1 ᑯᕆᓐᑎᔭᓇ 3:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᒋᓴᒪᓂᑐᐤ ᑲ ᐃᓯ ᒐᓱᐛᑦ ᒥᔪᑐᑎᒧᐅᑦ ᓂᒋ ᐃᑎᒄ ᒐᒋ ᐊᑐᔅᑯᐅᒃ᙮ ᓂᒋ ᐃᓯ ᐊᑐᔅᒐᓐ ᒪᒃ ᒧᔭᒻ ᐊᓐ ᐊᐛᓐ ᓇᔅᒡ ᑲ ᑭᔅᒋᐅᑦ ᐊ ᐅᓯᑕᑦ ᑕᓐᑕ ᒐ ᑕᒋᑲᐳᐎᔨᒡ ᒥᒋᐛᐱᔪᐤ᙮ ᐊᑯ ᒪᒃ ᑯᑎᑭᒡ ᐊ ᐊᑎ ᒋᔅᑕᒡ ᐊᓂᔭ ᑲ ᐃᓯ ᒋᒋ ᐎᔨᑲᐳᐅᑕᐅᒡ᙮ ᒥᒄ ᒪᒃ ᒥᓯᐛ ᐊᓐᒡ ᑲ ᐊᑎ ᐊᑐᔅᒐᔅᑕᒡ ᐊᓂᔭ ᑲ ᐃᓯ ᒋᒋ ᐎᔨᑲᐳᐅᑕᐅᒡ ᔭᐃᑕᔾ ᑯᐃᔅᒄ ᒋᑭ ᐎ ᐃᓯ ᐎᔨᑲᐳᐅᑕᐅᒡ ᐊᓂᔭ ᒥᒋᐛᐱᔪᐤ᙮

1 ᑯᕆᓐᑎᔭᓇ 3:10 Iomraidhean Croise

ᐊᒃᓱᑕᔅ 36:4

ᒥᓯᐛ ᐊᓐᒡ ᓇᐸᐅᒡ ᑲ ᑭᔅᒋᐅᒡ ᑲ ᑐᑕᒡ ᑕᑐᐎᒡ ᒐᒂᔪᐛ ᐊ ᐅᓯᑕᑭᓄᐎᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᒋᓂᑲᐱᔪᐅᒡ ᐊᑐᔅᒐᒡ᙮

ᒪᑎᔪᐤ 24:45

“ᐊᐱᒋᐊᑭᓐ ᑯᐃᔅᒄ ᑲ ᐃᑐᑕᐧᒃ ᐅᑦ ᐊᑐᔅᒐᐅᓐ ᑭᔭ ᑲ ᐃᑈᐧᑲᑦ ᐊᐅᒄ ᒐ ᐅᑎᓂᑯᑦ ᐅᒋᒪᒪ ᐎᔾ ᒐᒋ ᐅᒋᒪᒥᑕᑯᑦ ᒥᓯᐛ ᐊᓂᔭ ᑯᑎᑲ ᐊᐱᒋᐊᑭᓇ ᑭᔭ ᒐᒋ ᓂᓇᑭᑐᐛᔨᑕᒺᑦ ᐊᓂᔭ ᒐᒋ ᐃᓯ ᐊᓯᒪᑭᓄᔨᒋ ᐃᔅᐱ ᐅᑎᒋᐱᔨᒐ ᒐ ᐊᓯᒪᑭᓄᔨᒋ᙮

ᒪᑎᔪᐤ 7:24

“ᒥᓯᐛ ᑕᑐᐤ ᐊᐛᓐ ᑲ ᐸᑕᐧᒃ ᓂᑦ ᐃᔨᒧᐅᓂᔪᐤ ᑲ ᐊᑎ ᐃᑐᑕᐧᒃ ᒪᒃ ᐊᓂᔭ ᑲ ᐃᔅᒋᔄᐅᒡ, ᒧᔭᒻ ᓇᐸᐤ ᑲ ᑭᒐᑕᐛᔨᑕᐧᒃ ᐊᓐᑕ ᐊ ᐸᐸᒋᐱᔅᑲᔨᒡ ᑲ ᐎᔨᑲᐳᐅᑕᑦ ᒥᒋᐛᐱᔪᐤ ᐃᑕᔨᑕᑯᓱᐤ᙮”

ᓗᒃ 11:35

ᐃᔭᒂᒥ ᒐ ᐊᑲ ᒋ ᑎᒂᒡ ᒋᐱᒪᑎᓯᐅᓂᒡ ᐅᓂᑎᐱᔅᒋᓯᐅᓐ, ᐊᓐᑕ ᒋᐸ ᑎᒂᓐ ᐛᔅᑕᐅᓐ᙮

ᓗᒃ 21:8

ᒋᓴᔅ ᒪᒃ ᒋ ᐃᑕᐤ, “ᐃᔭᒂᒥᒄ ᐊᑲ ᐊᐛᓐ ᒐᒋ ᐎᔭᓯᒥᑕᒄ᙮ ᐛᔅ ᒋᑭ ᒥᒐᑐᐅᒡ ᐊᐛᓐᒋ ᐊ ᑎᑯᓯᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ᐊᐱᒋᑕᒡ ᐊ ᐃᔅᒋᔄᒡ, ᐊᐅᒄ ᓂᔾ ᙭᙮ ᒥᒐᑦ ᒪᒃ ᐊᐛᔪᐛ ᒋᑭ ᐎᔭᓯᒪᐅᒡ᙮ ᑭᔭ ᒋᑭ ᐃᔅᒋᔄᐅᒡ, ᓴᔅ ᐸᓱᓇᑯᓐ ᒐ ᐃᔅᐱᔨᒋ ᐅᔭ ᒐᒂᔪᐛ᙮ ᐊᑲᐎᔾ ᒪᒃ ᒋᑭ ᐅᒋ ᓇᓴᐛᐛᐅᒡ ᐅᒡ᙮

ᐊᑈᔅᑕᓇᒡ 18:27

ᐊᐳᓚᔅ ᒐᒃ ᑲ ᐃᑕᔨᑕᐧᒃ ᒐᒋ ᐃᑐᑕᑦ ᐊᓐᑕ ᐊᑲᔭ, ᐊᑯ ᐊᓂᔭᔪᐛ ᐎᐧᑲᓂᓯᒪᐛ ᐊᓐᑕ ᐃᐱᓴᔅ ᑲ ᑕᔨᒋ ᒋ ᓇᐊᔨᑎᒥᔪᐛ ᐊᓐᑕ ᒐᒋ ᐃᑐᑕᑦ ᐊᑯ ᒂ ᒥᓯᓇᐊᒧᐛᒡ ᐊᓂᔭ ᑲ ᑕᑈᔭᔨᒪᔨᒋ ᒋᓴᓴ, ᐊᑲᔭ ᑲ ᑕᔨᒋ ᐊ ᑕᒡ ᒐ ᒥᔪᐧᑯᐛᒡ ᐊᓂᔭ ᐊᑈᓚᓴ ᑎᑯᓯᓂᔨᒐᓂ ᐊᓐᑕ᙮ ᐃᔅᐱ ᒪᒃ ᐊᐳᓚᔅ ᑕᑯᓯᐧᒃ ᐊᓐᑕ ᐊᑲᔭ, ᓇᔅᒡ ᑕᑈ ᒥᔅᑎ ᒋ ᐎᒋᐊᐤ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ, ᐊᓂᔭᔪᐛ ᑲ ᓱᐛᔨᒥᑯᔨᒋ ᒋᓴᒪᓂᑐᐛ ᒐᒋ ᑕᑈᑎᒥᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:5

᙭ ᐅᒋ ᒋᓴᒪᓂᑐᐤ ᓂᒋ ᐅᑎᓂᑯᓇᓐ ᐊ ᒥᔽᔨᑕᑯᓂᔨᒡ ᒐᒋ ᐃᓯ ᐊᑐᔅᑯᐅᒋᒡ, ᐊᐅᒄ ᐅᔭ ᐊᑈᔅᑕᓐ ᒐᒋ ᐃᑕᐱᑎᓯᐅᒋᒡ, ᒐᒋ ᐎᒋᐃᒥᒋᒋ ᒥᓯᐛ ᓂᓇᐧᑯᐤ ᐊ ᐃᑎᔅᑲᓇᓯᔨᒋ ᐊᐛᔪᐛ ᒐᒋ ᐊᑎ ᑕᑈᔭᔨᒥᑯᑦ ᑭᔭ ᒐᒋ ᐊᑎ ᓂᓇᐃᑕᑯᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:3

ᒋᓴᒪᓂᑐᐤ ᓂᒋ ᒋᓴᐛᑐᑕᒄ ᐊᒋ ᒥᔨᑦ ᒐᒋ ᐊᑐᔅᑯᐅᒄ᙮ ᐊᐅᒄ ᒪᒃ ᐛᒋ ᐃᑎᑎᑯᒡ ᒥᓯᐛ ᐊ ᑎᓯᔭᒄ ᐊᑲ ᐅᔅᑕ ᒐᒋ ᐃᑕᔨᒥᓱᔭᒄ ᑕᓐ ᒋᐸ ᐃᑕᔨᒥᓱᓇᐛᐤ᙮ ᑯᐃᔅᒄ ᐎᓯ ᒪᒥᑐᓇᔨᒥᓱᒄ᙮ ᒥᓯᐛ ᐊ ᑎᓯᔭᒄ ᒋᑭ ᐎᔭᔨᑕᓇᐛᐤ ᑕᓐ ᑕᑈ ᒐᒋ ᐃᑐᑎᒪᒄ᙮ ᐅ ᒪᒃ ᐊ ᐛᑕᔨᑎᒪᒄ ᒋᑭ ᐎ ᓂᓇᑭᑐᐛᔨᑕᓇᐛᐤ ᑕᓐ ᑲ ᐃᔅᐱᔅ ᒥᔨᑕᒄ ᒋᓴᒪᓂᑐᐤ ᑕᑈᑎᒧᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:15

ᐅ ᒪᒃ ᒪᓯᓇᐊᒪᑎᑯᒡ ᑎᑯᓇ ᒐᒂᔪᐛ ᐊᑲ ᓇᔅᒡ ᐅᒋ ᓇᑲᐎᔭᓐ ᒐᒋ ᒋᔅᒋᓱᒥᑎᑯᒡ᙮ ᒋᓴᒪᓂᑐᐤ ᓂᒋ ᒥᔨᒄ ᐅᒋᓴᐛᑎᓯᐅᓐ ᐅ ᒐᒋ ᐃᑎᔭᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:20

ᒧᔅ ᓂᒋ ᐃᑕᔨᑕᓐ ᐊᓐᑕ ᐊᔅᒄ ᐊᑲ ᐅᒋ ᐊᔨᒧᑎᒧᐛᑭᓄᐎᒡ ᐊᐛᓐᒋ ᒋᓴᔅ ᙭ᑕ ᐊᑯᑕ ᒥᒄ ᐊᓐᑕ ᒐ ᐛᐎᑎᒪᓐ ᒥᔽᒋᒧᐅᓐ᙮ ᓇᒪ ᓂ ᐅᒋ ᐎ ᐃᑐᑕᓐ ᐊᓐᑕ ᑯᑎᒃ ᐊᐛᓐ ᓴᔅ ᐊᒋ ᒋᒋᐱᔨᑕᑦ ᐊ ᐛᐎᑕᐧᒃ ᒥᔽᒋᒧᐅᓂᔪᐤ᙮

1 ᑯᕆᓐᑎᔭᓇ 3:11

ᒋᓴᔅ ᙭ᑕ ᐊ ᑕᔨᒋ ᐊᑯᑕ ᑲ ᐅᒋ ᐎᔨᑲᐳᐅᑕᑦ ᒋᓴᒪᓂᑐᐤ ᐎᒡ᙮ ᓇᒪ ᑯᑎᑲ ᐊᐛᔪᐛ ᐊ ᑕᔨᒋ ᒋᑭ ᒋ ᐅᒋ ᐎᔨᑲᐳᐅᑕᑭᓄᐅᔪᐤ ᐎᒡ᙮ ᐛᔅ ᒋᓴᒪᓂᑐᐤ ᓴᔅ ᒋ ᐎᔭᔨᑎᒻ ᒋᓴᓴ ᒥᒄ ᐊ ᑕᔨᒋ ᒐᒋ ᐅᒋ ᐎᔨᑲᐳᐅᑕᑭᓄᐎᒡ ᐊᓂᔭ ᒥᒋᐛᐱᔪᐤ᙮

1 ᑯᕆᓐᑎᔭᓇ 9:2

ᐊᑎ ᑯᑎᑭᒡ ᐊᑲ ᐊᑈᔅᑕᓐ ᐃᑕᔨᒥᑥᐛ, ᐊᑈᔅᑕᓐ ᒋᐸ ᐃᑕᔨᒥᓇᐛᐤ ᒋᔨᐛᐤ᙮ ᐊᓐ ᒪᒃ ᐊ ᐃᓯ ᐱᒪᑎᓯᔅᑐᐛᒄ ᐅᑎᐸᔨᒋᒐᐤ ᐊᑯᑕ ᐛᒋ ᓄᒂᒡ ᑕᑈ ᐊᑈᔅᑕᓐ ᐊ ᑕᔭᓐ᙮

2 ᑯᕆᓐᑎᔭᓇ 10:15

ᓇᒪ ᑭᔭ ᓂᑦ ᐊᔨᒧᑎᒺᓇᓐ ᑯᑎᒃ ᐊᐛᓐ ᐅᑦ ᐊᑐᔅᒐᐅᓐ ᒧᔭᒻ ᓂᔭᓐ ᐊᓐ ᐊᒋ ᐃᓯ ᐊᑐᔅᒐᔭᒡ ᒐᒋ ᐃᑎᑕᑯᓯᔭᒡ᙮ ᓇᒪ ᓂ ᐎ ᐸᔅᑎᔅᑭᒺᓇᓐ ᑕᓐ ᐊ ᐃᓯ ᒥᔨᒥᑦ ᒋᓴᒪᓂᑐᐤ ᒐᒋ ᐃᓯ ᐊᑐᔅᑯᐅᒋᑦ᙮ ᓂ ᐱᑯᓴᔨᑕᓇᓐ ᒥᒄ ᐊᑐᐎᔅ ᒐᒋ ᐊᑐᔅᒐᔭᒡ ᐊᓐᑕ ᐊ ᑕᔭᒄ ᐊᔭᔅᒃ ᒐᒋ ᓂᑕᐅᒋᒋ ᒋᑕᑈᑎᒧᐅᓄᐛᐤ ᑭᔭ ᒐ ᐃᔅᐱᔅ ᒥᔨᑯᐛᒐ ᒋᓴᒪᓂᑐᐤ ᒐᒋ ᐎᒋᐃᑕᒡ᙮

ᐃᐱᓯᔭᓇ 2:20

ᐊᓂᔭ ᑕᓐ ᑲ ᐃᓯ ᐎᑎᒪᑕᑯᒡ ᒥᔽᒋᒧᐅᓂᔪᐤ ᐊᑈᔅᑕᓇᒡ ᑭᔭ ᐅᒋᔅᒋᐛᐃᒐᓱᒡ ᐊᐅᒄ ᑲ ᐎᑲᐳᐃᑯᔭᒄ᙮ ᒋᓴᔅ ᙭ ᒪᒃ ᐊᐅᒄ ᒋᒋᐛ ᒪᔪ ᐊᔨᒋᑲᐳᐃᑕᒄ,

ᑯᓚᓯᔭᓇ 1:29

ᒐᒋ ᐃᑐᑎᒪᓐ ᒪᒃ ᐅ ᓂ ᐅᔅᑯᐎᓐ ᑕᓐ ᐊᔅᐱᔅ ᓱᒃ ᐊᑐᔅᒐᔭᓐ᙮ ᐊᓂᔭ ᓱᒐᔨᑕᑯᓱᐅᓂᔪᐤ ᐊ ᐃᓯ ᒥᔨᑦ ᙭ ᓄᑕᐱᒋᐅᓐ᙮ ᓇᔅᒡ ᒪᒃ ᐛᔅ ᓄᑯᓂᔪᐤ ᐊᓂᔭ ᓱᒐᔨᑕᑯᓱᐅᓂᔪᐤ ᒪᒂᒡ ᐊᓐᑕ ᐊ ᐊᑐᔅᒐᐅᒡ᙮

ᑯᓚᓯᔭᓇ 4:17

ᑭᔭ ᒐ ᐃᑕᒄ ᐊᕐᑭᐸᔅ ᒐᒋ ᒋᔅᑕᑦ ᐊᓂᔭ ᑲ ᒥᔭᑭᓄᐅᑦ ᒐ ᐃᓯ ᐊᑐᔅᑯᐛᑦ ᐅᑎᐸᔨᒋᒐᐛ᙮

1 ᑕᓴᓗᓂᔭᓇ 3:2

ᐊᑯ ᑎᒧᑎ ᑲ ᐃᑎᓴᐅᒋᒡ ᐊᓐᑕ ᐊ ᑕᐛᒄ᙮ ᐅ ᒋᐧᑲᓂᓯᓄᐤ ᓂ ᐎᒋ ᐊᑐᔅᒐᒥᑯᓇᓐ ᒋᓴᒪᓂᑐᐛ ᐊ ᐊᑐᔅᑯᐅᒥᒋᒋ ᑭᔭ ᐎᔾ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ᑎᐸᒋᒪᑭᓄᔨᒋ ᙭ᑕ᙮ ᓂᒋ ᐃᑎᓴᐛᓇᓐ ᒐᒋ ᐎᒋᐃᑕᒄ ᐊᑐᐎᔅ ᒐᒋ ᓱᒋᑲᐳᐛᒄ ᑕᓐ ᐊ ᐃᓯ ᑕᑈᔭᔨᒪᒄ ᙭,

1 ᑎᒧᑎ 4:16

ᓂᓇᑭᑐᐛᔨᑎᒥᐃᑯᐤ ᑭᔭ ᒋ ᐱᒪᑎᓯᐅᓐ ᑭᔭ ᐊᓐ ᐊ ᐃᓯ ᒋᔅᑯᑎᒪᒐᔨᓐ᙮ ᐅ ᐃᓯ ᓂᓇᑭᑐᐛᔨᑎᒥᓇ ᐊᐅᒄ ᒐ ᑭᓄᐛᔨᒥᑯᔭᒄ ᑭᔭ ᒐ ᐱᒪᒋᐃᑯᔭᒄ, ᒋᔾ ᑭᑈ ᑭᔭ ᐊᓐᒡ ᑲ ᓂᑐᑕᔅᒡ᙮

2 ᑎᒧᑎ 2:15

ᓱᒃ ᒧᔅ ᐎ ᐃᑐᑕ ᐊᓐ ᒪᐅᒡ ᐊ ᑭᔅᒋᐅᔨᓐ ᐊ ᐃᑐᑎᒥᓐ ᒐᒂᓐ ᐊᓂᔭ ᒐ ᓇᐊᔨᑎᒪᐃᑯᑦ ᒋᓴᒪᓂᑐᐤ, ᒧᔭᒻ ᐊᐛᓐ ᓱᒃ ᑲ ᐊᑐᔅᒐᑦ ᐊᑲ ᑎᑯᓂᔨᒡ ᑕᓐ ᒐ ᐃᓯ ᓴᒂᔨᒧᐃᑯᑦ ᐅᑦ ᐊᑐᔅᒐᐅᓐ᙮ ᐊᐛᓐ ᑯᐃᔅᒄ ᑲ ᐃᓯ ᒋᔅᑯᑎᒪᒐᑦ ᑕᓐ ᐊ ᐃᓯ ᑕᑈᒥᑭᓂᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᐅᑯᓐ ᒋᐸ ᐃᑎᓐ᙮

ᒋᒥᔅ ᐅᒥᓯᓇᐊᒪᒐᐅᓐ 3:1

ᓂᐧᑲᓂᓯᑐᒄ, ᐊᑲᐎᔾ ᒋᑭ ᐅᒋ ᒥᒐᑎᓇᐛᐤ ᐊ ᒋᔅᑯᑎᒪᒐᔭᒄ᙮ ᒋ ᒋᔅᒐᔨᑕᓇᐛᐤ ᒋᔭᓄᐤ ᑲ ᒋᔅᑯᑎᒪᒐᔭᐧᒄ ᐅᔅᑕ ᒐ ᐊᒂᑕᔨᑕᒂᒡ ᑕᓐ ᒐ ᐃᓯ ᑎᐸᔅᑯᓂᑯᐅᔭᐧᒄ᙮

1 ᐱᑕᕐ 4:11

ᐊᐛᓐ ᐊᒋ ᒥᔨᑯᑦ ᒋᓴᒪᓂᑐᐛ ᒐᒋ ᐃᔨᒪᐊᑦ, ᒋᐸ ᐃᔨᒧᐤ ᑕᓐ ᐊᓂᔭᔪᐛ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᒐᒋ ᐃᓯ ᐃᔨᒥᑦ᙮ ᐊᓐ ᐊᐛᓐ ᑲ ᒥᔭᑭᓄᐅᑦ ᑭᔅᒋᐅᓂᔪᐤ ᒐᒋ ᐎᒋᐊᑦ ᑯᑎᑲ ᐊᐛᔪᐛ, ᑭᑈ ᒋᐸ ᐎᒋᐊᐤ ᑕᓐ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᑭᔅᒋᐅᓂᔪᐤ᙮ ᐊᑯ ᒪᒃ ᐎᔾ ᒋᓴᒪᓂᑐᐤ ᒐ ᒋᔅᑕᔨᑕᑯᐊᑭᓄᐅᑦ ᒥᓯᐛ ᒐᒂᔪᐤ ᑕᓐ ᐊ ᐃᓯ ᐃᑐᑕᐧᒃ ᐊᓐᑕ ᒋᓴᔅ ᙭ᑕ ᐊ ᑕᔨᒋ ᐃᔅ, ᐎᔾ ᒋᓴᒪᓂᑐᐤ ᒐ ᐊᑲ ᓂᑕ ᐃᔎᐱᔨᒡ ᐅᒋᔅᑕᔨᑕᑯᓱᐅᓐ ᑭᔭ ᐅᒥᔅᑯᓯᐅᓐ᙮ ᐊᒥᓐ᙮

2 ᐱᑕᕐ 3:15

ᐊᓂᔭ ᐛᒋ ᐊᑲ ᐊᔅᒄ ᑎᑯᓯᐧᒃ ᐅᑎᐸᔨᒋᒐᐤ ᐊᑐᐎᔅ ᐎᔾ ᑕᐅᓂᒻ ᑕᓐᑕ ᐊᔅᒄ ᒐᒋ ᐱᒪᒋᐅᔨᒋ ᐊᐛᔪᐛ, ᐊᐅᒄ ᐅ ᐎᓯ ᑭᓄᐛᐸᑎᒺᒄ ᐊᓂᔭ ᐊᔅᒄ ᐊᑲ ᑎᑯᓯᐧᒃ᙮ ᐊᐅᑯᓐ ᐛᔅ ᐅᔭ ᑭᔭ ᐎᔾ ᑲ ᐃᓯ ᐊᔨᒧᑕᐧᒃ ᒋᐧᑲᓂᓴᓄᐤ ᑈᓪ ᐊᓐᑕ ᑲ ᒥᓯᓇᐊᒪᑕᒄ ᑕᓐ ᑲ ᐃᓯ ᒥᔨᑯᑦ ᑭᔭ ᐎᔾ ᒋᓴᒪᓂᑐᐛ ᑭᒐᑕᐛᔨᑎᒧᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 21:14

ᒋ ᓂᓱᓴᐳᐅᒡ ᐊ ᒪᒥᒐᐱᔅᒋᓯᒡ ᐊᓯᓂᔨᒡ ᐊᓐᑕ ᑲ ᑕᒋᑲᐳᐅᒡ ᐊᓐ ᒥᓯᐛ ᑲ ᐃᓯ ᐛᔅᑲᑲᐳᐅᒡ ᐊᓐᑕ ᐅᑕᓇᒡ᙮ ᐅᒡ ᒪᒃ ᐊᓯᓂᔨᒡ, ᐊᑯᑕ ᑲ ᒥᓯᓇᑕᔨᒋ ᐅᑦ ᐃᓯᓂᐧᑲᓱᐅᓄᐛᐛ ᐊᓐᒡ ᑲ ᓂᓱᓴᐳᒡ ᐊᑈᔅᑕᓇᒡ ᐊᓂᔭᔪᐛ ᒪᔭᑕᓂᔅ ᑲ ᐅᑎᓇᑦ᙮

ᒋᔅᒐᔨᑕᑯᑕᒐᐅᓐ 21:19

ᐊᓐᒡ ᒪᒃ ᑲ ᒪᒥᒐᐱᔅᒋᓯᒡ ᐊᓯᓂᔨᒡ ᐊᓐᑕ ᑲ ᑕᒋᑲᐳᐅᒡ ᐊᓐ ᒥᓯᐛ ᑲ ᐃᓯ ᐛᔅᑲᑲᐳᐅᒡ ᐊᓐᑕ ᐅᑕᓇᒡ᙮ ᒥᓯᐛ ᒋ ᒥᔪᓇᑯᐊᑭᓄᐎᒡ ᓂᓇᐧᑯᐤ ᐊ ᐃᓯᓇᑯᓯᒡ ᐊ ᒥᔪᓯᒡ ᐊᓯᓂᔨᒡ ᐊ ᐊᐱᑎᓯᒡ᙮ ᐊᓐ ᓂᔅᑎᒻ ᐊᓯᓂᔾ ᑲ ᐊᐱᑎᓯᑦ, ᐊᐅᑯᓐ ᒐᔅᐸᕐ ᑲ ᐃᓯᓂᐧᑲᑕᑭᓄᐅᑦ᙮ ᒥᓐ ᐊᓐ ᓂᓱ ᐊ ᑕᑦ ᐊᓯᓂᔾ ᑲ ᐊᐱᑎᓯᑦ, ᐊᐅᒄ ᓴᐸᐃᕐ ᑲ ᐃᓯᓂᐧᑲᑕᑭᓄᐅᑦ (ᐱᔅᑭᓇᐱᔅᑲᐤ)᙮ ᐊᑯ ᐊᓐ ᓂᔅᑐ ᐊ ᑕᑦ ᐊᓯᓂᔾ ᑲ ᐊᐱᒋᐊᑭᓄᐅᑦ, ᐊᐅᒄ ᐊᑲᑦ ᑲ ᐃᓯᓂᐧᑲᑕᑭᓄᐅᑦ᙮ ᒥᓐ ᐊᓐ ᐛᒋ ᑕᑦ, ᐊᐅᒄ ᐊᒥᕋᓪᑦ ᑲ ᐃᓯᓂᐧᑲᑕᑭᓄᐅᑦ᙮