1 ᑯᕆᓐᑎᔭᓇ 13:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᓂᔅᑐ ᒐᒂᔪᐛ ᓇᒪ ᓂᑕ ᒋᑭ ᐅᒋ ᐃᔎᐱᔪᐛ, ᐊᐅᒄ ᐅᔭ᙮ ᑕᑈᑎᒧᐅᓐ, ᐊᔅᐸᔨᒧᐅᓐ ᑭᔭ ᓴᒋᐃᐛᐅᓐ᙮ ᐊᓐ ᒪᒃ ᓇᔅᒡ ᒐᔅᑕᔨᑕᒂᒡ ᐊᐅᒄ ᓴᒋᐃᐛᐅᓐ᙮

1 ᑯᕆᓐᑎᔭᓇ 13:13 Iomraidhean Croise

ᑎᐱᑦ ᐅᓂᑭᒧᐅᓇ 146:5

ᒥᔽᔨᒧᐤ ᐊᓐ ᑲ ᐎᒋᐃᑯᑦ ᒐᑭᐸ ᐅᒋᓴᒪᓂᑐᒥᔪᐛ, ᑲ ᐊᔅᐸᔨᒧᑐᑐᐛᑦ ᑲ ᑎᐸᔨᒋᒐᔨᒋ ᐅᒋᓴᒪᓂᑐᒪ;

ᑎᐱᑦ ᐅᓂᑭᒧᐅᓇ 42:11

ᑕᓇᒡ ᐛᒋ ᑯᐸᑕᐃᒧᔨᓐ, ᐅ ᓂᑦ ᐊᒐᐧᒄ ? ᑕᓇᒡ ᐛᒋ ᑭᔭ ᒥᑯᔅᑲᑕᔨᑎᒥᐃᑯᐅᔨᓐ ? ᐊᔅᐸᔨᒧᑐᑐᐤ ᒋᓴᒪᓂᑐᐤ; ᐛᔅ ᐃᔭᐱᒡ ᓂᑭ ᒪᒥᒋᒪᐤ, ᑲ ᐅᒋ ᒥᔪᐊᔭᔭᓐ, ᑭᔭ ᓂᒋᓴᒪᓂᑐᒻ᙮

ᑎᐱᑦ ᐅᓂᑭᒧᐅᓇ 43:5

ᑕᓇᒡ ᐛᒋ ᑯᐸᑕᔨᒧᔨᓐ, ᐅ ᓂᑦ ᐊᒐᐧᒄ ? ᑕᓇᒡ ᑭᔭ ᐛᒋ ᒥᑯᔅᑲᑕᔨᑎᒥᐃᑯᐅᔨᓐ ? ᐊᔅᐸᔨᒧᑐᑐᐤ ᒋᓴᒪᓂᑐᐤ: ᐛᔅ ᐃᔭᐱᒡ ᓂᑭ ᒪᒥᒋᒪᐤ, ᑲ ᐅᒋ ᒥᔪᐊᔭᔭᓐ, ᑭᔭ ᓂᒋᓴᒪᓂᑐᒻ᙮

ᓗᒃ 10:27

ᐊᑯ ᐊᓐ ᓇᐸᐤ ᒋ ᐃᑕᐤ, “ ‘ᓴᒋᐃ ᐅᑎᐸᔨᒋᒐᐤ ᒋᒋᓴᒪᓂᑐᒻ, ᒥᓯᐛ ᒋᑕᐃᒡ, ᑭᔭ ᒥᓯᐛ ᒋᑦ ᐊᒐᐧᑯᒡ ᑭᔭ ᒥᓯᐛ ᒋᒥᔅᑯᓯᐅᓂᒡ ᑭᔭ ᒥᓯᐛ ᒋᒥᑐᓇᔨᒋᑭᓂᒡ,’ ᑭᔭ ‘ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ᓴᒋᐃᓱᔨᓐ᙮’ ”

ᓗᒃ 22:32

ᔅᒋ ᐊᔭᒥᐊᔅᑎᒪᑎᓐ ᒪᒃ ᒋᔾ ᒐ ᐊᑲ ᒋ ᐳᓂᔨᓐ ᐊ ᑕᑈᑎᒥᓐ᙮ ᐃᔅᐱ ᒪᒃ ᒋ ᑯᒂᒋᐃᔅᒐ ᒥᒋᒥᓂᑐᐤ ᒥᓐ ᒪᒃ ᑲᐤ ᒐ ᐸᒋ ᓇᓯᔨᓐ ᒐ ᐊᔨᒋᑲᐳᐃᑥᐤ ᒋᐧᑲᓂᓯᒡ ᑕᑈᑎᒧᐅᓂᒡ ᐃᔅ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:13

ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᔭᒄ ᐊᔅᐸᔨᒧᐅᓐ ᐊᐅᑯᓐ ᐊᓐ ᓇᑐᑎᒧᐅᒄ ᓇᔅᒡ ᒐᒋ ᒥᔽᔨᑎᒥᐃᑕᒄ ᑭᔭ ᒐᒋ ᒋᔭᒪᔨᑎᒺᒄ ᐊ ᑕᑈᔭᔨᒪᒄ᙮ ᑭᔭ ᑲ ᐸᔭᒋᓯᑦ ᐊᒐᐧᒄ ᐅᓱᒐᔨᑕᑯᓱᐅᓐ ᒐᒋ ᑐᑕᑯᔭᒄ ᐊᑐᐎᔅ ᒐᒋ ᐊᔅᐸᔨᒧᑐᑕᐛᒄ ᒋᓴᒪᓂᑐᐤ᙮

1 ᑯᕆᓐᑎᔭᓇ 14:1

ᓴᒋᐃᐛᐅᓂᒡ ᒪᐅᒡ ᒋᐸ ᐃᓯ ᐊᒋᔅᑕᓱᓇᐛᐤ ᒐᒋ ᐃᓯ ᐱᒪᑎᓯᔭᒄ᙮ ᓱᒃ ᐱᑯᓴᔨᑎᒧᒄ ᐊᒐᐧᒄ ᒥᔨᐛᐅᓇ ᒐᒋ ᐊᔭᔭᒄ᙮ ᐊᓐ ᒪᒃ ᒥᔨᐛᐅᓐ ᒪᐅᒡ ᒋᐸ ᓂᑐᐛᔨᑕᓇᐛᐤ ᐊᐅᒄ ᒐᒋ ᒋᔅᒋᐛᐃᒐᔭᒄ᙮

1 ᑯᕆᓐᑎᔭᓇ 16:14

ᓄᑯᑕᒄ ᒋᓴᒋᐃᐛᐅᓄᐛᐤ ᒥᓯᐛ ᒐᒂᓐ ᐊ ᐃᑐᑎᒪᒄ᙮

1 ᑯᕆᓐᑎᔭᓇ 3:14

ᐊᑯ ᒪᒃ ᐊᓂᔭ ᑕᓐ ᑲ ᐃᓯ ᐊᑐᔅᑯᐛᒂ ᐊᐛᓐ ᐅᑎᐸᔨᒋᒐᐛ ᐊᑲ ᓂᓱᐅᓇᑎᓂᔨᒐ, ᒋᑭ ᒥᔭᑭᓄᐤ ᐅᑎᐸᐊᒪᑯᓯᐅᓐ᙮

1 ᑯᕆᓐᑎᔭᓇ 8:1

ᐊᑯ ᒪᒃ ᒐ ᐊᔨᒧᑎᒪᑎᑯᒡ ᑕᓐ ᒋᐸ ᐃᓯ ᑭᓄᐛᐸᑕᑭᓄᐤ ᒥᒋᒻ ᒥᓂᑐᐧᑲᓐᒡ ᐊᒋ ᐱᔅᑎᓂᒧᐛᑭᓄᐎᒡ᙮ ᐃᓇᓄᐤ ᒥᓯᐛ ᐊᐛᓐ ᐊ ᐊᔭᑦ ᒋᔅᒐᔨᑎᒧᐅᓂᔪᐤ᙮ ᐃᑐᑕᑯᐤ ᒪᒃ ᐊᐛᓐ ᒋᔅᒐᔨᑎᒧᐅᓂᔪᐤ ᒋᒋᐛ ᒐᒋ ᐃᑕᔨᒥᓱᑦ᙮ ᒥᒄ ᒪᒃ ᐊᐛᓐ ᑲ ᐊᔭᑦ ᓴᒋᐃᐛᐅᓂᔪᐤ ᐃᑐᑐᐛᐤ ᑯᑎᑲ ᐊᐛᔪᐛ ᒐᒋ ᓱᒋᑲᐳᔨᒋ᙮

1 ᑯᕆᓐᑎᔭᓇ 8:3

ᐊᓐ ᐊᐛᓐ ᑲ ᓴᒋᐊᑦ ᒋᓴᒪᓂᑐᐛ ᐊᐅᒄ ᐅ ᒐᔅᒐᔨᒥᑯᑦ ᒋᓴᒪᓂᑐᐛ᙮

2 ᑯᕆᓐᑎᔭᓇ 5:10

ᐛᔅ ᒥᓯᐛ ᐸᐸᐃᒄ ᐊ ᑎᓯᔭᐧᒄ ᒋᑭ ᐅᑎᔅᑯᑲᐳᔅᑐᐛᓄᐤ ᙭ ᐊᓐᑕ ᐊ ᐱᑦ ᒐᒋ ᑎᐸᔅᑯᓂᑕᐧᒄ ᐊᑯ ᒪᒃ ᒥᓯᐛ ᐸᐸᐃᒄ ᒐ ᒥᔨᑕᐧᒄ ᑕᓐ ᐊᓐ ᐊ ᐃᑕᔨᑕᒂᒡ ᒐᒋ ᒥᔨᑯᐛᐅᐧᑯᐱᓇ ᒥᒄ ᑕᓐ ᑲ ᐃᑐᐛᐛᒂ ᒪᒂᒡ ᐅᑕ ᐊᔅᒋᒡ ᑲ ᐱᒪᑎᓯᔭᐧᒄ, ᑲ ᒥᔪ ᐃᑐᐛᐛᒂ ᑭᔭ ᒪᒃ ᐊᑲ ᐅᒋ ᒥᔪ ᐃᑐᐛᐛᒂ᙮

2 ᑯᕆᓐᑎᔭᓇ 5:15

ᒥᓯᐛ ᐊᐛᔪᐛ ᒋ ᓂᐱᔅᑎᒧᐛᐤ ᙭᙮ ᐊᑯᑕ ᒪᒃ ᐛᒋ ᐱᑯᓴᔨᑕᒂᒡ ᐊᓐᒡ ᑲ ᐱᒪᑎᓯᒡ ᐊᑲ ᐊᑯ ᒥᒄ ᐎᔨᐛᐤ ᐊ ᐃᓯ ᓇᐊᔨᑕᒡ ᒐᒋ ᐃᓯ ᐱᒪᑎᓯᒡ ᒪᒃ ᒐᒋ ᐱᒪᑎᓯᒡ ᒐᒋ ᓇᐊᔨᑎᒥᐊᒡ ᐊᓂᔭᔪᐛ ᑲ ᓂᐸᐊᑭᓄᔨᒋ ᑭᔭ ᑲ ᐅᓂᔅᑲᓇᑭᓄᔨᒋ ᓂᐳᐅᓂᒡ ᐅᒡ᙮

ᑲᓚᓯᔭᓇ 5:6

ᓇᒪ ᐅᔭᔅ ᐊᓐ ᒐᔅᒋᓄᐛᒋᓱᑯᐛᒐ ᑭᔭ ᒪᒃ ᐊᑲ ᒐᔅᒋᓄᐛᒋᓱᑯᐛᒐ ᐊ ᐎᒐᐎᒋᑦ ᒋᓴᔅ ᙭᙮ ᐊᓐ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓴᒋᐃᑐᔭᐧᒄ ᐊ ᑕᑈᔭᔨᒪᒄ᙮

ᐱᓕᐱᔭᓇ 1:9

ᒋᑦ ᐊᔭᒥᐊᔅᑎᒪᑎᓇᐛᐤ ᐊᐛᓯᑕ ᒐᒋ ᐊᑎ ᓴᒋᐃᑐᔭᒄ, ᑭᔭ ᐊᐛᓯᑕ ᒐᒋ ᐊᑎ ᑭᒐᑕᐛᔨᑎᒪᒄ ᑭᔭ ᐊᐛᓯᑕ ᒐᒋ ᒥᔪ ᑭᒐᔅᒐᔨᑎᒪᒄ ᒐᒂᓐ᙮

ᑯᓚᓯᔭᓇ 1:27

ᒋᓴᒪᓂᑐᐤ ᒪᒃ ᒋ ᐃᑕᔨᑎᒥᐃᑯᐤ ᒐᒋ ᒋᔅᒐᔨᑎᒥᔨᒋ ᐊᑯ ᐅᑦ ᐃᔨᒪ ᐊᓂᔭ ᐊᑲ ᐅᒋ ᒋᔅᒐᔨᑎᒪᐊᑦ ᐊᓐᑕ ᐅᑕᒡ᙮ ᐊᔪᐛᒡ ᒪᒃ ᒪᒥᔅᑲᑕᔨᑕᑯᓂᔪᐤ ᐅᔭ ᐛ ᐃᓯ ᒋᔅᒐᔨᑎᒪᐊᑦ ᒥᓯᐛ ᐊᐛᔪᐛ᙮ ᐊᓐ ᒪᒃ ᐊᑲ ᓂᑕ ᐅᒋ ᐸᒋ ᒋᔅᒐᔨᑕᑭᓄᐅᒡ ᐊᐅᒄ ᙭ ᐊ ᐱᒋᔅᑲᑕᒄ ᒋᑕᐃᐛᒡ ᐛᔅ ᐊᑯᑕ ᐛᒋ ᒐᔅᑎᓇᑕᔨᑎᒥᐃᑯᔭᒄ ᑕᑈ ᒐ ᐅᑎᑎᒪᒄ ᒥᓯᐛ ᑕᓐ ᐊ ᐃᓯ ᒥᔪ ᐊᔭᔅᑯᔅᑎᒪᑕᒄ ᒋᓴᒪᓂᑐᐤ᙮

ᑯᓚᓯᔭᓇ 1:5

ᐊᓐᑕ ᐅᔅᑭᒡ ᑲ ᐛᐎᑎᒪᑯᐅᔭᒄ ᒥᔽᒋᒧᐅᓐ, ᐅ ᑕᑈᐅ ᐃᔨᒧᐅᓐ ᑲ ᐃᓯᓂᐧᑲᑕᒡ, ᐊᑯᑕ ᑲ ᐸᑎᒪᒄ ᑕᓐ ᐊ ᐃᓯ ᑎᒂᒡ ᐊᔅᐸᔨᒧᐅᓂᒡ᙮ ᐊᑯ ᒪᒃ ᐊᔅᐸᔨᒧᐅᓐ ᐊᔭᔭᒄ ᐊᑯᑕ ᐛᒋ ᐃᓯᓇᒂᒡ ᒐᒋ ᑕᑈᔭᔨᒪᒄ ᙭ ᑭᔭ ᒐᒋ ᓴᒋᐃᐛᔭᒄ᙮ ᐅ ᒪᒃ ᑕᓐ ᐊ ᐃᓯ ᐊᔅᐸᔨᒧᔭᒄ ᒋᒋᒋᓯᑯᒡ ᑭᓄᐛᔨᑕᑭᓄᐤ᙮

ᑯᓚᓯᔭᓇ 3:14

ᒪᐅ ᓇᔅᒡ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓴᒋᐃᑐᔭᒄ᙮ ᓴᒋᐃᑐᔭᒂ ᒥᓯᐛ ᒋᑭ ᒥᔪ ᐎᒐᐅᑐᓇᐛᐤ᙮

1 ᑕᓴᓗᓂᔭᓇ 1:3

ᓂ ᒋᔅᒋᓯᓇᓐ ᐊ ᐃᔨᒥᐃᒋᒡ ᒋᓴᒪᓂᑐᐤ ᑕᓐ ᐊ ᐃᓯ ᒥᔪ ᐊᑐᔅᑲᑐᔭᒄ ᐊ ᑕᑈᔭᔨᒪᒄ ᐅᑎᐸᔨᒋᒐᐤ᙮ ᓂ ᒋᔅᒋᓯᓇᓐ ᑕᓐ ᐊ ᐃᓯ ᒥᔪ ᐊᐱᑎᓯᔭᒄ ᐊ ᓴᒋᐊᒄ ᒋᓴᔅ᙮ ᓂ ᒋᔅᒋᓯᓇᓐ ᑭᔭ ᑕᓐ ᐊ ᐃᓯ ᓱᒋᑲᐳᐅᔭᒄ ᐊ ᐊᔅᐸᔨᒧᑐᑐᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

1 ᑕᓴᓗᓂᔭᓇ 5:8

ᐊᑯ ᒪᒃ ᒧᔭᒻ ᐊᓐᑕ ᐛᔅᑕᐅᓂᒡ ᐊ ᑕᔭᐧᒄ ᐊ ᐃᓯᓇᑯᓯᔭᐧᒄ ᑯᐃᔅᒄ ᒋᐸ ᐎ ᐃᓯ ᒪᒥᑐᓇᔨᑕᓇᓄᐤ᙮ ᐊᑯ ᒪᒃ ᒋᐸ ᐳᔅᑎᔅᑲᓇᓄᐤ ᒥᔅᑲᔅᒋᑭᓇᐱᔅᒄ ᐊᓐ ᒐ ᓇᑲᐊᒪᓱᐛᒐᔭᐧᒄ᙮ ᐅ ᒪᒃ ᒥᔅᑲᔅᒋᑭᓇᐱᔅᒄ ᐊᐅᒄ ᐊᓐ ᓴᒋᐃᐛᐅᓐ ᑭᔭ ᑕᑈᑎᒧᐅᓐ᙮ ᐃᓴᒄ ᐊᑯᓂᔎᐅᓐ ᑭᔭ ᒋᐸ ᐳᔅᑎᔅᑲᓇᓄᐤ᙮ ᐊᐅᒄ ᐊᔅᐸᔨᒧᐅᓐ ᒐ ᐱᒪᒋᐅᔭᐧᒄ᙮

1 ᑎᒧᑎ 1:5

ᐛᔅ ᐅᔭ ᐃᑎᓱᒥᑥᐛ ᐊᑯᑕ ᒐᒋ ᐅᒋ ᓴᒋᐊᒡ ᐊᐛᔪᐛ ᐊ ᐸᔭᐧᑭᓂᔨᒋ ᐅᑕᐃᐛᐛ ᑭᔭ ᐊ ᒋᔅᒐᔨᑕᒡ ᑯᐃᔅᒄ ᐊᒋ ᐃᑎᒡ ᑭᔭ ᐊ ᓱᒐᔨᑕᑯᓂᔨᒡ ᐅᑕᑈᑎᒧᐅᓄᐛᐤ᙮ ᐛᔅ ᐅ ᐃᓯ ᓂᓇᑭᑐᐛᔨᑎᒥᐃᑯᔨᓇ ᒐᒋ ᐃᓯ ᐎᑎᒧᐅᑥᐤ ᐊᑯᑕ ᒐᒋ ᐅᒋ ᓇᔅᒡ ᓴᒋᐊᒡ ᐊᐛᔪᐛ ᐅᑕᐃᐛᒡ᙮

2 ᑎᒧᑎ 1:7

ᐛᔅ ᐊᓂᔭ ᐊᒐᒂ ᒋᓴᒪᓂᑐᐤ ᑲ ᒥᔨᑕᐧᒄ ᐊᐅᒄ ᐊᓐ ᒐ ᐎᒋᐃᑕᐧᒄ ᒐ ᐊᑲ ᒋ ᑯᔅᑕᒋᔭᐧᒄ᙮ ᓱᐧᑲᑎᓯᐅᓂᔪᐤ ᒋ ᒥᔨᑯᓄᐤ ᐅ ᐊᒐᐧᒄ, ᑭᔭ ᓴᒋᐃᐛᐅᓂᔪᐤ ᑭᔭ ᒋ ᐎᒋᐃᑯᓄᐤ ᒐᒋ ᓂᓇᑭᑐᐛᔨᑎᒪᐧᒄ ᑕᓐ ᐊ ᐃᑎᔭᐧᒄ᙮

ᐃᑉᕈᐛ 10:35

ᐊᑲᐎᔾ ᐳᓂᒄ ᐊ ᑕᑈᑎᒪᒄ ᐛᔅ ᐊᑯᑕ ᒐ ᐅᒋ ᐊᔭᔭᒄ ᐊ ᐛᔪᑎᒡ ᑎᐸᐊᒪᑯᓯᐅᓐ᙮

ᐃᑉᕈᐛ 10:39

ᓇᒪᔭᐅᒡ ᒪᒃ ᒋᔭᓄᐤ ᐊᐛᓐᒋ ᑲ ᒋᐛᑲᐳᐅᒡ ᑭᔭ ᑲ ᐅᓇᓯᓂᒡ᙮ ᒋ ᑕᑈᑕᓇᓄᐤ ᒋᔭᓄᐤ ᑭᔭ ᒋ ᐱᒪᒋᐅᓇᓄᐤ᙮

ᐃᑉᕈᐛ 6:11

ᒋ ᐱᑯᓴᔨᒥᑎᓇᓐ ᒥᓯᐛ ᒧᓯᓇᐤ ᒐᒋ ᒥᔪᑐᑎᒪᒄ ᐱᐃᒻ ᐊᑎ ᐃᔎᐱᔨᒂᐛ ᒋᐱᒪᑎᓯᐅᓄᐛᐛ᙮ ᐊᑯ ᒪᒃ ᒐ ᒐᔅᑎᓇᐅᔭᒄ ᑕᑈ ᒐ ᒥᔨᑕᒄ ᒋᓴᒪᓂᑐᐤ ᒥᓯᐛ ᑕᓐ ᐛ ᐃᓯ ᒥᔨᑕᒄ᙮

ᐃᑉᕈᐛ 6:19

ᐊ ᒐᔅᑎᓇᑕᔨᑎᒪᐧᒄ ᒪᒃ ᐅᔭ ᑲ ᐃᓯ ᓇᔅᐱᒡ ᑕᑈᑦ ᒋᓴᒪᓂᑐᐤ ᒐ ᐃᓯ ᐃᑐᑎᒪᑕᐧᒄ ᒧᔭᒻ ᐊ ᐃᑕᐱᑎᓯᑦ ᐳᓂᓯᓇᐸᒋᑭᓐ ᒐᒋ ᔭᐃᑎᑯᑎᒡ ᐅᐤᑦ ᐃᓯᓇᑯᓐ᙮ ᐊᓐ ᒪᒃ ᐊᐛᓐ ᑲ ᒐᔅᑎᓇᑕᔨᒪᐧᒄ ᐊᐅᒄ ᐊᓐ ᐸᒐᑦ ᐊᓐᑕ ᐊᓂᔭ ᑲ ᐊᑯᐛᑲᐃᑭᓄᐎᒡ ᒪᐅᒡ ᑲ ᐸᔭᒋᓯᒥᑲᒡ ᐊ ᐃᓯᓂᐧᑲᑕᔨᒡ ᐊᓐᑕ ᒋᒋᒋᓯᑯᒡ ᐊ ᑎᑯᓂᔨᒡ ᐊᔭᒥᐊᐅᒋᐛᐱᔪᐤ᙮

1 ᐱᑕᕐ 1:21

ᐊᑯ ᒪᒃ ᑎᔭᑈᔭᔨᒪᒄ ᒋᓴᒪᓂᑐᐤ ᐊᓂᔭᔪᐤ ᐅᒋ ᑕᓐ ᑲ ᐃᓯ ᐃᑐᑎᒪᑕᒄ ᙭, ᐛᔅ ᒋᓴᒪᓂᑐᐤ ᒋ ᐅᓂᔅᑲᓇᐤ ᙭ᑕ ᓂᐳᐅᓂᒡ ᐅᒋ ᑭᔭ ᒋ ᒋᔅᑕᔨᑕᑯᐊᐤ᙮ ᐊᐅᑯᓐ ᒪᒃ ᐛᒋ ᑕᑈᔭᔨᒪᒄ ᒋᓴᒪᓂᑐᐤ ᑭᔭ ᐊᐅᑯᓐ ᐛᒋ ᐊᔅᐸᔨᒧᑐᑐᐛᒄ᙮

1 ᒠᓐ 2:10

ᐊᓐ ᐊᐛᓐ ᑕᑈ ᑲ ᓴᒋᐊᑦ ᐎᐧᑲᓂᓴ, ᐊᐅᒄ ᒧᔅ ᐛᔅᑕᐅᓂᒡ ᐊ ᑕᑦ᙮ ᓇᒪ ᑎᑯᓂᔪᐤ ᒐᒂᔪᐤ ᐊᓐᑕ ᐊ ᑕᑦ ᒐᒋ ᐸᒋᓯᒧᐛᔨᒡ᙮

1 ᒠᓐ 2:14

ᒋ ᒥᓯᓇᐊᒪᑎᓇᐛᐤ ᐅᑕᐎᒪᑐᒄ, ᐊ ᒋᔅᒐᔨᒪᒄ ᐊᓐ ᓴᔅ ᐊᒋ ᑕᑦ ᐊᑎ ᐊᔅᒄ ᐊᑲ ᓇᔅᒡ ᒐᒂᔪᐤ ᐅᒋ ᐅᓯᑕᑭᓄᔨᒡ᙮ ᒋ ᒥᓯᓇᐊᒪᑎᓇᐛᐤ ᐅᔅᒋᓂᒋᓯᑐᒄ, ᐛᔅ ᒋ ᓱᒋᑲᐳᓇᐛᐤ, ᒋᓴᒪᓂᑐᐤ ᐅᑦ ᐃᔨᒧᐅᓐ ᐊ ᐱᒋᔅᑲᑯᔭᒄ, ᑭᔭ ᐊᒋ ᓴᐧᑯᒋᐊᒄ ᒥᒋᒥᓂᑐᐤ᙮

1 ᒠᓐ 2:24

ᐃᔭᒂᒥᒄ ᒪᒃ ᒧᔅ ᒐᒋ ᑭᓄᐛᔨᑎᒪᒄ ᐊᓐ ᓂᔅᑎᒻ ᑲ ᐃᓯ ᐸᑎᒪᒄ ᐅᔅᑭᒡ ᑲ ᑕᑈᔭᔨᒪᒄ ᒋᓴᔅ᙮ ᒧᔅ ᑭᓄᐛᔨᑎᒪᒂ ᐅ ᓂᔅᑎᒻ ᑲ ᐃᓯ ᐸᑎᒪᒄ, ᒧᔅ ᒋᑭ ᐎᒐᐛᐛᐤ ᐅᑯᓯᓯᒪᐤ ᑭᔭ ᐅᑕᐎᒪᐤ᙮

1 ᒠᓐ 3:3

ᒥᓯᐛ ᒪᒃ ᐊᐛᓐ ᐅᔭᔪᐤ ᑲ ᐃᓯ ᐊᔅᐸᔨᒧᑦ, ᓂᓇᑭᑐᐛᔨᒥᓱᐤ ᒐᒋ ᐸᔭᒋᓯᑦ ᒧᔭᒻ ᙭ᑕ ᐊ ᐃᓯ ᐸᔭᒋᓯᔨᒋ᙮

1 ᒠᓐ 3:9

ᐊᓐ ᐊᐛᓐ ᒋᓴᒪᓂᑐᐛ ᑲ ᐱᒪᒋᐃᑯᑦ, ᐳᓂᐤ ᐊ ᒥᒋᑐᑕᐧᒃ᙮ ᐛᔅ ᒋᓴᒪᓂᑐᐛ ᐃᑐᑕᑯᐤ ᒐᒋ ᐃᑕᔨᑕᑯᓯᑦ ᒋᓴᒪᓂᑐᐛ ᐊ ᐃᑕᔨᑕᑯᓯᔨᒋ᙮ ᓇᒪ ᒪᒃ ᒋ ᒥᒋᑐᑎᒻ ᒋᓴᒪᓂᑐᐛ ᐊᒋ ᐱᒪᒋᐃᑯᑦ᙮