1 ᑯᕆᓐᑎᔭᓇ 13:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐊᑎ ᒥᔨᑯᐅᔭᓐ ᒐᒋ ᐃᓯ ᐃᔨᒥᔭᓐ ᐊ ᐃᓯ ᐃᔨᒥᒡ ᑯᑎᑭᒡ ᐊᐛᓐᒋ ᑭᔭ ᐊ ᐃᓯ ᐃᔨᒥᒡ ᐊᓐᒋᓐᒡ, ᐊᑲ ᒪᒃ ᐊᔭᔭᓐ ᓴᒋᐃᐛᐅᓐ ᓇᒪᐎᔾ ᒐᒂᓐ ᒋᐸ ᐅᒋ ᐃᑕᐱᑎᓐ ᐊᓐ ᑲ ᐃᓯ ᒥᔨᑯᐅᔭᓐ ᒐᒋ ᐃᓯ ᐃᔨᒥᔭᓐ ᐛᔅ ᒧᔭᒻ ᒥᒄ ᐊ ᒪᒥᑥᔭᐱᔅᑲᐃᑭᓄᐅᒡ ᐃᓴᒄ ᓂᐸ ᐃᑎᑕᑯᓯᓐ᙮

1 ᑯᕆᓐᑎᔭᓇ 13:1 Iomraidhean Croise

ᑎᐱᑦ ᐅᓂᑭᒧᐅᓇ 150:5

ᒪᒥᒋᒥᐧᒄ ᒋᑐ ᐛᔭᐱᔅᑲᐃᑭᓂᒡ: ᒪᒥᒋᒥᐧᒄ ᒋᔄᐛ ᒋᑐ ᐛᔭᐱᔅᑲᐃᑭᓂᒡ᙮

ᒪᑎᔪᐤ 25:45

ᐊᑯ ᒪᒃ ᒐ ᐃᑎᑯᒡ ᐅᑎᐸᔨᒋᒐᐛ, ‘ᑕᑈ ᒋ ᐎᑎᒪᑎᓇᐛᐤ ᐊᓐ ᐊᑲ ᐅᒋ ᐎᒋᐊᒄ ᐸᐃᒄ ᓂᐧᑲᓂᔅ ᐊᓐ ᐊᑲ ᓇᔅᒡ ᐊᐱᑕᔨᑕᑯᔅᑦ ᑲ ᐃᑕᔨᒪᑭᓄᐅᑦ, ᓂᔾ ᑭᔭ ᓇᒪ ᒋ ᐅᒋ ᐎᒋᐃᓇᐛᐤ᙮’

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:17

ᑲ ᑕᑈᑕᒡ ᒋᑭ ᒥᔭᑭᓄᐎᒡ ᓱᐧᑲᑎᓯᐅᓂᔪᐤ ᒐᒋ ᐃᑐᑕᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ᙮ ᒥᒋ ᐊᒐᒂ ᒋᑭ ᐎᐎᑎᓴᐛᐅᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ᐊᐱᒋᑕᒡ ᑭᔭ ᓂᓇᐧᑯᐤ ᐃᔨᒧᐅᓇ ᒋᑭ ᐃᓯ ᐃᔨᒧᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:15

ᐛᔅᑐᐛᔨᑎᒥᐊᐅᑕ ᒋᐧᑲᓂᔅ ᐃᔭᐱᒡ ᒥᒄ ᐊ ᐃᓯᓇᒂᒡ ᒐᒂᓐ ᐊ ᒥᒋᔨᓐ ᓇᒪ ᒋ ᓴᒋᐊᐤ ᐊᓂᔭ ᐊ ᐃᑐᐅᑦ᙮ ᐊᑲᐎᔾ ᒪᒃ ᒋᑭ ᐅᒋ ᐃᓯᓇᑯᓐ ᒋᐧᑲᓂᔅ ᒐᒋ ᓂᓱᐅᓇᑎᓯᑦ ᐊᓐ ᐊ ᐃᑎᔨᓐ ᒥᒄ ᐊ ᐃᓯᓇᒂᒡ ᒐᒂᓐ ᐊ ᒥᒋᔨᓐ, ᐛᔅ ᒋ ᓂᐱᔅᑎᒪᑯᐤ ᙭ᑕ᙮

1 ᑯᕆᓐᑎᔭᓇ 12:10

ᑯᑎᑲ ᐊᐛᔪᐛ ᓱᐧᑲᑎᓯᐅᓂᔪᐤ ᒥᔭᐤ ᒐᒋ ᒪᒥᔅᑲᒡ ᐃᑎᔨᒋ᙮ ᒥᓐ ᑯᑎᑲ ᐊᐛᔪᐛ ᒥᔭᐤ ᒐ ᒋᔅᒋᐛᐃᒐᔨᒋ᙮ ᐊᑯ ᒥᓐ ᑯᑎᑲ ᒪᔭᑦ ᓇᔅᒡ ᒐᒋ ᒐᔅᑎᓇᐅᔨᒋ ᒋᓴᒪᓂᑐᐛ ᐅᐸᔭᒋ ᐊᒐᐧᑯᔪᐛ ᐊ ᐊᑐᔅᒐᔨᒂᓂ ᒪᒃ ᒥᒋ ᐊᒐᒂ ᐊ ᐊᑐᔅᒐᔨᒂᓂ᙮ ᐊᑯ ᒥᓐ ᑯᑎᑲ ᒪᔭᑦ ᒐᒋ ᒂᔅᒋᐃᔨᒥᔨᒋ᙮ ᐊᑯ ᑯᑎᑲ ᐊᐛᔪᐛ ᒪᔭᑦ ᒐᒋ ᐱᔭᑭᔅᒋᑕᑯᑕᔨᒋ ᑕᓐ ᑲ ᐃᔅᒋᔄᔨᒋ ᐊᓂᔭᔪᐛ ᑲ ᒂᔅᒋᐃᔨᒥᔨᒋ᙮

1 ᑯᕆᓐᑎᔭᓇ 12:16

ᒪᒃ ᒥᑐᑭᔾ ᐃᔅᒋᔄᒥᑲᒡ, “ᓇᒪᔭᐤ ᓂᔾ ᒥᔅᒋᓯᒄ, ᓇᒪ ᓂ ᐅᑎᒧᓐ ᐅᑕ ᒥᔭᒡ᙮” ᐊᓐ ᒥᑐᑭᔾ ᓇᒪ ᐃᔭᐱᒡ ᒋᑭ ᐅᒋ ᐳᓂᒥᑭᓐ ᐊᓐᑕ ᒥᔭᒡ ᐊ ᐅᒋᒥᑲᒡ ᒥᒄ ᐊᓐ ᐃᔅᒋᔄᒥᑲᒐ᙮

1 ᑯᕆᓐᑎᔭᓇ 12:8

ᐊᐅᒄ ᒪᒃ ᐅ ᑲ ᐸᔭᒋᓯᑦ ᐊᒐᐧᒄ ᒪᔭᑦ ᐱᔅᒐ ᐊᐛᔪᐛ ᒐᒋ ᐛᐎᑎᒥᔨᒋ ᒋᓴᒪᓂᑐᐛ ᐅᑭᒐᑕᐛᔨᑎᒧᐅᓂᔪᐤ, ᐊᑯ ᑯᑎᑲ ᒪᔭᑦ ᒐᒋ ᐎᑎᒪᒐᔨᒋ ᑕᓐ ᐛ ᐃᓯ ᒋᔅᒐᔨᑎᒥᐊᔨᒋ ᒋᓴᒪᓂᑐᐛ ᐊᐛᔪᐛ᙮

1 ᑯᕆᓐᑎᔭᓇ 13:8

ᓇᒪ ᓂᑕ ᒋᑭ ᐅᒋ ᐃᔎᐱᔪᐤ ᓴᒋᐃᐛᐅᓐ᙮ ᑎᑯᓐ ᐛᒋᒡ ᐊ ᐃᔨᒥᔅᑎᒧᐛᑭᓄᐅᑦ ᒋᓴᒪᓂᑐᐤ ᒥᒄ ᒪᒃ ᐊᔅᒄ ᒋᑭ ᐃᔎᐱᔪᐤ ᐅ ᐊ ᐃᑎᓇᓄᐅᒡ᙮ ᑭᔭ ᒋᑭ ᐳᓂᐱᔪᐤ ᐊ ᒂᔅᒋᐃᔨᒥᓇᓄᐅᒡ᙮ ᑭᔭ ᒋᔅᒐᔨᑎᒧᐅᓐ ᒋᑭ ᐃᔎᐱᔪᐤ᙮

1 ᑯᕆᓐᑎᔭᓇ 14:2

ᐛᔅ ᐊᓐ ᐊᐛᓐ ᑲ ᒂᔅᒋᐃᔨᒥᑦ ᒋᓴᒪᓂᑐᐛ ᒥᒄ ᐃᔨᒪᐊᐤ, ᐛᔅ ᑕᐸ ᓂᔅᑐᑕᑯᐤ ᑯᑎᑲ ᐊᐛᔪᐛ ᑕᓐ ᐊ ᐃᓯ ᐃᔨᒥᑦ᙮ ᒋᓴᒪᓂᑐᐛ ᐅᑦ ᐊᒐᐧᑯᔪᐛ ᐅᒋ ᐊᔨᒧᑎᒻ ᒐᒂᔪᐛ ᐊᑲ ᐊᐛᔪᐛ ᒋᔅᒐᔨᑎᒥᔨᒋ᙮

1 ᑯᕆᓐᑎᔭᓇ 14:4

ᐊᓐ ᐊᐛᓐ ᑲ ᒂᔅᒋᐃᔨᒥᑦ ᐎᔾ ᒥᒄ ᐎᒋᐃᑯᐤ ᐊᓂᔭ᙮ ᐊᑯ ᐊᓐ ᐊᐛᓐ ᑲ ᒋᔅᒋᐛᐃᒐᑦ ᒥᓯᐛ ᐊᓂᔭᔪᐛ ᐅᒪᒧᐊᔭᒥᐊᐛ ᐊᓐᑕ ᐊ ᑕᔨᒋ ᐎᒋᐊᐤ᙮

1 ᑯᕆᓐᑎᔭᓇ 14:5

ᒥᓯᐛ ᑭᑈ ᒋ ᓂᑐᐛᔨᒥᑎᓇᐛᐤ ᒐᒋ ᒂᔅᒋᐃᔨᒥᔭᒄ᙮ ᒥᒄ ᒪᒃ ᐃᐛᒃ ᒋ ᓂᑐᐛᔨᒥᑎᓇᐛᐤ ᒐᒋ ᒋᔅᒋᐛᐃᒐᔭᒄ᙮ ᐊᐅᒄ ᐅ ᐃᐛᒃ ᐊ ᐃᑕᔨᑕᒂᒡ ᒐᒋ ᐃᓯ ᐃᔨᒥᔭᒄ ᐃᔅᐱᔅ ᐎᔾ ᒐᒋ ᒂᔅᒋᐃᔨᒥᔭᒄ᙮ ᐛᔅ ᒥᒄ ᐸᑐᔅ ᐱᔭᑭᔅᒋᑕᑯᑕᑭᓄᔨᒐ ᐊᓂᔭ ᐊ ᒂᔅᒋᐃᔨᒥᑦ ᐊᐛᓐ ᐊᑯ ᐃᔭᒄ ᒐ ᐎᒋᐃᑯᒡ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ᙮

1 ᑯᕆᓐᑎᔭᓇ 8:1

ᐊᑯ ᒪᒃ ᒐ ᐊᔨᒧᑎᒪᑎᑯᒡ ᑕᓐ ᒋᐸ ᐃᓯ ᑭᓄᐛᐸᑕᑭᓄᐤ ᒥᒋᒻ ᒥᓂᑐᐧᑲᓐᒡ ᐊᒋ ᐱᔅᑎᓂᒧᐛᑭᓄᐎᒡ᙮ ᐃᓇᓄᐤ ᒥᓯᐛ ᐊᐛᓐ ᐊ ᐊᔭᑦ ᒋᔅᒐᔨᑎᒧᐅᓂᔪᐤ᙮ ᐃᑐᑕᑯᐤ ᒪᒃ ᐊᐛᓐ ᒋᔅᒐᔨᑎᒧᐅᓂᔪᐤ ᒋᒋᐛ ᒐᒋ ᐃᑕᔨᒥᓱᑦ᙮ ᒥᒄ ᒪᒃ ᐊᐛᓐ ᑲ ᐊᔭᑦ ᓴᒋᐃᐛᐅᓂᔪᐤ ᐃᑐᑐᐛᐤ ᑯᑎᑲ ᐊᐛᔪᐛ ᒐᒋ ᓱᒋᑲᐳᔨᒋ᙮

2 ᑯᕆᓐᑎᔭᓇ 12:4

ᐊᑯᑕ ᑲ ᐸᑕᐧᒃ ᐃᔅᒋᔄᐅᓇ ᐊᑲ ᑭᔅᒋᐅᐱᔨᒡ ᒧᒡ ᒐᒋ ᐎᑕᑭᓄᐅᒋ ᑭᔭ ᐊᑲ ᐱᔅᑎᓂᑭᓄᐅᒋ ᒐᒋ ᐎᑕᑭᓄᐅᒋ᙮

ᑲᓚᓯᔭᓇ 5:22

ᐊᑯ ᒪᒃ ᐊᓐᒡ ᑲ ᐸᔭᒋᓯᔨᒋ ᐊᒐᒂ ᑲ ᐱᔅᑎᓂᒧᐛᒡ ᒐᒋ ᑎᐸᔨᑎᒥᔨᒋ ᐊ ᐃᓯ ᐱᒪᑎᓯᒡ ᑭᔭ ᐎᔨᐛᐤ ᒋᐧᑲᓇᑯᓂᔪᐤ ᑕᓐ ᐊᓐ ᐊ ᐃᓯ ᐱᒪᑎᓯᒡ᙮ ᓴᒋᐃᐛᐅᒡ, ᒧᒋᒐᔨᑎᒧᒡ, ᒋᔭᒪᔨᑕᑯᓱᐅᒡ, ᓯᐱᔪᐛᓱᐅᒡ, ᒥᔽᔨᑕᑯᓱᐅᒡ, ᒥᔪᑐᑎᒧᒡ, ᑕᑈᐅᒐᔨᑕᑯᓱᐅᒡ,

ᑲᓚᓯᔭᓇ 5:6

ᓇᒪ ᐅᔭᔅ ᐊᓐ ᒐᔅᒋᓄᐛᒋᓱᑯᐛᒐ ᑭᔭ ᒪᒃ ᐊᑲ ᒐᔅᒋᓄᐛᒋᓱᑯᐛᒐ ᐊ ᐎᒐᐎᒋᑦ ᒋᓴᔅ ᙭᙮ ᐊᓐ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓴᒋᐃᑐᔭᐧᒄ ᐊ ᑕᑈᔭᔨᒪᒄ᙮

1 ᑎᒧᑎ 1:5

ᐛᔅ ᐅᔭ ᐃᑎᓱᒥᑥᐛ ᐊᑯᑕ ᒐᒋ ᐅᒋ ᓴᒋᐊᒡ ᐊᐛᔪᐛ ᐊ ᐸᔭᐧᑭᓂᔨᒋ ᐅᑕᐃᐛᐛ ᑭᔭ ᐊ ᒋᔅᒐᔨᑕᒡ ᑯᐃᔅᒄ ᐊᒋ ᐃᑎᒡ ᑭᔭ ᐊ ᓱᒐᔨᑕᑯᓂᔨᒡ ᐅᑕᑈᑎᒧᐅᓄᐛᐤ᙮ ᐛᔅ ᐅ ᐃᓯ ᓂᓇᑭᑐᐛᔨᑎᒥᐃᑯᔨᓇ ᒐᒋ ᐃᓯ ᐎᑎᒧᐅᑥᐤ ᐊᑯᑕ ᒐᒋ ᐅᒋ ᓇᔅᒡ ᓴᒋᐊᒡ ᐊᐛᔪᐛ ᐅᑕᐃᐛᒡ᙮

1 ᐱᑕᕐ 4:8

ᒪᐅᒡ ᒪᒃ ᐊ ᐃᑕᔨᑕᒂᒡ ᐊᐅᒄ ᐅ ᒋᒋᐛ ᒐᒋ ᓴᒋᐃᑐᔭᒄ ᒥᓯᐛ ᐊ ᑎᓯᔭᒄ, ᐛᔅ ᓴᒋᐃᐛᐅᓐ ᐛᐸᔨᑎᒧᒥᑭᓐ ᒥᒐᑦ ᒥᒋᑥᐅᓇ᙮

2 ᐱᑕᕐ 2:18

ᐛᔅ ᓇᔅᒡ ᑕᑈ ᒋᔅᑕᒋᒥᓱᐅᒡ ᑭᔭ ᒋᔎ ᐊᔨᒥᐅᒡ᙮ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒋ ᒪᒃ ᐎᔭᓱᐤ ᐱᒪᑎᓯᐅᓂᔪᐤ, ᐊᑯᑕ ᐊᓯᐃᐅᒡ ᒐᒋ ᑲᔅᑎᓇᒡ ᐊᓂᔭ ᐊᐛᔪᐛ ᐊᓄᒡ ᑲ ᐅᒋ ᐎᐧᑯᒋᐅᔨᒋ ᐊᓐᑕ ᐊ ᐛᓂᐱᔨᓇᓄᐎᒡ ᐊᒋ ᐃᓯ ᐎᒋᐃᐛᔨᒋ᙮

ᒋᔅᒐᔨᑕᑯᑕᒐᐅᓐ 14:2

ᐊᑯ ᒂ ᐸᑎᒪᓐ ᐸᑕᑯᓱᐅᓐ ᒋᒋᒋᓯᑯᒡ ᐊ ᐅᒋ ᐃᔨᒥᑦ ᐊᐛᓐ ᒧᔭᒻ ᓂᐱᔾ ᐊ ᒥᔅᑎ ᑭᔅᒋ ᐸᒋᑎᒡ ᐊ ᐃᑎᑕᒂᒡ ᑭᔭ ᒧᔭᒻ ᓂᒥᔅᒍᐅᒡ ᐊ ᒋᔅᑐᒡ ᐊ ᐃᑎᑕᒂᒡ᙮ ᐊᓐ ᐸᑕᑯᓱᐅᓐ ᑲ ᐸᑎᒪᓐ, ᒧᔭᒻ ᐊ ᐃᑎᑕᑯᓂᔨᒡ ᐊᐛᓐᒋ ᐊ ᒪᑐᐛᒡ ᐊᓂᔭᔪᐛ ᑲ ᒥᔪᑕᑯᓂᔨᒋ ᐊᔭᒥᐊᐤ ᒋᔍᐛᐱᒋᑭᓇ, ᐊᑯᓐ ᑲ ᐃᑎᑕᒂᒡ᙮