ᐊᑐᐛᔨᒥᑯᐅᔭᒡ᙮ ᑯᑎᑭᒡ ᓂ ᒥᔽᒋᒥᑯᓇᓂᒡ᙮ ᑯᑎᑭᒡ ᓂ ᒪᔭᔨᒥᑯᓇᓂᒡ᙮ ᑯᑎᑭᒡ ᑲ ᑭᑭᒋᔭᒡ ᓂᑦ ᐃᑕᔨᒥᑯᓇᓂᒡ ᒥᒄ ᒪᒃ ᒧᔅ ᑕᑈᐅᓐ ᓂ ᐎᑕᓇᓐ᙮

1 ᑕᓴᓗᓂᔭᓇ 4:8

ᐊᐛᓐ ᒪᒃ ᐊᑲ ᐊᐱᑕᔨᑎᒧᒂ ᐅᔭ ᒋᔅᑯᑎᒪᒐᐅᓂᔪᐤ ᓇᒪᔭᔪᐛ ᓇᐸᐛ ᐊᑲ ᐊᐱᑕᔨᒪᑦ᙮ ᒋᓴᒪᓂᑐᐛ, ᐊᓂᔭᔪᐛ ᑲ ᒥᔨᑯᑦ ᑲ ᐸᔭᒋᓯᔨᒋ ᐊᒐᒂ ᐊᐅᑯᓐ ᐊᓂᔭᔪᐛ ᓇᒪ ᐊᐱᑕᔨᒪᐤ᙮

1 ᐱᑕᕐ 4:14

ᐛᔅ ᒧᔭᒻ ᒪᔭᔨᒥᑯᐅᔭᒂ ᙭ ᐊ ᓇᓴᐛᒄ, ᒋ ᓱᐛᔨᑕᑯᓯᓇᐛᐤ ᐛᔅ ᐊᑯᑕ ᐛᒋ ᒋᔅᒐᔨᑕᒂᒡ ᑕᑈ ᐊ ᐎᒐᐅᑕᒄ ᑲ ᒋᔅᑕᔨᑕᑯᓯᑦ ᐊᒐᐧᒄ, ᒋᓴᒪᓂᑐᐤ ᐅᑦ ᐊᒐᒂ᙮