1 ᑯᕆᓐᑎᔭᓇ 12:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᓇᒪ ᒪᒃ ᐊᓐᑕ ᐃᓯᓇᑯᓐ᙮ ᒋᓴᒪᓂᑐᐤ ᒥᓯᐛ ᒋ ᐅᓯᑕᐤ ᑕᓐ ᓂᓇᐧᑯᐤ ᐊ ᐃᓯ ᐱᔅᒐᓯᒥᑭᓂᔨᒡ ᒥᔭᔪᐤ᙮ ᑭᔭ ᐎᔾ ᒥᓯᐛ ᒋ ᐎᔭᔨᑎᒻ ᑕᓐ ᒐ ᐃᓯ ᐱᔅᒐᓯᒥᑭᓂᔨᒡ ᒥᔭᔪᐤ ᑭᔭ ᑕᓐᑕ ᒐ ᐊᑎ ᒋᑭᒧᔨᒋ ᐱᔅᒐᓯᐅᓇ᙮

1 ᑯᕆᓐᑎᔭᓇ 12:18 Iomraidhean Croise

ᑎᐱᑦ ᐅᓂᑭᒧᐅᓇ 110:3

ᒋᑦ ᐃᔨᒥᒡ ᒋᑭ ᓇᐊᔨᑎᒧᒡ ᑲᔅᒋᐅᐎ ᒋᓯᑲᒥᒡ, ᐊ ᒥᔪᓇᑯᐃᑯᒡ ᐸᔭᒋᓯᐅᓂᔪᐤ, ᐊᐛᔅᑕ ᐃᔅᐱᔅ ᐊ ᒐᒋᓴᐸᔭᒡ: ᒋᑦ ᐊᔭᓐ ᐊ ᐊᑯᓯᐸᔭᒡ ᒋᑦ ᐅᔅᒋᓂᒋᐅᓐ᙮

ᑎᐱᑦ ᐅᓂᑭᒧᐅᓇ 135:6

ᐊ ᐃᓯ ᒥᔽᔨᑕᐧᒃ ᑎᐸᔨᒋᒐᓱᐤ, ᐊᔪᐅᒄ ᑲ ᐃᑐᑕᐧᒃ ᒋᒋᒋᓯᑯᒡ ᑭᔭ ᐊᔅᒋᒡ, ᑭᔭ ᐎᓂᐸᑯᒡ, ᑭᔭ ᒥᓯᐛ ᐊ ᒋᔅᑲᔪᐛᔨᒡ

ᓗᒃ 10:21

ᐊᑯᑕ ᒪᒃ ᒋᓴᔅ ᓇᔅᒡ ᑕᑈ ᑲ ᒧᒋᒐᔨᑎᒥᔅᑲᑯᑦ ᑲ ᐸᔭᒋᓯᔨᒋ ᐊᒐᒂ᙮ ᒋ ᐃᔅᒋᔄᐤ ᒪᒃ, “ᓄᑕ, ᒋᔾ ᑲ ᑎᐸᔨᑎᒥᓐ ᒋᒋᒋᓯᒄ ᑭᔭ ᐊᔅᒋᔾ ᒋ ᓂᓇᔅᑯᒥᑎᓐ, ᐛᔅ ᒋᓂᑲᐊᒧᐛᐅᒡ ᐊᓐᒡ ᑲ ᑭᒐᑕᐛᔨᑕᒡ ᒐ ᐊᑲ ᒋ ᓂᔅᑐᑎᒧᐛᒂ ᐅᔭ ᒐᒂᔪᐤ᙮ ᐊᑯ ᐊᓐᒡ ᐊᑲ ᓇᔅᒡ ᑲ ᑭᒐᑕᐛᔨᑕᒡ ᔅᒋ ᐃᑐᑐᐛᐅᒡ ᐎᔨᐛᐤ ᒐᒋ ᓂᔅᑐᑕᒡ᙮ ᓂᐦᐃ, ᓄᑕ ᐊᐅᑯᓐ ᐅ ᑲ ᐃᓯ ᓇᐊᔨᑎᒥᐃᑯᔨᓐ ᒐᒋ ᐃᑐᑎᒥᓐ᙮”

ᓗᒃ 12:32

“ᐊᑲᐎᔾ ᓴᒋᓯᒄ, ᐊᑎ ᐊᑲ ᒥᒐᑎᔭᒄ, ᐛᔅ ᒍᑕᐎᐛᐤ ᒋᒋᒋᓯᑯᒡ ᐊ ᑕᑦ ᓇᔅᒡ ᑕᑈ ᓇᐊᔨᑎᒥᐃᑯᐤ ᒐᒋ ᒥᔨᑕᒄ ᐅᒋᓴᐅᒋᒪᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:3

ᒋᓴᒪᓂᑐᐤ ᓂᒋ ᒋᓴᐛᑐᑕᒄ ᐊᒋ ᒥᔨᑦ ᒐᒋ ᐊᑐᔅᑯᐅᒄ᙮ ᐊᐅᒄ ᒪᒃ ᐛᒋ ᐃᑎᑎᑯᒡ ᒥᓯᐛ ᐊ ᑎᓯᔭᒄ ᐊᑲ ᐅᔅᑕ ᒐᒋ ᐃᑕᔨᒥᓱᔭᒄ ᑕᓐ ᒋᐸ ᐃᑕᔨᒥᓱᓇᐛᐤ᙮ ᑯᐃᔅᒄ ᐎᓯ ᒪᒥᑐᓇᔨᒥᓱᒄ᙮ ᒥᓯᐛ ᐊ ᑎᓯᔭᒄ ᒋᑭ ᐎᔭᔨᑕᓇᐛᐤ ᑕᓐ ᑕᑈ ᒐᒋ ᐃᑐᑎᒪᒄ᙮ ᐅ ᒪᒃ ᐊ ᐛᑕᔨᑎᒪᒄ ᒋᑭ ᐎ ᓂᓇᑭᑐᐛᔨᑕᓇᐛᐤ ᑕᓐ ᑲ ᐃᔅᐱᔅ ᒥᔨᑕᒄ ᒋᓴᒪᓂᑐᐤ ᑕᑈᑎᒧᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:6

ᒥᓯᐛ ᐊ ᑎᓯᔭᐧᒄ ᓂᓇᐧᑯᐤ ᒥᔨᐛᐅᓇ ᔅᒋ ᒥᔨᑯᓄᐤ ᒋᓴᒪᓂᑐᐤ᙮ ᒋᐸ ᐊᐱᒋᑕᓇᓄᐤ ᒪᒃ ᐅᔭ ᒥᔨᐛᐅᓇ᙮ ᑲ ᒥᔭᑭᓄᐅᒂ ᐊᐛᓐ ᒐᒋ ᐃᔨᒥᔅᑎᒧᐛᑦ ᒋᓴᒪᓂᑐᐛ ᐊ ᐎᑎᒧᐛᑦ ᐊᐛᔪᐛ ᑕᓐ ᐊ ᐃᑎᑯᐎᔨᒋ ᒋᓴᒪᓂᑐᐛ ᐊᔪᐅᒄ ᒋᐸ ᐃᑐᐤ ᐊᓂᔭ ᑕᓐ ᐊ ᐃᓯ ᑕᑈᑕᐧᒃ ᒐᒋ ᐃᑎᑦ᙮

1 ᑯᕆᓐᑎᔭᓇ 12:11

ᒥᒄ ᒪᒃ ᐸᐃᑯᓱᐤ ᑲ ᐸᔭᒋᓯᑦ ᐊᒐᐧᒄ, ᒥᓯᐛ ᒪᒃ ᐸᐸᐃᒄ ᐊᐛᔪᐛ ᒥᔭᐤ ᓂᓇᐧᑯᐤ ᐊᒐᐧᑯ ᒥᔨᐛᐅᓇ᙮ ᐎᔾ ᒪᒃ ᑲ ᐸᔭᒋᓯᑦ ᐊᒐᐧᒄ ᒋᔅᒐᔨᑎᒻ ᒐᒄ ᒥᔨᐛᐅᓂᔪᐤ ᒐ ᒥᔭᑦ ᐊᐛᔪᐛ᙮

1 ᑯᕆᓐᑎᔭᓇ 12:17

ᐛᔅ ᒥᔪᐤ ᒥᓯᐛ ᒥᒄ ᒥᔅᒋᓯᒄ ᒋ ᐃᓯᓇᑯᓂᒂ, ᓇᒪ ᒋᐸ ᐅᒋ ᐸᑎᒻ ᐊᐛᓐ᙮ ᒪᒃ ᒥᓯᐛ ᒥᒄ ᒥᑐᑲᒡ ᓇᒪ ᒋᐸ ᒋ ᒥᔭᒐᐤ ᐊᐛᓐ᙮

1 ᑯᕆᓐᑎᔭᓇ 12:19

ᓇᒪᐎᔾ ᒥᔪᐤ ᒋᐸ ᐅᒋ ᐃᓯᓇᑯᓐ ᒥᒄ ᐸᐃᒄ ᒐᒂᓐ ᑎᒂᒡ ᒥᔭᒡ᙮

1 ᑯᕆᓐᑎᔭᓇ 12:24

ᑎᑯᓇ ᑯᑎᑲ ᒐᒂᔪᐛ ᒥᔭᒡ ᐊᑲ ᒐᒂᓐ ᐊ ᐃᑕᔨᑎᒪᐧᒄ ᐊ ᓄᒂᒋ᙮ ᐊᐅᑯᓂ ᒪᒃ ᐅᔭ ᓇᒪ ᓂᑐᐛᔨᑕᑯᓐ ᒐᒋ ᐊᑯᐊᒪᐧᒄ᙮ ᒋᓴᒪᓂᑐᐤ ᒋ ᐅᓯᑕᐤ ᒥᔭᔪᐤ ᐃᔭᒂ ᒐᒋ ᐃᑐᑕᑭᓄᔨᒋ ᒥᓯᐛ ᐊᓂᔭ ᐱᔅᒐᓯᐅᓇ ᐛᔅ ᒥᓯᐛ ᓂᑐᐛᔨᑕᑯᓐ ᒐᒋ ᒥᔪᐱᔨᒡ ᒥᔪᐤ᙮

1 ᑯᕆᓐᑎᔭᓇ 12:28

ᑕᔪᐛ ᒪᒃ ᐅᒪᒧᐊᔭᒥᐊᐛ ᒋᓴᒪᓂᑐᐤ ᐊᒋ ᐅᑎᓇᑦ ᑕᓐ ᒐ ᐃᑕᐱᑎᓯᔨᒋ᙮ ᐊᓂᔭᔪᐛ ᓂᔅᑎᒻ ᑲ ᐅᑎᓇᑦ ᐊᐅᒄ ᐅᔭ ᐊᑈᔅᑕᓇ ᐊᑯ ᒥᓐ ᐅᒋᔅᒋᐛᐃᒐᓱᐛ, ᐊᑯ ᒥᓐ ᒋᔅᑯᑎᒪᒐᓱᐛ, ᑭᔭ ᐊᐛᔪᐛ ᒪᒥᔅᑲᒡ ᒐᒂᔪᐤ ᒐ ᐃᑐᑎᒥᔨᒋ᙮ ᒋ ᐅᑎᓇᐤ ᑭᔭ ᐊᐛᔪᐛ ᒐ ᒥᓏᒋᐃᐛᔨᒋ, ᑭᔭ ᐊᓂᔭᔪᐛ ᓂᓇᐧᑯᐤ ᒐ ᐃᓯ ᐎᒋᐊᔨᒋ ᐊᐛᔪᐛ᙮ ᒋ ᐅᑎᓇᐤ ᑭᔭ ᐊᐛᔪᐛ ᐊ ᐛᐎᐱᔨᑕᔨᒋ ᒐᒂᔪᐤ ᒐ ᐃᑕᐱᑎᓯᔨᒋ, ᑭᔭ ᐊᐛᔪᐛ ᒐ ᒂᔅᒋᐃᔨᒥᔨᒋ᙮

1 ᑯᕆᓐᑎᔭᓇ 15:38

ᒋᓴᒪᓂᑐᐤ ᒪᒃ ᐎᔾ ᐎᔭᔨᑎᒻ ᑕᓐ ᒐ ᐃᓯ ᓂᑕᐅᒋᑕᔨᒋ ᒥᓯᐛ ᓂᓇᐧᑯᐤ ᐊ ᐃᓯᓇᑯᓯᔨᒋ ᓂᑕᐅᒋᑕᑭᓇ᙮

1 ᑯᕆᓐᑎᔭᓇ 3:5

ᐊᐛᓐ ᒪᒃ ᐅ ᐊᐳᓚᔅ ᑭᔭ ᐊᐛᓐ ᓂᔾ ᑈᓪ ? ᐊᐱᒋᐊᑭᓐᒡ ᓂᔭᓐ᙮ ᐊᐅᑯᓐᒡ ᐅᒡ ᐊᐱᒋᐊᑭᓐᒡ ᑲ ᐎᑎᒪᑕᑯᒡ ᒥᔽᒋᒧᐅᓂᔪᐤ ᑭᔭ ᑎᔭᑈᑎᒪᒄ᙮ ᑕᐱᔅᑯᓐ ᓂᒋ ᓂᓇᐃᑕᓇᓐ ᑕᓐ ᑲ ᐃᑎᓱᒥᔨᒥᑦ ᐅᑎᐸᔨᒋᒐᐤ᙮

ᐃᐱᓯᔭᓇ 1:5

ᐊ ᓴᒋᐃᑕᐧᒄ ᒋᓴᒪᓂᑐᐤ ᐊᔪᐅᒄ ᐅᔭ ᐛᒋ ᐃᑕᔨᒥᑕᐧᒄ ᐎᔾ ᒐᒋ ᐅᑦ ᐊᐛᓯᒥᑐᑕᑕᐧᒄ ᒋᓴᔅ ᙭ᑕ ᐊ ᑕᔨᒋ ᐅᒡ᙮ ᐊᔪᐅᒄ ᐅᔭ ᑲ ᐃᓯ ᓇᐊᔨᑎᒥᐃᑯᑦ ᒐᒋ ᐃᑎᑦ ᑭᔭ ᐊᔪᐅᒄ ᐅᔭ ᑲ ᐎ ᐃᑎᑦ᙮

ᐃᐱᓯᔭᓇ 1:9

ᒋ ᐃᑐᑎᒻ ᒋᓴᒪᓂᑐᐤ ᐊᓂᔭ ᑲ ᐎ ᐃᑐᑕᐧᒃ, ᔅᒋ ᒥᔨᑯᓄᐤ ᒐᒋ ᒋᔅᒐᔨᑎᒺᐧᒄ ᐊᓂᔭ ᑕᓐ ᓴᔅ ᑲ ᐃᓯ ᐎᔭᔨᑕᐧᒃ ᐊᑲ ᐅᒋ ᒋᔅᒐᔨᑎᒥᔨᒋ ᐊᐛᔪᐛ᙮ ᒋᑭ ᐃᑐᑎᒻ ᒪᒃ ᐊᓂᔭ ᑕᓐ ᐛ ᐃᑐᑕᐧᒃ ᙭ᑕ ᐊ ᑕᔨᒋ ᐅᒡ᙮

ᒋᔅᒐᔨᑕᑯᑕᒐᐅᓐ 4:11

“ᒋᔾ ᓂᑎᐸᔨᒋᒐᓯᒥᓇᓐ ᑭᔭ ᓂᒋᓴᒪᓂᑐᒥᓇᓐ ᑲ ᐊᑐᔅᑲᑕᒡ ᒋ ᒋᔅᑕᔨᑕᑯᓯᓐ ᒐᒋ ᒋᔅᑕᔨᑕᑯᐃᑯᔨᓐ ᑭᔭ ᒐᒋ ᒋᔅᑕᒋᒥᑯᔨᓐ ᑭᔭ ᒐᒋ ᒪᒥᒋᒥᑯᔨᓐ ᐊᔅᐱᔅ ᓱᐧᑲᑎᓯᔨᓐ᙮ ᐛᔅ ᒋᔾ ᒥᓯᐛ ᒐᒂᓐ ᔅᒋ ᐅᓯᑕᓐ᙮ ᒋᔾ ᔅᒋ ᐃᑕᔨᑕᓐ ᒐᒋ ᑎᒂᒡ ᒥᓯᐛ ᒐᒂᓐ ᐊ ᑎᒂᒡ ᑭᔭ ᒥᓯᐛ ᑲ ᐅᓯᑕᔨᓐ᙮”