1 ᑯᕆᓐᑎᔭᓇ 3:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᒧᔭᒻ ᑲᓂᑕᐅᒋᒋᑭᓂᒐᑦ ᐊ ᒋᒋᐱᔨᑕᑦ ᐊ ᓂᑕᐅᒋᑕᑦ, ᐊᐅᑯᓐ ᐊ ᐃᓯᓇᑯᓯᔭᓐ ᓂᔾ, ᐛᔅ ᓂᔾ ᓂᔅᑎᒻ ᔅᒋ ᐎᑎᒪᑎᓇᐛᐤ ᒥᔽᒋᒧᐅᓐ᙮ ᐊᑯ ᒪᒃ ᐊᐳᓚᔅ ᒧᔭᒻ ᐊᓐ ᑲ ᓂᑕᐅᒋᑕᑦ ᒧᔅ ᑲ ᓱᒋᔅᑕᑦ ᐊᓂᔭᔪᐛ ᑲ ᓂᑕᐅᒋᑕᐅᒡ ᐃᓯᓇᑯᓱᐤ᙮ ᐊᑐᐎᔅ ᔅᒋ ᐎᑎᒪᑯᐛᐤ ᑕᓐ ᒋᐸ ᐃᓯ ᐱᒪᑎᓯᐛᓇᐛᐤ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᒥᒄ ᒪᒃ ᒋᓴᒪᓂᑐᐤ ᐊᐅᒄ ᒋᒋᐛ ᐊ ᐃᑐᑕᑕᒄ ᒐᒋ ᒥᔪ ᓂᑕᐅᒍᐛᒄ ᒋᑕᑈᑎᒧᐅᓄᐛᒡ᙮

1 ᑯᕆᓐᑎᔭᓇ 3:6 Iomraidhean Croise

ᑎᐱᑦ ᐅᓂᑭᒧᐅᓇ 127:1

ᒥᓱᐧᒄ ᐊᑲ ᐎᔾ ᐅᓯᑕᑦ ᒥᒋᐛᔪᐤ ᑎᐸᔨᒋᒐᓱᐤ, ᓂᑐᐎ ᐃᓯ ᐊᑐᔅᒐᐅᒡ ᐊᓐᒡ ᑲ ᐅᓯᑕᒡ: ᒥᓱᐧᒄ ᑎᐸᔨᒋᒐᓱᐤ ᐊᑲ ᐎᔾ ᑲᓄᐛᔨᑕᒐ ᐅᑕᓇᔪᐤ, ᓂᑐᐎ ᐃᓯ ᐊᓱᐛᐳᐤ ᑲ ᐊᓱᐛᐱᑦ᙮

ᑎᐱᑦ ᐅᓂᑭᒧᐅᓇ 62:11

ᒋᓴᒪᓂᑐᐤ ᒋ ᐃᔨᒧᐤ ᐸᐃᒂᐤ; ᓂᔄᐤ ᐅ ᓂᒋ ᐸᑕᓐ; ᑭᔅᒋᐅᓂᔪᐤ ᐊ ᑎᐱᔽᐅᓯᑦ ᒋᓴᒪᓂᑐᐤ᙮

ᑎᐱᑦ ᐅᓂᑭᒧᐅᓇ 62:9

ᒐᔅᑎᓇᔅ ᐃᔪᒡ ᑲ ᐊᐱᔅᑕᔨᑕᑯᓯᒡ ᓂᑐᐎᔾ ᐃᑕᔨᑕᑯᓱᐅᒡ, ᑭᔭ ᐃᔪᒡ ᑲ ᐃᔅᐸᔨᑕᑯᓯᒡ ᑭᑭᒋᔭᐅᒡ: ᒐᒋ ᑎᐸᔅᑯᓇᑭᓄᐅᒡ, ᐅᔅᑕ ᔭᐧᑭᓱᐅᒡ ᐃᔅᐱᔅ ᓂᑐᐎᔾ ᒐᒂᓐ᙮

ᐊᑈᔅᑕᓇᒡ 11:18

ᐅᔭ ᒪᒃ ᐊ ᐸᑐᐛᒡ ᐊ ᐃᓯ ᐎᑎᒥᔨᒋ ᓇᒪ ᐅᒋ ᓂᔅᑯᔅᑐᐛᐅᒡ᙮ ᒋ ᒋᔅᑕᒋᒪᐅᒡ ᒋᓴᒪᓂᑐᐛ ᐊ ᐃᔅᒋᔄᒡ, “ᒋᓴᒪᓂᑐᐤ ᒋ ᓇᐃᐱᔨᑕᐤ ᐊᓂᔭ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᐱᒪᒋᐅᔨᒋ᙮”

ᐊᑈᔅᑕᓇᒡ 14:27

ᐃᔅᐱ ᒪᒃ ᑲᐤ ᒪᓯᑲᒡ ᐊᓐᒡ ᐊᑈᔅᑕᓇᒡ ᐊᓐᑕ ᐊᓐᑎᔭᑭᒡ, ᒋ ᓂᔅᑐᓇᐅᒡ ᐊᓂᔭ ᒥᓯᐛ ᐅᒪᒧᐊᔭᒥᐊᐛ ᐊ ᐛᐎᑎᒧᐛᒡ ᑕᓐ ᑲ ᐃᑐᑎᒥᔨᒋ ᒋᓴᒪᓂᑐᐛ ᐎᔨᐛᐤ ᐊᒋ ᐊᐱᒋᐃᑯᒡ᙮ ᐊᑯ ᒪᒃ ᐊᓐᒡ ᐃᔪᒡ ᒋ ᐎᑎᒪᑯᐅᒡ ᐊᓂᔭ ᐊᑈᔅᑕᓇ, ᐊᓂᔭ ᐃᔪᐛ ᐊᑲ ᒍᐤ ᑲ ᐃᑎᔅᑲᓇᓯᔨᒋ ᑭᔭ ᐎᔨᐛᐤ ᐊ ᑕᑈᔭᔨᒪᒡ ᒋᓴᓴ᙮

ᐊᑈᔅᑕᓇᒡ 16:14

ᐊᑯ ᐸᐃᒄ ᐃᔎᐤ ᐊᓐᑕ ᑲ ᑕᑦ ᐊ ᓂᑐᑕᑯᔭᒡ ᓕᑎᔭ ᒋ ᐃᓯᓂᐧᑲᓱᐤ, ᑕᔭᑕᐃᕋ ᐊ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ᐅᒋᔪᐤ᙮ ᐊᐅᑯᓐ ᑲ ᐃᑕᐱᑎᓯᑦ ᐊᒋ ᐊᑕᐛᑦ ᒪᓐ ᐊ ᓱᓇᔭᐎᔨᒋ ᐊᐱᒋᑕᐅᓇ᙮ ᐊᑎ ᒪᒃ ᐊᑲ ᒍᐤ ᐅᒋ ᐃᑎᔅᑲᓇᓯᑦ ᐃᔭᐱᒡ ᒋ ᑕᑈᔭᔨᒪᐤ ᒋᓴᒪᓂᑐᐛ ᒧᔭᒻ ᒍᐤ ᐃᔪᒡ ᑲ ᐃᑎᒡ᙮ ᓇᔅᒡ ᒋ ᓂᑐᑎᒻ ᑕᓐ ᑲ ᐃᔅᒋᔄᔨᒋ ᑈᓚ, ᐊᑯ ᒂ ᒥᔨᑯᑦ ᐅᑎᐸᔨᒋᒐᐛ ᒐᒋ ᓂᔅᑐᑕᐧᒃ ᑭᔭ ᒐᒋ ᑕᑈᑕᐧᒃ᙮

ᐊᑈᔅᑕᓇᒡ 18:24

ᒍᐤ ᐃᔪᐤ ᐊᐳᓚᔅ ᐊ ᐃᓯᓂᐧᑲᓱᑦ ᐊᓐᑕ ᐊᓕᒃᓴᓐᑕᕆᔭ ᐊ ᐅᒋᑦ ᒋ ᑎᑯᓯᓄᐤ ᐊᓐᑕ ᐃᐱᓴᔅ᙮ ᓇᔅᒡ ᒋ ᑭᔅᒋᐅᐤ ᐅ ᓇᐸᐤ ᐊ ᐃᔨᒥᑦ, ᑭᔭ ᒋ ᒥᔪ ᒋᔅᒐᔨᑎᒻ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 19:1

ᒪᒂᒡ ᒪᒃ ᐊᐳᓚᔅ ᐊᓐᑕ ᑯᕆᓐᑦ ᑲ ᑕᑦ, ᑈᓪ ᒋ ᐱᐸᒧᑕᐤ ᐊᓐᑕ ᐊᓂᔭ ᐊᔅᒋᔪᐤ ᐊᑯ ᒐᒃ ᒂ ᐅᑎᑕᐧᒃ ᐃᐱᓴᔅ᙮ ᐊᑯᑕ ᒂ ᓂᒋᔅᑯᐛᑦ ᐱᔅᒐ ᐊᓂᔭᔪᐛ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ᙮

ᐊᑈᔅᑕᓇᒡ 21:19

ᑈᓪ ᒪᒃ ᒋ ᐊᑎ ᐛᒋᔭᒪᐤ ᒥᓯᐛ, ᐊᑯ ᒂ ᐊᑎ ᐛᐎᑎᒧᐛᑦ ᒥᓯᐛ ᐊᓂᔭ ᑕᓐ ᑲ ᐃᓯ ᐃᑐᑎᒪᑯᔨᒋ ᒋᓴᒪᓂᑐᐛ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᒪᒂᒡ ᑲ ᐛᐎᑕᐧᒃ ᒥᔽᒋᒧᐅᓂᔪᐤ ᐊᓐᑕ ᐊ ᑕᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:18

ᓇᒪ ᑯᑎᒡ ᒐᒂᓐ ᓂᑭ ᐅᒋ ᐊᔨᒧᑕᓐ, ᒥᒄ ᑕᓐ ᑲ ᐃᓯ ᐊᐱᒋᐃᑦ ᒋᓴᔅ ᒐᒋ ᐎᒋᐃᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᓂᓇᐃᑐᐛᔨᒋ ᒋᓴᒪᓂᑐᐛ, ᐊᐅᑯᓐ ᒥᒄ ᒐ ᐊᔨᒧᑎᒪᓐ᙮ ᑕᓐ ᑲ ᐃᓯ ᐛᐎᑎᒧᐅᒂᐤ ᑭᔭ ᑕᓐ ᑲ ᐃᑐᐅᒡ,

1 ᑯᕆᓐᑎᔭᓇ 1:12

ᔅᒋ ᐃᑕᒋᒥᑯᐛᐅᒡ ᐱᔅᒐ ᐊᓐᑕ ᐊ ᑎᓯᔭᒄ ᐊ ᑕᒡ ᐊ ᐃᔅᒋᔄᔭᒄ, “ᓂᔾ ᑈᓪ ᐊ ᓇᓴᐎᔭᒄ,” ᐊᑯ ᑯᑎᑭᒡ ᐊᓐᑕ ᒪᒂᒡ ᐊ ᑕᐛᒄ ᐊ ᑕᒡ ᐊ ᐃᔅᒋᔄᒡ, ᐊᐳᓚᓴ ᐊ ᓇᓴᐛᒡ, ᐊᑯ ᑯᑎᑭᒡ ᐊ ᐃᔅᒋᔄᒡ, ᐱᑕᕋ ᐊ ᓇᓴᐛᒡ, ᐊᑯ ᒥᓐ ᑯᑎᑭᒡ ᐊ ᐃᔅᒋᔄᒡ, ᙭ᑕ ᐊ ᓇᓴᐛᒡ᙮

1 ᑯᕆᓐᑎᔭᓇ 1:30

ᐎᔾ ᒋᓴᒪᓂᑐᐤ ᒋ ᓇᐃᐱᔨᑕᐤ ᒐᒋ ᐎᒐᐅᒪᑯ ᒋᓴᔅ ᙭ᑕ᙮ ᒋᓴᔅ ᒪᒃ ᐊ ᑕᑦ ᐅᒋ ᐊᑯᑕ ᐛᒋ ᐊᔭᔭᐧᒄ ᑭᒐᑕᐛᔨᑎᒧᐅᓐ, ᑭᔭ ᑯᐃᔅᑯᑕᑎᓯᐅᓐ, ᑭᔭ ᐸᔭᒋ ᐱᒪᑎᓯᐅᓐ, ᑭᔭ ᐱᒪᒋᐃᑯᓯᐅᓐ᙮

1 ᑯᕆᓐᑎᔭᓇ 3:22

ᓂᔾ ᑈᓪ ᑭᔭ ᐊᐳᓚᔅ, ᑭᔭ ᐱᑕᕐ, ᒋᓴᒪᓂᑐᐤ ᓂᒋ ᐸᒋ ᐃᑎᓴᐅᑯᓇᓐ ᒐᒋ ᐎᒋᐃᑕᒡ᙮ ᒥᓯᐛ ᐅᔭ ᐊᔅᒋᔪᐤ ᔅᒋ ᐱᔅᑎᓂᒪᑯᐛᐤ, ᑭᔭ ᔅᒋ ᒥᔨᑯᐛᐤ ᐱᒪᑎᓯᐅᓂᔪᐤ ᑭᔭ ᓂᐳᐅᓂᔪᐤ᙮ ᐅᔭ ᐊᓄᒡ ᒪᒂᒡ ᑲ ᐃᔅᐱᔨᒡ ᑭᔭ ᒥᓯᐛ ᒐ ᐃᔅᐱᔨᒂ ᐊᓐᑕ ᓂᔅᑕᒥᒡ ᔅᒋ ᒥᔨᑯᐛᐤ ᒋᓴᒪᓂᑐᐤ ᒐᒋ ᐎᒋᐃᑯᐛᒄ᙮

1 ᑯᕆᓐᑎᔭᓇ 3:7

ᓇᒪ ᒪᒃ ᒐᒂᓐ ᐃᑕᔨᑕᑯᓱᐤ ᐊᓐ ᐊᐛᓐ ᑲ ᓂᑕᐅᒋᑕᑦ ᑭᔭ ᐊᓐ ᐊᐛᓐ ᑲ ᓱᒋᔅᑕᑦ ᐊᓂᔭ ᓂᑕᐅᒋᑕᑭᓂᔪᐤ᙮ ᒋᓴᒪᓂᑐᐤ ᐊᐅᒄ ᒋᒋᐛ ᐊ ᐃᑕᔨᑕᑯᓯᑦ ᐊᓐ ᑲ ᐃᑐᑕᐧᒃ ᒐᒋ ᓂᑕᐅᒋᓂᔨᒡ ᐊᓂᔭ ᓂᑕᐅᒋᑕᑭᓂᔪᐤ᙮

1 ᑯᕆᓐᑎᔭᓇ 9:1

ᓇᒪ ᒐᒂᓐ ᓂ ᑎᐸᔨᒥᑯᓐ᙮ ᐊᑈᔅᑕᓐ ᑕᑈ ᓂᔾ᙮ ᒋᓴᔅ ᒋᑎᐸᔨᒋᒐᓯᒥᓄᐤ ᓂᒋ ᐸᒋ ᓄᑯᓯᔅᑕᒄ᙮ ᑭᔭ ᓂᔾ ᔅᒋ ᐎᑎᒪᑎᓇᐛᐤ ᒥᔽᒋᒧᐅᓐ ᐊᑎ ᑲ ᐅᒋ ᑕᑈᔭᔨᒪᒄ ᙭᙮ ᒋᔨᐛᐤ ᐊ ᑕᔭᒄ ᐊᑯᑕ ᐛᒋ ᓄᒂᒡ ᑕᑈ ᐊ ᐊᑐᔅᑯᐅᒃ ᐅᑎᐸᔨᒋᒐᐤ᙮

ᐃᐱᓯᔭᓇ 3:17

ᑭᔭ ᓂᑦ ᐊᔭᒥᐊᐤ, ᙭ ᒐᒋ ᑕᑦ ᒋᐱᒪᑎᓯᐅᓄᐛᒡ ᐊᓐ ᐅᒋ ᐊ ᑕᑈᑎᒪᒄ᙮ ᑭᔭ ᐊᓐ ᐊ ᐊᑎ ᔭᐃᒋᓂᑕᐅᒋᔭᒄ ᑭᔭ ᐊ ᐊᑎ ᐊᔨᒋᑲᐳᐅᔭᒄ ᓴᒋᐃᐛᐅᓂᒡ ᐃᔅ,

1 ᑕᓴᓗᓂᔭᓇ 1:5

ᐃᔅᐱ ᑲ ᐛᐎᑎᒪᑕᒡ ᒥᔽᒋᒧᐅᓐ ᓇᒪ ᒥᒄ ᓂ ᐅᒋ ᐃᔨᒥᓇᓐ ᒪᒃ ᐊᔪᐤ ᔅᒋ ᐛᐸᑕᓇᐛᐤ ᓱᐧᑲᑎᓯᐅᓐ ᑲ ᐸᔭᒋᓯᑦ ᐊᒐᐧᒄ ᐅᒋ᙮ ᑭᔭ ᐊᐅᒄ ᐊᓐ ᑲ ᐃᑐᑕᑕᒄ ᓇᔅᒡ ᒐᒋ ᑕᑈᑎᒪᒄ ᐊ ᑕᑈᒥᑲᒡ ᑕᓐ ᑲ ᐃᓯ ᐎᑎᒪᑕᒡ᙮ ᔅᒋ ᒋᔅᒐᔨᒥᓇᓐ ᑕᓐ ᑲ ᐃᑕᑎᓯᔭᒡ ᐊᓐᑕ ᐊ ᑕᔭᒄ ᑲ ᑕᔭᒡ ᐊᓐᑕ ᐊᒋ ᐅᒋ ᐎ ᐎᒋᐃᑕᒡ᙮