1 ᑯᕆᓐᑎᔭᓇ 16:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐊᑯ ᒐ ᐊᔨᒧᑎᒪᑎᑯᒡ ᐊᓐ ᓱᓇᔭᐤ ᒋᐸ ᒪᒧᓴᒋᓂᑭᓄᐤ ᒐᒋ ᐎᒋᐊᑭᓄᐎᒡ ᑲ ᑕᑈᑕᒡ ᐊᓐᑕ ᐊᓂᔭ ᐊᔅᒋᔪᐤ ᒍᑎᔭ ᐊ ᐃᓯᓂᐧᑲᑕᔨᒡ ᐊ ᑕᒡ᙮ ᒧᔭᒻ ᒪᒃ ᑲ ᐃᑎᓱᒥᒂᐤ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᑲᓚᓯᔭ ᐊ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᒡ ᒐᒋ ᐃᑎᒡ ᐊᐅᑯᓐ ᑭᔭ ᒋᔨᐛᐤ ᐃᑎᒄ᙮

1 ᑯᕆᓐᑎᔭᓇ 16:1 Iomraidhean Croise

ᐊᑈᔅᑕᓇᒡ 11:28

ᐸᐃᒄ ᒪᒃ ᐊᓐ ᐊᑲᐸᔅ ᐊ ᐃᓯᓂᐧᑲᓱᑦ, ᒋ ᐱᓯᑯᐤ ᐊ ᒥᔨᑯᑦ ᑲ ᐸᔭᒋᓯᔨᒋ ᐊᒐᒂ ᒐᒋ ᐃᓯ ᓂᑲᓐ ᐎᑕᐧᒃ ᒐ ᐱᒥᐱᔨᒡ ᐊ ᑯᐅᐧᑭᑕᓄᐎᒡ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᔅᒋᔪᐤ᙮ ᐊᐅᑯᓐ ᒪᒃ ᑕᑈ ᑲ ᐃᔅᐱᔨᒡ ᒪᒂᒡ ᑲᓗᑎᔭᓴ ᑲ ᒋᓴᐅᒋᒪᐎᔨᒋ᙮

ᐊᑈᔅᑕᓇᒡ 11:30

ᐊᐅᑯᓐ ᒪᒃ ᑲ ᐃᑎᒡ᙮ ᒋ ᐃᑎᓴᐛᐅᒡ ᐸᕐᓇᐸᓴ ᑭᔭ ᓴᓚ ᒐᒋ ᐃᑐᑕᔨᒋ ᐊᓂᔭ ᓱᓇᔭᔪᐤ ᐊᓐᑕ ᒋᕈᓯᓕᒥᒡ ᒐᒋ ᒥᔭᔨᒡ ᐊᓂᔭᔪᐛ ᑲ ᓂᑲᓂᔅᑭᒥᔨᒋ ᐊᔭᒥᐊᐅᒋᐛᐱᔪᐤ᙮

ᐊᑈᔅᑕᓇᒡ 16:6

ᐊᑯ ᐊᓐᑕ ᐳᕆᒋᔭ ᑭᔭ ᑲᓚᓯᔭ ᐊᔅᒋᒡ ᒂ ᐃᑐᑕᒡ, ᑲ ᐸᔭᒋᓯᔨᒋ ᐊᒐᒂ ᐊᒋ ᓇᑲᓂᑯᒡ ᒐᒋ ᐛᐎᑕᒡ ᒥᔽᒋᒧᐅᓂᔪᐤ ᐊᓐᑕ ᐊᐃᓴ ᐊᔅᒋᒡ᙮

ᐊᑈᔅᑕᓇᒡ 18:23

ᐊᑯᑕ ᑲ ᑕᑦ ᐛᐃᐱᔅᒋᔅ ᐊᑯ ᒥᓐ ᒂ ᔅᑐᑕᑦ᙮ ᐊᑯ ᐊᓐᑕ ᐊᔅᒋᒡ ᑲᓚᓯᔭ ᑭᔭ ᐳᕆᒋᔭ ᑲ ᐃᓯᓂᐧᑲᑕᔨᒋ ᐊᑯᑕ ᑲ ᐃᑐᑕᑦ, ᐊ ᐃᔨᒪᐊᑦ ᐊᓂᔭ ᒋᓴᓴ ᑲ ᑕᑈᔭᔨᒪᔨᒋ ᒐᒋ ᐊᔨᒋᑲᐳᔨᒋ᙮

ᐊᑈᔅᑕᓇᒡ 24:17

“ᒥᒐᑐᐤ ᐱᐳᓇ ᓇᒪ ᓂ ᐅᒋ ᑕᓐ ᐊᓐᑕ ᒋᕈᓯᓕᒥᒡ᙮ ᐃᔅᐱ ᒪᒃ ᑲᐤ ᑲ ᑎᑯᓯᓂᔭᓐ ᐊᓐᑕ, ᓂᒋ ᐸᑕᐛᐅᒡ ᓂᑦ ᐃᔨᒥᒡ ᐱᔅᑎᓂᒐᐅᓂᔪᐤ ᐊᒋ ᒥᔭᑭᓄᔨᒋ ᐊᓂᔭ ᑲ ᒋᔅᑎᒪᑎᓯᔨᒋ, ᑭᔭ ᐊᔪᐤ ᓂᒋ ᓇᒋ ᐊᔭᒥᐊᓐ ᒐᒋ ᒥᑐᔅᑕᐊᒧᐅᒃ ᒋᓴᒪᓂᑐᐤ᙮

ᐊᑈᔅᑕᓇᒡ 9:13

ᐊᑯ ᐊᓇᓇᔭᔅ ᒂ ᐎᑎᒧᐛᑦ ᐅᑎᐸᔨᒋᒐᐛ ᐊ ᐃᑕᑦ, “ᐅᑎᐸᔨᒋᒐᐤ, ᒥᒐᑦ ᐃᔪᒡ ᓂᒋ ᐎᑎᒪᑯᒡ ᐅᔭ ᓇᐸᐛ ᑕᓐ ᐊᔅᐱᔅ ᓂᓇᐧᑲᒋᐊᑦ ᐊᓂᔭ ᑲ ᑕᑈᑎᒥᔨᒋ ᐊᓐᑕ ᒋᕈᓯᓕᒥᒡ ᑲ ᑕᔨᒋ᙮

ᐊᑈᔅᑕᓇᒡ 9:41

ᐱᑕᕐ ᒪᒃ ᒋ ᓱᐅᓂᔅᒐᔨᔅᑐᐛᐤ ᒂ ᐎᒋᐊᑦ ᐊ ᐅᓂᓂᑎᓱᔨᒋ᙮ ᐊᑯ ᒂ ᐎᓴᒪᑦ ᐊᓂᔭᔪᐛ ᑲ ᐸᐃᑯᓯᔨᒋ ᐃᔎᐛ ᑭᔭ ᒥᓯᐛ ᐊᓂᔭᔪᐛ ᑲ ᑕᑈᑎᒥᔨᒋ ᐊᐛᔪᐛ, ᒂ ᐛᐸᑎᔭᑦ ᒥᓐ ᐊ ᐱᒪᑎᓯᔨᒋ ᐊᓂᔭ ᑕᐸᑕᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:13

ᐃᔅᐱᔅ ᓄᑕᐱᑥᐛ ᐊᓐᒡ ᑲ ᑕᑈᑕᒡ ᒐᒂᔪᐤ ᒥᔭᐧᑯᒡ ᑕᓐ ᐊ ᐃᓯ ᓄᑕᐱᔨᒡ᙮ ᒧᔅ ᒐ ᐎ ᐱᑎᑲᐊᑯᒡ ᐊᐛᓐᒋ ᐊᑲ ᐊ ᑎᑯᓂᔨᒡ ᐊᓐᑕ ᒐ ᑕᒡ᙮

1 ᑯᕆᓐᑎᔭᓇ 11:34

ᐊ ᓯᐛᔨᒂ ᐊᐛᓐ, ᒋᓴᒡ ᒋᐸ ᒥᒋᓱᐤ ᓇᑕ ᐊ ᑕᑦ ᐊᔅᒄ ᐊᑲ ᐸᒋ ᑎᑯᓯᐧᒃ᙮ ᐅ ᒪᒃ ᐊ ᐃᓯ ᒪᒧᐎᔭᒄ ᓇᒪ ᒋᑭ ᐅᒋ ᐃᑐᑕᓇᐛᐤ ᒐᒂᓐ ᐊᓐᑕ ᒐᒋ ᐅᒋ ᓂᓱᐅᓇᒋᒥᑕᒄ ᒋᓴᒪᓂᑐᐤ᙮ ᑎᑯᓯᓂᔭᓇ ᓇᑕ ᐊᑐᐎᔅ ᒥᓐ ᒋᑭ ᒋᔅᑯᑎᒪᑎᓇᐛᐤ᙮

1 ᑯᕆᓐᑎᔭᓇ 16:15

ᓂᐧᑲᓂᓯᑐᒄ, ᒋ ᒋᔅᒐᔨᑕᓇᐛᐤ ᐊᓐᑕ ᐊ ᐸᐃᑯᔅᑲᓇᓯᑦ ᔅᑎᐸᓇᔅ ᐊᐅᑯᓐᒡ ᐊᓐᒡ ᓂᔅᑎᒻ ᑲᑕᑈᔭᔨᑕᒡ ᐊᓐᑕ ᐊᓂᔭ ᐊᔅᒋᔪᐤ ᐊᑲᔭ ᐊ ᐃᓯᓂᐧᑲᑕᔨᒡ᙮ ᒋ ᐱᔅᑎᓂᓱᐅᒡ ᒐᒋ ᐊᑐᔅᑯᐛᒡ ᑲ ᑕᑈᑎᒥᔨᒋ᙮

1 ᑯᕆᓐᑎᔭᓇ 4:17

ᐊᐅᒄ ᐛᒋ ᐃᑎᓴᐅᒃ ᑎᒧᑎ ᐊᓐᑕ ᐊ ᑕᐛᒄ᙮ ᒧᔭᒻ ᓂᑯᔅ ᒋᓴᒪᓂᑐᐤ ᐊᒋ ᐸᒋ ᒥᔨᑦ ᓂᑦ ᐃᑕᔨᒪᐤ, ᓇᔅᒡ ᓂ ᓴᒋᐊᐤ᙮ ᒧᔅ ᑯᐃᔅᒄ ᐃᑐᐤ᙮ ᓂᑐᐛᔨᒪᐤ ᒐᒋ ᒋᔅᒋᓱᒥᑕᒄ ᑕᓐ ᐊ ᐃᓯ ᐱᒪᑎᓯᐅᒡ ᙭ᑕ ᐃᔅ ᐊ ᑕᔨᒋ ᑭᔭ ᐊᓂᔭ ᐊ ᐃᓯ ᒋᔅᑯᑎᒪᒐᐅᒡ ᒥᓯᐛ ᒐᒋ ᐎᑕᐧᒃ ᒪᒂᒡ ᒥᓯᐛ ᐊᓐᑕ ᐊ ᐊᑎ ᑕᔨᒋ ᐅᒪᒧᐊᔭᒥᐊᐛ᙮

ᑲᓚᓯᔭᓇ 1:2

ᒋᔨᐛᐤ ᐎᐧᑲᓂᓯᒪᐅᒡ ᑲᓚᓯᔭ ᑲ ᐃᓯᓂᐧᑲᑕᒡ ᐊᔅᒋᔾ ᐊ ᑕᔭᒄ ᒋ ᐛᒋᔭᒥᑎᓇᓐ᙮ ᓂᔾ ᑭᔭ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐅᑕ ᐊ ᑕᒡ ᒋ ᐛᒋᔭᒥᑎᓇᓐ᙮

ᑲᓚᓯᔭᓇ 2:10

ᒥᒄ ᐸᐃᒄ ᒐᒂᔪᐤ ᓂᒋ ᐱᑯᓴᔨᒥᑯᓇᓂᒡ᙮ ᓂᒋ ᓂᑐᐛᔨᒥᑯᓇᓂᒡ ᒐᒋ ᐛᐎᒋᐃᒥᒋᒋ ᐊᓂᔭᔪᐛ ᑲ ᑕᑈᑎᒥᔨᒋ ᐊᓐᑕ ᒋᕈᓯᓕᒥᒡ ᑲ ᑕᔨᒋ ᑲ ᒋᔅᑎᒪᑎᓯᔨᒋ᙮ ᐊᐅᒄ ᒪᒃ ᐅ ᓇᔅᒡ ᑲ ᐃᑕᔨᑎᒥᐃᑯᔭᓐ ᒐᒋ ᐃᑎᔭᓐ᙮

ᐸᐃᓕᒪᓐ 1:5

ᒧᔅ ᓂ ᐸᑕᓐ ᐊᔅᐱᔅ ᓴᒋᐃᑥᐤ ᑲ ᑕᑈᑕᒡ᙮ ᓂ ᐸᑕᓐ ᑭᔭ ᑕᓐ ᐊ ᐃᓯ ᑕᑈᔭᔨᒥᑦ ᒋᑎᐸᔨᒋᒐᓯᒥᓄᐤ ᒋᓴᔅ᙮

ᐸᐃᓕᒪᓐ 1:7

ᓇᔅᒡ ᑕᑈ ᓂ ᒥᔽᔨᑕᓐ ᑭᔭ ᓇᔅᒡ ᓂ ᒥᔽᔨᒧᐃᑯᓐ ᐊ ᒋᔅᒐᔨᑎᒪᓐ ᐊ ᐃᓯ ᐊᔭᔨᓐ ᓴᒋᐃᐛᐅᓐ, ᓂᐧᑲᓂᔅ, ᐛᔅ ᒥᒐᑦ ᑲ ᑕᑈᑕᒡ ᒋ ᒥᔽᔨᒧᐃᑯᐅᒡ ᑕᓐ ᐊ ᐃᓯ ᐊᔭᔨᓐ ᓴᒋᐃᐛᐅᓐ᙮

ᐃᑉᕈᐛ 6:10

ᓂᐦᐃ, ᒋᑕᑈᐅᒐᔨᒥᑎᓇᐛᐤ ᐊᒋ ᐱᒪᒋᐅᔭᒄ᙮ ᓂ ᒋᔅᒐᔨᒪᐤ ᒋᓴᒪᓂᑐᐤ ᑯᐃᔅᒄ ᐊ ᐃᑐᑐᐛᑦ ᒥᓯᐛ ᐊᐛᔪᐛ᙮ ᒋ ᒋᔅᒐᔨᒥᑯᐛᐤ ᑕᓐ ᑲ ᐃᓯ ᒥᔪᑐᑎᒺᒄ ᑭᔭ ᑕᓐ ᑲ ᐃᓯ ᓄᑯᑐᐛᒄ ᐊ ᓴᒋᐊᒄ ᐊᒋ ᐎᒋᐃᒪᑯ ᑲ ᑕᑈᑎᒥᔨᒋ ᑭᔭ ᐊᔅᒄ ᐊ ᐎᒋᐃᒪᑯ᙮ ᓇᒪ ᒪᒃ ᒋᑭ ᐅᒋ ᐅᓂᒋᔅᒋᓱᐤ ᐅᔭ᙮

1 ᒠᓐ 3:17

ᐛᐱᒪᒐ ᐊᐛᓐ ᐊ ᓄᑕᐱᔨᒋ ᐊᐛᔪᐛ ᒐᒂᔪᐤ, ᐊᑲ ᒪᒃ ᐎᔾ ᓄᑕᐱᔨᑦ ᒐᒂᔪᐤ, ᐊᑲ ᒪᒃ ᒋᔅᑎᒪᒐᔨᒪᒐ, ᑕᓐᑕ ᒐᒋ ᐅᒋ ᐃᔅᒋᔄᑦ ᐊ ᐱᒋᔅᑲᑯᑦ ᒋᓴᒪᓂᑐᐛ ᐅᓴᒋᐃᐛᐅᓂᔪᐤ᙮