1 ᑯᕆᓐᑎᔭᓇ 3:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᐊᑯ ᒪᒃ ᐊᓂᔭ ᑕᓐ ᑲ ᐃᓯ ᐊᑐᔅᑯᐛᒂ ᐊᐛᓐ ᐅᑎᐸᔨᒋᒐᐛ ᐊᑲ ᓂᓱᐅᓇᑎᓂᔨᒐ, ᒋᑭ ᒥᔭᑭᓄᐤ ᐅᑎᐸᐊᒪᑯᓯᐅᓐ᙮

1 ᑯᕆᓐᑎᔭᓇ 3:14 Iomraidhean Croise

1 ᑯᕆᓐᑎᔭᓇ 3:8

ᐊᓐ ᐊᐛᓐ ᑲ ᓂᑕᐅᒋᑕᑦ ᑭᔭ ᐊᓐ ᑲ ᓱᒋᔅᑕᑦ ᐊᓂᔭ ᓂᑕᐅᒋᑕᑭᓂᔪᐤ, ᓂᓱ ᐊᑐᔅᒐᐅᒡ᙮ ᑕᐱᔅᑯᓐ ᐊᑐᔅᒐᔅᑎᒧᒡ ᐊᓂᔭ ᓂᑕᐅᒋᑕᑭᓂᔪᐤ᙮ ᒋᓴᒪᓂᑐᐛ ᒪᒃ ᒋᑭ ᑎᐸᐊᒪᑯᐅᒡ ᑕᓐ ᒐ ᐃᓯ ᐊᑐᔅᒐᔅᑎᒺᒂ᙮

1 ᑯᕆᓐᑎᔭᓇ 4:5

ᐊᐅᒄ ᒪᒃ ᐅ ᐅᒋ ᐊᑲᐎᔾ ᒋᑭ ᐅᒋ ᑎᐸᔅᑯᓇᓐ ᒐᒂᓐ ᐊᔅᒄ ᐊᑲ ᐅᑎᒋᐱᔨᒡ ᒐᒋ ᑎᐸᔅᑯᓇᑭᓄᐅᒡ᙮ ᐎᔾ ᐅᑎᐸᔨᒋᒐᐤ ᒧᓴ ᒋᑭ ᓄᑯᑕᐤ ᒥᓯᐛ ᒐᒂᔪᐤ ᑲ ᑲᑕᑭᓄᐎᒡ᙮ ᐛᐛᒡ ᐊᓂᔭ ᑕᓐ ᐊᓐ ᑲ ᐃᑕᔨᑎᒥᔨᒋ ᐊᐛᔪᐛ᙮ ᐊᑯ ᒪᒃ ᒥᓯᐛ ᐊᐛᓐ ᒐ ᐎᑎᒪᑯᑦ ᒋᓴᒪᓂᑐᐛ ᐊ ᓇᐊᔨᑎᒥᔨᒋ ᐊᓂᔭ ᑕᓐ ᑲ ᐃᓯ ᒥᔪᑐᑕᐧᒃ᙮

1 ᑯᕆᓐᑎᔭᓇ 9:17

ᓂᔾ ᒋ ᐃᑕᔨᑎᒪᓇᒂ ᒐᒋ ᐛᐎᑎᒪᓐ ᒥᔽᒋᒧᐅᓐ, ᑭᑈ ᓂᐸ ᐱᑯᓴᔨᑕᓐ ᒐᒋ ᑎᐸᐊᒪᑯᐅᔭᓐ᙮ ᒥᒄ ᒪᒃ ᒋᓴᒪᓂᑐᐤ ᐎᔾ ᓂᒋ ᒥᔨᒄ ᐅᔭ ᒐᒋ ᐃᓯ ᐊᑐᔅᒐᔅᑎᒧᒡ ᒥᔽᒋᒧᐅᓂᔪᐤ ᐊᐅᒄ ᒪᒃ ᐅ ᐛᒋ ᐛᐎᑎᒪᓐ᙮

ᑲᓚᓯᔭᓇ 6:4

ᒥᓯᐛ ᐸᐸᐃᒄ ᐊᐛᓐ ᒋᐸ ᓇᓂᑐ ᒋᔅᒐᔨᒥᓱᐤ ᑯᐃᔅᒄ ᑲ ᑎᒂ᙮ ᑯᐃᔅᒄ ᒪᒃ ᑲ ᑎᒂ, ᑭᑈ ᒐ ᒪᒥᒋᐃᓱᑦ, ᓇᒪ ᐛᐛᒡ ᒋᑭ ᐅᒋ ᑭᓄᐛᐸᑎᒺᐤ ᑯᑎᑲ ᐊᐛᔪᐛ ᑕᓐ ᑲ ᐃᑎᔨᒋ᙮

1 ᑕᓴᓗᓂᔭᓇ 2:19

ᓇᔅᒡ ᒪᒃ ᒥᓐ ᔅᒋ ᐎ ᐛᐱᒥᑎᓇᐛᐤ ᐛᔅ ᒋᔨᐛᐤ ᐊ ᑕᔭᒄ ᐅᒋᐱᔪᐤ ᒐᒋ ᐊᔭᔭᒡ ᐊᔅᐸᔨᒧᐅᓐ᙮ ᒋᔨᐛᐤ ᐊ ᑕᔭᒄ ᐅᒋᐱᔪᐤ ᐛᒋ ᒧᒋᒐᔨᑎᒪᒡ᙮ ᑭᔭ ᒋᔨᐛᐤ ᐊ ᑕᔭᒄ ᐅᒋᐱᔪᐤ ᓇᔅᒡ ᒐᒋ ᒐᔅᑎᓇᑕᔨᒧᔭᒡ ᒐᒋ ᐊᔨᒧᑎᒪᒡ ᑕᓐ ᑲ ᐃᓯ ᐸᒋ ᒥᔪ ᐊᐱᑎᓯᔭᒡ ᐃᔅᐱ ᑎᑯᓯᒐ ᒋᑎᐸᔨᒋᒐᓯᒥᓄᐤ ᒋᓴᔅ᙮

2 ᑎᒧᑎ 4:7

ᓴᔅ ᓂ ᒋᔅᑕᓐ ᐊᓐ ᑕᓐ ᓂᐸ ᐃᓯ ᒥᔪ ᒪᓯᑕᓐ, ᓴᔅ ᓂ ᒋᔅᑕᓐ ᑕᓐ ᑲ ᐃᓯ ᑯᒂᒋᔅᑭᑕᐃᒐᔭᓐ ᑭᔭ ᓂᒋ ᑭᓄᐛᔨᑕᓐ ᑕᓐ ᑲ ᐃᓯ ᑕᑈᑎᒪᓐ᙮

1 ᐱᑕᕐ 5:1

ᒪᐅᔭᔪᐤ ᐛ ᐃᑎᒂᐤ ᐊᓐᒡ ᑲ ᐎᒋᐃᐛᒡ ᐊ ᐱᒥᐱᔨᑕᑭᓄᐎᒡ ᐊᔭᒥᐊᐅᒋᐛᐱᔪᐤ ᐊᓐᑕ ᐊ ᑕᔭᒄ ᐊ ᑕᒡ ᐛᔅ ᑭᔭ ᓂᔾ ᓂᐎᒋᐃᐛᓐ ᐊ ᐱᒥᐱᔨᑕᑭᓄᐅᒡ ᐊᔭᒥᐊᐅᒋᐛᑉ᙮ ᓂᑭ ᒋ ᑎᐸᑐᑎᒺᓐ ᑭᔭ ᑕᓐ ᑲ ᐃᓯ ᓂᓇᐧᑲᑕᔨᒧᐊᑭᓄᐅᑦ ᙭ ᑭᔭ ᓂᑭ ᒋᔅᑕᔨᑕᑯᐃᑯᐅᓐ ᑭᔭ ᓂᔾ ᐃᔅᐱ ᓄᑯᑕᑭᓄᔨᒐ ᐊᓐᑕ ᙭ ᒐ ᒋᔅᑕᔨᑕᑯᐊᑭᓄᐅᑦ᙮ ᒪᐅᔭᔪᐤ ᐛ ᐃᑎᒂᐤ,

1 ᐱᑕᕐ 5:4

ᐊᑯ ᒪᒃ ᐃᔅᐱᔅ ᐸᒋ ᓄᑯᓯᒐ ᐊᓐ ᒪᐅᒡ ᑲ ᓂᑲᓇᔨᑕᑯᓯᑦ ᒪᔭᑕᓂᓯᐅ-ᐃᔪᐤ, ᒐ ᒥᔨᑯᐅᔭᒄ ᐊᓐ ᒪᐅᒡ ᐊ ᒋᔅᑕᔨᑕᒂᒡ ᑲᓂᔪᐅᓐ ᐊᓐ ᒐ ᐊᑲ ᓂᑕ ᐅᒋ ᐸᓯᑯᓇᒂᒡ᙮