1 ᑯᕆᓐᑎᔭᓇ 2:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᒋᓴᒪᓂᑐᐤ ᐅᓱᐧᑲᑎᓯᐅᓐ ᐊᐅᒄ ᐊ ᐃᑐᑕᑯᔭᒄ ᒐᒋ ᐊᔭᔭᒄ ᑕᑈᑎᒧᐅᓐ ᓇᒪ ᐎ ᐊᓐ ᐊ ᑕᑈᑎᒪᒄ ᑕᓐ ᐊ ᐃᔅᒋᔄᒡ ᐊᓐᒡ ᑲ ᑭᒐᑕᐛᔨᑕᒡ᙮

1 ᑯᕆᓐᑎᔭᓇ 2:5 Iomraidhean Croise

ᐊᑈᔅᑕᓇᒡ 16:14

ᐊᑯ ᐸᐃᒄ ᐃᔎᐤ ᐊᓐᑕ ᑲ ᑕᑦ ᐊ ᓂᑐᑕᑯᔭᒡ ᓕᑎᔭ ᒋ ᐃᓯᓂᐧᑲᓱᐤ, ᑕᔭᑕᐃᕋ ᐊ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ᐅᒋᔪᐤ᙮ ᐊᐅᑯᓐ ᑲ ᐃᑕᐱᑎᓯᑦ ᐊᒋ ᐊᑕᐛᑦ ᒪᓐ ᐊ ᓱᓇᔭᐎᔨᒋ ᐊᐱᒋᑕᐅᓇ᙮ ᐊᑎ ᒪᒃ ᐊᑲ ᒍᐤ ᐅᒋ ᐃᑎᔅᑲᓇᓯᑦ ᐃᔭᐱᒡ ᒋ ᑕᑈᔭᔨᒪᐤ ᒋᓴᒪᓂᑐᐛ ᒧᔭᒻ ᒍᐤ ᐃᔪᒡ ᑲ ᐃᑎᒡ᙮ ᓇᔅᒡ ᒋ ᓂᑐᑎᒻ ᑕᓐ ᑲ ᐃᔅᒋᔄᔨᒋ ᑈᓚ, ᐊᑯ ᒂ ᒥᔨᑯᑦ ᐅᑎᐸᔨᒋᒐᐛ ᒐᒋ ᓂᔅᑐᑕᐧᒃ ᑭᔭ ᒐᒋ ᑕᑈᑕᐧᒃ᙮

1 ᑯᕆᓐᑎᔭᓇ 1:17

ᑕᐸ ᓂ ᐅᒋ ᐸᒋ ᐃᑎᓴᐅᒄ ᙭ ᒐᒋ ᓯᑲᐃᑕᒐᐅᒡ᙮ ᓂᒋ ᐸᒋ ᐃᑎᓴᐅᒄ ᒐᒋ ᑭᒐᔅᒋᒧᐅᒡ ᐊ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᐅ ᒪᒃ ᐊ ᐃᑎᔭᓐ ᓇᒪ ᐊᔅᒋᔪᐤ ᑭᒐᑕᐛᔨᑎᒧᐅᓐ ᓂᑦ ᐊᐱᒋᑕᓐ᙮ ᐛᔅ ᐅ ᐊᐱᒋᑕᔭᓐ ᐊᑯ ᑭᑈ ᓇᒪ ᒋᐸ ᐅᒋ ᓱᒐᔨᑕᑯᓐ ᐊᓐ ᒥᔽᒋᒧᐅᓐ ᐊᓐᑕ ᐃᔭᔨᒧᒪᑭᓄᐅᑦ ᙭ ᒋᐱᔭᑎᑯᒡ ᐊᒋ ᓂᐱᑦ᙮

1 ᑯᕆᓐᑎᔭᓇ 3:6

ᒧᔭᒻ ᑲᓂᑕᐅᒋᒋᑭᓂᒐᑦ ᐊ ᒋᒋᐱᔨᑕᑦ ᐊ ᓂᑕᐅᒋᑕᑦ, ᐊᐅᑯᓐ ᐊ ᐃᓯᓇᑯᓯᔭᓐ ᓂᔾ, ᐛᔅ ᓂᔾ ᓂᔅᑎᒻ ᔅᒋ ᐎᑎᒪᑎᓇᐛᐤ ᒥᔽᒋᒧᐅᓐ᙮ ᐊᑯ ᒪᒃ ᐊᐳᓚᔅ ᒧᔭᒻ ᐊᓐ ᑲ ᓂᑕᐅᒋᑕᑦ ᒧᔅ ᑲ ᓱᒋᔅᑕᑦ ᐊᓂᔭᔪᐛ ᑲ ᓂᑕᐅᒋᑕᐅᒡ ᐃᓯᓇᑯᓱᐤ᙮ ᐊᑐᐎᔅ ᔅᒋ ᐎᑎᒪᑯᐛᐤ ᑕᓐ ᒋᐸ ᐃᓯ ᐱᒪᑎᓯᐛᓇᐛᐤ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᒥᒄ ᒪᒃ ᒋᓴᒪᓂᑐᐤ ᐊᐅᒄ ᒋᒋᐛ ᐊ ᐃᑐᑕᑕᒄ ᒐᒋ ᒥᔪ ᓂᑕᐅᒍᐛᒄ ᒋᑕᑈᑎᒧᐅᓄᐛᒡ᙮

2 ᑯᕆᓐᑎᔭᓇ 12:9

ᐊᑯ ᒂ ᐸᒋ ᐃᓯᑦ, “ᓂᒋᓴᐛᑎᓯᐅᓐ ᒥᒄ ᒋ ᓂᑐᐛᔨᑕᓐ ᐛᔅ ᐊᓐᑕ ᒪᒂᒡ ᐊᑲ ᓴᐱᓯᔨᓐ ᐊᑯᑕ ᒪᐅᒡ ᐊ ᓱᒐᔨᑕᒂᒡ ᓂᓱᐧᑲᑎᓯᐅᓐ᙮” ᐊᐅᒄ ᐅᔭ ᑲ ᐃᓯᑦ᙮ ᐊᑯ ᒪᒃ ᒧᔅ ᐸᒋ ᒥᔨᒐ ᙭ ᐅᔭ ᓱᐧᑲᑎᓯᐅᓂᔪᐤ, ᑭᑈ ᒐ ᒥᔽᔨᑎᒪᓐ ᐊ ᐎᑎᒪᓐ ᑕᓐ ᐊᔅᐱᔅ ᐊᑲ ᓴᐱᓯᔭᓐ᙮

2 ᑯᕆᓐᑎᔭᓇ 4:7

ᒧᔭᒻ ᐊᓯᔅᒍᐤ ᐊᑐᒋᐸᓇ ᒋᓴᒪᓂᑐᐤ ᒐᒋ ᐊᐱᒋᑕᑦ ᐊᐅᑯᓐ ᐊ ᐃᓯᓇᑯᓯᔭᒡ᙮ ᐊᑯᑕ ᐊᓐᑕ ᐊ ᑎᑯᓂᔨᒡ ᐅᒋᔅᑕᔨᑕᑯᓱᐅᓐ ᒐᒋ ᒋᔅᒐᔨᑕᑭᓄᐎᒡ ᐎᔾ ᐊ ᑕᑦ ᐊ ᐅᒋᒥᑲᒡ ᐅ ᒪᐅᒡ ᑲ ᓱᒐᔨᑕᒂᒡ ᓱᐧᑲᑎᓯᐅᓐ ᑲ ᐊᔭᔭᒡ, ᓇᒪ ᐎ ᓂᔭᓐ ᐊ ᑕᔭᒡ ᐅᒋᒥᑭᓐ᙮

2 ᑯᕆᓐᑎᔭᓇ 6:7

ᑕᓐ ᐊ ᐃᓯ ᑯᐃᔅᒄ ᐎᑎᒪᒡ ᑕᑈᐅᓐ ᑭᔭ ᑕᓐ ᑲ ᐃᓯ ᒥᔨᒥᑦ ᒋᓴᒪᓂᑐᐤ ᓱᒐᔨᑕᑯᓱᐅᓂᔪᐤ ᐊᑯᑕ ᒥᓐ ᐛᒋ ᒋᔅᒐᔨᑕᑯᓯᔭᒡ ᑕᑈ ᐊ ᐊᑐᔅᑯᐅᒋᒡ᙮ ᐊ ᐃᓯ ᑯᐃᔅᒄ ᐱᒪᑎᓯᔭᒡ ᐊᑯᑕ ᒥᒄ ᐛᒋ ᓇᑲᐊᒪᓱᔭᒡ ᑕᓐ ᐛ ᐃᓯ ᒥᒋ ᐊᔨᒧᒥᑯᐅᔭᒡ ᑭᔭ ᑕᓐ ᐛ ᐃᓯ ᒪᔭᔨᒥᑯᐅᔭᒡ ᐊᐛᓐ ᒪᒃ ᓂᑐᐎᔾ ᐊ ᐎ ᐃᑐᑐᐎᔨᒥᑦ᙮