1 ᑯᕆᓐᑎᔭᓇ 15:57 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵⁷ ᒋᑭ ᓂᓇᔅᑯᒪᓄᐤ ᒪᒃ ᒋᓴᒪᓂᑐᐤ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᒡ᙮ ᔅᒋ ᐃᑐᑎᒪᑯᓇᓄᐤ ᒐ ᐊᑲ ᒋ ᓴᐧᑯᒋᐃᑯᔭᐧᒄ ᓂᐳᐅᓐ, ᐃᔭᐱᒡ ᑲᒋᒡ ᒐᒋ ᐱᒪᑎᓯᔭᐧᒄ᙮

1 ᑯᕆᓐᑎᔭᓇ 15:57 Iomraidhean Croise

ᑎᐱᑦ ᐅᓂᑭᒧᐅᓇ 98:1

ᐅ ᓂᑭᒧᔅᑕᐧᒄ ᑎᐸᔨᒋᒐᓱᐤ ᐅᔅᒋ ᓂᑭᒧᐅᓂᔪᐤ, ᐛᔅ ᒋ ᒪᒥᔅᑲᒡ-ᐃᑐᐤ: ᐎᔾ ᐅᒥᔪᐅᓂᒡ, ᑭᔭ ᐎᔾ ᐅᐸᔭᒋ ᐅᔅᐱᑐᓂᒡ ᒋ ᐅᒋ ᐱᐧᑯᐃᐛᐤ᙮

ᒠᓐ 16:33

ᔅᒋ ᐎᑎᒪᑎᓇᐛᐤ ᐅ ᒐᒋ ᐅᒋ ᐊᔭᔭᒄ ᒋᔭᒪᔨᑎᒧᐅᓐ ᐊᓐᑕ ᓂᔾ ᐊ ᑕᔭᓐ᙮ ᒋᑭ ᓂᓇᐧᑲᑕᔨᒧᐃᑯᓇᐛᐤ ᐅᑕ ᐊᔅᒋᒡ᙮ ᓱᒃ ᐎ ᓱᒋᑕᐊᒄ, ᐛᔅ ᓴᔅ ᓂᒋ ᓴᐧᑯᒋᐊᐤ ᐊᓐ ᑲ ᑎᐸᔨᒪᑦ ᐊᓂᔭ ᐊᐛᔪᐛ ᐊᑲ ᐊᐱᑕᔨᒪᔨᒋ ᒋᓴᒪᓂᑐᐛ᙮”

ᐊᑈᔅᑕᓇᒡ 27:35

ᐃᔅᐱ ᒪᒃ ᑲ ᐃᔅᒋᔄᑦ ᐅᔭ ᑈᓪ, ᐊᑯ ᐛᑎᓇᑦ ᐸᒂᓯᑭᓇ, ᒂ ᓂᓇᔅᑯᒪᑦ ᒋᓴᒪᓂᑐᐛ ᐅᑎᔅᑯᐤ ᒥᓯᐛ ᐊᓂᔭᔪᐛ ᓇᐸᐛ ᐊ ᑕᔨᒋ, ᒂ ᐸᒂᓇᑦ ᐊᓂᔭ ᐸᒂᓯᑭᓇ, ᐊᑯ ᒂ ᒧᐛᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:25

ᓂᓇᔅᑯᒪᑕᐤ ᒋᓴᒪᓂᑐᐤ ᐊᓐ ᐛᒋᐃᑕᐧᒄ ᒋᓴᔅ ᙭ ᐅᒡ ! ᒪᐅ ᐊ ᐃᔅᐱᔨᔭᓐ᙮ ᓂᔾ ᐅᑕ ᑎᐱᔨᐛ ᐊ ᑕᔭᓐ ᓂ ᒥᔽᔨᑎᒥᐃᑯᐛᓐ ᒋᓴᒪᓂᑐᐤ ᐅᐎᓱᐛᐅᓐ ᑭᔭ ᓂ ᐎ ᓂᓇᐃᑎᒺᓐ᙮ ᒥᒄ ᒪᒃ ᐊᓐᑕ ᑕᓐ ᐊ ᐃᓯ ᐱᒪᑎᓯᔭᓐ ᑎᑯᓐ ᐊ ᐃᓯ ᐅᑦ ᐊᐱᒋᐊᑭᓂᑐᑕᑯᔭᓐ ᒥᒋᑥᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:37

ᐊᑎ ᒪᒃ ᒥᓯᐛ ᐅ ᐊ ᐃᓯ ᓂᓇᐧᑯᐤ ᐃᔅᐱᔨᒡ ᐊᓐᑕ ᐊ ᑕᔭᐧᒄ ᒋ ᑭᓄᐛᔨᑕᓇᓄᐤ ᐱᔅᒋᔭᒐᐅᓐ ᙭ ᐅᒋ, ᐊᓐ ᑲ ᓴᒋᐃᑕᐧᒄ ᐛᔅ ᐎᔾ ᒋ ᐎᒋᐃᑯᓄᐤ᙮

1 ᑯᕆᓐᑎᔭᓇ 15:51

ᒋ ᐎᑎᒪᑎᓇᐛᐤ ᒐᒂᓐ ᐊᑲ ᒋᔅᒐᔨᑕᑭᓄᐅᒡ᙮ ᓇᒪ ᒥᓯᐛ ᒋᑭ ᐅᒋ ᓂᐱᓇᓄᐤ᙮ ᒥᒄ ᒪᒃ ᒥᓯᐛ ᐊ ᑎᓯᔭᐧᒄ ᓯᔅᒋᑯᒡ ᒋᑭ ᒂᔅᒋᓇᑯᐃᑯᐅᓇᓄᐤ᙮

2 ᑯᕆᓐᑎᔭᓇ 1:11

ᒋᔨᐛᐤ ᒪᒃ ᑭᔭ ᒋᑭ ᒋ ᐎᒋᐃᓇᓐ ᐊ ᐊᔭᒥᐊᔅᑎᒧᔭᒡ᙮ ᐅ ᒪᒃ ᑎᔭᒂ ᐸᑎᒪ ᒋᑭ ᓄᑯᓐ ᑕᓐ ᒐ ᐃᓯ ᓱᐛᔨᒥᔨᒥᑦ ᒋᓴᒪᓂᑐᐤ᙮ ᐊᑯᑕ ᒪᒃ ᒐ ᐅᒋᐱᔨᒡ ᒥᒐᑦ ᐊᐛᓐ ᒐ ᓂᓇᔅᑯᒪᑦ ᒋᓴᒪᓂᑐᐛ᙮

2 ᑯᕆᓐᑎᔭᓇ 2:14

ᒥᒄ ᒪᒃ ᑕᑈ ᓂᓇᔅᑯᒪᐤ ᒋᓴᒪᓂᑐᐤ ᐛᔅ ᒧᔅ ᐎᔾ ᓂ ᒋᔅᒋᓄᑕᐃᒄ ᑕᓐᑕ ᐊ ᐃᑐᑕᐅᒡ ᐊ ᐎᒋᐃᑦ ᐊ ᐊᔨᒧᒥᒋ ᙭ᑕ ᒐᒋ ᐅᒋ ᒋᔅᒐᔨᒪᑭᓄᔨᒋ, ᐛᔅ ᙭ ᒧᔅ ᐱᔅᒋᔭᒐᐅᓂᒡ ᒋ ᐊᑎ ᐃᓯ ᐱᒧᑕᔨᑯᓄᐤ᙮ ᒋᓴᒪᓂᑐᐤ ᒋ ᐎᒋᐃᑯᓄᐤ ᒐᒋ ᑎᐸᒋᒪᐧᒄ ᙭ ᒥᓯᐛ ᐊᐛᓐ ᒐᒋ ᒋᔅᒐᔨᒪᑦ᙮ ᐊ ᒋᔅᒐᔨᒪᑭᓄᐅᑦ ᙭ ᒧᔭᒻ ᑲ ᐎᒋᒪᑯᓯᒡ ᒐᒂᓐ ᐃᑕᔨᑕᑯᓐ᙮

2 ᑯᕆᓐᑎᔭᓇ 9:15

ᓂᓇᔅᑯᒪᑕᐤ ᒋᓴᒪᓂᑐᐤ ᐊᓂᔭ ᐅᒥᔨᐛᐅᓐ᙮ ᓇᒪ ᐊᓐ ᒋ ᐎᑕᑭᓄᐅᔪᐤ ᐊ ᐃᔅᐱᔅ ᒥᔽᔨᑕᑯᓂᔨᒡ᙮

ᐃᐱᓯᔭᓇ 5:20

ᒧᔅ ᓂᓇᔅᑯᒪᐧᒄ ᒋᓴᒪᓂᑐᐤ ᒍᑕᐎᓄᐤ ᒥᓯᐛ ᒐᒂᔪᐤ ᑕᓐ ᐊ ᐊᑎ ᐃᔅᐱᔨᒡ ᒋᓴᔅ ᙭ ᒋᑎᐸᔨᒋᒐᓯᒥᓄᐤ ᐅᒡ᙮

ᐃᑉᕈᐛ 2:14

ᐃᔪᐛ ᐊᓂᔭᔪᐛ ᑲ ᐃᑕᑦ ᐊᓂᔭ ᑲ ᐃᔅᒋᔄᑦ ᓂᑦ ᐊᐛᓯᒥᒡ᙮ ᒋᓴᔅ ᑭᔭ ᐎᔾ ᒋᒋᐛ ᓇᔅᒡ ᐃᔪᐛ ᒋ ᐃᓯᓇᑯᓱᐤ ᑭᔭ ᓇᔅᒡ ᐃᔪᐛ ᒋ ᐃᑕᔨᑕᑯᓱᐤ᙮ ᐊᐅᒄ ᐅᔭ ᐃᔪᐛ ᐛᒋ ᑕᑦ ᒐᒋ ᓂᐱᑦ, ᒐᒋ ᐅᒋ ᓴᐧᑯᒋᐊᑦ ᒥᒋᒥᓂᑐᐛ, ᐊᓂᔭ ᑲ ᑎᐸᔨᑎᒥᔨᒋ ᓂᐳᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 12:11

ᒥᒄ ᒪᒃ ᒋᓴᒪᓂᑐᐛ ᐅᑦ ᐃᔨᒥᔪᐛ ᒋ ᓴᐧᑯᒋᐃᑯᐤ ᐊᓂᔭ ᐅᒋ ᒪᔭᑕᓂᓴ ᐅᒥᐧᑯᔪᐤ, ᑭᔭ ᐊᓂᔭ ᐊ ᐛᐎᑎᒥᔨᒋ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ᙮ ᓇᒪ ᐅᒋ ᓴᒋᑕᐅᒡ ᐅᐱᒪᑎᓯᐅᓄᐛᐛ ᒐᒋ ᓂᐸᐊᑭᓄᐎᒡ᙮

ᒋᔅᒐᔨᑕᑯᑕᒐᐅᓐ 21:4

ᒋᑭ ᑲᓯᔭᐸᐛᐤ ᒪᒃ ᑕᑥᐤ ᐊ ᐅᒋᐧᑯᐛᐱᔨᒋ᙮ ᓇᒪ ᐊᑯ ᒋᑭ ᐅᒋ ᑎᑯᓂᔪᐤ ᓂᐳᐅᓂᔪᐤ ᒪᒃ ᒥᓯᒪᔨᑎᒧᐅᓂᔪᐤ᙮ ᓇᒪ ᑭᔭ ᐊᑯ ᒋᑭ ᐅᒋ ᑎᑯᓂᔪᐤ ᒪᐅᓂᔪᐤ ᒪᒃ ᐊ ᐎᓯᒐᔨᑕᑭᓄᐎᒡ᙮ ᐛᔅ ᒥᓯᐛ ᐊᓐ ᐛᔅᑭᒡ ᑲ ᐃᔅᐱᔨᒡ ᒐᒂᓐ ᓇᒪ ᓴᔅ ᑎᑯᓐ᙮”