1 ᑯᕆᓐᑎᔭᓇ 3:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᒋᔨᐛᐤ ᒪᒃ ᙭ ᐊ ᑕᑦ ᒋ ᐊᑎ ᐃᓯ ᑎᐸᔨᑕᑯᓯᓇᐛᐤ᙮ ᐎᔾ ᒪᒃ ᙭, ᒋᓴᒪᓂᑐᐛ ᐊ ᑕᔨᒋ ᐃᓯ ᑎᐸᔨᑕᑯᓱᐤ᙮

1 ᑯᕆᓐᑎᔭᓇ 3:23 Iomraidhean Croise

ᒪᑎᔪᐤ 17:5

ᒪᒂᒡ ᒪᒃ ᐊᔅᒄ ᐊ ᐃᔨᒥᑦ, ᑭᔅᑯᐅᓂᔎ ᓇᔅᒡ ᐊ ᐛᓱᓱᔨᒋ ᒋ ᐸᒋ ᐊᑯᒋᓂᔪᐛ ᐊᓐᑕ ᑎᐱᔅᑯᒡ ᐃᔅᐱᒥᒡ ᐊ ᑕᒡ, ᐊᓐᑕ ᒪᒃ ᑭᔅᑯᐅᓂᔅᑯᒡ ᒋ ᐅᒋ ᐸᑐᐛᐅᒡ ᐊᐛᔪᐛ ᐊ ᐃᔅᒋᔄᔨᒋ, “ᐊᐅᒄ ᐅ ᓂᑯᔅ ᑲ ᓴᒋᐃᒃ, ᑭᔭ ᓇᔅᒡ ᑲ ᓂᓇᐊᔨᑎᒥᐃᑦ᙮ ᓂᑐᑐᐛᐧᒄ᙮”

ᒠᓐ 17:18

ᓂᔾ ᐊᑯ ᐊ ᐃᑎᓴᐅᒂᐤ ᐅᑕ ᐊᔅᒋᒡ ᒧᔭᒻ ᒋᔾ ᑲ ᐃᓯ ᐸᒋ ᐃᑎᓴᐎᔨᓐ ᐅᑕ ᐊᔅᒋᒡ᙮

ᒠᓐ 17:21

ᑭᒪ ᐃᓯᓇᑯᓱᒡ ᐅᒡ ᒐᒋ ᐸᐃᑯᒡ᙮ ᓄᑕ, ᒋ ᓂᑐᑎᒪᑎᓐ ᒐᒋ ᐱᒋᔅᑲᑕᐧᑯᒡ ᒧᔭᒻ ᒋᔾ ᐊ ᐃᓯ ᐱᒋᔅᑯᐎᔨᓐ ᑭᔭ ᒐᒋ ᐅᒋ ᑕᑈᑕᒡ ᐊᐛᓐᒋ ᐅᑕ ᐊᔅᒋᒡ ᐊ ᑕᒡ ᑕᑈ ᒋᔾ ᐊᒋ ᐸᒋ ᐃᑎᓴᐎᔨᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:8

ᐛᔅ ᒪᒂᒡ ᐊ ᐱᒪᑎᓯᔭᐧᒄ ᐅᑎᐸᔨᒋᒐᐤ ᒋᐸ ᒋᔅᑕᔨᑕᑯᐊᓄᐤ᙮ ᑭᔭ ᐃᔅᐱ ᓂᐱᔭᒂ ᐎᔾ ᒋᑭ ᒋᔅᑕᔨᑕᑯᐊᓄᐤ᙮

1 ᑯᕆᓐᑎᔭᓇ 11:3

ᒥᒄ ᒪᒃ ᒪᐅ ᓇᑐᐛᔨᒥᑎᑯᒡ ᒐᒋ ᒋᔅᒐᔨᑎᒪᒄ᙮ ᙭ ᓂᑲᓂᔅᑯᐛᐤ ᒥᓯᐛ ᓇᐸᐛ᙮ ᓇᐸᐤ ᒪᒃ ᐎᐛ ᓂᑲᓂᔅᑯᐛᐤ, ᐊᑯ ᒋᓴᒪᓂᑐᐤ ᙭ᑕ ᓂᑲᓂᔅᑯᐛᐤ᙮

1 ᑯᕆᓐᑎᔭᓇ 15:23

ᒥᓯᐛ ᒪᒃ ᐊᐛᓐ ᑎᑯᓂᔪᐤ ᑕᐃᔅᐱ ᒐ ᐅᓂᔅᑲᓇᑭᓄᐅᑦ᙮ ᙭ ᓂᔅᑎᒻ ᒋ ᐅᓂᔅᑲᓇᑭᓄᐤ᙮ ᐊᑯ ᒪᒃ ᒐ ᐅᓂᔅᑲᓇᑭᓄᔨᒋ ᐊᓂᔭᔪᐛ ᐊᐛᔪᐛ ᑲ ᑎᐱᔨᐛᐅᓯᑦ ᐃᔅᐱ ᒥᓐ ᑎᑯᓯᒐ᙮

1 ᑯᕆᓐᑎᔭᓇ 15:28

ᐃᔅᐱᔅ ᒥᓯᐛ ᒐᒂᔪᐤ ᒋ ᒥᔭᑭᓄᐅᒐ ᙭ ᒐᒋ ᑎᐸᔨᑕᐧᒃ ᐊᑯ ᐎᔾ ᙭ ᒐ ᐱᔅᑕᔨᒥᑎᓱᔅᑐᐛᑦ ᒋᓴᒪᓂᑐᐛ, ᐊᓂᔭᔪᐛ ᑲ ᒥᔨᑯᑦ ᒥᓯᐛ ᒐᒂᔪᐤ ᒐᒋ ᑎᐸᔨᑕᐧᒃ᙮ ᐊᑯ ᒪᒃ ᒋᓴᒪᓂᑐᐤ ᓇᔅᒡ ᒥᓯᐛ ᒐᒂᔪᐤ ᑭᔭ ᒥᓯᐛ ᐊᐛᔪᐛ ᒐ ᑎᐸᔨᒪᑦ᙮

1 ᑯᕆᓐᑎᔭᓇ 7:22

ᐛᔅ ᐊᓐ ᐊᐛᓐ ᑲ ᐅᑦ ᐊᐱᒋᐊᑭᓂᑐᑐᐛᑭᓄᐅᑦ ᐃᔅᐱ ᑲ ᐱᒪᒋᐃᑯᑦ ᐅᑎᐸᔨᒋᒐᐛ, ᑲ ᑎᐸᔨᒥᓱᑦ ᐃᓯ ᑭᓄᐛᐱᒥᑯᐤ ᐅᑎᐸᔨᒋᒐᐛ, ᐊᑯ ᐊᓐ ᐊᐛᓐ ᐎᔾ ᑲ ᑎᐸᔨᒥᓱᑦ ᑲ ᐱᒪᒋᐊᑭᓄᐅᑦ ᐊᐅᑯᓐ ᐊᓐ ᙭ᑕ ᐛᑕᐱᒋᐊᑭᓂᑐᑕᑯᑦ᙮

1 ᑯᕆᓐᑎᔭᓇ 8:6

ᒋ ᒋᔅᒐᔨᑕᓇᓄᐤ ᐎ ᒋᔭᓄᐤ ᒥᒄ ᐊ ᐸᐃᑯᓯᑦ ᒋᓴᒪᓂᑐᐤ ᐊᓐ ᐛᑕᐎᒪᐅᑦ, ᐊᓐ ᒥᓯᐛ ᒐᒂᔪᐤ ᑲ ᐅᓯᑕᑦ᙮ ᒥᓯᐛ ᒐᒂᓐ ᒋᓴᒪᓂᑐᐤ ᐊ ᑕᑦ ᐅᒋᐱᔪᐤ, ᑭᔭ ᐊᐅᒄ ᐸᒪᑎᓯᔅᑐᐛᐧᒄ᙮ ᑭᔭ ᒥᒄ ᐸᐃᑯᓱᐤ ᐅᑎᐸᔨᒋᒐᐤ, ᐊᐅᒄ ᒋᓴᔅ ᙭᙮ ᐎᔾ ᐅᒋ ᐛᒋ ᑎᒂᒡ ᒥᓯᐛ ᒐᒂᓐ ᑲ ᐅᓯᑕᑭᓄᐅᒡ, ᑭᔭ ᐎᔾ ᐅᒋ ᐛᒋ ᐊᔭᔭᐧᒄ ᐱᒪᑎᓯᐅᓐ᙮

2 ᑯᕆᓐᑎᔭᓇ 10:7

ᐊᑲᐎᔾ ᐃᑎᒄ ᒧᔭᒻ ᐊᑲ ᐛᐸᑎᒪᒄ ᑕᓐ ᐊ ᐃᓯ ᒥᔪ ᓂᔅᑐᓇᒂᒡ᙮ ᐊ ᑕᒂ ᐊᐛᓐ ᐊ ᒐᔅᑎᓇᐅᑦ ᙭ ᐊ ᑎᐱᔨᐛᐅᓯᑐᑕᑯᑦ ᒐ ᐎ ᒋᔅᒐᔨᑕᐧᒃ ᐊᐅᑯᓐ ᐊᓐ ᑭᔭ ᒋᔭᓄᐤ ᑕᐸᔨᒥᑕᐧᒄ᙮

ᑲᓚᓯᔭᓇ 3:29

᙭ ᐊ ᑕᑦ ᐊ ᐃᓯ ᑎᐸᔨᑕᑯᓱᐅᓇ ᒧᔭᒻ ᐊᑉᕋᐊᒻ ᐊ ᑕᑦ ᐊᒋ ᐅᒋ ᐊᓂᔅᒐ ᐱᒪᑎᓯᔨᓐ ᒋᑦ ᐃᓯᓇᑯᓯᓐ᙮ ᐊᑯ ᒪᒃ ᒐ ᒥᔅᑭᒧᑦ ᐊᓂᔭ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᒥᔨᐛᑦ᙮

ᑲᓚᓯᔭᓇ 5:24

ᐊᓐᒡ ᒪᒃ ᒋᓴᔅ ᙭ᑕ ᑲ ᑎᐱᔨᐛᐅᓯᑐᑕᑯᒡ ᓴᔅ ᒋ ᐎᔭᔨᑎᒧᒡ ᒐ ᐊᑲ ᒋ ᐱᔅᑕᔨᒥᑎᓱᒡ ᑲᐤ ᒐᒋ ᐃᑐᑕᒡ ᑕᓐ ᐛ ᐃᓯ ᐛᒋᐱᔨᒡ ᒐᒋ ᐃᓯ ᒥᒋ ᐱᒪᑎᓯᒡ᙮ ᓇᒪ ᐎ ᒥᒋᑐᑎᒧᒡ ᑕᓐ ᑲ ᐃᓯ ᐸᒋ ᒥᒋᑐᑕᒡ ᐊᓐᑕ ᐃᔅ ᐅᑕᒡ᙮ ᒧᔭᒻ ᑕᑈ ᐊᒋ ᐊᓯᒡ ᒋᔅᑕᔎᑕᒡ ᐅᒥᒐᑎᓯᐅᓄᐛᐤ ᑭᔭ ᐅᒥᒋᓂᑐᐛᔨᑎᒧᐅᓄᐛᐤ ᒋᐱᔭᑎᑯᒡ ᐊᐅᑯᓐ ᑲ ᐃᑎᒡ᙮

ᐃᐱᓯᔭᓇ 1:10

ᐃᔅᐱ ᒪᒃ ᐅᑎᒋᐱᔨᒐ ᐊᓐᑕ ᒐ ᑎᐸᐱᔨᒡ ᐊᓂᔭ ᑲ ᐎ ᐃᑐᑕᐧᒃ ᒋᓴᒪᓂᑐᐤ ᒋᑭ ᒪᒧᐅᓂᒻ ᒥᓯᐛ ᒐᒂᔪᐤ ᙭ᑕ ᒐ ᓂᑲᓂᔅᑭᒥᔨᒋ, ᒥᓯᐛ ᑕᓐ ᐊ ᐃᓯ ᑎᑯᓂᔨᒡ ᒋᒋᒋᓯᑯᒡ ᑭᔭ ᐅᑕ ᐊᔅᒋᒡ᙮