1 ᑯᕆᓐᑎᔭᓇ 13:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐊᐛᓐ ᐊ ᓴᒋᐊᑦ ᐊᐛᔪᐛ ᓇᔅᒡ ᒥᔪᑐᑐᐛᐤ ᑭᔭ ᒥᔽᔨᑕᑯᓯᔅᑐᐛᐤ, ᓇᒪ ᑭᔭ ᐛ ᐅᑕᔨᑎᒻ ᑭᔭ ᓇᒪ ᒪᒥᒋᒧᐤ,

1 ᑯᕆᓐᑎᔭᓇ 13:4 Iomraidhean Croise

ᒐᓂᓯᔅ 30:1

ᐃᔅᐱ ᒐᔅᒐᔨᑕᐧᒃ ᕋᐃᒍᓪ ᐊᑲ ᒋ ᓂᑕᐅᒋᐃᒪᑦ ᒐᑭᐸ ᐅᑦ ᐊᐛᓯᒥᔪᐛ, ᒋ ᐅᑕᔨᒪᐤ ᐎᐧᑲᓂᓴ ᓕᐊᔨᒋ᙮ ᒂ ᐃᑕᑦ ᒐᑭᐸ᙮ “ᐸᒋ ᒥᔾ ᐊᐛᓯᒡ ᑭᔭ ᒪᒃ ᓂᑭ ᐳᓂᐱᒪᑎᓯᓐ !”

ᒐᓂᓯᔅ 37:11

ᒋ ᐅᑕᔨᒥᑯᐤ ᒍᓯᑉ ᐎᐧᑲᓂᓴ, ᒥᒄ ᐅᑕᐎᔭ ᒋ ᒪᒥᑐᓇᔨᑎᒥᑯᔪᐛ ᑲ ᐃᔅᒋᔄᑦ᙮

ᑎᐱᑦ ᐅᓂᑭᒧᐅᓇ 10:5

ᐅᑦ ᐃᓯᑥᐅᓇ ᒧᔅ ᐊᒂᑎᓂᔪᐛ; ᒋᑎᐸᔅᑯᓂᒐᐅᓇ ᓇᒪᐎᔾ ᑕᐸᐸᑎᒻ: ᒥᓯᐛ ᐅᐧᑲᑕᑭᓇ ᒪᒃ ᐳᑕᑕᐤ᙮

ᒪᑎᔪᐤ 27:18

ᒋ ᒋᔅᒐᔨᒪᐤ ᑈᓚᑦ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᐊ ᐅᑕᔨᒪᔨᒋ ᒋᓴᓴ ᐊᔪᐅᒄ ᐊᓂᔭ ᐛᒋ ᐱᔅᑎᓱᐛᑎᒪᑯᑦ᙮

ᐊᑈᔅᑕᓇᒡ 7:9

“ᐸᐃᒄ ᒪᒃ ᐊᓂᔭ ᒐᑭᑉ ᐅᑯᓴ ᒍᓯᑉ ᒋ ᐃᓯᓂᐧᑲᓱᔪᐛ᙮ ᐊᓂᔭ ᒪᒃ ᑯᑎᑲ ᐅᑯᓴ ᒐᑭᑉ, ᒋ ᐅᑕᔨᒪᐅᒡ ᐊᓂᔭᔪᐛ ᐎᐧᑲᓂᓱᐛᐛ ᒍᓯᐸ᙮ ᒋ ᐊᑕᐛᒐᐅᒡ ᐊᓂᔭᔪᐛ ᐎᐧᑲᓂᓱᐛᐛ ᒐᒋ ᐊᐱᒋᐊᑭᓄᔨᒋ ᐊᓐᑕ ᐃᒋᑉᑎᒡ ᑲ ᐃᓯᓂᐧᑲᑕᔨᒡ ᐊᔅᒋᔪᐤ᙮ ᒥᒄ ᒪᒃ ᒋᓴᒪᓂᑐᐛ ᒋ ᐎᒐᐅᑯᐤ ᒍᓯᑉ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:29

ᐱᒋᔅᑲᑯᐅᒡ ᓂᓇᐧᑯᐤ ᒥᒐᑎᓯᐅᓂᔪᐤ ᑭᔭ ᒪᔭᑎᓯᐅᓂᔪᐤ, ᑭᔭ ᐱᒋᔅᑲᑯᐅᒡ ᒧᔅᑕᓂᒪᒐᐅᓂᔪᐤ ᑭᔭ ᐛᐧᑲᑕᔨᒧᐅᓂᔪᐤ᙮ ᓇᔅᒡ ᐱᒋᔅᑲᑯᐅᒡ ᐅᑕᔨᒧᐅᓂᔪᐤ, ᑭᔭ ᒧᔅ ᐎ ᓂᐸᐃᐛᐅᒡ, ᑭᔭ ᒧᔅ ᒪᒥᒋᐱᔭᐊᐅᒡ ᐊᐛᔪᐛ, ᐱᓯᒄ ᑭᔭ ᐛᐎᔭᓯᒧᐛᐅᒡ, ᑭᔭ ᓇᔅᒡ ᐱᒋᔅᑲᑯᐅᒡ ᐛᐧᑲᓱᐛᐅᓂᔪᐤ᙮ ᐱᒋᔅᒂᑲᑐᐛᐅᒡ ᑭᔭ,

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:13

ᑯᐃᔅᒄ ᐃᓯ ᐱᒪᑎᓯᑕᐤ ᒐ ᓄᒂᒡ ᒪᒃ ᑕᑈ ᐛᔅᑕᐅᓂᒡ ᐊ ᐃᓯ ᐱᒪᑎᓯᔭᐧᒄ᙮ ᐊᑲᐎᔾ ᒋᑭ ᐅᒋ ᐎᒋᐃᐛᓇᓄᐤ ᐊ ᒥᔪᐧᑭᓱᓇᓄᐅᒡ, ᐊ ᐎᓂᓱᐤ ᐃᑎᓇᓄᐅᒡ ᑭᔭ ᐊᑲᐎᔾ ᐎᒋᐃᐛᑕᐤ ᐊᓐᑕ ᐊ ᒥᓇᓄᐅᒡ᙮ ᐊᑲᐎᔾ ᓂᓇᐧᑯᐤ ᒋᑭ ᐅᒋ ᐃᓯ ᐎᓂᓱᐤ ᐱᒪᑎᓯᓇᓄᐤ᙮ ᐊᑲᐎᔾ ᒋᑭ ᐅᒋ ᒋᐧᑲᒥᑐᓇᓄᐤ᙮ ᐊᑲᐎᔾ ᑭᔭ ᒋᑭ ᐅᒋ ᐅᑕᔨᒥᑐᓇᓄᐤ᙮

1 ᑯᕆᓐᑎᔭᓇ 3:3

ᐊᔅᒄ ᐊᐅᑯᓐ ᐊ ᐃᓯ ᐱᒪᑎᓯᔭᒄ ᐊ ᐃᓯ ᐱᒪᑎᓯᒡ ᐊᓐᒡ ᐊᔅᒄ ᐊᑲ ᐱᔅᑎᓇᒡ ᑲ ᐸᔭᒋ ᐊᒐᒂ ᒐᒋ ᐱᒥᐱᔨᑕᔨᒋ ᐅᐱᒪᑎᓯᐅᓄᐛᐛ᙮ ᐛᔅ ᒋ ᒪᒥᒐᔨᒥᑐᓇᐛᐤ ᑭᔭ ᒋ ᒪᒥᒋᐱᔨᐃᑐᓇᐛᐤ᙮ ᐊᑯᑕ ᒪᒃ ᐊ ᓄᒂᒡ ᐊᔅᒄ ᐊ ᐃᓯ ᐱᒪᑎᓯᔭᒄ ᐊᓂᔭ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᑕᑈᑕᒡ᙮

1 ᑯᕆᓐᑎᔭᓇ 4:18

ᐱᔅᒐ ᐊᓐᑕ ᐊ ᑎᓯᔭᒄ ᓇᔅᒡ ᒋᒋᐛ ᒋᑦ ᐃᑕᔨᒥᓱᓇᐛᐤ᙮ ᓇᒪ ᒋᑭ ᐅᒋ ᑎᑯᓯᓐ ᒋᑦ ᐃᑕᔨᒥᓇᐛᐤ᙮

1 ᑯᕆᓐᑎᔭᓇ 4:6

ᒥᓯᐛ ᐅ ᑲ ᐸᒋ ᐃᔅᒋᔄᔭᓐ ᓂᔾ ᓂᒋ ᐊᔨᒧᒥᓱᓐ ᑭᔭ ᐊᐳᓚᔅ ᓂᒋ ᐊᔨᒧᒪᐤ ᐊᓐᑕ ᒐᒋ ᐅᒋ ᒋᔅᒐᔨᑎᒪᒄ ᒋᔨᐛᐤ ᓂᐧᑲᓂᓯᑐᒄ ᒥᒄ ᑕᓐ ᐊᑎᔅᑕᒡ ᒥᓯᓇᐃᑭᓂᒡ ᒐᒋ ᐃᓯ ᐱᒪᑎᓯᔭᒄ᙮ ᐛᔅ ᐃᑎᔅᑕᐤ ᐊᑲ ᐊᐛᓐ ᐃᐛᒃ ᒐᒋ ᐃᑕᔨᒪᑦ ᐸᐃᒄ ᐊᐛᔪᐛ ᑕᓐ ᐊ ᐃᑕᔨᒪᑦ ᑯᑎᑲ ᐊᐛᔪᐛ᙮

1 ᑯᕆᓐᑎᔭᓇ 5:2

ᓇᔅᒡ ᐊ ᒪᒃ ᒋᒋᐛ ᒋᑦ ᐃᑕᔨᒥᓱᓇᐛᐤ ? ᐃᔭᐱᒡ ᒋᐸ ᒥᒐᔨᑕᓇᐛᐤ᙮ ᒋᐸ ᐃᒐᓇᐛᐤ ᐊᓐ ᓇᐸᐤ ᐅᔭ ᑲ ᐃᑎᑦ ᐊᓐᑕ ᐅᒋ ᐊ ᑕᔭᒄ᙮

1 ᑯᕆᓐᑎᔭᓇ 8:1

ᐊᑯ ᒪᒃ ᒐ ᐊᔨᒧᑎᒪᑎᑯᒡ ᑕᓐ ᒋᐸ ᐃᓯ ᑭᓄᐛᐸᑕᑭᓄᐤ ᒥᒋᒻ ᒥᓂᑐᐧᑲᓐᒡ ᐊᒋ ᐱᔅᑎᓂᒧᐛᑭᓄᐎᒡ᙮ ᐃᓇᓄᐤ ᒥᓯᐛ ᐊᐛᓐ ᐊ ᐊᔭᑦ ᒋᔅᒐᔨᑎᒧᐅᓂᔪᐤ᙮ ᐃᑐᑕᑯᐤ ᒪᒃ ᐊᐛᓐ ᒋᔅᒐᔨᑎᒧᐅᓂᔪᐤ ᒋᒋᐛ ᒐᒋ ᐃᑕᔨᒥᓱᑦ᙮ ᒥᒄ ᒪᒃ ᐊᐛᓐ ᑲ ᐊᔭᑦ ᓴᒋᐃᐛᐅᓂᔪᐤ ᐃᑐᑐᐛᐤ ᑯᑎᑲ ᐊᐛᔪᐛ ᒐᒋ ᓱᒋᑲᐳᔨᒋ᙮

2 ᑯᕆᓐᑎᔭᓇ 12:20

ᓂᑯᔅᐱᓇᔨᑕᓐ ᐅᑎᑎᑎᑯᒐ ᐃᔭᒡ ᒐ ᐃᑕᔨᑕᑯᓯᔭᒄ ᑕᓐ ᑲ ᐃᓯ ᐱᑯᓴᔨᒧᔭᓐ ᒐ ᐃᑕᔨᑕᑯᓯᔭᒄ᙮ ᒂᔄᓐ ᑭᔭ ᒋᔨᐛᐤ ᐃᔭᒡ ᒋᑭ ᐃᑕᔨᒥᓇᐛᐤ ᑕᓐ ᑲ ᐃᓯ ᐱᑯᓴᔨᒧᔭᒄ ᒐ ᐃᑕᔨᑕᑯᓯᔭᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐊᔅᑕᒥᑐᔭᒄ ᒐᒋ ᐅᑕᔨᒥᑐᔭᒄ ᒋᔄᓱᐅᓐ ᒐᒋ ᑎᒂᒡ ᒪᒃ ᒥᒋᐱᔨᑐᐅᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐱᐳᑯᓄᒧᐛᔭᒄ ᒐᒋ ᒪᒪᔭᔨᒪᑯᒡ ᑯᑎᑭᒡ ᐊᐛᓐᒋ ᒪᒃ ᒋᒋᐛ ᒐᒋ ᐃᑕᔨᒥᓱᔭᒄ ᑭᔭ ᒐᒋ ᒥᒥᑯᔅᑲᒋᐊᑯᒡ ᑯᑎᑭᒡ ᐊᐛᓐᒋ᙮

2 ᑯᕆᓐᑎᔭᓇ 6:6

ᓂᒋ ᓄᑯᑕᓇᓐ ᑕᑈ ᐊ ᐊᑐᔅᑯᐅᒋᒡ ᒋᓴᒪᓂᑐᐤ ᐊ ᒥᔽᑎᓯᔭᒡ, ᑕᓐ ᐊ ᐃᓯ ᒥᔪ ᓂᔅᑐᑎᒪᒡ ᑕᑈᐅᓐ, ᐊ ᓯᐱᔪᐛᓯᔭᒡ ᑕᓐ ᐊ ᐃᓯ ᓂᒋᔅᑲᒪᒡ, ᐊ ᒥᔪᑐᑐᐎᒋᒡ ᐊᐛᓐᒋ᙮ ᑲ ᐸᔭᒋᓯᑦ ᐊᒐᐧᒄ ᑭᔭ ᓂ ᐎᒋᐃᑯᐅᓇᓐ ᑭᔭ ᓂ ᓄᑯᑕᓇᓐ ᑕᑈ ᐊ ᓴᒋᐃᒋᒡ ᒥᓯᐛ ᐊᐛᓐ᙮

ᑲᓚᓯᔭᓇ 5:26

ᐊᑲᐎᔾ ᒋᑭ ᐅᒋ ᒋᒋᐛ ᐃᑕᔨᒥᓱᓇᓄᐤ᙮ ᐊᑲᐎᔾ ᒋᑭ ᐅᒋ ᐛᐧᑲᐃᒥᑐᓇᓄᐤ ᑭᔭ ᐊᑲᐎᔾ ᒋᑭ ᐅᒋ ᒥᒧᔅᑕᓂᒧᐛᓄᐅᒡ ᐊᐛᓐᒋ᙮

ᐃᐱᓯᔭᓇ 4:2

ᒋᐸ ᑎᐱᑕᔨᒥᓱᓇᐛᐤ ᑭᔭ ᒋᐸ ᒋᔭᒪᔨᑕᑯᓯᓇᐛᐤ ᑭᔭ ᒧᔅ ᒋᐸ ᐎ ᓯᐱᔪᐛᓯᓇᐛᐤ᙮ ᓄᑯᑕᒄ ᐊ ᓴᒋᐃᑐᔭᒄ ᐊᑲ ᑕᔅᑎᑲᒋᔭᒄ ᐊ ᐛᐎᒋᐃᑐᔭᒄ᙮

ᐃᐱᓯᔭᓇ 4:32

ᒋᐸ ᒥᔪᑐᑐᐛᐛᐅᒡ ᐊᐛᓐᒋ ᑭᔭ ᒋᐸ ᔪᔅᐸᑎᓯᓇᐛᐤ᙮ ᑭᔭ ᒋᐸ ᐛᐸᔨᑎᒧᐛᐛᐅᒡ ᐊᐛᓐᒋ ᒧᔭᒻ ᑕᓐ ᑲ ᐃᓯ ᐛᐸᔨᑎᒪᑕᒄ ᒋᓴᒪᓂᑐᐤ ᙭ᑕ ᐅᒡ᙮

ᐱᓕᐱᔭᓇ 1:15

ᑕᑈ ᒋᐸ ᑕᐅᒡ ᐊᐛᓐᒋ ᒥᒄ ᐊ ᐅᑕᔨᒥᒡ ᒪᒃ ᐊ ᐎ ᒪᒥᒋᐱᔨᒡ ᐊᐅᒄ ᐛᒋ ᐊᔨᒧᒪᒡ ᙭ᑕ᙮ ᐊᑯ ᑯᑎᑭᒡ ᓱᒃ ᐛᐎᑎᒧᒡ ᒥᔽᒋᒧᐅᓂᔪᐤ ᑯᐃᔅᒄ ᐊ ᐃᑎᒡ᙮

ᑯᓚᓯᔭᓇ 1:11

ᓂᑐᑎᒧᐛᐤ ᒋᓴᒪᓂᑐᐤ ᒐᒋ ᐃᑐᑕᑕᒄ ᓇᔅᒡ ᒐᒋ ᒥᔅᑯᓯᔨᑯᔭᒄ ᓱᐧᑲᑎᓯᐅᓐ, ᐎᔾ ᑲ ᒋᔅᑕᔨᑕᑯᓂᔨᒡ ᐅᓱᐧᑲᑎᓯᐅᓂᒡ ᐅᒡ᙮ ᐊᑯ ᒪᒃ ᒐ ᓯᐱᔪᐛᓯᔭᒄ ᒥᒄ ᑕᓐ ᒐ ᐃᓯ ᓂᒋᔅᑭᒧᐛᐛᒂ᙮

ᑯᓚᓯᔭᓇ 2:18

ᐊᑲᐎᔾ ᒋᑭ ᐅᒋ ᓇᐊᔨᒪᐛᐅᒡ ᐊᓐᒡ ᐊᐛᓐᒋ ᐃᔭᒡ ᑲ ᐃᑎᒡ ᐊ ᑎᐱᑕᔨᒥᓱᒡ ᑭᔭ ᐊᓐᒋᓇ ᑲ ᐊᔭᒥᐊᔅᑐᐛᒡ ᒐᒋ ᐎᔭᓯᒥᑕᑯᒡ ᐊ ᐎ ᐊᔭᔭᒄ ᒋᑲᓂᔪᐅᓄᐛᐤ᙮ ᐊᐅᑯᓐᒡ ᐅᒡ ᓇᔅᒡ ᑕᑈ ᐱᒋᔎᐅᐃᑯᒡ ᑕᓐ ᐊ ᐃᓯ ᐛᐸᑕᒡ ᐛᐸᑎᔨᐛᐅᓇ᙮ ᓇᒪ ᒪᒃ ᐊᐱᑕᔨᑕᑯᓂᔪᐤ ᐊᓂᔭ ᑕᓐ ᐊ ᐃᓯ ᐊᔨᒧᑕᒡ, ᐛᔅ ᒥᒄ ᐊ ᐃᓯ ᒪᒥᑐᓇᔨᑕᑭᓄᔨᒋ ᐅᑕ ᐊᔅᒋᒡ ᐊᐅᑯᓐ ᐱᓯᒄ ᐊ ᐃᓯ ᒪᒥᑐᓇᔨᑕᒡ᙮

ᑯᓚᓯᔭᓇ 3:12

ᒋᔨᐛᐤ ᒋᓴᒪᓂᑐᐤ ᑲ ᐅᑎᓂᑕᒄ ᑲ ᐸᔭᒋᓯᔨᒋ ᐅᑦ ᐃᔨᒪ ᑭᔭ ᑲ ᓴᒋᐊᑦ, ᒋᓴᐛᑎᓯᒄ, ᒋᔅᑎᒪᒐᔨᒪᐧᑯᒡ ᐊᐛᓐᒋ, ᑎᐱᑕᔨᒥᓱᒄ, ᔪᔅᐸᑎᓯᒄ ᑭᔭ ᓯᐱᔨᐛᓯᒄ᙮

1 ᑕᓴᓗᓂᔭᓇ 5:14

ᓂᐧᑲᓂᓯᑐᒄ, ᒋ ᓯᒋᒥᑎᓇᓐ ᒐᒋ ᐃᔭᒂᒥᒪᑯᒡ ᐊᓐᒡ ᐊᑲ ᐎ ᐊᑐᔅᒐᒡ᙮ ᐎᒋᐊᐧᑯᒡ ᐊᓐᒡ ᑲ ᑯᔅᑕᒋᒡ ᒐ ᐊᑲ ᒋ ᑯᔅᑕᒋᒡ ᑭᔭ ᐎᒋᐊᐧᑯᒡ ᐊᓐᒡ ᐊᑲ ᓴᐸᔨᑕᒡ, ᑭᔭ ᐊᓐᒡ ᑲ ᓄᑕᐱᔨᒡ ᒐᒂᔪᐤ᙮ ᒥᓯᐛ ᐊᐛᓐ ᓯᐱᔪᐛᓯᔅᑐᐛᐧᒄ᙮

1 ᑎᒧᑎ 6:4

ᓇᔅᒡ ᑕᑈ ᒋᒋᐛ ᐃᑕᔨᒥᓱᐤ, ᑭᔭ ᓇᒪ ᐊᓐ ᒋᔅᒐᔨᑎᒻ ᐊᓂᔭ ᒐᒂᔪᐤ ᐛ ᐃᓯ ᐊᔨᒧᑕᐧᒃ᙮ ᐛᔅ ᐅᔅᑕ ᐃᑕᔨᑎᒻ ᒐᒋ ᐊᔨᒧᑕᐧᒃ ᒐᒂᔪᐤ ᐊᓐᑕ ᒐᒋ ᐅᒋ ᐊᑲ ᓂᓇᐊᔨᒥᑐᓇᓄᐎᒡ᙮ ᐊᑯᑕ ᒪᒃ ᐅᑕ ᐛᒋᐱᔨᒡ ᐅᑕᔨᑎᒧᐅᓐ ᑭᔭ ᐊ ᒪᒥᒋᐱᔨᐃᑐᓇᓄᐅᒡ ᑭᔭ ᒪᔭᔨᒐᐅᓐ ᑭᔭ ᓂᑐᐎᔾ ᐊ ᐃᑕᑭᓄᐅᑦ ᐊᐛᓐ᙮

2 ᑎᒧᑎ 2:25

ᑭᔭ ᒋᔭᒻ ᒋᐸ ᐃᑐᑐᐛᐤ ᐊ ᐎ ᑯᐃᔅᑯᓇᑦ ᐊᓂᔭ ᑲ ᓂᓂᔅᑯᔅᑕᑯᑦ ᐊᐛᔪᐛ᙮ ᒐᒃ ᒪ ᒋᐸ ᒋ ᐃᑐᑕᑯᔪᐛ ᒋᓴᒪᓂᑐᐛ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᒋᔅᒐᔨᑎᒥᔨᒋ ᑕᑈᐅᓂᔪᐤ᙮

2 ᑎᒧᑎ 3:10

ᒋᔾ ᒪᒃ ᑎᒧᑎ ᓂ ᒐᔅᑎᓇᐅᓐ ᒐ ᓇᓴᐊᒥᓐ ᓂᒋᔅᑯᑎᒪᒐᐅᓐ, ᑭᔭ ᑲ ᐃᓯ ᐱᒪᑎᓯᔭᓐ, ᑭᔭ ᓂᑦ ᐃᑕᔨᑎᒧᐅᓐ᙮ ᔅᒋ ᐛᐸᑕᓐ ᑕᓐ ᑲ ᐃᓯ ᑕᑈᑎᒪᓐ, ᑕᓐ ᑲ ᐃᓯ ᓯᐱᔪᐛᓯᔭᓐ, ᑭᔭ ᓂᓴᒋᐃᐛᐅᓐ, ᑭᔭ ᔅᒋ ᐛᐸᑕᓐ ᑕᓐ ᑲ ᐃᓯ ᓯᐱᔪᐛᓯᔅᑎᒪᓐ ᑕᓐ ᑲ ᐃᓯ ᓂᓇᐧᑯᐤ ᓂᒋᔅᑭᒪᓐ᙮

2 ᑎᒧᑎ 4:2

ᒐ ᐛᐎᑎᒥᓐ ᒋᓴᒪᓂᑐᐤ ᐅᑦ ᐃᔨᒧᐅᓐ, ᓱᐧᒃ ᐛᐎᑕ ᐊᑎ ᐊᓐᑕ ᐊᑲ ᐊ ᓇᐃᐱᔨᒡ ᒐᒋ ᓂᑐᑕᑭᓄᐅᒡ, ᒪᒃ ᐊᓐᑕ ᐊ ᓇᐃᐱᔨᒡ ᒐᒋ ᓂᑐᑕᑭᓄᐅᒡ, ᒋᔅᒐᔨᑕᑯᑕ ᑕᑈᐅᓐ, ᒋᑕᐊᒪᒐ ᐊ ᐅᓂᑐᑕᑭᓄᐅᒡ, ᑭᔭ ᐛᐎᑎᒪᒐ ᑭᔭ ᒧᔅ ᐎ ᓯᐱᔪᐛᓯ ᑭᔭ ᒧᔅ ᒋᔅᑯᑎᒪᒐ᙮

ᑕᐃᑕᔅ 3:3

ᐛᔅ ᑭᔭ ᒋᔭᓄᐤ ᐸᐃᒂᐤ ᔅᒋ ᒋᔎᐱᒪᑎᓯᓇᓄᐤ, ᓇᒪ ᒋ ᐅᒋ ᓂᓇᐃᑐᐛᓄᐤ ᒋᓴᒪᓂᑐᐤ, ᔅᒋ ᐎᔭᓯᐃᑯᓇᓄᐤ ᑭᔭ ᔅᒋ ᓴᐧᑯᒋᐃᑯᓇᓄᐤ ᓂᓇᐧᑯᐤ ᒥᒋ ᓂᑐᐛᔨᑎᒧᐅᓇ ᑭᔭ ᒥᒋ ᒥᔽᔨᑎᒧᐅᓇ᙮ ᐱᓯᒄ ᔅᒋ ᒥᒐᑎᓯᓇᓄᐤ ᑭᔭ ᔅᒋ ᐅᑕᔨᒪᓄᐅᒡ ᐊᐛᓐᒋ᙮ ᔅᒋ ᐛᐧᑲᑕᓄᐅᒡ ᐊᐛᓐᒋ ᑭᔭ ᐎᔨᐛᐤ ᒪᒃ ᔅᒋ ᐛᐧᑲᑎᑯᓄᐅᒡ᙮

ᒋᒥᔅ ᐅᒥᓯᓇᐊᒪᒐᐅᓐ 4:5

ᒋᑦ ᐃᑕᔨᑕᓇᐛᐤ ᐊ ᐊᑲ ᑕᑈᒥᑲᒡ ᐊᓐ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ᐃᑎᔅᑕᒡ, “ᐊᓂᔭ ᑲ ᐸᔭᒋᓯᔨᒋ ᐊᒐᒂ ᒋᓴᒪᓂᑐᐤ ᑲ ᒥᔨᑕᐧᒄ ᒐᒋ ᑕᔨᒋ ᐊᓐᑕ ᒋᐱᒪᑎᓯᐅᓇᒡ ᐃᔭᒂ ᒋ ᓂᓇᑭᑐᐛᔨᒥᑭᓄᐤ ᒥᒄ ᒋᓴᒪᓂᑐᐛ ᐊ ᑕᔨᒋ ᒐᒋ ᐃᓯ ᐱᒪᑎᓯᔭᐧᒄ᙮” ᐊᓐ ᐊᒐᐧᒄ ᐅᑕᔨᑎᒻ ᐊᑲ ᐃᑐᑎᒪᐧᒄ ᑕᓐ ᐊ ᐃᓯ ᓂᑐᐛᔨᒥᑕᐧᒃ ᒋᓴᒪᓂᑐᐤ ᒐᒋ ᐃᑐᑎᒪᐧᒄ᙮

1 ᐱᑕᕐ 2:1

ᓇᔅᒡ ᒪᒃ ᐊᑯ ᐳᓂᑕᒄ ᒥᓯᐛ ᒪᔭᑎᓯᐅᓐ᙮ ᐳᓂᒄ ᐊᑯ ᐊ ᑭᑭᒋᔭᔭᒄ, ᑭᔭ ᐊᑲᐎᔾ ᐎ ᐃᑕᔨᑕᑯᐃᓱᒄ ᑕᓐ ᐊᓐ ᐊᑲ ᒋᒋᐛ ᐃᑕᔨᑕᑯᓯᔭᒄ, ᐊᑲᐎᔾ ᒋᑭ ᐅᒋ ᑎᑯᓐ ᐊ ᐛᐅᑕᔨᒥᑐᔭᒄ᙮ ᑭᔭ ᐊᑲᐎᔾ ᓂᑎᒥᒄ ᐃᓯ ᐊᔨᒧᒪᐧᑯᒡ ᐊᐛᓐᒋ᙮

1 ᐱᑕᕐ 3:8

ᐅ ᒪᒃ ᒥᓯᐛ ᑲ ᐃᓯ ᐊᔨᒧᑎᒪᑎᑯᒡ ᒥᓯᐛ ᐊ ᑎᓯᔭᒄ ᓱᒃ ᐸᐃᑯᓄᒡ ᐃᓯ ᒪᒥᑐᓇᔨᑎᒧᒄ ᐊ ᒋᔅᑎᒪᒐᔨᒥᑐᔭᒄ ᑭᔭ ᓴᒋᐃᑐᒄ ᑕᐱᔅᑯᓐ ᐊ ᐎᐧᑲᓂᓯᑕᑐᔭᒄ ᑭᔭ ᒋᓴᐛᑐᑕᑐᒄ᙮ ᓱᒃ ᒧᔅ ᑎᐱᑕᔨᒧᒄ᙮

1 ᐱᑕᕐ 4:8

ᒪᐅᒡ ᒪᒃ ᐊ ᐃᑕᔨᑕᒂᒡ ᐊᐅᒄ ᐅ ᒋᒋᐛ ᒐᒋ ᓴᒋᐃᑐᔭᒄ ᒥᓯᐛ ᐊ ᑎᓯᔭᒄ, ᐛᔅ ᓴᒋᐃᐛᐅᓐ ᐛᐸᔨᑎᒧᒥᑭᓐ ᒥᒐᑦ ᒥᒋᑥᐅᓇ᙮

2 ᐱᑕᕐ 1:7

ᐊᓐ ᒪᒃ ᐊ ᐊᑎ ᒪᓂᑐᐛᑎᓯᔭᒂ, ᐊᑯ ᒐ ᐊᑎ ᒋᓴᐛᑐᑎᐛᑯᒡ ᒋᐧᑲᓂᓱᐛᐅᒡ᙮ ᐃᔅᐱ ᒪᒃ ᐊ ᐊᑎ ᒋᓴᐛᑐᑎᐛᒂᐛ ᒋᐧᑲᓂᓱᐛᐅᒡ ᐊᑯ ᒐ ᐊᑎ ᐊᔭᔭᒄ ᓴᒋᐃᐛᐅᓐ᙮

1 ᒠᓐ 4:11

ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᒧᔭᒻ ᒋᓴᒪᓂᑐᐤ ᐅᔭᔪᐤ ᐊ ᐃᓯ ᓴᒋᐃᑕᐧᒄ, ᐊᐅᒄ ᐅ ᒋᐸ ᐃᓯ ᓴᒋᐃᑐᓇᓄᐤ ᑭᔭ ᒋᔭᓄᐤ᙮