1 ᑯᕆᓐᑎᔭᓇ 16:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᓂᐧᑲᓂᓯᑐᒄ, ᓇᔅᒡ ᑕᑈ ᒋ ᓯᒋᒥᑎᓇᐛᐤ ᒐᒋ ᐱᔅᑕᔨᒥᑎᓱᔅᑐᐛᑯᒡ ᐊᓐᒡ ᐊᐛᓐᒋ ᐅᔭ ᑲ ᐃᑕᔨᑕᑯᓯᒡ᙮ ᐱᔅᑕᔨᒥᑎᓱᔅᑎᒪᑯ ᑭᔭ ᒥᓯᐛ ᐊᓂᔭᔪᐛ ᑲ ᐎᒋᐃᑯᒡ ᐊᓂᔭ ᐅᑦ ᐊᑐᔅᒐᐅᓄᐛᐤ ᑭᔭ ᓱᒃ ᑲ ᐊᒋᔅᑎᒥᔨᒋ ᐊᓂᔭ ᐊ ᐃᓯ ᐎᒋᐃᑯᒡ᙮

1 ᑯᕆᓐᑎᔭᓇ 16:16 Iomraidhean Croise

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:12

ᐊᓐᒡ ᐃᔎᐅᒡ ᑐᕋᐃᐱᓇ ᑭᔭ ᑐᕋᐃᐳᓴ ᐅᑎᐸᔨᒋᒐᐛ ᑲ ᐊᑐᔅᑯᐛᒡ, ᓂ ᐛᒋᔭᒪᐅᒡ ᑭᔭ᙮ ᓂᐎᒐᐛᑭᓐ ᐸᕐᓯᔅ, ᐊᐅᒄ ᒥᓐ ᐎᔭᒋᔭᒥᒃ, ᓇᔅᒡ ᑕᑈ ᓂ ᓴᒋᐊᐤ᙮ ᓇᔅᒡ ᑕᑈ ᒋ ᒥᔅᑎ ᐊᑐᔅᒐᐤ ᐅ ᐃᔎᐤ ᐅᑎᐸᔨᒋᒐᐛ ᐊ ᐊᑐᔅᑯᐛᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:3

ᓂ ᐛᒋᔭᒪᐅᒡ ᐳᕆᓯᓚ ᑭᔭ ᐊᑯᐎᓚ᙮ ᓂ ᐎᒋ ᐊᑐᔅᒐᒪᐅᒡ ᐅᒡ ᐊ ᐊᑐᔅᑯᐛᒡ ᒋᓴᔅ ᙭ᑕ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:6

ᒪᕆ ᐊᓐ ᓇᔅᒡ ᑲ ᒥᔅᑎ ᐊᑐᔅᒐᑦ ᐊ ᐎᒋᐃᑕᒄ ᓂ ᐛᒋᔭᒪᐤ ᑭᔭ ᐎᔾ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:9

ᐅᕐᐸᓇᔅ ᐊᐅᒄ ᒥᓐ ᐎᔭᒋᔭᒥᒃ᙮ ᓂᒋ ᐎᒋᑐᔅᒐᒪᓇᓐ ᐊ ᐊᑐᔅᑯᒥᒋᒋ ᒋᓴᔅ ᙭ᑕ᙮ ᓂᐎᒐᐛᑭᓐ ᔅᑕᑭᔅ ᓇᔅᒡ ᑲ ᓴᒋᐃᒃ ᑭᔭ ᓂ ᐛᒋᔭᒪᐤ᙮

1 ᑯᕆᓐᑎᔭᓇ 12:28

ᑕᔪᐛ ᒪᒃ ᐅᒪᒧᐊᔭᒥᐊᐛ ᒋᓴᒪᓂᑐᐤ ᐊᒋ ᐅᑎᓇᑦ ᑕᓐ ᒐ ᐃᑕᐱᑎᓯᔨᒋ᙮ ᐊᓂᔭᔪᐛ ᓂᔅᑎᒻ ᑲ ᐅᑎᓇᑦ ᐊᐅᒄ ᐅᔭ ᐊᑈᔅᑕᓇ ᐊᑯ ᒥᓐ ᐅᒋᔅᒋᐛᐃᒐᓱᐛ, ᐊᑯ ᒥᓐ ᒋᔅᑯᑎᒪᒐᓱᐛ, ᑭᔭ ᐊᐛᔪᐛ ᒪᒥᔅᑲᒡ ᒐᒂᔪᐤ ᒐ ᐃᑐᑎᒥᔨᒋ᙮ ᒋ ᐅᑎᓇᐤ ᑭᔭ ᐊᐛᔪᐛ ᒐ ᒥᓏᒋᐃᐛᔨᒋ, ᑭᔭ ᐊᓂᔭᔪᐛ ᓂᓇᐧᑯᐤ ᒐ ᐃᓯ ᐎᒋᐊᔨᒋ ᐊᐛᔪᐛ᙮ ᒋ ᐅᑎᓇᐤ ᑭᔭ ᐊᐛᔪᐛ ᐊ ᐛᐎᐱᔨᑕᔨᒋ ᒐᒂᔪᐤ ᒐ ᐃᑕᐱᑎᓯᔨᒋ, ᑭᔭ ᐊᐛᔪᐛ ᒐ ᒂᔅᒋᐃᔨᒥᔨᒋ᙮

1 ᑯᕆᓐᑎᔭᓇ 3:9

ᑕᐱᔅᑯᓐ ᓂ ᐎᒋ ᐊᑐᔅᒐᒪᓇᓐ ᒋᓴᒪᓂᑐᐤ᙮ ᒋᔨᐛᐤ ᒪᒃ ᒧᔭᒻ ᓂᑕᐅᒋᑕᑭᓐ ᐊᔅᒋᔾ ᒋᑦ ᐃᓯᓇᑯᓯᓇᐛᐤ᙮ ᒪᒃ ᐅᑕ ᒋᐸ ᒋ ᐃᓯ ᑭᓄᐛᐸᑕᓇᐛᐤ᙮ ᒧᔭᒻ ᒋᓴᒪᓂᑐᐤ ᐅᐛᔅᑲᐃᑭᓂᒻ ᒋᑦ ᐃᓯᓇᑯᓯᓇᐛᐤ᙮

ᐃᐱᓯᔭᓇ 5:21

ᐱᔅᑕᔨᒥᑎᓱᔅᑕᑐᒄ ᙭ ᐊ ᒋᔅᑕᔨᒪᒄ ᐅᒡ᙮

ᐱᓕᐱᔭᓇ 4:3

ᓂᐎᒐᐛᑭᓐ ᒧᔅ ᑯᐃᔅᒄ ᑲᒋ ᐃᑎᔨᓐ ᐊ ᐎᒋ ᐊᑐᔅᒐᒥᑕᓐ ᒋ ᐱᑯᓴᔨᒥᑎᓐ ᒐᒋ ᐎᒋᐃᑥᐤ ᐅᒡ ᐃᔎᐅᒡ ᒐᒋ ᐳᓂᒡ ᐊ ᒥᒋᐱᔨᑐᒡ᙮ ᐛᔅ ᑕᐱᔅᑯᓐ ᒋ ᒥᔅᑎ ᐊᑐᔅᒐᐅᒡ ᐊ ᐎᒋᐃᒡ ᐊ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᑭᔭ ᑯᓚᒪᓐᑦ ᑭᔭ ᐊᓐᒡ ᑯᑎᑭᒡ ᑲ ᐎᒋ ᐊᑐᔅᒐᒥᒡ, ᐅᑦ ᐃᓯᓂᐧᑲᓱᐅᓄᐛᐛ ᑲ ᒥᓯᓇᑕᔨᒋ ᒋᓴᒪᓂᑐᐛ ᐅᐱᒪᑎᓯᐅ ᒥᓯᓇᐃᑭᓂᔨᒡ ᒐᒋ ᐊᔭᒡ ᑲᒋᒡ ᐱᒪᑎᓯᐅᓂᔪᐤ ᓂᒋ ᐎᒋᐃᑯᐅᒡ᙮

1 ᑕᓴᓗᓂᔭᓇ 1:3

ᓂ ᒋᔅᒋᓯᓇᓐ ᐊ ᐃᔨᒥᐃᒋᒡ ᒋᓴᒪᓂᑐᐤ ᑕᓐ ᐊ ᐃᓯ ᒥᔪ ᐊᑐᔅᑲᑐᔭᒄ ᐊ ᑕᑈᔭᔨᒪᒄ ᐅᑎᐸᔨᒋᒐᐤ᙮ ᓂ ᒋᔅᒋᓯᓇᓐ ᑕᓐ ᐊ ᐃᓯ ᒥᔪ ᐊᐱᑎᓯᔭᒄ ᐊ ᓴᒋᐊᒄ ᒋᓴᔅ᙮ ᓂ ᒋᔅᒋᓯᓇᓐ ᑭᔭ ᑕᓐ ᐊ ᐃᓯ ᓱᒋᑲᐳᐅᔭᒄ ᐊ ᐊᔅᐸᔨᒧᑐᑐᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

1 ᑕᓴᓗᓂᔭᓇ 2:9

ᓂᐧᑲᓂᓯᑐᒄ, ᒐᔅᑎᓇᔅ ᒋ ᒋᔅᒋᓯᓇᐛᒐ ᑕᓐ ᑲ ᐃᔅᐱᔅ ᒥᔅᑎ ᐊᑐᔅᒐᔭᒡ ᐊᓐᑕ ᐊ ᑕᔭᒄ᙮ ᓂᒋ ᐊᑐᔅᒐᓇᓐ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᓂᔭᓐ ᒐᒋ ᐱᒥᐱᔨᐃᓱᔭᒡ ᒐ ᐊᑲ ᒋ ᑯᓯᑯᔅᑲᑯᔭᒄ ᐊ ᐃᑕᔨᑎᒪᒄ ᒐᒋ ᐸᒋ ᐱᒥᐱᔨᐃᔭᒡ ᒪᒂᒡ ᐊ ᐛᐎᑎᒪᑕᒡ ᒋᓴᒪᓂᑐᐤ ᐅᒥᔽᒋᒧᐅᓐ᙮

1 ᑕᓴᓗᓂᔭᓇ 5:12

ᓂᐧᑲᓂᓯᑐᒄ, ᒋ ᐱᑯᓴᔨᒥᑎᓇᓐ ᒐᒋ ᒋᔅᑕᔨᒪᑯᒡ ᐊᓐᒡ ᑲ ᓂᑲᓂᔅᑲᑕᑯᒡ᙮ ᐛᔅ ᐅᑎᐸᔨᒋᒐᐛ ᒋ ᐅᑎᓂᑯᐅᒡ ᒐᒋ ᒋᔅᒋᓄᑕᐃᑕᑯᒡ ᑭᔭ ᒐᒋ ᒋᔅᑯᑎᒪᑕᑯᒡ ᒋᓴᒪᓂᑐᐛ ᐊ ᑕᔨᒋ ᒐᒋ ᐃᓯ ᐱᒪᑎᓯᐛᒄ᙮

1 ᑎᒧᑎ 5:17

ᐊᓐᒡ ᑲ ᐎᒋᐃᐛᒡ ᐊ ᓂᑲᓂᔅᑲᑭᓄᔨᒋ ᐊᔭᒥᐊᐅᒋᐛᐸ ᐊ ᒥᔪ ᓂᓇᑭᑐᐛᔨᑕᒡ ᒪᒃ ᐊᓂᔭ ᐊ ᐃᑕᐱᑎᓯᒡ ᐃᑕᔨᑕᑯᓂᔪᐤ ᓇᔅᒡ ᒐᒋ ᒋᔅᑕᔨᒪᑭᓄᐎᒡ᙮ ᐊᑐᐎᔅ ᒪᒃ ᒋᐸ ᒋᔅᑕᔨᒪᑭᓄᐎᒡ ᐊᓐᒡ ᓇᔅᒡ ᑲ ᐃᓯ ᐱᔅᑎᓂᓱᒡ ᒐᒋ ᐛᐎᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑭᔭ ᒐᒋ ᒋᔅᑯᑎᒪᒐᒡ᙮

ᐃᑉᕈᐛ 13:17

ᓂᓇᐃᑐᐛᐧᑯᒡ ᐊᓐᒡ ᑲ ᓂᑲᓂᔅᑲᑕᑯᒡ ᐊᔭᒥᐊᐅᒋᐛᐱᒡ᙮ ᐛᔅ ᒋᐛᐎᒋᐃᑯᐛᐅᒡ ᒋᑕᑈᑎᒧᐅᓄᐛᒡ᙮ ᐊᐅᒄ ᐅᔭ ᐅᑦ ᐊᑐᔅᒐᐅᓄᐛᐤ᙮ ᐛᔅ ᒋᑭ ᓂᑐᐛᔨᑕᑯᓱᐅᒡ ᒐᒋ ᐎᑎᒧᐛᒡ ᒋᓴᒪᓂᑐᐛ ᑕᓐ ᑲ ᐃᑐᐛᒄ᙮ ᒋᑭ ᒥᔽᔨᑎᒧᒡ ᒪᒃ ᒐᒋ ᐃᑐᑕᒡ ᐅᔭ ᐅᑦ ᐊᑐᔅᒐᐅᓄᐛᐤ ᒧᔭᒻ ᒋᔨᐛᐤ ᓂᓇᐃᑐᐛᒂᐛ ᑭᔭ ᒋᔅᑕᔨᑎᒧᐛᒂ ᑕᓐ ᑲ ᐃᓯ ᒥᔭᑭᓄᐎᒡ ᒐᒋ ᓂᑲᓂᔅᑲᑕᑯᒡ᙮ ᐊᑲ ᒪᒃ ᐅ ᑎᔭᒂ ᒋᑭ ᒥᒐᔨᑎᒧᒡ ᑭᔭ ᓇᒪ ᒋᑭ ᒋ ᒥᔪ ᐎᒋᐃᑯᐛᐅᒡ᙮

ᐃᑉᕈᐛ 13:24

ᐛᒋᔭᒪᐧᑯᒡ ᐊᓐᒡ ᑲ ᓂᑲᓂᔅᑲᑕᑯᒡ ᑭᔭ ᒥᓯᐛ ᐊᓐᒡ ᑲ ᑕᑈᑕᒡ ᐊᓐᑕ ᐊ ᑕᔭᒄ ᐊ ᑕᒡ᙮ ᐊᓐᒡ ᑲ ᑕᑈᑕᒡ ᐊᓐᑕ ᐃᑕᓕ ᐊᔅᒋᒡ ᐊ ᑕᒡ ᑭᔭ ᐎᔨᐛᐤ ᒋ ᐛᒋᔭᒥᑯᐛᐅᒡ᙮

ᐃᑉᕈᐛ 6:10

ᓂᐦᐃ, ᒋᑕᑈᐅᒐᔨᒥᑎᓇᐛᐤ ᐊᒋ ᐱᒪᒋᐅᔭᒄ᙮ ᓂ ᒋᔅᒐᔨᒪᐤ ᒋᓴᒪᓂᑐᐤ ᑯᐃᔅᒄ ᐊ ᐃᑐᑐᐛᑦ ᒥᓯᐛ ᐊᐛᔪᐛ᙮ ᒋ ᒋᔅᒐᔨᒥᑯᐛᐤ ᑕᓐ ᑲ ᐃᓯ ᒥᔪᑐᑎᒺᒄ ᑭᔭ ᑕᓐ ᑲ ᐃᓯ ᓄᑯᑐᐛᒄ ᐊ ᓴᒋᐊᒄ ᐊᒋ ᐎᒋᐃᒪᑯ ᑲ ᑕᑈᑎᒥᔨᒋ ᑭᔭ ᐊᔅᒄ ᐊ ᐎᒋᐃᒪᑯ᙮ ᓇᒪ ᒪᒃ ᒋᑭ ᐅᒋ ᐅᓂᒋᔅᒋᓱᐤ ᐅᔭ᙮

1 ᐱᑕᕐ 5:5

ᐊᑯ ᒪᒃ ᒋᔨᐛᐤ ᑲ ᐅᔅᒋᐱᒪᑎᓯᔭᒄ ᒋᐸ ᓂᓇᐃᑐᐛᐛᐅᒡ ᐊᓐᒡ ᑲ ᐎᒋᐃᐛᒡ ᐊ ᐱᒥᐱᔨᑕᑭᓄᐎᒡ ᐊᔭᒥᐊᐅᒋᐛᐱᔪᐤ᙮ ᒥᓯᐛ ᒪᒃ ᐊ ᑎᓯᔭᒄ, ᒋᐸ ᐊᑐᔅᑲᑐᓇᐛᐤ ᐊ ᑎᐱᑕᔨᒥᑎᓱᔭᒄ ᐛᔅ ᐃᑎᔅᑕᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ, ᒋᓴᒪᓂᑐᐤ ᓇᒪ ᓇᐃᐱᒪᐤ ᐊᓂᔭ ᒋᒋᐛ ᑲ ᐃᑕᔨᒥᓱᔨᒋ, ᐊᑯ ᐊᓂᔭ ᑲ ᑎᐱᑕᔨᒥᓱᔨᒋ ᒋᓴᐛᑐᑐᐛᐤ᙮

3 ᒠᓐ 1:8

ᒋᔭᓄᐤ ᑲ ᑕᑈᔭᔨᒪᐧᒄ ᙭ ᒋᐸ ᐎᒋᐊᓄᒡ ᐅᒡ ᓇᐸᐅᒡ ᑕᓐ ᐊ ᐃᓯ ᓂᑐᐛᔨᑕᒡ ᒐᒂᔪᐤ ᒐᒋ ᐅᒋ ᐎᒋᐊᐧᑯᒡ ᐊ ᐛᐎᑎᒧᐛᒡ ᐊᐛᔪᐛ ᑕᑈᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 2:3

ᒧᔅ ᔅᒋ ᓯᐱᔪᐛᓯᓇᐛᐤ ᐊ ᓂᒋᔅᑭᒪᒄ ᒐᒂᓐ᙮ ᔅᒋ ᐊᔨᒥᐅᓇᐛᐤ ᑭᔭ ᐊ ᓇᓴᐅᔭᒄ᙮ ᓇᒪ ᒪᒃ ᒋ ᐅᒋ ᓄᑎᐳᓂᓇᐛᐤ ᐊ ᑕᑈᑎᒪᒄ᙮