1 ᑯᕆᓐᑎᔭᓇ 2:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᐊ ᐊᔨᒧᑎᒪᒡ ᒪᒃ ᐅᔭ ᒐᒂᔪᐛ ᓇᒪ ᓂᒥᑐᓇᔨᒋᑭᓇᒡ ᐊ ᐃᓯ ᓂᔅᑐᑎᒪᒡ ᓂᑦ ᐃᓯ ᐊᔨᒧᑕᓇᓐ᙮ ᒋᑦ ᐊᓱᐤ ᐎᑎᒪᑎᓇᓐ ᑕᓐ ᑲ ᐃᓯ ᒋᔅᑯᑎᒧᔨᒥᑦ ᒋᓴᒪᓂᑐᐤ ᐅᑦ ᐊᒐᒂ᙮ ᐊᐅᒄ ᐅ ᐊᒐᐧᒄ ᐛᒋᐃᔨᒥᑦ ᐊ ᐎ ᒋᔅᒐᔨᑎᒥᔨᒥᑦ ᐊᒐᐧᑯ ᑕᑈᐅᓇ ᐊᓐᒡ ᑲ ᐊᔭᐛᒡ ᒋᓴᒪᓂᑐᐛ ᐅᑦ ᐊᒐᐧᑯᔪᐛ᙮

1 ᑯᕆᓐᑎᔭᓇ 2:13 Iomraidhean Croise

ᓗᒃ 12:12

ᐛᔅ ᑲ ᐸᔭᒋᓯᑦ ᐊᒐᐧᒄ ᒋᑭ ᒋᔅᑯᑎᒪᒄ ᑕᓐ ᐊᓐ ᒋᐸ ᐃᔅᒋᔄᓐ ᐊᓐ ᒪᒂᒡ ᐃᓯ ᓂᒋᔅᑭᒥᓇ᙮”

ᐊᑈᔅᑕᓇᒡ 2:4

ᒥᓯᐛ ᒪᒃ ᐊ ᑎᓯᒡ ᒋ ᓴᑭᔅᒋᓇᔅᑲᑯᐅᒡ ᑲ ᐸᔭᒋᓯᔨᒋ ᐊᒐᒂ᙮ ᒋ ᐅᒋ ᒂᔅᒋᐃᔨᒧᐅᒡ ᒪᒃ ᑯᑎᑲ ᐃᔨᒧᐅᓇ ᐊ ᐃᓯ ᒥᔨᑯᒡ ᐊᒐᒂ ᒐᒋ ᐃᓯ ᐃᔨᒥᒡ᙮

1 ᑯᕆᓐᑎᔭᓇ 1:17

ᑕᐸ ᓂ ᐅᒋ ᐸᒋ ᐃᑎᓴᐅᒄ ᙭ ᒐᒋ ᓯᑲᐃᑕᒐᐅᒡ᙮ ᓂᒋ ᐸᒋ ᐃᑎᓴᐅᒄ ᒐᒋ ᑭᒐᔅᒋᒧᐅᒡ ᐊ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᐅ ᒪᒃ ᐊ ᐃᑎᔭᓐ ᓇᒪ ᐊᔅᒋᔪᐤ ᑭᒐᑕᐛᔨᑎᒧᐅᓐ ᓂᑦ ᐊᐱᒋᑕᓐ᙮ ᐛᔅ ᐅ ᐊᐱᒋᑕᔭᓐ ᐊᑯ ᑭᑈ ᓇᒪ ᒋᐸ ᐅᒋ ᓱᒐᔨᑕᑯᓐ ᐊᓐ ᒥᔽᒋᒧᐅᓐ ᐊᓐᑕ ᐃᔭᔨᒧᒪᑭᓄᐅᑦ ᙭ ᒋᐱᔭᑎᑯᒡ ᐊᒋ ᓂᐱᑦ᙮

1 ᑯᕆᓐᑎᔭᓇ 14:2

ᐛᔅ ᐊᓐ ᐊᐛᓐ ᑲ ᒂᔅᒋᐃᔨᒥᑦ ᒋᓴᒪᓂᑐᐛ ᒥᒄ ᐃᔨᒪᐊᐤ, ᐛᔅ ᑕᐸ ᓂᔅᑐᑕᑯᐤ ᑯᑎᑲ ᐊᐛᔪᐛ ᑕᓐ ᐊ ᐃᓯ ᐃᔨᒥᑦ᙮ ᒋᓴᒪᓂᑐᐛ ᐅᑦ ᐊᒐᐧᑯᔪᐛ ᐅᒋ ᐊᔨᒧᑎᒻ ᒐᒂᔪᐛ ᐊᑲ ᐊᐛᔪᐛ ᒋᔅᒐᔨᑎᒥᔨᒋ᙮

1 ᑯᕆᓐᑎᔭᓇ 2:1

ᓂᐧᑲᓂᓯᑐᒄ, ᐅᔅᑭᒡ ᑲ ᑎᑯᓯᓂᔭᓐ ᐊᓐᑕ ᐊ ᑕᔭᒄ, ᑲ ᐎᑎᒪᑎᑯᒡ ᒪᒃ ᒋᓴᒪᓂᑐᐤ ᐅᑦ ᐃᔨᒧᐅᓐ ᓇᒪ ᓂ ᐅᒋ ᐃᓯ ᐃᔨᒥᓐ ᓇᔅᒡ ᒐᒋ ᐃᑈᐧᑲᑕᑯᓯᔭᓐ ᒪᒃ ᒐᒋ ᐃᑎᑕᑯᓯᔭᓐ ᒧᔭᒻ ᓇᔅᒡ ᐊ ᑭᒐᑕᐛᔨᑎᒪᓐ᙮

1 ᑯᕆᓐᑎᔭᓇ 2:14

ᐊᓐ ᐊᐛᓐ ᐊᑲ ᐊᔭᐛᑦ ᒋᓴᒪᓂᑐᐛ ᐅᑦ ᐊᒐᐧᑯᔪᐛ, ᓇᒪ ᒋᑭ ᒋ ᐅᑎᓂᒻ ᐊᓂᔭᔪᐛ ᒥᔨᐛᐅᓇ ᑕᓐ ᐊ ᐃᓯ ᒥᔨᐛᔨᒋ ᒋᓴᒪᓂᑐᐛ ᐅᑦ ᐊᒐᐧᑯᔪᐛ᙮ ᐅ ᐊᐛᓐ ᓇᒪ ᑕᑈ ᓂᔅᑐᑎᒻ ᒐᒂᔪᐛ ᐅᔭ, ᓇᒪ ᐎᔭᔅ ᐃᑕᐱᑎᓇ ᐃᑕᔨᑎᒻ᙮ ᐛᔅ ᒥᒄ ᐊᓐᒡ ᐸᔭᒋ ᐊᒐᒂ ᑲ ᐊᔭᐛᒡ ᒋᑭ ᒋ ᓂᔅᑐᑎᒧᒡ ᑕᓐ ᐊ ᐃᓯ ᒋᒋᐛ ᐃᑕᔨᑕᑯᓂᔨᒋ ᐅᔭ ᒥᔨᐛᐅᓇ᙮

1 ᑯᕆᓐᑎᔭᓇ 2:4

ᒪᒂᒡ ᑲᒋ ᐃᔨᒥᐃᑎᑯᒡ ᑭᔭ ᑲᒋ ᑭᒐᔅᒋᒥᑎᑯᒡ ᓇᒪ ᓂ ᐅᒋ ᐎ ᐃᑎᑕᑯᐃᓱᓐ ᓇᔅᒡ ᒐᒋ ᐃᑈᐧᑲᑕᑯᓯᔭᓐ ᐊᓐᑕ ᒐᒋ ᐅᒋ ᑕᑈᑎᒪᒄ᙮ ᒋᓴᒪᓂᑐᐤ ᐅᑦ ᐊᒐᒂ ᐅᓱᐧᑲᑎᓯᐅᓂᔪᐤ ᐊᐅᒄ ᑲ ᐃᑐᑕᑯᔭᒄ ᒐᒋ ᑕᑈᑎᒪᒄ ᑕᓐ ᑲ ᐃᓯ ᐛᐎᑎᒪᓐ᙮

1 ᑯᕆᓐᑎᔭᓇ 9:11

ᐊᑯ ᒪᒃ ᐊᓐᑕ ᑲ ᐎᑎᒪᑕᒡ ᒥᔽᒋᒧᐅᓐ ᒧᔭᒻ ᐊ ᓂᑕᐅᒋᑕᔭᒡ ᒋ ᐃᓯᓇᑯᓐ, ᒋ ᒥᔪ ᓂᑕᐅᒋᓇᐛᐤ ᒪᒃ ᑕᑈᑎᒧᐅᓂᒡ ᐃᔅ᙮ ᒥᔅᑎ ᐊ ᒪᒃ ᐃᓯᓇᑯᓐ ᐊ ᑯᒂᒋᒥᑕᒡ ᒐᒋ ᒥᔨᔭᒡ ᑕᓐ ᐊ ᐃᓯ ᓂᑐᐛᔨᑎᒪᑕᒡ᙮

ᐃᐱᓯᔭᓇ 5:19

ᐛᐎᒋᐃᑐᒄ ᐊ ᓂᑭᒧᔭᒄ ᓂᓇᐧᑯᐤ ᐃᔭᒥᐊᐤ ᓂᑭᒧᐅᓇ, ᑭᔭ ᐊᓂᔭᔪᐛ ᑎᐱᑦ ᐅᓂᑭᒧᐅᓇ ᑭᔭ ᐊ ᐅᔅᑲᒋ ᐊᒐᐧᒄ ᓂᑭᒧᐅᓇ ᓂᑭᒧᒄ᙮ ᒪᒥᒋᒪᐧᒄ ᐅᑎᐸᔨᒋᒐᐤ ᒥᒄ ᒐ ᐃᔅᐱᔅ ᐎ ᒪᒥᒋᒪᒄ ᒋᑕᐃᐛᒡ ᐅᒡ᙮

ᑯᓚᓯᔭᓇ 3:16

ᒧᔅ ᒪᒥᑐᓇᔨᑎᒥᐃᑯᐛᒄ ᒥᓯᐛ ᑲ ᐃᓯ ᐊᔨᒧᑎᒪᑕᒄ ᙭, ᒋᑕᐃᐛᒡ ᐊ ᑭᓄᐛᔨᑎᒺᒄ᙮ ᓱᒃ ᐎ ᑭᒐᑕᐛᔨᑎᒧᒄ ᐊ ᒋᔅᑯᑎᒪᑐᔭᒄ ᑭᔭ ᐊ ᑭᒐᔅᒋᒥᑐᔭᒄ᙮ ᒋᑕᐃᐛᒡ ᐅᒡ ᓂᑭᒧᔅᑐᐛᐧᒄ ᒋᓴᒪᓂᑐᐤ᙮ ᓂᓇᔅᑯᒪᐧᒄ ᐊ ᓂᑭᒧᔅᑐᐛᒄ ᐊᔭᒥᐊᐅ ᓂᑭᒧᐅᓇ, ᑎᐱᑦ ᐅᓂᑭᒧᐅᓇ ᑭᔭ ᑕᓐ ᐊ ᐃᓯ ᒥᔨᑕᒄ ᑲ ᐸᔭᒋᓯᑦ ᐊᒐᐧᒄ ᓂᑭᒧᐅᓇ᙮

1 ᐱᑕᕐ 1:12

ᒋ ᒋᔅᒐᔨᑎᒥᐊᑭᓄᐅᒡ ᒪᒃ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊᑲ ᐎᔨᐛᐤ ᒪᒂᒡ ᐊ ᐱᒪᑎᓯᒡ ᒐ ᐃᔅᐱᔨᒡ ᐅᔭ᙮ ᒋᔨᐛᐤ ᒐᒋ ᒋᔅᒐᔨᑎᒺᒄ ᐊᐅᒄ ᐛᒋ ᐊᔨᒧᑕᒡ ᐊᓂᔭᔪᐛ ᒐᒂᔪᐛ ᐊᓄᒡ ᑕᓐ ᐊ ᐃᓯ ᐛᐎᑎᒪᑕᑯᒡ ᐊᓐᒡ ᑲ ᐛᐎᑕᒡ ᒥᔽᒋᒧᐅᓂᔪᐤ᙮ ᑲ ᐸᔭᒋᓯᑦ ᐊᒐᐧᒄ ᐊᓐ ᑲ ᐸᒋ ᐃᑎᓴᐛᑭᓄᐅᑦ ᒋᒋᒋᓯᑯᒡ ᐅᒡ, ᐊᐅᑯᓐ ᐊᓐ ᑲ ᒥᔭᑦ ᒐᒋ ᐛᐎᑎᒥᔨᒋ ᐅᔭ ᒥᔽᒋᒧᐅᓂᔪᐤ᙮ ᐊᔪᐅᒄ ᐅᔭ ᒐᒂᔪᐤ ᐛᐛᒡ ᐊᓐᒋᓐᒡ ᐎ ᒋᔅᒐᔨᑎᒧᒡ᙮

2 ᐱᑕᕐ 1:16

ᑕᐸ ᓇᒪᐎᔾ ᐎ ᐊᒋ ᐅᓯᑕᑭᓄᐅᒋ ᑎᐸᒋᒧᐅᓇ ᑲ ᐊᐱᒋᑕᔭᒡ ᐃᔅᐱ ᑲ ᐎ ᒋᔅᒐᔨᑎᒥᐃᑕᒡ ᑕᑈ ᒐ ᑎᑯᓯᐧᒃ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᓱᐧᑲᑎᓯᐅᓂᒡ᙮ ᓂᔭᓐ ᐛᔅ ᑎᐱᔨᐛ ᓂᔅᒋᓯᑯᓇᒡ ᓂᒋ ᐛᐱᒪᓇᓐ ᐊ ᒋᔅᑕᔨᑕᑯᐊᑭᓄᐅᑦ᙮