1 ᑯᕆᓐᑎᔭᓇ 11:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᒪᐅᔭᔪᐤ ᑲ ᐃᓯ ᒋᔅᑯᑎᒧᐅᑦ ᐅᑎᐸᔨᒋᒐᐤ, ᐊᐅᒄ ᐅ ᑲ ᐃᓯ ᐊᓱᐤ ᒋᔅᑯᑎᒪᑎᑯᒡ᙮ ᐊᓂᔭ ᑲ ᑎᐱᔅᑲᔨᒡ ᒐ ᐎᔭᓯᐱᔅᑎᓇᑭᓄᐅᑦ ᐅᑎᐸᔨᒋᒐᐤ ᒋᓴᔅ, ᒋ ᐎᒋᒥᒋᓱᒪᐤ ᐅᒋᔅᒋᓄᐊᒧᐛᑭᓇ᙮ ᒋ ᐅᑎᓇᐤ ᒪᒃ ᐸᒂᓯᑭᓇ᙮

1 ᑯᕆᓐᑎᔭᓇ 11:23 Iomraidhean Croise

ᒪᑎᔪᐤ 26:17

ᐊᓐ ᒪᒃ ᓂᔅᑎᒻ ᐊ ᒋᓯᑲᒡ ᐊᓐᑕ ᐊᓂᔭᔪᐛ ᐊ ᐊᑎ ᒋᓯᑲᒋ ᐊᑲ ᐅᐱᔨᑦ ᐸᒂᓯᑭᓐ ᑲᒋ ᒧᐛᑭᓄᐅᑦ, ᒋᓴᔅ ᒋ ᐸᒋ ᓂᑐᐛᐱᒥᑯᐤ ᐅᒋᔅᒋᓄᐊᒧᐛᑭᓇ ᐊᑯ ᒂ ᐃᑎᑯᑦ, “ᑕᓐᑕ ᓇᑐᐛᔨᒥᔭᒡ ᒐᒋ ᐊᔭᔅᑯᔅᑎᒪᑕᒡ ᐎᒪᔅᑲᒐᐅ-ᒥᑯᓴᓐ ᒐᒋ ᒥᒋᔨᓐ ?”

ᒪᑎᔪᐤ 26:2

“ᒋ ᒋᔅᒐᔨᑕᓇᐛᐤ ᓂᓱ ᒋᓯᑲᐛ ᐃᔅᐱᔅ ᐊᑯ ᒐ ᒋᒋᐱᔨᒡ ᐎᒪᔅᑲᒐᐅ-ᒥᑯᓴᐅᓐ᙮ ᐊᑯᑕ ᒪᒃ ᐊᓐ ᒪᒂᒡ ᐃᔅᐱᔨᒐ ᒐ ᐱᔅᑎᓇᑭᓄᐅᑦ ᐃᔪᐤ ᐅᑯᓯᓴᓐ ᒐᒋ ᒋᔅᑕᔎᑕᑭᓄᐅᑦ᙮”

ᒪᑎᔪᐤ 26:34

ᒋᓴᔅ ᒂ ᐃᑕᑦ ᐊᓂᔭ ᐱᑕᕋ, “ᒋᒋᐛ ᒋᑦ ᐃᑎᓐ᙮ ᐊᓄᒡ ᐅ ᒐ ᑎᐱᔅᑲᒡ ᓂᔍᐤ ᒋᑭ ᐃᔅᒋᔄᓐ ᐊᑲ ᒋᔅᒐᔨᒥᔨᓐ ᐊᔅᒄ ᐊᑲ ᒋᔅᑐᑦ ᓇᐸ ᐱᑲᒂᓐ᙮”

ᒪᑎᔪᐤ 28:20

ᑭᔭ ᒐ ᒋᔅᑯᑎᒧᐛᑯᒡ ᒐᒋ ᓂᓇᐃᑕᒡ ᒥᓯᐛ ᑕᓐ ᑲ ᐃᑎᓱᒥᑎᑯᒡ᙮ ᒧᔅ ᒪᒃ ᒋᑭ ᐎᒐᐅᑎᓇᐛᐤ ᐱᐃᒻ ᐊᑎ ᐃᔎᐱᔨᒐ ᐊᔅᒋᔾ᙮”

ᓗᒃ 22:17

ᒋ ᐅᑎᓂᒻ ᒥᓂᒂᑭᓂᔪᐤ, ᒂ ᓂᓇᔅᑯᒪᑦ ᒋᓴᒪᓂᑐᐛ ᐊᑯ ᒂ ᐃᑕᑦ ᐅᒋᔅᒋᓄᐊᒧᐛᑭᓇ, “ᐅᑎᓂᒧᒄ ᐅ, ᒥᓂᒄ ᒥᓯᐛ ᐊ ᑎᓯᔭᒄ᙮

ᐊᑈᔅᑕᓇᒡ 20:7

ᐊᓐ ᒪᒃ ᒥᔭᔅᑕᐃᑐᔅᑲᓄᒡ ᐊ ᐊᑎ ᐅᑕᑯᓯᔨᒡ ᓂᒋ ᒪᒧᐎᓇᓐ ᒐᒋ ᒪᒧᐤ ᒥᒋᓱᔭᒡ᙮ ᑈᓪ ᒪᒃ ᒋ ᐃᔨᒪᐊᐤ ᐊᓂᔭᔪᐛ ᐊᐛᔪᐛ ᑲ ᐸᒋ ᒪᒧᐎᔨᒋ᙮ ᐎᐱᒡ ᒋ ᐎ ᔅᑐᑕᐤ ᐊᓂᔭ ᒐ ᐛᐸᓂᔨᒡ, ᑭᔭ ᓇᐅᔅ ᒂ ᐊᑎ ᐃᔨᒥᑦ᙮ ᐱᐃᒻ ᒋ ᐊᐱᑕᑎᐱᔅᑲᔪᐤ ᐊᔅᒄ ᐊ ᐃᔨᒥᑦ᙮

1 ᑯᕆᓐᑎᔭᓇ 10:16

ᐊᓐ ᐊ ᑯᒥᓂᐅᐎᔭᐧᒄ ᒋᓂᓇᔅᑯᒪᓄᐤ ᒋᓴᒪᓂᑐᐤ ᙭ ᐅᒥᐧᒄ ᐊᒋ ᓯᑲᐃᑲᑕᔨᒡ ᑭᔭ ᐅᐱᒪᑎᓯᐅᓐ ᐊᒋ ᐱᔅᑎᓇᐧᒃ ᙭᙮ ᐛᔅ ᐊᓐ ᓱᒥᓇᐳᔾ ᑲ ᒥᓂᔭᐧᒄ ᑭᔭ ᐊᓐ ᐸᒂᓯᑭᓐ ᑲ ᐅᑎᓇᐧᒄ ᐊᑯᑕ ᓄᑯᑕᔭᐧᒄ ᙭ ᐊᒋ ᓂᐱᔅᑎᒪᑕᐧᒄ ᐊᓐᑕ ᒐᒋ ᐅᒋ ᐛᐸᔨᑎᒪᑯᐅᔭᐧᒄ ᒋᒥᒋᑥᐅᓄᐛ᙮

1 ᑯᕆᓐᑎᔭᓇ 15:3

ᐛᔅ ᔅᒋ ᐊᓱᐤ ᐎᑎᒪᑎᓇᐛᐤ ᐊᓐ ᑲ ᒥᔨᑯᐅᔭᓐ ᒐᒋ ᒋᔅᒐᔨᑎᒪᓐ᙮ ᓇᔅᒡ ᑕᑈ ᒋᒋᐛ ᐃᑕᔨᑕᑯᓐ ᐅ ᑲ ᐛᐎᑎᒪᑎᑯᒡ᙮ ᒪᐅ ᐊ ᐃᓯ ᐎᑎᒪᒐᒥᑲᒡ᙮ ᙭ ᔅᒋ ᓂᐱᔅᑎᒪᑭᓄᐤ ᒐᒋ ᐛᐸᔨᑎᒪᑯᐛᐧᒄ ᒋᒥᒋᑥᐅᓄᐛ ᒧᔭᒻ ᐊ ᐃᓯ ᐊᔨᒧᑕᔨᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒐ ᐃᑐᑎᒪᑯᐱᓇ᙮

ᑲᓚᓯᔭᓇ 1:1

ᓂᔾ ᑈᓪ ᑲ ᒥᓯᓇᐊᒪᑎᑯᒡ᙮ ᐎᔾ ᒋᓴᔅ ᙭ ᐛᒋᒡ ᓂᒋ ᐅᑎᓂᒄ ᐊᑈᔅᑕᓐ ᒐᒋ ᐃᑕᐱᒋᐃᑦ᙮ ᑭᔭ ᒋᓴᒪᓂᑐᐤ ᒍᑕᐎᓄᐤ ᓂᒋ ᐅᑎᓂᒄ, ᐊᓐ ᑲ ᐅᓂᔅᑲᓇᑦ ᒋᓴᓴ ᓂᐳᐅᓂᒡ ᐅᒋ᙮ ᓇᒪᐎᔾ ᐎ ᓇᐸᐤ ᑲ ᐅᑎᓂᑦ ᑭᔭ ᓇᒪᐎᔾ ᓇᐸᐤ ᑲ ᒥᔨᑦ ᐅᔭ ᒐᒋ ᐃᑕᐱᑎᓱᐅᒡ᙮

ᑯᓚᓯᔭᓇ 3:24

ᐛᔅ ᐅᑎᐸᔨᒋᒐᐤ ᙭ ᐊᐅᒄ ᒋᒋᐛ ᒋᐅᒋᒪᒧᐛᐤ᙮ ᒋᔅᒋᓯᒄ ᒪᒃ ᐅᑎᐸᔨᒋᒐᐤ ᒐ ᒥᔨᑕᒄ ᑎᐸᐊᒪᑯᓯᐅᓂᔪᐤ ᐊᓂᔭ ᑲᓄᐛᔨᑕᐧᒃ ᒐᔅᑎᓇᔅ ᒐ ᒥᔭᑦ ᐊᓂᔭ ᑲ ᐊᑐᔅᑲᑯᑦ᙮

1 ᑕᓴᓗᓂᔭᓇ 4:2

ᐛᔅ ᒋ ᒋᔅᒐᔨᑕᓇᐛᐤ ᑕᓐ ᑲ ᐃᑎᓱᒥᑕᒡ ᒐ ᐃᓯ ᐱᒪᑎᓯᔭᒄ, ᐅᑎᐸᔨᒋᒐᐤ ᒋᓴᔅ ᙭ ᐊᒋ ᐎᑎᒧᔨᒥᑦ ᑕᓐ ᒐ ᐃᑎᑕᒡ᙮