1 ᑯᕆᓐᑎᔭᓇ 12:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᑯᑎᑲ ᐊᐛᔪᐛ ᓱᐧᑲᑎᓯᐅᓂᔪᐤ ᒥᔭᐤ ᒐᒋ ᒪᒥᔅᑲᒡ ᐃᑎᔨᒋ᙮ ᒥᓐ ᑯᑎᑲ ᐊᐛᔪᐛ ᒥᔭᐤ ᒐ ᒋᔅᒋᐛᐃᒐᔨᒋ᙮ ᐊᑯ ᒥᓐ ᑯᑎᑲ ᒪᔭᑦ ᓇᔅᒡ ᒐᒋ ᒐᔅᑎᓇᐅᔨᒋ ᒋᓴᒪᓂᑐᐛ ᐅᐸᔭᒋ ᐊᒐᐧᑯᔪᐛ ᐊ ᐊᑐᔅᒐᔨᒂᓂ ᒪᒃ ᒥᒋ ᐊᒐᒂ ᐊ ᐊᑐᔅᒐᔨᒂᓂ᙮ ᐊᑯ ᒥᓐ ᑯᑎᑲ ᒪᔭᑦ ᒐᒋ ᒂᔅᒋᐃᔨᒥᔨᒋ᙮ ᐊᑯ ᑯᑎᑲ ᐊᐛᔪᐛ ᒪᔭᑦ ᒐᒋ ᐱᔭᑭᔅᒋᑕᑯᑕᔨᒋ ᑕᓐ ᑲ ᐃᔅᒋᔄᔨᒋ ᐊᓂᔭᔪᐛ ᑲ ᒂᔅᒋᐃᔨᒥᔨᒋ᙮

1 ᑯᕆᓐᑎᔭᓇ 12:10 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:17

ᑲ ᑕᑈᑕᒡ ᒋᑭ ᒥᔭᑭᓄᐎᒡ ᓱᐧᑲᑎᓯᐅᓂᔪᐤ ᒐᒋ ᐃᑐᑕᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ᙮ ᒥᒋ ᐊᒐᒂ ᒋᑭ ᐎᐎᑎᓴᐛᐅᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ᐊᐱᒋᑕᒡ ᑭᔭ ᓂᓇᐧᑯᐤ ᐃᔨᒧᐅᓇ ᒋᑭ ᐃᓯ ᐃᔨᒧᐅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:20

ᐊᑯ ᒪᒃ ᒋᔅᒋᓄᐊᒧᐛᑭᓐᒡ ᒥᓯᐛ ᒋ ᐃᑐᑕᐅᒡ ᐊ ᑭᒐᔅᒋᒧᒡ᙮ ᐅᑎᐸᔨᒋᒐᐛ ᒋ ᐎᒋᐃᑯᐅᒡ ᑭᔭ ᒋ ᐛᐸᑎᔨᐛᔪᐛ ᐊ ᑕᑈᒥᑭᓂᔨᒡ ᑕᓐ ᐊ ᐃᓯ ᑭᒐᔅᒋᒧᒡ ᐊᓂᔭ ᐅᒋ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᐊᒋ ᐃᑐᑕᒡ᙮ ᐊᒥᓐ᙮

ᓗᒃ 24:49

ᐊᑯ ᒪᒃ ᒐ ᐸᒋ ᐃᑎᓴᐊᒪᑎᑯᒡ ᐊᓐ ᑲ ᐸᔭᒋᓯᑦ ᐊᒐᐧᒄ ᐊᓂᔭᔪᐛ ᓄᑕᐎᔾ ᑲ ᐃᔅᒋᔄᑦ ᒐᔅᑎᓇᔅ ᒐ ᐸᒋ ᐃᑎᓴᐛᑦ᙮ ᐊᓱᐛᐱᒄ ᒪᒃ ᐊᓐᑕ ᒋᕈᓯᓕᒥᒡ ᐸᑐᔅ ᒋ ᐅᑎᑕᐅᑯᔭᒂ ᓱᒐᔨᑕᑯᓱᐅᓐ ᒋᒋᒋᓯᑯᒡ ᑲ ᐅᒋᐱᔨᒡ᙮”

ᒠᓐ 14:12

ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᑲ ᐸᒋ ᑕᑈᔭᔨᒥᑦ ᒋᑭ ᐃᑐᑎᒻ ᑕᓐ ᐊ ᐃᓯ ᐃᑐᑎᒧᒡ ᑭᔭ ᐊᑐᐎᔅ ᒪᒥᔅᑲᒡ ᒐᒂᔪᐛ ᒋᑭ ᐃᑐᑎᒻ ᐛᔅ ᐊᓐᑕ ᓄᑕᐎᔾ ᐊ ᑕᑦ ᓂᔾ ᑭᔭ ᓂᑭ ᑕᓐ᙮

ᒠᓐ 16:13

ᒥᒄ ᒪᒃ ᐃᔅᐱ ᑎᑯᓯᒐ ᐅ ᐊᒐᐧᒄ ᑲ ᒋᔅᒐᔨᑎᒥᐃᐛᑦ ᑕᑈᐅᓂᔪᐤ, ᐊᐅᒄ ᒐ ᒋᔅᒐᔨᑎᒥᐃᑕᒄ ᒥᓯᐛ ᑕᑈᐅᓂᔪᐤ ᒋᓴᒪᓂᑐᐛ ᐊ ᑕᔨᒋ ᐛᒋᐱᔨᒡ᙮ ᓇᒪ ᒋᑭ ᐅᒋ ᐃᔅᒋᔄᐤ ᒐᒂᔪᐤ ᐸᑐᔅ ᒋᓴᒪᓂᑐᐛ ᐃᑎᓱᒥᑯᒐ ᒐᒋ ᐃᔅᒋᔄᑦ᙮ ᐊᓂᔭ ᒪᒃ ᑕᓐ ᒐ ᐃᓯ ᐸᑐᐛᑦ ᐊ ᐃᔅᒋᔄᔨᒋ ᐊᔪᐅᒄ ᐅᔭ ᒐ ᐃᓯ ᐛᐎᑕᐧᒃ᙮ ᒋᑭ ᐛᐎᑎᒪᑯᐛᐤ ᐊᓂᔭᔪᐛ ᒐᒂᔪᐛ ᒐ ᐊᑎ ᐃᔅᐱᔨᒋ᙮

ᐊᑈᔅᑕᓇᒡ 1:8

ᒋᑭ ᓴᑭᔅᒋᓇᔅᑲᑯᓇᐛᐤ ᓱᐧᑲᑎᓯᐅᓐ, ᐃᔅᐱ ᑲ ᐸᔭᒋᓯᑦ ᐊᒐᐧᒄ ᒋ ᐅᑎᑎᑕᒂ᙮ ᐊᑯ ᒪᒃ ᒐ ᐱᐸᒪᒋᒥᔭᒄ ᐊᓐᑕ ᒋᕈᓯᓕᒥᒡ, ᒥᓯᐛ ᒍᑎᔭ ᐊᔅᒋᒡ, ᓴᒪᕆᔭᐃᒡ ᑭᔭ ᒥᓯᐛ ᐊ ᐃᔅᐱᑎᔅᑭᒥᑲᒡ ᐊᔅᒋᔾ᙮”

ᐊᑈᔅᑕᓇᒡ 11:27

ᒪᒂᒡ ᒪᒃ ᐅᔭ ᑲ ᐃᑎᒡ ᐸᕐᓇᐸᔅ ᑭᔭ ᓴᓪ ᐊᓐᑕ ᐊᓐᑎᔭᑭᒡ, ᐱᔅᒐ ᐊᓐᒡ ᐅᒋᔅᒋᐛᐃᒐᓱᒡ ᒋ ᐃᑐᑕᐅᒡ ᐊᓐᑕ ᐊᓐᑎᔭᑭᒡ, ᒋᕈᓯᓕᒥᒡ ᐊ ᐅᑐᑕᒡ᙮

ᐊᑈᔅᑕᓇᒡ 11:28

ᐸᐃᒄ ᒪᒃ ᐊᓐ ᐊᑲᐸᔅ ᐊ ᐃᓯᓂᐧᑲᓱᑦ, ᒋ ᐱᓯᑯᐤ ᐊ ᒥᔨᑯᑦ ᑲ ᐸᔭᒋᓯᔨᒋ ᐊᒐᒂ ᒐᒋ ᐃᓯ ᓂᑲᓐ ᐎᑕᐧᒃ ᒐ ᐱᒥᐱᔨᒡ ᐊ ᑯᐅᐧᑭᑕᓄᐎᒡ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᔅᒋᔪᐤ᙮ ᐊᐅᑯᓐ ᒪᒃ ᑕᑈ ᑲ ᐃᔅᐱᔨᒡ ᒪᒂᒡ ᑲᓗᑎᔭᓴ ᑲ ᒋᓴᐅᒋᒪᐎᔨᒋ᙮

ᐊᑈᔅᑕᓇᒡ 19:6

ᐊᑯ ᑈᓪ ᒂ ᑕᒋᓇᑦ, ᒂ ᐱᒋᔅᑲᑯᒡ ᑲ ᐸᔭᒋᓯᔨᒋ ᐊᒐᒂ, ᑭᔭ ᒋ ᒂᔅᒋᐃᔨᒧᐅᒡ, ᑭᔭ ᒋ ᐃᔨᒥᔅᑎᒧᐛᐅᒡ ᒋᓴᒪᓂᑐᐛ᙮

ᐊᑈᔅᑕᓇᒡ 5:3

ᐊᑯ ᐱᑕᕐ ᒂ ᐃᑕᑦ, “ᐊᓇᓇᔭᔅ, ᒐᒂᓐ ᐛᒋ ᐱᔅᑎᓂᑦ ᒥᒋᒥᓂᑐᐤ ᒐᒋ ᐱᒐᑦ ᒋᑕᐃᒡ, ᒐᒋ ᐃᑐᑕᔅᒃ ᒐᒋ ᑭᑭᒋᔭᒥᑦ ᑲ ᐸᔭᒋᓯᑦ ᐊᒐᐧᒄ, ᒋᒧᑦ ᐊ ᑭᓄᐛᔨᑎᒪᓱᔨᓐ ᐱᔅᒐ ᐊᓐ ᓱᓇᔭᐤ ᑕᓐ ᑲ ᐃᔅᐱᔅ ᑲᓂᔪᐅᔨᓐ ᑲ ᐊᑕᐛᔨᓐ ᐊᓐ ᑲ ᐃᓯ ᑎᐱᔨᐛᐅᓯᔨᓐ ?

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:6

ᒥᓯᐛ ᐊ ᑎᓯᔭᐧᒄ ᓂᓇᐧᑯᐤ ᒥᔨᐛᐅᓇ ᔅᒋ ᒥᔨᑯᓄᐤ ᒋᓴᒪᓂᑐᐤ᙮ ᒋᐸ ᐊᐱᒋᑕᓇᓄᐤ ᒪᒃ ᐅᔭ ᒥᔨᐛᐅᓇ᙮ ᑲ ᒥᔭᑭᓄᐅᒂ ᐊᐛᓐ ᒐᒋ ᐃᔨᒥᔅᑎᒧᐛᑦ ᒋᓴᒪᓂᑐᐛ ᐊ ᐎᑎᒧᐛᑦ ᐊᐛᔪᐛ ᑕᓐ ᐊ ᐃᑎᑯᐎᔨᒋ ᒋᓴᒪᓂᑐᐛ ᐊᔪᐅᒄ ᒋᐸ ᐃᑐᐤ ᐊᓂᔭ ᑕᓐ ᐊ ᐃᓯ ᑕᑈᑕᐧᒃ ᒐᒋ ᐃᑎᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:19

ᑕᓐ ᑲ ᐃᓯ ᐛᐸᑎᔭᑭᓄᐎᒡ ᐛᐸᑎᔨᐛᐅᓇ ᑭᔭ ᐊ ᒥᔅᑲᑕᔨᑕᑯᓂᔨᒋ ᒐᒂᔪᐛ ᐊ ᓱᒐᔨᑕᑯᓂᔨᒋ, ᑭᔭ ᐊᓂᔭ ᑕᓐ ᑲ ᐃᓯ ᒥᔨᑦ ᓱᐧᑲᑎᓯᐅᓂᔪᐤ ᑲ ᐸᔭᒋᓯᑦ ᐊᒐᐧᒄ ᐊᑯᑕ ᑲ ᐅᒋ ᐎᐧᑯᒋᐊᑭᓄᐎᒡ᙮ ᒥᓯᐛ ᐊᓐᑕ ᑲ ᐃᑐᑕᔭᓐ ᒋᕈᓯᓕᒥᒡ ᐊᓐᑕ ᒪᒃ ᐃᔅ ᐃᓕᕆᑲᒻ ᐊᔅᒋᒡ ᓂᒋ ᐛᐎᑎᒺᓐ ᒋᓴᔅ ᙭ ᐅᒥᔽᒋᒧᐅᓐ᙮

1 ᑯᕆᓐᑎᔭᓇ 11:4

ᐊᑯ ᒪᒃ ᓇᐸᐤ ᐊ ᓂᑲᓂᔅᑲᑯᑦ ᙭ᑕ ᒋᑭ ᓄᑯᓂᔪᐤ ᐊ ᒋᔅᑕᔨᒪᑦ ᙭ᑕ ᒥᓇᒐ ᐅᑦ ᐊᑯᓂᔎᐅᓐ ᒪᒂᒡ ᐊ ᐊᔭᒥᐊᑦ ᑭᔭ ᒪᒃ ᒪᒂᒡ ᐊᔭᒥᐊᔅᑐᐛᒐ ᒋᓴᒪᓂᑐᐛ᙮

1 ᑯᕆᓐᑎᔭᓇ 13:8

ᓇᒪ ᓂᑕ ᒋᑭ ᐅᒋ ᐃᔎᐱᔪᐤ ᓴᒋᐃᐛᐅᓐ᙮ ᑎᑯᓐ ᐛᒋᒡ ᐊ ᐃᔨᒥᔅᑎᒧᐛᑭᓄᐅᑦ ᒋᓴᒪᓂᑐᐤ ᒥᒄ ᒪᒃ ᐊᔅᒄ ᒋᑭ ᐃᔎᐱᔪᐤ ᐅ ᐊ ᐃᑎᓇᓄᐅᒡ᙮ ᑭᔭ ᒋᑭ ᐳᓂᐱᔪᐤ ᐊ ᒂᔅᒋᐃᔨᒥᓇᓄᐅᒡ᙮ ᑭᔭ ᒋᔅᒐᔨᑎᒧᐅᓐ ᒋᑭ ᐃᔎᐱᔪᐤ᙮

1 ᑯᕆᓐᑎᔭᓇ 14:13

ᐊᐅᒄ ᒪᒃ ᐅ ᐅᒋ ᐊᓐ ᐊᐛᓐ ᑲ ᒂᔅᒋᐃᔨᒥᑦ ᒋᐸ ᐊᔭᒥᐊᐤ ᒐᒋ ᒥᔨᑯᑦ ᒋᓴᒪᓂᑐᐛ ᒐᒋ ᐱᔭᑭᔅᒡ ᐎᑎᒧᐛᑕᐧᒃ ᑕᓐ ᐊ ᐃᔅᒋᔄᑦ᙮

1 ᑯᕆᓐᑎᔭᓇ 14:39

ᐊᑯ ᒪᒃ ᓂᐧᑲᓂᓯᑐᒄ, ᓱᒃ ᒋᐸ ᐃᑕᔨᑕᓇᐛᐤ ᒐᒋ ᒋᔅᒋᐛᐃᒐᔭᒄ᙮ ᐊᑲᐎᔾ ᑭᔭ ᒋᑭ ᐅᒋ ᒋᐱᒋᐊᐛᐅᒡ ᐊᓐᒡ ᑲ ᒂᔅᒋᐃᔨᒥᒡ᙮

ᑲᓚᓯᔭᓇ 3:5

ᔅᒋ ᒥᔨᑯᐛᐤ ᐊ ᒋᓴᒪᓂᑐᐤ ᑲ ᐸᔭᒋᓯᔨᒋ ᐊᒐᒂ ᑭᔭ ᒋ ᒪᒥᔅᑲᒡ ᐃᑐᐤ ᐊ ᐊᓐᑕ ᒪᒂᒡ ᐊ ᑕᐛᒄ ᒥᒄ ᐊᓂᔭ ᐊ ᓂᓇᐃᑎᒺᒄ ᒍᐤ ᐊᔭᒥᐊᐅ ᐎᓱᐛᐅᓂᔪᐤ ? ᓇᒪᐎᔾ ᐊ ᐊᓂᔭ ᐊᒋ ᐸᑎᒺᒄ ᑭᔭ ᒪᒃ ᐊᒋ ᐊᑎ ᑕᑈᑎᒺᒄ ᐅᒥᔽᒋᒧᐅᓐ ?

1 ᑕᓴᓗᓂᔭᓇ 5:20

ᐊᑲᐎᔾ ᒪᔭᔨᑎᒺᐧᒄ ᐊᓂᔭ ᑕᓐ ᐊ ᐃᓯ ᓂᑲᓐ ᐎᑕᐧᒃ ᐊᐛᓐ ᒋᓴᒪᓂᑐᐛ ᑲ ᐃᔨᒥᔅᑎᒧᐛᑦ᙮

ᐃᑉᕈᐛ 2:4

ᒋᓴᒪᓂᑐᐤ ᒪᒃ ᑭᔭ ᐎᔾ ᔅᒋ ᐛᐸᑎᔨᑯᓄᐤ ᐊ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ ᐊ ᒪᒥᔅᑲᒡ ᐃᑎᑦ ᑭᔭ ᒪᒥᔅᑲᒡ ᐛᐸᑎᔨᐛᐅᓇ ᐊ ᐛᐸᑎᔨᐛᑦ ᑭᔭ ᓂᓇᐧᑯᐤ ᐊ ᐃᓯ ᒪᒥᔅᑲᒡ ᐃᑐᑎᒪᒐᑦ᙮ ᑭᔭ ᒋ ᐃᑐᑐᐛᐤ ᑲ ᐸᔭᒋᓯᔨᒋ ᐊᒐᒂ ᒐᒋ ᒥᔭᔨᒋ ᐊᐛᔪᐛ ᓂᓇᐧᑯᐤ ᑭᔅᒋᐅᓇ, ᑕᓐ ᐊᓂᔭᔪᐛ ᐎᔾ ᒋᓴᒪᓂᑐᐤ ᐊ ᐃᑕᔨᑎᒥᐃᑯᑦ ᒐ ᐃᓯ ᒥᔨᐛᑦ᙮

1 ᒠᓐ 4:1

ᓂᐧᑲᓂᓯᑐᒄ ᑲ ᓴᒋᐃᑎᑯᒡ ᐊᑲᐎᔾ ᒥᓯᐛ ᐊᐛᓐ ᒋᓴᒪᓂᑐᐛ ᑲ ᐊᔨᒧᑎᒪᑕᒄ ᒥᒄ ᒋᑭ ᐅᒋ ᐃᓯ ᑕᑈᑐᐛᐛᐤ᙮ ᐃᔭᒂ ᓂᑐ ᒋᔅᒐᔨᒪᐧᑯᒡ ᐊᓐᑕ ᒐᒋ ᐅᒋ ᒋᔅᒐᔨᑎᒪᒄ ᑕᑈ ᒋᓴᒪᓂᑐᐛ ᐊ ᑕᔨᒋ ᐛᒋᐱᔨᒂ ᑕᓐ ᐊ ᐃᓯ ᒋᔅᑯᑎᒪᒐᒡ᙮ ᐛᔅ ᒥᒐᑐᐅᒡ ᒥᓯᑕ ᐅᑕ ᐊᔅᒋᒡ ᐊᓐᒡ ᒥᒋ ᐅᒋᔅᒋᐛᐃᒐᓱᒡ᙮

ᒋᔅᒐᔨᑕᑯᑕᒐᐅᓐ 2:2

ᒋ ᒋᔅᒐᔨᒥᑎᓇᐛᐤ ᒥᓯᐛ ᑕᓐ ᑲ ᐸᒋ ᐃᑎᔭᒄ᙮ ᒋ ᒋᔅᒐᔨᒥᑎᓇᐛᐤ ᑕᓐ ᑲ ᐃᔅᐱᔅ ᒥᔅᑎ ᐊᑐᔅᒐᔭᒄ᙮ ᒋ ᒋᔅᒐᔨᒥᑎᓇᐛᐤ ᑭᔭ ᒧᔅ ᐊᒋ ᓯᐱᔪᐛᓯᔭᒄ ᐊ ᓂᒋᔅᑭᒪᒄ ᒐᒂᓐ᙮ ᓂ ᒋᔅᒐᔨᑕᓐ ᐊᑲ ᓂᑐᐛᔨᒪᒄ ᐊᐛᓐ ᐊ ᒥᒐᑎᓯᑦ ᒐᒋ ᑕᑦ ᐊᓐᑕ ᐊ ᑕᐛᒄ᙮ ᑭᔭ ᔅᒋ ᓂᑐ ᒋᔅᒐᔨᒪᐛᐅᒡ ᐊᓐᒡ ᑲ ᐃᔅᒋᔄᒡ ᐊᑈᔅᑕᓇᒡ ᐊ ᐃᑕᐱᑎᓯᒡ᙮ ᐊᓐᒡ ᒪᒃ ᑲ ᒥᔅᑯᐛᑯᒡ ᐊ ᑭᑭᒋᔭᒡ, ᓇᒪ ᒋ ᐅᒋ ᐱᔅᑎᓇᐛᐅᒡ ᒐᒋ ᑕᒡ ᐊᓐᑕ ᒥᓯᑕ ᐊ ᑕᔭᒄ᙮