1 ᑯᕆᓐᑎᔭᓇ 13:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᐊᐛᓐ ᐊ ᓴᒋᐊᑦ ᐊᐛᔪᐛ, ᓇᒪ ᒥᔽᔨᑎᒻ ᐊ ᐅᓂᑐᑎᒥᔨᒋ᙮ ᒥᒄ ᒪᒃ ᐃᐛᒃ ᒥᔽᔨᑎᒻ ᐃᔅᐱ ᒪᔪᑐᑎᒥᔨᒋ᙮

1 ᑯᕆᓐᑎᔭᓇ 13:6 Iomraidhean Croise

ᑎᐱᑦ ᐅᓂᑭᒧᐅᓇ 10:3

ᐛᔅ ᐅᒥᒋᑥᐤ ᒪᒪᑕᑯᒧᐤ ᐊ ᐃᓯ ᐱᑯᓴᔨᒧᑦ ᐅᑕᐃᒡ, ᑭᔭ ᒥᔽᒋᒪᐤ ᑲ ᐊᔅᐳᓂᓯᔨᒋ, ᐛᐧᑲᑕᐤ ᑎᐸᔨᒋᒐᓱᐛ᙮

ᑎᐱᑦ ᐅᓂᑭᒧᐅᓇ 119:136

ᓂᐱᔭ ᐊ ᓯᐱᓯᐅᒋ ᐅᒋᑯᐛ ᓂᔅᒋᓯᑯᒡ, ᐊ ᐊᑲ ᑭᓄᐛᔨᑕᒡ ᒋᐎᓱᐛᐅᓂᔪᐤ᙮

ᐊᒃᓱᑕᔅ 18:9

ᒐᑦᕈᐤ ᒋ ᒥᔽᔨᑎᒻ ᐅᔭ ᐱᔭᑕᐧᒃ ᒥᓯᐛ ᑲ ᐃᓯ ᒥᔪᑐᑐᐛᔨᒋ ᑎᐸᔨᒋᒐᓱᐛ ᐃᔅᕋᐃᓪ ᐃᔪᐛ ᑲ ᐎᐎᑕᔨᒋ ᐃᒋᑉᑎᒡ ᐅᒡ᙮

ᒪᑎᔪᐤ 18:13

ᐃᔅᐱ ᒪᒃ ᒪᔅᑯᐛᑦ, ᒋ ᐎᑎᒪᑎᓇᐛᐤ ᐅᔅᑕ ᒥᔽᔨᑎᒻ ᐅᔭ ᐸᐃᒄ ᐅᒪᔭᑕᓂᓯᒪ ᑲ ᐅᓂᓯᓂᔨᒋ ᐊ ᒥᔅᑯᐛᑦ ᐃᔅᐱᔅ ᐎ ᐊᒋ ᐊᔭᐛᑦ ᐊᓂᔭ ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᒪᔭᑕᓂᓴ ᐊᑲ ᐅᒋ ᐅᓂᓯᓂᔨᒋ᙮

ᓗᒃ 22:5

ᐊᔪᐛᒡ ᑭᑈ ᒋ ᓯᒋᔭᐃᑯᐅᒡ ᐊᓐᒡ ᐊᔭᒥᐊᐅᒋᒪᐅᒡ ᐊᓂᔭ ᒍᑎᓴ ᑭᔭ ᒋ ᓂᔅᑯᒧᐅᒡ ᒐᒋ ᒋᓯᐧᑯᐛᒡ ᓱᓇᔭᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:32

ᐊᑎ ᐊ ᒋᔅᒐᔨᑕᒡ ᒋᓴᒪᓂᑐᐛ ᐊᒋ ᐃᑕᔨᑎᒥᔨᒋ ᑕᑈ ᐊ ᐃᑕᔨᑕᑯᓂᔨᒡ ᒐᒋ ᓂᐱᔨᒋ ᐊᓂᔭᔪᐛ ᐊᐛᔪᐛ ᐅᔭ ᑲ ᐃᓯ ᒥᒋ ᐱᒪᑎᓯᔨᒋ ᐃᔭᐱᒡ ᐊᑐᐎᔅ ᐃᑐᐅᒡ ᐎᔨᐛᐤ ᑕᓐ ᐛ ᐃᑎᒡ᙮ ᓇᒪ ᒪᒃ ᒥᒄ ᐅᔭ ᐃᑐᐅᒡ, ᓂᓇᐊᔨᑎᒥᐃᑯᐅᒡ ᐊᔪᐤ ᐊᓂᔭᔪᐛ ᐊᐛᔪᐛ ᐅᔭ ᐊ ᐃᓯ ᒥᒋ ᐱᒪᑎᓯᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:9

ᒋᒋᐛ ᓴᒋᐊᐧᑯᒡ ᐊᐛᓐᒋ᙮ ᐛᐧᑲᑎᒧᒄ ᐊᓐ ᒐᒂᓐ ᑲ ᒪᔭᑎᒡ᙮ ᒥᒪᒋᑯᓂᒧᒄ ᐊᓐ ᒐᒂᓐ ᒪᔽᓯᒡ᙮

ᐱᓕᐱᔭᓇ 1:18

ᐊᑯᔅ ᒋᑭ ᐃᑐᐅᒡ᙮ ᐊᔪᐛᒃ ᙭ ᐊ ᐊᔨᒧᒪᑭᓄᐅᑦ᙮ ᐊᑎ ᑯᑎᑭᒡ ᐊᑲ ᒪᒧᔭᒻ ᐃᑎᒡ ᐊ ᐛᐎᑕᒡ ᒥᔽᒋᒧᐅᓂᔪᐤ ᑭᔭ ᒪᒃ ᑯᑎᑭᒡ ᑯᐃᔅᒄ ᐊ ᐃᑎᒡ ᐊ ᐛᐎᑕᒡ, ᐃᔭᐱᒡ ᓂ ᒥᔽᔨᑕᓐ᙮

ᐱᓕᐱᔭᓇ 1:4

ᑭᔭ ᓇᔅᒡ ᑕᑈ ᓂ ᒥᔽᔨᑕᓐ, ᑕᑥᐤ ᐊ ᐊᔭᒥᐊᔅᑎᒪᑎᑯᒋ᙮

ᐱᓕᐱᔭᓇ 3:18

ᐊᑎ ᓴᔅ ᒥᒐᑥᐤ ᐊᒋ ᐎᑎᒪᑎᑯᒡ ᐅ, ᒥᓐ ᒋ ᐎᑎᒪᑎᓇᐛᐤ᙮ ᓄᐅᒋᑯᐛᐱᓐ ᒪᒃ ᐊ ᐎᑎᒪᑎᑯᒡ᙮ ᒥᒐᑦ ᐃᓯ ᐱᒪᑎᓯᐅᒡ ᐊᑲ ᐊᐱᑕᔨᑕᒡ ᐊᓂᔭᔪᐤ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᙭ᑕ ᒋᐱᔭᑎᑯᒡ ᐊᒋ ᓂᐸᐊᑭᓄᔨᒋ᙮

2 ᑕᓴᓗᓂᔭᓇ 2:12

ᐊᑯ ᒪᒃ ᒥᓯᐛ ᐊᐛᓐᒋ ᐊᑲ ᐅᒋ ᑕᑈᑕᒡ ᑕᑈᐅᓂᔪᐤ, ᐅᔅᑕ ᑲ ᒥᔽᔨᑕᒡ ᐊ ᒥᒐᑎᓯᒡ ᐊᐅᑯᓐᒡ ᐅᒡ ᒐ ᓂᓱᐅᓇᒋᒪᑭᓄᐎᒡ᙮

2 ᒠᓐ 1:4

ᓇᔅᒡ ᑕᑈ ᓂᒋ ᒧᒋᒐᔨᑕᓐ ᐃᔅᐱ ᒐᔅᒐᔨᑎᒪᓐ ᐱᔅᒐ ᒋᑦ ᐊᐛᓯᒥᒡ ᑕᑈᐅᓂᒡ ᐊ ᐃᓯ ᐱᒪᑎᓯᒡ ᒧᔭᒻ ᐊᓂᔭ ᑲ ᐃᑎᓱᒥᑕᐧᒄ ᐅᑕᐎᒪᐤ ᒐᒋ ᐃᓯ ᐱᒪᑎᓯᐛᐧᒄ᙮