1 ᑯᕆᓐᑎᔭᓇ 2:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᒪᒂᒡ ᑲᒋ ᐃᔨᒥᐃᑎᑯᒡ ᑭᔭ ᑲᒋ ᑭᒐᔅᒋᒥᑎᑯᒡ ᓇᒪ ᓂ ᐅᒋ ᐎ ᐃᑎᑕᑯᐃᓱᓐ ᓇᔅᒡ ᒐᒋ ᐃᑈᐧᑲᑕᑯᓯᔭᓐ ᐊᓐᑕ ᒐᒋ ᐅᒋ ᑕᑈᑎᒪᒄ᙮ ᒋᓴᒪᓂᑐᐤ ᐅᑦ ᐊᒐᒂ ᐅᓱᐧᑲᑎᓯᐅᓂᔪᐤ ᐊᐅᒄ ᑲ ᐃᑐᑕᑯᔭᒄ ᒐᒋ ᑕᑈᑎᒪᒄ ᑕᓐ ᑲ ᐃᓯ ᐛᐎᑎᒪᓐ᙮

1 ᑯᕆᓐᑎᔭᓇ 2:4 Iomraidhean Croise

ᐊᑈᔅᑕᓇᒡ 20:27

ᐛᔅ ᓇᒪ ᓇᔅᒡ ᓂ ᐅᒋ ᓇᑲᐎᓐ ᑯᐃᔅᒄ ᒐᒋ ᐃᓯ ᐎᑎᒪᑎᑯᒡ ᑕᓐ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᑎᔭᒄ, ᓇᒪ ᓇᔅᒡ ᒐᒂᓐ ᒋ ᐅᒋ ᑲᑥᑎᓇᐛᐤ᙮

ᐊᑈᔅᑕᓇᒡ 26:28

ᐊᑯ ᐊᒃᕆᐸ ᒂ ᐃᑕᑦ ᐊᓂᔭ ᑈᓪ, “ᐅ ᐃᔅᐱᔅ ᐛᐃᐱᔅᒋᔅ ᒋᑦ ᐃᑕᔨᑕᓐ ᐊ ᓴᔅ ᒐᒋ ᓴᐧᑯᒋᒥᔨᓐ ᒐᒋ ᒂᔅᑲᑎᓯᔭᓐ ?”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:13

ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᔭᒄ ᐊᔅᐸᔨᒧᐅᓐ ᐊᐅᑯᓐ ᐊᓐ ᓇᑐᑎᒧᐅᒄ ᓇᔅᒡ ᒐᒋ ᒥᔽᔨᑎᒥᐃᑕᒄ ᑭᔭ ᒐᒋ ᒋᔭᒪᔨᑎᒺᒄ ᐊ ᑕᑈᔭᔨᒪᒄ᙮ ᑭᔭ ᑲ ᐸᔭᒋᓯᑦ ᐊᒐᐧᒄ ᐅᓱᒐᔨᑕᑯᓱᐅᓐ ᒐᒋ ᑐᑕᑯᔭᒄ ᐊᑐᐎᔅ ᒐᒋ ᐊᔅᐸᔨᒧᑐᑕᐛᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:19

ᑕᓐ ᑲ ᐃᓯ ᐛᐸᑎᔭᑭᓄᐎᒡ ᐛᐸᑎᔨᐛᐅᓇ ᑭᔭ ᐊ ᒥᔅᑲᑕᔨᑕᑯᓂᔨᒋ ᒐᒂᔪᐛ ᐊ ᓱᒐᔨᑕᑯᓂᔨᒋ, ᑭᔭ ᐊᓂᔭ ᑕᓐ ᑲ ᐃᓯ ᒥᔨᑦ ᓱᐧᑲᑎᓯᐅᓂᔪᐤ ᑲ ᐸᔭᒋᓯᑦ ᐊᒐᐧᒄ ᐊᑯᑕ ᑲ ᐅᒋ ᐎᐧᑯᒋᐊᑭᓄᐎᒡ᙮ ᒥᓯᐛ ᐊᓐᑕ ᑲ ᐃᑐᑕᔭᓐ ᒋᕈᓯᓕᒥᒡ ᐊᓐᑕ ᒪᒃ ᐃᔅ ᐃᓕᕆᑲᒻ ᐊᔅᒋᒡ ᓂᒋ ᐛᐎᑎᒺᓐ ᒋᓴᔅ ᙭ ᐅᒥᔽᒋᒧᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:18

ᓇᒪᐎᔾ ᒋᑎᐸᔨᒋᒐᓯᒥᓄᐛ ᙭ᑕ ᐊᑐᔅᑯᐛᐅᒡ ᐅᒡ ᐅᔭ ᐊ ᐃᑎᒡ, ᒥᒄ ᑕᓐ ᐊᓂᔭᔪᐛ ᒐᒂᔪᐛ ᒐᒋ ᒥᒋᒡ ᒪᒃ ᑕᓐ ᐊᓂᔭᔪᐛ ᒐ ᐊᑲ ᒋ ᒥᒋᒡ ᐊᐅᑯᓂ ᒪᑯᔅᑲᑕᔨᑎᒥᐃᑯᒡ᙮ ᓇᔅᒡ ᑕᑈ ᒥᔪᑕᑯᓱᐅᒡ ᑕᓐ ᐊ ᐃᓯ ᐃᔨᒥᒡ ᑭᔭ ᓂᑎᒥᒄ ᐃᑐᐅᒡ ᐊᓂᔭ ᐊ ᒥᔽᒋᒪᒡ ᐊᐛᔪᐛ᙮ ᐊᑯᑕ ᒪᒃ ᐛᒋ ᐎᔭᓯᒪᒡ ᐊᓂᔭᔪᐛ ᓇᔅᒡ ᑲ ᐛᒋᐱᔨᒡ ᒐᒋ ᐎᔭᓯᒪᑭᓄᔨᒋ᙮

1 ᑯᕆᓐᑎᔭᓇ 1:17

ᑕᐸ ᓂ ᐅᒋ ᐸᒋ ᐃᑎᓴᐅᒄ ᙭ ᒐᒋ ᓯᑲᐃᑕᒐᐅᒡ᙮ ᓂᒋ ᐸᒋ ᐃᑎᓴᐅᒄ ᒐᒋ ᑭᒐᔅᒋᒧᐅᒡ ᐊ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᐅ ᒪᒃ ᐊ ᐃᑎᔭᓐ ᓇᒪ ᐊᔅᒋᔪᐤ ᑭᒐᑕᐛᔨᑎᒧᐅᓐ ᓂᑦ ᐊᐱᒋᑕᓐ᙮ ᐛᔅ ᐅ ᐊᐱᒋᑕᔭᓐ ᐊᑯ ᑭᑈ ᓇᒪ ᒋᐸ ᐅᒋ ᓱᒐᔨᑕᑯᓐ ᐊᓐ ᒥᔽᒋᒧᐅᓐ ᐊᓐᑕ ᐃᔭᔨᒧᒪᑭᓄᐅᑦ ᙭ ᒋᐱᔭᑎᑯᒡ ᐊᒋ ᓂᐱᑦ᙮

1 ᑯᕆᓐᑎᔭᓇ 2:1

ᓂᐧᑲᓂᓯᑐᒄ, ᐅᔅᑭᒡ ᑲ ᑎᑯᓯᓂᔭᓐ ᐊᓐᑕ ᐊ ᑕᔭᒄ, ᑲ ᐎᑎᒪᑎᑯᒡ ᒪᒃ ᒋᓴᒪᓂᑐᐤ ᐅᑦ ᐃᔨᒧᐅᓐ ᓇᒪ ᓂ ᐅᒋ ᐃᓯ ᐃᔨᒥᓐ ᓇᔅᒡ ᒐᒋ ᐃᑈᐧᑲᑕᑯᓯᔭᓐ ᒪᒃ ᒐᒋ ᐃᑎᑕᑯᓯᔭᓐ ᒧᔭᒻ ᓇᔅᒡ ᐊ ᑭᒐᑕᐛᔨᑎᒪᓐ᙮

1 ᑯᕆᓐᑎᔭᓇ 2:13

ᐊ ᐊᔨᒧᑎᒪᒡ ᒪᒃ ᐅᔭ ᒐᒂᔪᐛ ᓇᒪ ᓂᒥᑐᓇᔨᒋᑭᓇᒡ ᐊ ᐃᓯ ᓂᔅᑐᑎᒪᒡ ᓂᑦ ᐃᓯ ᐊᔨᒧᑕᓇᓐ᙮ ᒋᑦ ᐊᓱᐤ ᐎᑎᒪᑎᓇᓐ ᑕᓐ ᑲ ᐃᓯ ᒋᔅᑯᑎᒧᔨᒥᑦ ᒋᓴᒪᓂᑐᐤ ᐅᑦ ᐊᒐᒂ᙮ ᐊᐅᒄ ᐅ ᐊᒐᐧᒄ ᐛᒋᐃᔨᒥᑦ ᐊ ᐎ ᒋᔅᒐᔨᑎᒥᔨᒥᑦ ᐊᒐᐧᑯ ᑕᑈᐅᓇ ᐊᓐᒡ ᑲ ᐊᔭᐛᒡ ᒋᓴᒪᓂᑐᐛ ᐅᑦ ᐊᒐᐧᑯᔪᐛ᙮

1 ᑯᕆᓐᑎᔭᓇ 4:20

ᓇᒪ ᒥᒄ ᒋᐸ ᐅᒋ ᐊᔨᒧᑕᑭᓄᐅᔪᐤ ᒋᓴᒪᓂᑐᐤ ᐅᒋᓴᐅᒋᒪᐅᓐ, ᒋᐸ ᓄᑯᑕᑭᓄᐅᔪᐤ ᑕᓐ ᐊᔅᐱᔅ ᓱᒐᔨᑕᑯᓂᔨᒡ᙮

2 ᑯᕆᓐᑎᔭᓇ 6:6

ᓂᒋ ᓄᑯᑕᓇᓐ ᑕᑈ ᐊ ᐊᑐᔅᑯᐅᒋᒡ ᒋᓴᒪᓂᑐᐤ ᐊ ᒥᔽᑎᓯᔭᒡ, ᑕᓐ ᐊ ᐃᓯ ᒥᔪ ᓂᔅᑐᑎᒪᒡ ᑕᑈᐅᓐ, ᐊ ᓯᐱᔪᐛᓯᔭᒡ ᑕᓐ ᐊ ᐃᓯ ᓂᒋᔅᑲᒪᒡ, ᐊ ᒥᔪᑐᑐᐎᒋᒡ ᐊᐛᓐᒋ᙮ ᑲ ᐸᔭᒋᓯᑦ ᐊᒐᐧᒄ ᑭᔭ ᓂ ᐎᒋᐃᑯᐅᓇᓐ ᑭᔭ ᓂ ᓄᑯᑕᓇᓐ ᑕᑈ ᐊ ᓴᒋᐃᒋᒡ ᒥᓯᐛ ᐊᐛᓐ᙮

ᑲᓚᓯᔭᓇ 1:10

ᒥᒄ ᐎ ᐃᑐᑐᐛᐤ ᐊᐛᔪᐛ ᒐᒋ ᒪᒥᔽᒋᒥᑯᑦ ᒋᑦ ᐃᑕᔨᒥᓇᐛᐤ ᐊ ? ᓇᒪ, ᒋᓴᒪᓂᑐᐤ ᐊᐅᒄ ᐛ ᒋᔅᒐᔨᑎᒧᒡ ᑕᓐ ᐊ ᐃᓯ ᒥᔽᒋᒥᑦ᙮ ᒥᒄ ᐎ ᓇᐊᔨᑎᒥᐊᐤ ᐊᐛᔪᐛ ᒋᑦ ᐃᑕᔨᒥᓇᐛᐤ ᐊ ? ᐛᔅ ᒥᒄ ᐃᔪᒡ ᐎ ᓇᐊᔨᑎᒥᐃᒂᐤ ᓇᒪ ᓂᐸ ᐅᒋ ᐊᑐᔅᑯᐛᐤ ᙭᙮

ᑯᓚᓯᔭᓇ 2:4

ᒋ ᐎᑎᒪᑎᓇᐛᐤ ᐅ ᐊᑲ ᐊᐛᓐ ᒐᒋ ᐎᔭᓯᒥᑕᒄ ᐊᑎ ᓇᔅᒡ ᐊ ᑭᔅᒋᐅᑕᑯᓯᑦ ᓂᑎᒥᒄ ᐊ ᐃᓯ ᐛᐎᑕᐧᒃ᙮

1 ᑕᓴᓗᓂᔭᓇ 1:5

ᐃᔅᐱ ᑲ ᐛᐎᑎᒪᑕᒡ ᒥᔽᒋᒧᐅᓐ ᓇᒪ ᒥᒄ ᓂ ᐅᒋ ᐃᔨᒥᓇᓐ ᒪᒃ ᐊᔪᐤ ᔅᒋ ᐛᐸᑕᓇᐛᐤ ᓱᐧᑲᑎᓯᐅᓐ ᑲ ᐸᔭᒋᓯᑦ ᐊᒐᐧᒄ ᐅᒋ᙮ ᑭᔭ ᐊᐅᒄ ᐊᓐ ᑲ ᐃᑐᑕᑕᒄ ᓇᔅᒡ ᒐᒋ ᑕᑈᑎᒪᒄ ᐊ ᑕᑈᒥᑲᒡ ᑕᓐ ᑲ ᐃᓯ ᐎᑎᒪᑕᒡ᙮ ᔅᒋ ᒋᔅᒐᔨᒥᓇᓐ ᑕᓐ ᑲ ᐃᑕᑎᓯᔭᒡ ᐊᓐᑕ ᐊ ᑕᔭᒄ ᑲ ᑕᔭᒡ ᐊᓐᑕ ᐊᒋ ᐅᒋ ᐎ ᐎᒋᐃᑕᒡ᙮

1 ᐱᑕᕐ 1:12

ᒋ ᒋᔅᒐᔨᑎᒥᐊᑭᓄᐅᒡ ᒪᒃ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊᑲ ᐎᔨᐛᐤ ᒪᒂᒡ ᐊ ᐱᒪᑎᓯᒡ ᒐ ᐃᔅᐱᔨᒡ ᐅᔭ᙮ ᒋᔨᐛᐤ ᒐᒋ ᒋᔅᒐᔨᑎᒺᒄ ᐊᐅᒄ ᐛᒋ ᐊᔨᒧᑕᒡ ᐊᓂᔭᔪᐛ ᒐᒂᔪᐛ ᐊᓄᒡ ᑕᓐ ᐊ ᐃᓯ ᐛᐎᑎᒪᑕᑯᒡ ᐊᓐᒡ ᑲ ᐛᐎᑕᒡ ᒥᔽᒋᒧᐅᓂᔪᐤ᙮ ᑲ ᐸᔭᒋᓯᑦ ᐊᒐᐧᒄ ᐊᓐ ᑲ ᐸᒋ ᐃᑎᓴᐛᑭᓄᐅᑦ ᒋᒋᒋᓯᑯᒡ ᐅᒡ, ᐊᐅᑯᓐ ᐊᓐ ᑲ ᒥᔭᑦ ᒐᒋ ᐛᐎᑎᒥᔨᒋ ᐅᔭ ᒥᔽᒋᒧᐅᓂᔪᐤ᙮ ᐊᔪᐅᒄ ᐅᔭ ᒐᒂᔪᐤ ᐛᐛᒡ ᐊᓐᒋᓐᒡ ᐎ ᒋᔅᒐᔨᑎᒧᒡ᙮

2 ᐱᑕᕐ 1:16

ᑕᐸ ᓇᒪᐎᔾ ᐎ ᐊᒋ ᐅᓯᑕᑭᓄᐅᒋ ᑎᐸᒋᒧᐅᓇ ᑲ ᐊᐱᒋᑕᔭᒡ ᐃᔅᐱ ᑲ ᐎ ᒋᔅᒐᔨᑎᒥᐃᑕᒡ ᑕᑈ ᒐ ᑎᑯᓯᐧᒃ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᓱᐧᑲᑎᓯᐅᓂᒡ᙮ ᓂᔭᓐ ᐛᔅ ᑎᐱᔨᐛ ᓂᔅᒋᓯᑯᓇᒡ ᓂᒋ ᐛᐱᒪᓇᓐ ᐊ ᒋᔅᑕᔨᑕᑯᐊᑭᓄᐅᑦ᙮

2 ᐱᑕᕐ 2:18

ᐛᔅ ᓇᔅᒡ ᑕᑈ ᒋᔅᑕᒋᒥᓱᐅᒡ ᑭᔭ ᒋᔎ ᐊᔨᒥᐅᒡ᙮ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒋ ᒪᒃ ᐎᔭᓱᐤ ᐱᒪᑎᓯᐅᓂᔪᐤ, ᐊᑯᑕ ᐊᓯᐃᐅᒡ ᒐᒋ ᑲᔅᑎᓇᒡ ᐊᓂᔭ ᐊᐛᔪᐛ ᐊᓄᒡ ᑲ ᐅᒋ ᐎᐧᑯᒋᐅᔨᒋ ᐊᓐᑕ ᐊ ᐛᓂᐱᔨᓇᓄᐎᒡ ᐊᒋ ᐃᓯ ᐎᒋᐃᐛᔨᒋ᙮