1 ᑯᕆᓐᑎᔭᓇ 3:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐊᑯ ᒪᒃ ᐃᔎᑕᔨᒐ ᓇᒪ ᒐᒂᔪᐤ ᒋᑭ ᐅᒋ ᐊᔭᐤ, ᐊᑐᐎᔅ ᑭᑈ ᒋᑭ ᐱᒪᒋᐊᑭᓄᐤ ᐎᔾ ᒧᔭᒻ ᐊᐛᓐ ᐊᒋ ᓴᐳᔅᑲᐧᒃ ᐃᔅᑯᑕᔪᐤ ᐊᑲ ᐅᒋ ᑲᒋᔅᑎᑭᓱᑦ ᒋᑭ ᐃᓯᓇᑯᓱᐤ᙮

1 ᑯᕆᓐᑎᔭᓇ 3:15 Iomraidhean Croise

ᑎᐱᑦ ᐅᓂᑭᒧᐅᓇ 66:10

ᐛᔅ ᒋᔾ, ᐅ ᒋᓴᒪᓂᑐᐤ, ᔅᒋ ᑯᒋᐃᓇᓐ; ᔅᒋ ᑯᒂᒋᐃᓇᓐ, ᒧᔭᒻ ᐊ ᑯᒂᒋᑕᑭᓄᐅᒡ ᓱᓇᔭᐱᔅᒄ᙮

ᑎᐱᑦ ᐅᓂᑭᒧᐅᓇ 66:12

ᔅᒋ ᐱᒥᑕᑎᐱᐊᐅᒡ ᐃᔪᒡ ᒥᒋᒪ ᓂᔅᑎᒂᓂᓇᒡ: ᓂᒋ ᓴᐳᔅᑲᓇᓐ ᐃᔅᑯᑕᐤ ᑭᔭ ᓂᐱᔾ; ᒪᒃ ᔅᒋ ᐸᒋ ᐃᑐᑕᐃᓇᓐ ᐊᓐᑕ ᐊ ᐛᔪᑎᒡ᙮

ᐊᑈᔅᑕᓇᒡ 27:21

ᒐᒃ ᓇᐅᔅ ᓇᒪ ᐅᒋ ᒥᒋᓱᐅᒡ ᐊᓐᒡ ᓇᐸᐅᒡ᙮ ᐊᑯ ᑈᓪ ᒂ ᐃᔨᒪᐊᑦ᙮ ᒋ ᐃᔅᒋᔄᐤ ᒪᒃ, “ᓇᐸᑐᒄ, ᐊᑯᔅ ᒪᒃ ᒋ ᓂᑐᑐᔭᒂᒂ ᑲ ᐃᔭᒂᒥᑎᑯᒡ, ᐊᑯᔅ ᐊᓐᑕ ᑯᕆᑦ ᒋ ᐃᑕᐛᐛᐅᒂ, ᑭᔭ ᓇᒪ ᒋᐸ ᐅᒋ ᐃᔅᐱᔅ ᐅᓂᑎᓇᓄᐤ ᒐᒂᔪᐛ ᑭᔭ ᓇᒪ ᒋᐸ ᐅᒋ ᐱᒂᐊᓐ ᐅ ᒋᑦ ᐅᑎᓄᐤ᙮

ᐊᑈᔅᑕᓇᒡ 27:44

ᑭᔭ ᐊᓐᒡ ᑯᑎᑭᒡ ᐊᐅᑯᓐ ᒋᐸ ᐃᑐᐅᒡ ᑭᔭ ᐎᔨᐛᐤ ᐊ ᒪᒋᑯᒡ ᓂᐱᐧᑲᑎᑯᒡ ᒪᒃ ᑯᑎᒋᔪᐤ ᒐᒂᔪᐤ ᐊᓐᑕ ᐅᒋ ᐊ ᒥᓴᒡ ᐅᐤᑎᒡ ᐊᒋ ᐱᒂᐊᓂᔨᒡ᙮ ᐊᑯ ᒪᒃ ᒥᓯᐛ ᑲ ᑎᓯᔭᒡ ᑲ ᒥᔪᐱᔭᒡ ᒐᒋ ᑭᐸᔭᒡ ᐊᔅᒋᔾ ᒐᒋ ᑕᒋᔅᑭᒪᒡ᙮

1 ᐱᑕᕐ 4:18

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒧᔭᒻ ᒥᓇᐅᔅ ᒐ ᐱᒪᒋᐊᑭᓄᐛᒂ ᐊᓐᒡ ᑲ ᑯᐃᔅᑯᑕᑎᓯᒡ, ᑕᓐ ᒐ ᐃᔅᐱᔨᒡ ᐎ ᐊᓐᒡ ᐅᒥᒋᑥᐅᒡ ᑭᔭ ᐊᓐᒡ ᑲ ᒪᓂᑐᐛᑎᓯᒡ ᐊᑲ ᐎ ᓂᓇᐃᑐᐛᒡ ᒋᓴᒪᓂᑐᐛ ?

2 ᒠᓐ 1:8

ᐃᔭᒂᒥᒄ ᒪᒃ ᒐ ᐊᑲ ᒋ ᐅᓂᑕᔭᒄ ᐊᓐ ᑎᐸᐊᒪᑯᓯᐅᓐ ᑲ ᐊᑐᔅᒐᔅᑎᒪᒄ ᒐᒋ ᐊᔭᔭᒄ, ᑕᑈ ᒐᒋ ᒥᔅᑭᒪᒄ ᒥᓯᐛ ᑕᓐ ᐊ ᐃᓯ ᐊᔭᔅᑯᔅᑎᒪᑕᒄ ᒋᓴᒪᓂᑐᐤ᙮

ᒍᑦ 1:23

ᐎᒋᐊᐧᑯᒡ ᑯᑎᑭᒡ ᐊᐛᓐᒋ ᐊ ᐎᐧᑯᒋᐊᑯᒡ ᐃᔅᑯᑕᒡ ᐅᒋ ᑭᔭ ᒋᓴᐛᑐᑐᐛᐧᑯᒡ ᒥᒄ ᒪᒃ ᐃᔭᒂᒥᒄ, ᒐ ᐊᑲ ᒋ ᓴᐧᑯᒋᐃᑯᐛᒄ ᐅᒥᒐᑎᓯᐅᓄᐛᐤ᙮ ᒥᒄ ᐛᐧᑲᑎᒺᐧᒄ ᐛᐛᒡ ᐅᑦ ᐊᐱᒋᑕᐅᓄᐛᐛ, ᐛᔅ ᑎᑯᓂᔪᐤ ᐊ ᐃᓯ ᐎᓇᑯᑕᒡ ᐛᐛᒡ ᐊᓂᔭᔪᐛ ᐅᑦ ᐊᐱᒋᑕᐅᓄᐛᐛ ᑕᓐ ᐊ ᐃᓯ ᐎᓂᓱᐛᑎᓯᒡ᙮

ᒋᔅᒐᔨᑕᑯᑕᒐᐅᓐ 3:18

ᐊᐅᒄ ᐅ ᒐ ᐅᒋ ᐎᑎᒪᑎᑯᒡ ᑕᓐ ᒐ ᐃᑎᔭᒄ᙮ ᐊ ᑕᔭᓐ ᐅᑎᓇᒄ ᐎᔄᐅᓱᓇᔭᐱᔅᒄ᙮ ᐅ ᐎᔄᐅᓱᓇᔭᐱᔅᒄ, ᐃᔅᑯᑕᒡ ᒋ ᑎᑕᑭᓄᐤ ᒐᒋ ᐸᔭᒋᑕᑭᓄᐅᒡ᙮ ᐊᔭᐛᒂ ᒪᒃ, ᐊᑯ ᒐ ᐛᔪᑎᓯᔭᒄ ᒋᓴᒪᓂᑐᐤ ᐃᔅ ᐊ ᑕᑦ᙮ ᐅᑎᓂᒧᒄ ᑭᔭ ᐊ ᐛᐸᓯᔨᒋ ᐊᐱᒋᑕᐅᓇ ᒐᒋ ᒋᔅᑭᒪᒄ ᒐ ᐊᑲ ᒋ ᓴᒂᔨᒧᔭᒄ, ᐛᔅ ᓇᒪ ᐊᑯ ᒋᑭ ᐅᒋ ᒧᓴᔅᑭᑕᓇᐛᐤ᙮ ᑭᔭ ᐅᑎᓂᒧᒄ ᓂᑐᐧᑯᐅᓐ ᒐ ᐊᔅᑕᔭᒄ ᒋᔅᒋᓯᑯᐛᒡ ᒐᒋ ᐛᐸᑎᒪᒄ᙮