1 ᑯᕆᓐᑎᔭᓇ 15:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᑎᔭᑈᒥᑭᓂᒂ ᐊᑲ ᑲᐤ ᐅᓂᔅᑲᓇᑭᓄᐅᒡ ᐊᓐᒡ ᑲ ᓂᐱᒡ ᑭᑈ ᐊᓐᒡ ᓴᔅ ᑲ ᓂᐱᒡ ᐊᒋ ᑕᑈᐅᒐᔨᒪᒡ ᙭ᑕ ᐅᓂᓯᓄᒐᓂᒋ᙮

1 ᑯᕆᓐᑎᔭᓇ 15:18 Iomraidhean Croise

ᐊᑈᔅᑕᓇᒡ 7:60

ᔅᑎᐱᓐ ᒋ ᓂᐱᔅᑯᐳᐤ, ᐊ ᒋᔄᐛ ᑕᑈᑦ ᐊ ᐃᔅᒋᔄᑦ, “ᐅᑎᐸᔨᒋᒐᐤ, ᐛᐸᔨᑎᒧᐅᒡ ᐅᒥᒋᑥᐅᓄᐛᐤ᙮ ᐅᔭᔪᐤ ᑲ ᐃᑐᑐᐅᒡ ᐊᑲᐎᔾ ᒋᑭ ᐎ ᒪᑎᑯᔅᑲᑯᐅᒡ᙮” ᐊᐅᑯᐤ ᐅᔭ ᑲ ᐃᔅᒋᔄᑦ, ᐊᑯ ᒪᒃ ᒂ ᓂᐱᑦ᙮

1 ᑯᕆᓐᑎᔭᓇ 15:6

ᒐᒃ ᒪᒧᐤ ᒂ ᓄᑯᓯᔅᑐᐛᑦ ᐅᔅᑕ ᐱᑕᑕᒡ ᑕᑐᐤ ᒥᑕᓯᒥᑎᓄᐤ ᐊᑎᓯᔨᒋ ᐊᓂᔭᔪᐛ ᑲ ᑕᑈᔭᔨᒥᑯᑦ᙮ ᐊᔅᒄ ᒥᒐᑦ ᐱᒪᑎᓯᔪᐛ ᐅᔭ ᑲ ᓄᑯᓯᔅᑐᐛᑦ᙮ ᐱᔅᒐ ᓴᔅ ᒋ ᐳᓂᐱᒪᑎᓯᔪᐛ᙮

1 ᑕᓴᓗᓂᔭᓇ 4:15

ᒋᔭᓄᐤ ᐊᔅᒄ ᒐ ᐱᒪᑎᓯᔭᐧᒄ ᑎᑯᓯᒐ ᒋᓴᔅ ᓇᒪ ᓂᑲᓐ ᒋᑭ ᐅᒋ ᓂᒋᔅᑯᐛᓄᐤ ᐊᔅᒄ ᐊᑲ ᓂᒋᐊᒡ ᐊᓐᒡ ᓴᔅ ᑲ ᓂᐱᒡ ᑲ ᑕᑈᑕᒡ᙮ ᐅ ᑲ ᐃᓯ ᐎᑎᒪᑕᒡ ᐎᔾ ᐅᑎᐸᔨᒋᒐᐤ ᒋ ᐃᑕᐤ ᐅᔭ᙮

1 ᑕᓴᓗᓂᔭᓇ 4:16

ᐅᑎᐸᔨᒋᒐᐤ ᒋᑭ ᐸᒋ ᔭᓯᐤ ᒋᒋᒋᓯᑯᒡ ᐅᒋ ᐊ ᒋᔄᐛᑦ ᐊ ᑕᑈᑦ᙮ ᑭᔭ ᐊᓐ ᑲ ᓂᑲᓂᔅᑯᐛᑦ ᐊᓐᒋᓇ ᒋᑭ ᐸᑕᑯᓱᐤ ᐊ ᑕᑈᑦ ᑭᔭ ᒋᓴᒪᓂᑐᐤ ᐅᐳᑕᒋᑭᓐ ᒋᑭ ᐸᑕᑯᓂᔪᐤ᙮ ᐊᑯ ᐊᓐᒡ ᑲ ᓂᐱᒡ ᐊᒋ ᑕᑈᔭᔨᒪᒡ ᙭ᑕ ᐎᔨᐛᐤ ᓂᔅᑎᒻ ᒋᑭ ᐅᐱᐱᔪᐅᒡ᙮

ᒋᔅᒐᔨᑕᑯᑕᒐᐅᓐ 14:13

ᒥᓐ ᒐᒂᓐ ᑲ ᐃᔅᐱᔨᒡ᙮ ᓂᒋ ᐸᑐᐛᐤ ᐊᐛᓐ ᒋᒋᒋᓯᑯᒡ ᐊ ᐅᒋ ᐃᔨᒥᑦ᙮ ᒪᐅ ᑲ ᐃᔅᒋᔄᑦ, “ᒥᓯᓇᐊ ᐅ᙮ ᐅᑕ ᐃᔅ ᓂᔅᑕᒥᒡ ᓱᐛᔨᑕᑯᓱᐅᒡ ᐊᓐᒡ ᒐ ᓂᐱᒡ ᐊᔅᒄ ᐊ ᐎᒐᐛᒡ ᒋᓴᓴ᙮” ᐊᑯ ᑲ ᐸᔭᒋᓯᑦ ᐊᒐᐧᒄ ᒂ ᐃᔅᒋᔄᑦ, “ᓂᐦᐃ, ᑕᑈ ᓱᐛᔨᑕᑯᓱᐅᒡ᙮ ᒋ ᐊᔨᒥᐅᐅᒡ ᐊ ᓇᓴᐛᒡ ᒋᓴᓴ ᑭᔭ ᐊᑯ ᒐ ᐊᔽᐱᒡ᙮ ᑕᓐ ᐊ ᐃᓯ ᒪᒧᐤ ᑭᓄᐛᐸᑕᑭᓄᔨᒋ ᑲ ᐃᓯ ᐸᒋ ᐊᐱᒋᐃᑯᒡ ᒋᓴᒪᓂᑐᐤ ᒋᑭ ᐎᒐᐅᑯᒡ᙮”