1 ᑯᕆᓐᑎᔭᓇ 3:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᓂᐧᑲᓂᓯᑐᒄ, ᐊᓐᑕ ᐊ ᑕᔭᒄ ᑲ ᑕᔭᓐ ᓇᒪ ᒋ ᐅᒋ ᐃᓯ ᐃᔨᒥᐃᑎᓇᐛᐤ ᑕᓐ ᐊ ᐃᓯ ᓂᑐᐛᔨᑕᒂᒡ ᒐᒋ ᐃᓯ ᐃᔨᒪᐊᑭᓄᐎᒡ ᐊᐛᓐᒋ ᑲ ᐸᔭᒋᓯᔨᒋ ᐊᒐᒂ ᑲ ᐊᔭᐛᒡ᙮ ᒧᔭᒻ ᐊᐛᓐᒋ ᐊᑲ ᐊᔭᐛᒡ ᑲ ᐸᔭᒋ ᐊᒐᒂ ᔅᒋ ᐃᓯ ᐃᔨᒥᐃᑎᓇᐛᐤ᙮ ᒧᔭᒻ ᑲ ᐅᔅᒋ ᑕᑈᔭᔨᒪᒡ ᙭ᑕ ᐊ ᐃᓯ ᐃᔨᒪᐊᑭᓄᐎᒡ ᐊᐅᑯᓐ ᑲ ᐃᓯ ᐃᔨᒥᐃᑎᑯᒡ᙮

1 ᑯᕆᓐᑎᔭᓇ 3:1 Iomraidhean Croise

ᒪᑎᔪᐤ 16:23

ᐊᑯ ᒋᓴᔅ ᑲ ᒂᔅᒋᑲᐳᔅᑐᐛᑦ ᐊᓂᔭ ᐱᑕᕋ, ᑭᔭ ᐊᑕᑦ, “ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᑕᓐ ᐊ ᐃᑕᔨᑎᒥᐃᑯᔨᓐ ᐊᓂᔭ ᒐᒂᔪᐛ ᑕᐸ ᒋᓴᒪᓂᑐᐤ ᐊ ᑕᑦ ᐅᒋᐱᔪᐛ ᓇᐸᐤ ᐊ ᑕᑦ ᐅᒋᐱᔪᐛ᙮ ᒪᒋ ᐃᒐᑕ ᓇᑕ ᒥᒋᒥᓂᑐᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:14

vvᑉ ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑦ ᐊᒐᒂ ᐊ ᑕᔨᒋ ᐊᒋ ᐅᒋᐱᔨᒡ ᐅ ᐎᓱᐛᐅᓐ᙮ ᓂᔾ ᐎ, ᓂ ᐎᔭᓱᐤ ᐱᒪᑎᓯᓐ ᓂᔾ᙮ ᒧᔭᒻ ᐊᐛᓐ ᑲ ᐅᑦ ᐊᐱᒋᐊᑭᓂᑐᑐᐛᑭᓄᐅᑦ ᐊᐅᑯᓐ ᐊ ᐃᑐᑕᑯᔭᓐ ᒥᒋᑥᐅᓐ᙮

1 ᑯᕆᓐᑎᔭᓇ 14:20

ᓂᐧᑲᓂᓯᑐᒄ, ᐊᑲᐎᔾ ᐊᐛᓯᐤ ᒪᒥᑐᓇᔨᑎᒧᒄ᙮ ᒧᔭᒻ ᐅᔅᒋᐛᓴᒡ ᐊ ᐃᑕᔨᑕᑯᓯᒡ ᐊᑲ ᒋᔅᒐᔨᑕᒡ ᐊ ᐃᑕᔨᑕᑯᓂᔨᒡ ᒥᒋᑐᑎᒧᐅᓂᔪᐤ ᐊᐅᑯᓐ ᒧᔭᒻ ᑭᔭ ᒋᔨᐛᐤ ᒋᐸ ᐃᑕᔨᑕᑯᓯᓇᐛᐤ᙮ ᒧᔭᒻ ᐊᐛᓐ ᓴᔅ ᐊᒋ ᐃᓯ ᓂᑕᐅᒋᑦ ᐊᐅᑯᓐ ᒋᐸ ᐃᓯ ᒪᒥᑐᓇᔨᑕᓇᐛᐤ᙮

1 ᑯᕆᓐᑎᔭᓇ 14:37

ᐸᐃᒄ ᒪᒃ ᐊᐛᓐ ᐊᓐᑕ ᐊ ᑎᓯᔭᒄ ᐊ ᐃᑕᔨᑎᒧᒂ ᐊ ᐅᒋᔅᒋᐛᐃᒐᓱᐅᑦ ᒪᒃ ᐊ ᐃᑕᔨᑎᒧᒂ ᐊᒐᐧᒄ ᒥᔨᐛᐅᓂᔪᐤ ᐊ ᐊᔭᑦ, ᒋᐸ ᒋᔅᒐᔨᑎᒻ ᐅᔭ ᑲ ᐃᓯ ᒥᓯᓇᐊᒪᑎᑯᒡ ᐅᑎᐸᔨᒋᒐᐛ ᐅᔭ ᐊ ᐃᑎᓱᐛᔨᒋ᙮

1 ᑯᕆᓐᑎᔭᓇ 2:6

ᐊᓐᒡ ᐊᐛᓐᒋ ᑲ ᒥᔪ ᓂᑕᐅᒋᒡ ᑕᑈᑎᒧᐅᓂᒡ ᓂ ᓂᔅᑐᑕᑯᓇᓂᒡ ᑭᒐᑕᐛᔨᑎᒧᓂᒡ ᐊ ᐃᓯ ᐃᔨᒥᐃᒋᒡ᙮ ᓇᒪᐎᔾ ᒪᒃ ᐊᓐ ᑭᒐᑕᐛᔨᑎᒧᐅᓐ ᐊᐛᓐᒋ ᐅᑕ ᐊᔅᒋᒡ ᒋᒋᐛ ᑲ ᐃᑕᔨᑕᒡ ᑲ ᐊᔨᒧᑎᒪᓐ᙮ ᓇᒪᐎᔾ ᑭᔭ ᐊᓐ ᑭᒐᑕᐛᔨᑎᒧᐅᓐ ᒋᒋᐛ ᒐᒂᓐ ᑲ ᐃᑕᔨᑕᒡ ᐊᓐᒡ ᐊᐛᓐᒋ ᑲ ᐅᒋᒪᐅᒡ᙮ ᐛᔅ ᐊᓂᔭ ᐎᔨᐛᐤ ᐅᑭᒐᑕᐛᔨᑎᒧᐅᓄᐛᐤ ᒋᑭ ᐃᔎᐱᔪᐤ᙮

ᑲᓚᓯᔭᓇ 6:1

ᓂᐧᑲᓂᓯᑐᒄ, ᒧᔭᒻ ᓴᐧᑯᒋᐃᑯᒐ ᐊᐛᓐ ᒥᒐᑎᓯᐅᓂᔪᐤ ᒋᔨᐛᐤ ᑲ ᐱᒋᔅᑲᑕᒄ ᑲ ᐸᔭᒋᓯᑦ ᐊᒐᐧᒄ ᒋᐸ ᐎᒋᐊᐛᐤ ᐊᓐ ᐊᐛᓐ ᒋᔭᒻ ᒐᒋ ᒥᔪᐱᔨᑦ ᑕᓐ ᐛ ᐃᓯ ᐱᔅᒐᐱᔨᑦ᙮ ᐃᔭᒂᒥᔅᑕᓱᒄ ᑭᔭ, ᒐ ᐊᑲ ᒋ ᐊᔅᒋᐱᔨᔭᒄ ᑭᔭ ᒋᔨᐛᐤ ᒐᒋ ᐊᑎ ᒥᒋᑐᑎᒪᒄ᙮

ᐃᑉᕈᐛ 5:13

ᐊᓐᒡ ᐊᐛᓐᒋ ᒧᔅ ᑲ ᐎ ᐸᑕᒡ ᐊᓂᔭ ᑕᑈᐅᓂᔪᐤ ᐅᔅᑭᒡ ᑲ ᒋᔅᑯᑎᒧᐛᑭᓄᐎᒡ, ᐊᑲ ᒪᒃ ᐊᐱᑕᔨᑕᒡ ᒐᒋ ᒋᔅᒐᔨᑕᒡ ᑕᓐ ᒐᒋ ᐃᓯ ᑯᐃᔅᑯᑕᑎᓯᒡ, ᓇᒪ ᓂᔅᑐᑎᒧᒡ ᑕᓐ ᐊᓐ ᐊ ᐃᑕᔨᑕᑯᓂᔨᒡ ᐊ ᒂᔅᑲᑎᓯᓇᓄᐎᒡ᙮ ᐅᒡ ᒪᒃ ᐊᐛᓐᒋ ᑲ ᐃᑕᔨᑕᑯᓯᒡ ᒧᔭᒻ ᐅᔅᒋᐛᓯᒡ ᐃᑕᔨᑕᑯᓱᐅᒡ ᒥᒄ ᒋᒋᓇᐳᔭ ᐊ ᒥᓂᐊᑭᓄᐎᒡ᙮

1 ᒠᓐ 2:12

ᒋ ᒥᓯᓇᐊᒪᑎᓇᐛᐤ ᐅᔅᒋᐛᓯᑐᒄ, ᒋᒥᒋᑥᐅᓄᐛᐛ ᐊᒋ ᐛᐸᔨᑎᒪᑯᐅᔭᒄ ᐎᔾ ᒋᓴᔅ ᙭ ᐅᒡ᙮