1 ᑯᕆᓐᑎᔭᓇ 15:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᒥᒄ ᒪᒃ ᒋᓴᒪᓂᑐᐤ ᓴᒐᔾ ᐊ ᒥᔪᑐᑎᒧᐛᑦ ᐊᐛᔪᐛ ᐊᑯᑕ ᐛᒋ ᐃᓯᓇᑯᓯᔭᓐ ᑕᓐ ᐊ ᐃᓯᓇᑯᓯᔭᓐ ᐊᓄᒡ᙮ ᓇᒪ ᒪᒃ ᒐᔅᑲ ᐊᓂᔭ ᑲ ᐃᓯ ᓴᒐᔾ ᒥᔪᑐᑎᒧᐅᑦ᙮ ᓂᔾ ᒪᒃ ᐎ, ᐊᑐᐎᔅ ᓱᒃ ᓂᒋ ᐊᑐᔅᒐᓐ ᐃᔅᐱᔅ ᒥᓯᐛ ᐊ ᑕᑎᓯᒡ ᐊᓐᒡ ᑯᑎᑭᒡ ᐊᑈᔅᑕᓇᒡ᙮ ᓇᒪᐎᔾ ᒪᒃ ᓂᔾ ᑎᐱᔨᐛ ᑲ ᐃᑎᔭᓐ᙮ ᒋᓴᒪᓂᑐᐤ ᐎᔾ ᓴᒐᔾ ᐊᒋ ᒥᔪᑐᑎᒧᐅᑦ ᐛᒋ ᐃᑐᑎᒪᓐ ᐅ ᑲ ᐃᓯ ᐊᔨᒧᑎᒪᓐ᙮

1 ᑯᕆᓐᑎᔭᓇ 15:10 Iomraidhean Croise

ᒪᑎᔪᐤ 10:20

ᐛᔅ ᐊᓐ ᒐ ᐃᔅᒋᔄᔭᒄ, ᓇᒪᔭᐤ ᒋᔨᐛᐤ ᐊᓐ ᒋᑦ ᐃᔨᒧᐅᓄᐛᐤ ᒥᒄ ᒪᒃ ᐊᓐ ᒐ ᐃᔅᒋᔄᔭᒄ ᐊᒐᐧᒄ ᒍᑕᐎᓄᐤ ᐊ ᑕᑦ ᑲ ᐅᒋᑦ ᐊᐅᒄ ᐊᓐ ᒐ ᒥᔨᑕᒄ ᑕᓐ ᐊᓐ ᒐ ᐃᔅᒋᔄᐛᒄ᙮”

ᒪᑎᔪᐤ 25:16

ᐊᓐ ᒪᒃ ᐊᐱᒋᐊᑭᓐ ᐱᑕᑕᒡ ᒐᓯᐱᔪᐤ ᑲ ᒥᔭᑭᓄᐅᑦ, ᒋ ᒋᒋᒡ ᐊᑐᔅᒐᐛᒐᐤ ᐊᓂᔭ ᐅᓱᓇᔭᓂᒥᔪᐤ ᐊᑐᐎᔅ ᒐᒋ ᒪᐅᒋᑕᑦ᙮ ᒥᓐ ᒪᒃ ᐱᑕᑕᒡ ᒐᓯᐱᔪᐤ ᒋ ᒪᐅᒋᑕᐤ ᐊᓂᔭ ᓱᓇᔭᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:1

ᒥᓐ ᑯᑎᒡ ᒐᒂᓐ ᓂ ᐎ ᑯᒂᒋᒐᔨᒧᓐ᙮ ᒋ ᐛᐱᓇᐤ ᐊ ᒋᓴᒪᓂᑐᐤ ᐅᑦ ᐃᔨᒪ ? ᓇᒪᐎᔾ ᑭᑈ ᐅᒋ ᐛᐱᓇᐤ᙮ ᐃᔅᕋᐃᓪ ᐃᔪᐤ ᑭᔭ ᓂᔾ᙮ ᐊᑉᕋᐊᒻ ᐊ ᑕᑦ ᓂᒋ ᐅᒋ ᐊᓂᔅᒐ ᐱᒪᑎᓯᓐ᙮ ᐱᓐᒋᒥᓐ ᑲ ᐃᓯᓂᐧᑲᓱᒡ ᐅᐸᐃᑯᑕᐅᓯᐅᒡ ᐊᑯᑕ ᐛᒋᔭᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:3

ᒋᓴᒪᓂᑐᐤ ᓂᒋ ᒋᓴᐛᑐᑕᒄ ᐊᒋ ᒥᔨᑦ ᒐᒋ ᐊᑐᔅᑯᐅᒄ᙮ ᐊᐅᒄ ᒪᒃ ᐛᒋ ᐃᑎᑎᑯᒡ ᒥᓯᐛ ᐊ ᑎᓯᔭᒄ ᐊᑲ ᐅᔅᑕ ᒐᒋ ᐃᑕᔨᒥᓱᔭᒄ ᑕᓐ ᒋᐸ ᐃᑕᔨᒥᓱᓇᐛᐤ᙮ ᑯᐃᔅᒄ ᐎᓯ ᒪᒥᑐᓇᔨᒥᓱᒄ᙮ ᒥᓯᐛ ᐊ ᑎᓯᔭᒄ ᒋᑭ ᐎᔭᔨᑕᓇᐛᐤ ᑕᓐ ᑕᑈ ᒐᒋ ᐃᑐᑎᒪᒄ᙮ ᐅ ᒪᒃ ᐊ ᐛᑕᔨᑎᒪᒄ ᒋᑭ ᐎ ᓂᓇᑭᑐᐛᔨᑕᓇᐛᐤ ᑕᓐ ᑲ ᐃᔅᐱᔅ ᒥᔨᑕᒄ ᒋᓴᒪᓂᑐᐤ ᑕᑈᑎᒧᐅᓂᔪᐤ᙮

1 ᑯᕆᓐᑎᔭᓇ 15:11

ᐊᐅᒄ ᐅ ᒥᔽᒋᒧᐅᓐ ᒥᓯᐛ ᐊ ᑎᓯᔭᒡ ᐊ ᐃᓯ ᑭᒐᔅᒋᒧᔭᒡ, ᓂᔾ ᑭᔭ ᐊᓐᒡ ᑯᑎᑭᒡ ᐊᑈᔅᑕᓇᒡ᙮ ᐊᐅᒄ ᒪᒃ ᐅ ᑎᔭᑈᑎᒪᒄ᙮

1 ᑯᕆᓐᑎᔭᓇ 15:2

ᐊᐅᒄ ᒥᔽᒋᒧᐅᓐ ᒋᓴᔅ ᑲ ᐊᔨᒧᒪᑭᓄᐅᑦ ᑲ ᐊᔨᒧᑎᒪᓐ ᑲ ᑭᒐᔅᒋᒥᑎᑯᒡ᙮ ᐊᐅᒄ ᒐ ᐱᒪᒋᐃᑯᔭᒄ ᓱᒃ ᒥᒪᒋᒥᓂᒪᒂ᙮ ᐊᑲ ᒪᒃ ᐅ ᑎᔭᒂ ᐊᑯ ᑭᑈ ᒐᔅᑲ ᐊᒋ ᑕᑈᑎᒪᒄ ᒐ ᐃᓯᓇᒂᒡ ᐊᑲ ᐱᒪᒋᐃᑯᔭᒂ᙮

1 ᑯᕆᓐᑎᔭᓇ 3:10

ᒋᓴᒪᓂᑐᐤ ᑲ ᐃᓯ ᒐᓱᐛᑦ ᒥᔪᑐᑎᒧᐅᑦ ᓂᒋ ᐃᑎᒄ ᒐᒋ ᐊᑐᔅᑯᐅᒃ᙮ ᓂᒋ ᐃᓯ ᐊᑐᔅᒐᓐ ᒪᒃ ᒧᔭᒻ ᐊᓐ ᐊᐛᓐ ᓇᔅᒡ ᑲ ᑭᔅᒋᐅᑦ ᐊ ᐅᓯᑕᑦ ᑕᓐᑕ ᒐ ᑕᒋᑲᐳᐎᔨᒡ ᒥᒋᐛᐱᔪᐤ᙮ ᐊᑯ ᒪᒃ ᑯᑎᑭᒡ ᐊ ᐊᑎ ᒋᔅᑕᒡ ᐊᓂᔭ ᑲ ᐃᓯ ᒋᒋ ᐎᔨᑲᐳᐅᑕᐅᒡ᙮ ᒥᒄ ᒪᒃ ᒥᓯᐛ ᐊᓐᒡ ᑲ ᐊᑎ ᐊᑐᔅᒐᔅᑕᒡ ᐊᓂᔭ ᑲ ᐃᓯ ᒋᒋ ᐎᔨᑲᐳᐅᑕᐅᒡ ᔭᐃᑕᔾ ᑯᐃᔅᒄ ᒋᑭ ᐎ ᐃᓯ ᐎᔨᑲᐳᐅᑕᐅᒡ ᐊᓂᔭ ᒥᒋᐛᐱᔪᐤ᙮

1 ᑯᕆᓐᑎᔭᓇ 3:6

ᒧᔭᒻ ᑲᓂᑕᐅᒋᒋᑭᓂᒐᑦ ᐊ ᒋᒋᐱᔨᑕᑦ ᐊ ᓂᑕᐅᒋᑕᑦ, ᐊᐅᑯᓐ ᐊ ᐃᓯᓇᑯᓯᔭᓐ ᓂᔾ, ᐛᔅ ᓂᔾ ᓂᔅᑎᒻ ᔅᒋ ᐎᑎᒪᑎᓇᐛᐤ ᒥᔽᒋᒧᐅᓐ᙮ ᐊᑯ ᒪᒃ ᐊᐳᓚᔅ ᒧᔭᒻ ᐊᓐ ᑲ ᓂᑕᐅᒋᑕᑦ ᒧᔅ ᑲ ᓱᒋᔅᑕᑦ ᐊᓂᔭᔪᐛ ᑲ ᓂᑕᐅᒋᑕᐅᒡ ᐃᓯᓇᑯᓱᐤ᙮ ᐊᑐᐎᔅ ᔅᒋ ᐎᑎᒪᑯᐛᐤ ᑕᓐ ᒋᐸ ᐃᓯ ᐱᒪᑎᓯᐛᓇᐛᐤ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᒥᒄ ᒪᒃ ᒋᓴᒪᓂᑐᐤ ᐊᐅᒄ ᒋᒋᐛ ᐊ ᐃᑐᑕᑕᒄ ᒐᒋ ᒥᔪ ᓂᑕᐅᒍᐛᒄ ᒋᑕᑈᑎᒧᐅᓄᐛᒡ᙮

1 ᑯᕆᓐᑎᔭᓇ 4:7

ᐊᐛᓐ ᑲ ᒥᔨᑕᒄ ᓇᔅᒡ ᒋᒋᐛ ᒐᒋ ᐃᑕᔨᒥᓱᐛᒄ ? ᓇᒪᐎᔾ ᐊ ᒋᓴᒪᓂᑐᐤ ᒋ ᐅᒋ ᒥᔨᑯᐛᐤ ᒥᓯᐛ ᑕᓐ ᐊ ᐃᓯ ᐊᔭᐛᒄ ? ᒋᓴᒪᓂᑐᐤ ᐊᒋ ᒥᔨᑕᒄ ᐅᔭ ᒥᔨᐛᐅᓇ ᓇᒪ ᐃᓯᓇᑯᓐ ᒐᒋ ᒪᒥᒋᒧᔭᒄ ᒧᔭᒻ ᐊᑲ ᐎᔾ ᐅᒋ ᒥᔨᑕᒄ ᒐᒋ ᐃᑎᔭᒄ᙮

2 ᑯᕆᓐᑎᔭᓇ 12:11

ᓇᒪ ᓂ ᒥᔽᔨᑕᓐ ᐊ ᓂᓇᐸᐅᒧᔭᓐ ᐊ ᐃᑎᑕᑯᓯᔭᓐ ᐛᔅ ᒧᔭᒻ ᐊ ᒋᔎ ᐃᔨᒥᔭᓐ ᐊᑯᓐ ᐊ ᐃᑕᔨᑎᒪᓐ᙮ ᒋᔨᐛᐤ ᑲ ᐃᑐᑐᐅᔭᒄ ᐅ ᐛᒋ ᐃᓯ ᐃᔨᒥᔭᓐ᙮ ᒋᔨᐛᐤ ᐛᔅ ᒋᐸ ᒥᔪ ᐊᔨᒧᒥᓇᐛᐤ᙮ ᐛᔅ ᑕᐸ ᓄᑕᔭᔅ ᓂᑦ ᐃᑕᔨᑕᑯᓯᓐ ᑕᓐ ᐊ ᐃᑕᔨᑕᑯᓯᒡ ᐊᓐᒡ ᐊᑈᔅᑕᓇᒡ ᑲ ᐃᓯᓂᐧᑲᑕᑯᒡ ᐊᑎ ᒪᒃ ᐊᑲ ᓇᔅᒡ ᒐᒂᓐ ᐃᓯᓇᑯᓯᔭᓐ᙮

2 ᑯᕆᓐᑎᔭᓇ 3:5

ᓇᒪ ᐎ ᓂᔭᓐ ᐊ ᑕᔭᒡ ᒋᑭ ᒋ ᐅᒋᐱᔪᐤ ᒐᒋ ᐃᔅᒋᔄᔭᒡ ᓂᔭᓐ ᑎᐱᔨᐛ ᒐᒋ ᐃᑐᑎᒪᒡ ᐅ᙮ ᒋᓴᒪᓂᑐᐤ ᐊᐅᒄ ᒪᔨᒥᑦ ᒐᒋ ᐃᑐᑎᒪᒡ ᒥᓯᐛ ᐅ ᑕᓐ ᐊ ᐃᑐᑎᒪᒡ᙮

2 ᑯᕆᓐᑎᔭᓇ 6:1

ᐊᓐ ᒪᒃ ᐊ ᒪᒧᐤ ᐊᑐᔅᑯᐅᒋᒡ ᒋᓴᒪᓂᑐᐤ ᒋ ᓂᑐᑎᒪᑎᓇᓐ ᒐ ᐊᑲ ᒋ ᐃᓯᓇᑯᓯᔭᒄ ᐊᑲ ᐊ ᐊᐱᑕᔨᑎᒪᒄ ᑕᓐ ᐊ ᐃᓯ ᒋᓴᐛᑐᑕᑕᒄ ᒋᓴᒪᓂᑐᐤ᙮

ᑲᓚᓯᔭᓇ 2:8

ᒋᓴᒪᓂᑐᐤ ᒋ ᒥᔭᐤ ᐱᑕᕋ ᑭᔅᒋᐅᓂᔪᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᒐᒋ ᐛᐎᑎᒧᐛᔨᒋ ᒥᔽᒋᒧᐅᓂᔪᐤ ᒧᔭᒻ ᑲ ᐃᓯ ᒥᔨᑦ ᑭᔅᒋᐅᓂᔪᐤ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒡ ᒐᒋ ᐛᐎᑎᒪᒥᒋ ᒥᔽᒋᒧᐅᓂᔪᐤ᙮

ᐱᓕᐱᔭᓇ 2:13

ᐛᔅ ᒋᓴᒪᓂᑐᐤ ᒧᔅ ᐊᑐᔅᒐᔅᑎᒻ ᒋᐱᒪᑎᓯᐅᓄᐛᐛ᙮ ᒋ ᐃᑐᑕᑯᐛᐤ ᒐᒋ ᓂᓇᐊᔨᑎᒺᒄ ᑭᔭ ᒋ ᐎᒋᐃᑯᐛᐤ ᒐᒋ ᐃᑐᑎᒺᒄ ᐊᓂᔭᔪᐤ ᐊ ᐃᓯ ᓇᐊᔨᑕᐧᒃ᙮

ᐱᓕᐱᔭᓇ 4:13

ᑕᓐ ᒥᒄ ᒐ ᐃᔅᐱᔪᐛᓇ ᒥᓯᐛ ᓂᑭ ᒋ ᓴᐳᔅᑲᓐ ᐛᔅ ᙭ ᓂ ᒥᔨᒄ ᓱᐧᑲᑎᓯᐅᓂᔪᐤ᙮

1 ᑕᓴᓗᓂᔭᓇ 5:12

ᓂᐧᑲᓂᓯᑐᒄ, ᒋ ᐱᑯᓴᔨᒥᑎᓇᓐ ᒐᒋ ᒋᔅᑕᔨᒪᑯᒡ ᐊᓐᒡ ᑲ ᓂᑲᓂᔅᑲᑕᑯᒡ᙮ ᐛᔅ ᐅᑎᐸᔨᒋᒐᐛ ᒋ ᐅᑎᓂᑯᐅᒡ ᒐᒋ ᒋᔅᒋᓄᑕᐃᑕᑯᒡ ᑭᔭ ᒐᒋ ᒋᔅᑯᑎᒪᑕᑯᒡ ᒋᓴᒪᓂᑐᐛ ᐊ ᑕᔨᒋ ᒐᒋ ᐃᓯ ᐱᒪᑎᓯᐛᒄ᙮

1 ᑎᒧᑎ 4:10

ᐊᐅᒄ ᒪᒃ ᐛᒋ ᓱᒃ ᐃᔭᐱᒡ ᐃᑕᔨᑎᒥᐃᑯᔭᐧᒄ ᐅ ᑕᓐ ᐊ ᐃᑕᐱᑎᓯᔭᐧᒄ ᐊᑎ ᐊ ᐊᔨᒥᐅᔭᐧᒄ ᐛᔅ ᒋᑦ ᐊᔅᐸᔨᒧᑐᑐᐛᓄᐤ ᒋᓴᒪᓂᑐᐤ ᑲ ᐱᒪᑎᓯᑦ, ᐊᓐ ᑲ ᓂᑐᐛᔨᒪᑦ ᒥᓯᐛ ᐊᐛᔪᐛ ᒐᒋ ᐱᒪᒋᐎᒋ ᑭᔭ ᑲ ᐱᒪᒋᐊᑦ ᒥᓯᐛ ᐊᓂᔭ ᑲ ᑕᑈᔭᔨᒥᑯᑦ᙮