1 ᑯᕆᓐᑎᔭᓇ 16:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᒥᒄ ᐊᑯᑕ ᐅᑕ ᐃᐱᓴᔅ ᒐ ᑕᔭᓐ ᐊᓄᒡ ᐎ ᐸᑐᔅ ᐅᑎᒋᐱᔨᒐ ᐸᓐᑎᑯᔅᑦ᙮

1 ᑯᕆᓐᑎᔭᓇ 16:8 Iomraidhean Croise

ᐊᒃᓱᑕᔅ 23:16

ᑲ ᒪᒧᓴᒋᓂᑭᓄᐅᒡ ᑲ ᓂᑕᐅᒋᒡ ᒥᒋᒻ ᐃᓯᓂᐧᑲᑕᐤ ᓂᓱ ᐛᒋ ᑎᒂᒡ ᒪᑯᓴᐅᓐ᙮ ᒪᒂᒡ ᐊ ᒥᑯᓴᓄᐅᒡ ᒋᑭ ᐎ ᐱᔅᑎᓂᒧᐅᓇᐛᐤ ᐅᔅᑭᒡ ᑲ ᓂᑕᐅᒋᒡ ᒥᒋᒻ ᑲ ᒪᒧᓴᒋᓂᒪᒄ ᐊᓂᔭ ᑲ ᐊᐱᒋᑕᔭᒄ ᓂᑕᐅᒋᒋᑭᓂᔅᒐ᙮ ‘ᒥᑯᓴᓐ ᐛᔅᑲᐃᑭᓇ’ ᐃᓯᓂᐧᑲᑕᐤ ᓂᔅᑐ ᐛᒋ ᑎᒂᒡ ᒪᑯᓴᐅᓐ᙮ ᐊᐅᑯᓐ ᒐ ᐃᑐᑎᒪᒄ ᒋ ᒪᒧᓴᒋᓂᒪᒄ ᒋ ᒥᒋᒧᐛᐤ ᑭᔭ ᐊᓂᔭ ᒥᓂᓴ ᒥᓯᐛ ᐊ ᐃᓯᓇᒂᒋ᙮

ᐊᑈᔅᑕᓇᒡ 18:19

ᐊᑯ ᑲ ᒥᓯᑲᒡ ᐊᓐᑕ ᐃᐱᓴᔅ ᑲ ᐃᓯᓂᐧᑲᑕᔨᒡ ᐅᑕᓇᔪᐤ, ᐊᑯᑕ ᐊᓐᑕ ᑈᓪ ᑲ ᓂᑭᑕᑦ ᐊᓂᔭ ᐳᕆᓯᓚᐃᒋ ᑭᔭ ᐊᑯᐎᓚᐃᒋ, ᐃᔭᒡ ᒋ ᐃᑐᑕᐅᒡ ᐎᔨᐛᐤ ᐊᓐᒡ᙮ ᐊᑯ ᑈᓪ ᒂ ᐱᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᐊᑯ ᒂ ᐃᔨᒥᐃᑐᒡ ᐊᓂᔭ ᒍᐤ ᐊ ᓯᒋᒪᑦ ᒐᒋ ᑕᑈᑕᑯᑦ ᑕᓐ ᐊ ᐃᔅᒋᔄᑦ᙮

ᐊᑈᔅᑕᓇᒡ 18:21

ᒥᒄ ᒋ ᐃᑕᐤ ᑈᓪ, ᐃᔅᐱ ᒐ ᔅᑐᑕᑦ, “ᓂᑭ ᑎᑯᓯᓐ ᒥᓐ, ᒋᓴᒪᓂᑐᐤ ᐃᑕᔨᑕᒐ ᒥᓐ ᒐᒋ ᑎᑯᓯᓂᔭᓐ᙮” ᐊᑯ ᒂ ᐳᓯᑦ ᐅᐤᑎᔪᐤ ᐊᓐᑕ ᐅᒋ ᐃᐱᓴᔅ᙮

ᐊᑈᔅᑕᓇᒡ 19:1

ᒪᒂᒡ ᒪᒃ ᐊᐳᓚᔅ ᐊᓐᑕ ᑯᕆᓐᑦ ᑲ ᑕᑦ, ᑈᓪ ᒋ ᐱᐸᒧᑕᐤ ᐊᓐᑕ ᐊᓂᔭ ᐊᔅᒋᔪᐤ ᐊᑯ ᒐᒃ ᒂ ᐅᑎᑕᐧᒃ ᐃᐱᓴᔅ᙮ ᐊᑯᑕ ᒂ ᓂᒋᔅᑯᐛᑦ ᐱᔅᒐ ᐊᓂᔭᔪᐛ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ᙮

ᐊᑈᔅᑕᓇᒡ 2:1

ᐃᔅᐱ ᒪᒃ ᐊᓐ ᐊ ᒋᓯᑲᒡ ᐸᓐᑎᑯᔅᑦ ᑲ ᐃᓯᓂᐧᑲᑕᒡ ᐛᑎᒋᐱᔨᒡ ᒥᓯᐛ ᒪᒧᐤ ᒋ ᑕᐅᒡ ᐊᓐᒡ ᑲ ᑕᑈᑕᒡ᙮

ᐊᑈᔅᑕᓇᒡ 20:16

ᑈᓪ ᒪᒃ ᒋ ᐎᔭᔨᑎᒻ ᒐ ᐊᑲ ᒋ ᐃᔅᒋᒪᑦ ᐊᓐᑕ ᐃᐱᓴᔅ, ᐊᑯ ᒂ ᐎᒪᐊᒪᒡ ᐊᓐ ᐅᑕᓇᐤ᙮ ᓇᒪ ᐅᒋ ᐎ ᐅᑎᒥᐤ, ᐛᔅ ᒋ ᐎ ᐅᑎᑎᒻ ᒋᕈᓯᓕᒥᒡ ᐊᔅᒄ ᐊᑲ ᐸᓐᑎᑯᔅᑦ ᐃᓯ ᒋᓯᑲᔨᒡ᙮

1 ᑯᕆᓐᑎᔭᓇ 15:32

ᒧᔭᒻ ᒪᒃ ᒧᒡ ᑲ ᒪᓯᐊᐅᒐᐅᓐᒋ ᓇᐸᐅᒡ ᒧᔭᒻ ᐊᐛᓯᓯᒡ ᑲ ᑯᔅᑕᑎᑯᓯᒡ ᑲ ᐃᑕᔨᑕᑯᓯᒡ ᐃᐱᓴᔅ ᑲ ᑕᒡ ᒐᒂᓐ ᑲ ᐎᐧᑯᒋᑎᒪᓱᔭᓐ ? ᒧᔭᒻ ᑕᑈ ᐊᑲ ᐅᓂᔅᑲᓇᑭᓄᐛᒂ ᐊᓐᒡ ᓴᔅ ᑲ ᓂᐱᒡ ᐊᑯᔅ ᑭᑈ ᒋᐸ ᐃᑐᑕᓇᓄᐤ ᐊᓐ ᑲ ᐃᓇᓄᐅᒡ ᒐ ᐃᑐᑕᑭᓄᐅᒡ, ᒥᒋᓱᑕᐤ ᑭᔭ ᒥᓂᒂᑕᐤ, ᐛᔅ ᐛᐸᒐ ᒋᑭ ᓂᐱᓇᓄᐤ᙮