1 ᑯᕆᓐᑎᔭᓇ 14:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐊ ᒪᒥᒋᒥᑦ ᒋᓴᒪᓂᑐᐤ ᐊ ᒂᔅᒋᔨᒥᔨᓐ, ᑯᑎᒃ ᐊᐛᓐ ᐊᑲ ᐊᔅᒄ ᐅᒋ ᒥᔭᑭᓄᐅᑦ ᐊᒐᐧᑯᐤ ᒥᔨᐛᐅᓇ ᓇᒪ ᒋᑭ ᒋ ᐎᒋᐃᒄ ᐊ ᒪᒥᒋᒥᑎ ᒋᓴᒪᓂᑐᐛ ᐛᔅ ᓇᒪ ᒋᑭ ᐅᒋ ᓂᔅᑐᑕᒄ᙮

1 ᑯᕆᓐᑎᔭᓇ 14:16 Iomraidhean Croise

ᑎᐱᑦ ᐅᓂᑭᒧᐅᓇ 106:48

ᒋᑭ ᐎ ᒪᒥᒋᒪᑭᓄᐤ ᑎᐸᔨᒋᒐᓱᐤ ᐃᔅᕋᐃᓪ ᐅᒋᓴᒪᓂᑐᒪ, ᑲᒋᒡ ᑭᔭ ᑲᒋᒡ: ᐊᑯᔅ ᒪᒃ ᒥᓯᐛ ᐃᔪᒡ ᒋᑭ ᐃᔅᒋᔄᐛᒡ, “ᐊᒥᓐ᙮” ᒪᒥᒋᒥᐧᒄ ᑎᐸᔨᒋᒐᓱᐤ !

ᑎᐱᑦ ᐅᓂᑭᒧᐅᓇ 41:13

ᒪᒥᒋᑕᑯᓱᐤ ᑎᐸᔨᒋᒐᓱᐤ ᐅᒋᓴᒪᓂᑐᒪ ᐃᔅᕋᐃᓪ, ᑲᒋᒡ ᐅᒋ ᑭᔭ ᑲᒋᒡ ᐃᔅᑯᐤ᙮ ᐊᒥᓐ ᑭᔭ ᐊᒥᓐ᙮

ᑎᐱᑦ ᐅᓂᑭᒧᐅᓇ 72:19

ᑭᔭ ᒋᑭ ᐎ ᒪᒥᒋᒥᑕᑭᓄᐎᔪᐤ ᐅᒋᔅᑕᔨᑕᑯᓱᐅ ᐃᓯᓂᐧᑲᓱᐅᓐ ᑲᒋᒡ: ᐊᑯᔅ ᒪᒃ ᒥᓯᐛ ᐊᔅᒋᒡ ᒋᑭ ᓴᑭᔅᒋᓇᔪᐤ ᐅᒋᔅᑕᔨᑕᑯᓱᐅᓐ᙮ ᐊᒥᓐ, ᑭᔭ ᐊᒥᓐ᙮

ᑎᐱᑦ ᐅᓂᑭᒧᐅᓇ 89:52

ᒋᑭ ᐎ ᒪᒥᒋᒪᑭᓄᐤ ᑎᐸᔨᒋᒐᓱᐤ ᑲᒋᒡ᙮ ᐊᒥᓐ, ᑭᔭ ᐊᒥᓐ᙮

ᒪᑎᔪᐤ 15:36

ᒂ ᐅᑎᓇᑦ ᐊᓂᔭ ᓂᔄᐅᑕᒡ ᐸᒂᓯᑭᓇ ᑭᔭ ᐊᓂᔭ ᓂᒪᓴ, ᒂ ᓂᓇᔅᑯᒪᑦ ᒋᓴᒪᓂᑐᐛ, ᒂ ᐸᒂᓇᑦ ᐊᓂᔭ ᐸᒂᓯᑭᓇ ᑭᔭ ᐊᓂᔭ ᓂᒪᓴ ᐊᑯ ᒂ ᒥᔭᑦ ᐊᓂᔭ ᐅᒋᔅᒋᓄᐊᒧᐛᑭᓇ ᒐᒋ ᒪᑎᓂᒧᐛᔨᒋ ᐊᓂᔭ ᐃᔪᐛ᙮

ᒪᑎᔪᐤ 28:20

ᑭᔭ ᒐ ᒋᔅᑯᑎᒧᐛᑯᒡ ᒐᒋ ᓂᓇᐃᑕᒡ ᒥᓯᐛ ᑕᓐ ᑲ ᐃᑎᓱᒥᑎᑯᒡ᙮ ᒧᔅ ᒪᒃ ᒋᑭ ᐎᒐᐅᑎᓇᐛᐤ ᐱᐃᒻ ᐊᑎ ᐃᔎᐱᔨᒐ ᐊᔅᒋᔾ᙮”

ᒪᑎᔪᐤ 6:13

ᐊᑲᐎᔾ ᒪᒃ ᐃᑐᑕᐃᓇᓐ ᐊᓐᑕ ᒐᒋ ᐃᓯ ᑯᒂᒋᐃᑯᐅᔭᒡ᙮ ᒥᒄ ᐸᒋ ᒥᑕᒂᓇᒧᐅᓇᓐ ᐊᓐ ᑲ ᒪᔭᑎᒡ᙮ ᐛᔅ ᒋᔾ ᒋ ᑎᐱᔨᐛᐅᓯᓐ ᐅᒋᒪᐅᓐ ᑭᔭ ᑭᔅᒋᐅᓐ ᑭᔭ ᒋᔅᑕᔨᑕᑯᓱᐅᓐ ᒧᔅ ᑲᒋᒡ, ᐊᒥᓐ᙮” ᐊᐅᒄ ᒪᒃ ᐅᔭ ᒋᓴᔅ ᑲ ᐃᓯ ᒋᔅᑯᑎᒪᒐᑦ ᒐ ᐃᓯ ᐊᔭᒥᐊᓄᐎᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:20

ᐊᑯ ᒪᒃ ᒋᔅᒋᓄᐊᒧᐛᑭᓐᒡ ᒥᓯᐛ ᒋ ᐃᑐᑕᐅᒡ ᐊ ᑭᒐᔅᒋᒧᒡ᙮ ᐅᑎᐸᔨᒋᒐᐛ ᒋ ᐎᒋᐃᑯᐅᒡ ᑭᔭ ᒋ ᐛᐸᑎᔨᐛᔪᐛ ᐊ ᑕᑈᒥᑭᓂᔨᒡ ᑕᓐ ᐊ ᐃᓯ ᑭᒐᔅᒋᒧᒡ ᐊᓂᔭ ᐅᒋ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᐊᒋ ᐃᑐᑕᒡ᙮ ᐊᒥᓐ᙮

ᒠᓐ 21:25

ᒥᒐᓂᔪᐤ ᒪᒃ ᐃᔭᐱᒡ ᑯᑎᒃ ᒐᒂᔪᐤ ᒋᓴᔅ ᐊᒋ ᐃᑐᑕᐧᒃ᙮ ᒥᓯᐛ ᐸᐸᐃᒄ ᐛᐎᑕᑭᓄᐅᒋ ᒐᒂᔪᐛ ᑕᓐ ᑲ ᐃᑎᑦ, ᓇᒪ ᒋᐸ ᐅᒋ ᑕᐱᔅᑕᐛ ᐅᑕ ᐊᔅᒋᒡ ᐅᓯᑕᑭᓄᐅᒋ ᒥᓯᓇᐃᑭᓇ᙮

ᒠᓐ 7:15

ᐊᓐᒡ ᒪᒃ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᓇᔅᒡ ᒋ ᒥᔅᑲᑕᔨᑎᒥᐃᑯᐅᒡ ᐊ ᐃᔅᐱᔅ ᒥᔪᑕᑯᓯᔨᒋ ᐊ ᒋᔅᑯᑎᒪᒐᔨᒋ ᐊᑯ ᒂ ᐃᔅᒋᔄᒡ, “ᑕᓐᑕ ᐛᒋ ᓇᔅᒡ ᒥᔅᑎ ᒋᔅᒐᔨᑕᐧᒃ ᒥᓯᓇᐃᑭᓂᔪᐤ ᐊᑲ ᒪᒃ ᓂᑕ ᐅᒋ ᒋᔅᑯᑎᒧᐛᑭᓄᐅᑦ ?”

ᐊᑈᔅᑕᓇᒡ 4:13

ᐊᓐᒡ ᒪᒃ ᑲ ᒪᒧᐎᒡ ᒋ ᒥᔅᑲᑕᔨᑎᒺᐅᒡ ᑕᓐ ᑲ ᐃᓯ ᐃᔨᒥᔨᒋ ᑭᔭ ᐊᓂᔭᔪᐤ ᐊ ᐃᔅᐱᔅ ᓱᒋᑕᐊᔨᒋ ᐱᑕᕋ ᑭᔭ ᒠᓇ ᐊ ᒋᔅᒐᔨᒪᒡ ᐊᑲ ᐅᒋ ᒋᔅᑯᑎᒧᐛᑭᓄᔨᒋ᙮ ᐊᑯᑕ ᒪᒃ ᑲ ᐅᒋ ᒋᔅᒐᔨᑕᒡ ᒋᓴᓴ ᐊᒋ ᐎᒐᐛᑭᓂᔨᒋ᙮

1 ᑯᕆᓐᑎᔭᓇ 11:24

ᒂ ᓂᓇᔅᑯᒪᑦ ᒋᓴᒪᓂᑐᐛ᙮ ᐊᑯ ᒂ ᐸᒂᓇᑦ ᐊᓂᔭ ᐸᒂᓯᑭᓇ, ᐊ ᐃᔅᒋᔄᑦ, “ᐅᑎᓇᐧᒄ ᐅ, ᒧᐛᐧᒄ, ᐊᐅᒄ ᓂᔪᐤ ᒪᔨᑎᑯᒡ᙮ ᒧᐛᐧᒄ ᐅ ᐸᒂᓯᑭᓐ ᐊ ᒋᔅᒋᑐᐅᔭᐧᒄ᙮”

1 ᑯᕆᓐᑎᔭᓇ 14:14

ᐛᔅ ᐊ ᒂᔅᒋᐃᔨᒥᔭᓐ ᐊ ᐊᔭᒥᐊᔭᓐ, ᓂᑦ ᐊᒐᐧᑯᒡ ᓂ ᐅᒋ ᐊᔭᒥᐊᓐ ᒥᒄ ᒪᒃ ᓇᒪ ᓂᔅᑐᑕᓱᓐ ᑕᓐ ᐊ ᐃᔅᒋᔄᔭᓐ᙮

1 ᑯᕆᓐᑎᔭᓇ 14:2

ᐛᔅ ᐊᓐ ᐊᐛᓐ ᑲ ᒂᔅᒋᐃᔨᒥᑦ ᒋᓴᒪᓂᑐᐛ ᒥᒄ ᐃᔨᒪᐊᐤ, ᐛᔅ ᑕᐸ ᓂᔅᑐᑕᑯᐤ ᑯᑎᑲ ᐊᐛᔪᐛ ᑕᓐ ᐊ ᐃᓯ ᐃᔨᒥᑦ᙮ ᒋᓴᒪᓂᑐᐛ ᐅᑦ ᐊᒐᐧᑯᔪᐛ ᐅᒋ ᐊᔨᒧᑎᒻ ᒐᒂᔪᐛ ᐊᑲ ᐊᐛᔪᐛ ᒋᔅᒐᔨᑎᒥᔨᒋ᙮

1 ᑯᕆᓐᑎᔭᓇ 16:24

ᒥᓯᐛ ᒋ ᓴᒋᐃᑎᓇᐛᐤ ᒋᓴᔅ ᙭ ᐅᒡ᙮ ᐊᒥᓐ᙮

2 ᑯᕆᓐᑎᔭᓇ 1:20

ᒋᓴᒪᓂᑐᐤ ᐊᐱᒋᐊᐤ ᒋᓴᓴ ᒐᔅᑎᓇᔅ ᒐᒋ ᐃᑐᑕᐧᒃ ᑕᓐ ᑲ ᐃᔅᒋᔄᑦ ᒐ ᐃᑐᑕᐧᒃ ᑭᔭ ᒐ ᐊᑎ ᒋᔅᑕᔨᑕᑯᐊᑭᓄᐅᑦ᙮

ᒋᔅᒐᔨᑕᑯᑕᒐᐅᓐ 22:20

ᐊᓐ ᒪᒃ ᐊᐛᓐ ᑲ ᐎᑕᐧᒃ ᐊ ᑕᑈᒥᑭᓂᔨᒡ ᒥᓯᐛ ᐅᔭ ᑲ ᐃᓯ ᐎᑕᑭᓄᔨᒋ ᐃᔅᒋᔄᐤ, “ᒐᔅᑎᓇᔅ ᓴᔅ ᐎᐱᒡ ᒥᓐ ᓂᑭ ᑎᑯᓯᓐ᙮” ᐊᒥᓐ, ᐅᑎᐸᔨᒋᒐᐤ ᒋᓴᔅ, ᐊᔅᑎᒻ᙮

ᒋᔅᒐᔨᑕᑯᑕᒐᐅᓐ 5:14

ᐊᑯ ᐊᓐᒡ ᓇᐤ ᑲ ᐱᒪᑎᓯᒡ ᐊᐛᓐᒋ “ᐊᒥᓐ” ᒂ ᐃᔅᒋᔄᒡ, ᐊᑯ ᐊᓐᒡ ᑲ ᒋᓴᐃᔪᐅᒡ ᒋ ᐸᒋᓯᓄᐅᒡ ᑭᔭ ᒋ ᐊᔭᒥᐊᔅᑐᐛᐅᒡ ᒋᓴᒪᓂᑐᐛ ᑭᔭ ᐊᓂᔭᔪᐛ ᒪᔭᑕᓂᓴ᙮

ᒋᔅᒐᔨᑕᑯᑕᒐᐅᓐ 7:12

ᐊ ᐃᔅᒋᔄᒡ, “ᑕᑈ ᐊᐅᑯᓐ ᐊ ᐃᓯᓇᒂᒡ᙮ ᐊᔭᐤ ᒋᓴᒪᓂᑐᐤ ᓱᐛᔨᒋᒐᐅᓂᔪᐤ, ᑭᒐᑕᐛᔨᑎᒧᐅᓂᔪᐤ, ᒋᔅᑕᔨᑕᑯᓱᐅᓂᔪᐤ ᑭᔭ ᒥᔅᑯᓯᐅᓂᔪᐤ᙮ ᐊᐅᒄ ᒪᒃ ᐛᒋ ᒪᒥᒋᒥᑯᑦ ᐊᐛᔪᐛ, ᑭᔭ ᐊᐅᒄ ᐅᔭ ᐛᒋ ᓂᓇᔅᑯᒥᑯᑦ ᑭᔭ ᒋᔅᑕᒋᒥᑯᑦ ᑲᒋᒡ ᑭᔭ ᑲᒋᒡ᙮ ᐊᒥᓐ᙮”