1 ᑯᕆᓐᑎᔭᓇ 11:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᓂ ᒥᔽᔨᑕᓐ ᒧᔅ ᐊ ᒋᔅᒋᓯᑐᐅᔭᒄ ᑭᔭ ᐊ ᐃᑐᑎᒪᒄ ᑕᓐ ᑲ ᐃᓯ ᒋᔅᑯᑎᒪᑎᑯᒡ ᒐ ᐃᑎᔭᒄ᙮

1 ᑯᕆᓐᑎᔭᓇ 11:2 Iomraidhean Croise

ᓗᒃ 1:6

ᓴᑲᕋᔭ ᑭᔭ ᐃᓕᓴᐸᑦ ᒋ ᑯᐃᔅᑯᑕᑎᓯᐅᒡ᙮ ᓇᔅᒡ ᒋ ᓂᓇᐃᑎᒺᐅᒡ ᐅᑎᐸᔨᒋᒐᐛ ᐅᑭᒐᔅᒋᒧᐅᓂᔪᐛ ᑭᔭ ᐅᑦ ᐃᑎᓱᐛᐅᓂᔪᐛ᙮ ᑭᔭ ᓇᔅᒡ ᒋ ᓇᐊᔨᑎᒥᐊᐅᒡ ᒋᓴᒪᓂᑐᐛ ᐊᓂᔭ ᑕᓐ ᑲ ᐃᓯ ᐱᒪᑎᓯᒡ᙮

1 ᑯᕆᓐᑎᔭᓇ 11:17

ᐅ ᒥᓐ ᒐ ᐃᑎᑎᑯᒡ ᒋᑭ ᐊᔨᒧᑎᒪᑎᓇᐛᐤ ᒐᒂᓐ ᐊᑲ ᓇᐃᔅᑲᑯᔭᓐ᙮ ᑎᑯᓐ ᒐᒂᓐ ᐊ ᐃᑎᔭᒄ ᐊᓐᑕ ᐊ ᐊᔭᒥᐊᔭᒄ ᐊᑎ ᐛᒋᐱᔨᒡ ᐊᑲ ᓇᔅᒡ ᒐᒋ ᐎᒋᐃᑯᔭᒄ ᐊᓐ ᐊ ᓇᒋ ᐊᔭᒥᐊᔭᒄ᙮

1 ᑯᕆᓐᑎᔭᓇ 11:22

ᒥᒄ ᐛ ᒥᒋᓱᐅᓇ ᑭᔭ ᒥᒄ ᐛ ᒥᓄᐅᓇ, ᓇᑕ ᒋᒋᒡ ᒥᒋᓱ ᑭᔭ ᐊᑯᑕ ᓇᑕ ᒥᓂ᙮ ᒋ ᐅᐧᑲᑎᒺᓇᐛᐤ ᐊ ᒋᓴᒪᓂᑐᐤ ᐅᑦ ᐊᔭᒥᐊᐅᒋᐛᑉ ? ᒋ ᐎ ᓴᒂᔨᒺᐊᐛᐅᒡ ᐊ ᐊᓐᒡ ᑲ ᒋᔅᑎᒪᑎᓯᒡ ? ᑕᓐ ᒪᒃ ᒐᒋ ᐃᑎᑎᑯᒡ᙮ ᓇᒪ ᓂᑭ ᒋ ᐃᔅᒋᔄᓐ ᐊ ᒪᒥᒋᐃᔭᒄ ᐅ ᐊ ᐃᑎᔭᒄ᙮

1 ᑯᕆᓐᑎᔭᓇ 15:2

ᐊᐅᒄ ᒥᔽᒋᒧᐅᓐ ᒋᓴᔅ ᑲ ᐊᔨᒧᒪᑭᓄᐅᑦ ᑲ ᐊᔨᒧᑎᒪᓐ ᑲ ᑭᒐᔅᒋᒥᑎᑯᒡ᙮ ᐊᐅᒄ ᒐ ᐱᒪᒋᐃᑯᔭᒄ ᓱᒃ ᒥᒪᒋᒥᓂᒪᒂ᙮ ᐊᑲ ᒪᒃ ᐅ ᑎᔭᒂ ᐊᑯ ᑭᑈ ᒐᔅᑲ ᐊᒋ ᑕᑈᑎᒪᒄ ᒐ ᐃᓯᓇᒂᒡ ᐊᑲ ᐱᒪᒋᐃᑯᔭᒂ᙮

1 ᑯᕆᓐᑎᔭᓇ 4:17

ᐊᐅᒄ ᐛᒋ ᐃᑎᓴᐅᒃ ᑎᒧᑎ ᐊᓐᑕ ᐊ ᑕᐛᒄ᙮ ᒧᔭᒻ ᓂᑯᔅ ᒋᓴᒪᓂᑐᐤ ᐊᒋ ᐸᒋ ᒥᔨᑦ ᓂᑦ ᐃᑕᔨᒪᐤ, ᓇᔅᒡ ᓂ ᓴᒋᐊᐤ᙮ ᒧᔅ ᑯᐃᔅᒄ ᐃᑐᐤ᙮ ᓂᑐᐛᔨᒪᐤ ᒐᒋ ᒋᔅᒋᓱᒥᑕᒄ ᑕᓐ ᐊ ᐃᓯ ᐱᒪᑎᓯᐅᒡ ᙭ᑕ ᐃᔅ ᐊ ᑕᔨᒋ ᑭᔭ ᐊᓂᔭ ᐊ ᐃᓯ ᒋᔅᑯᑎᒪᒐᐅᒡ ᒥᓯᐛ ᒐᒋ ᐎᑕᐧᒃ ᒪᒂᒡ ᒥᓯᐛ ᐊᓐᑕ ᐊ ᐊᑎ ᑕᔨᒋ ᐅᒪᒧᐊᔭᒥᐊᐛ᙮

1 ᑯᕆᓐᑎᔭᓇ 7:17

ᒥᓯᐛ ᐊᐛᓐ ᒋᐸ ᐃᓯ ᐱᒪᑎᓯᐤ ᑕᓐ ᑲ ᐃᓯ ᒥᔭᑭᓄᐅᑦ ᒐᒋ ᐃᓯ ᐱᒪᑎᓯᑦ, ᐊᓂᔭ ᑭᑈ ᑲ ᐃᓯ ᐅᑎᓂᑯᑦ ᒋᓴᒪᓂᑐᐛ ᒐ ᐃᓯ ᐱᒪᑎᓯᑯᐱᓇ᙮ ᐊᐅᒄ ᐅᔭ ᐊ ᐃᓯ ᓯᒋᒥᒂᐤ ᒐᒋ ᐃᓯ ᓂᓇᑭᑐᐛᔨᑕᒡ ᒥᓯᐛ ᒪᒧᐤ ᑲ ᐊᔭᒥᐊᐛᑎᓯᒡ᙮

1 ᑕᓴᓗᓂᔭᓇ 1:6

ᑕᓐ ᑲ ᐃᓯ ᐛᐱᒥᔭᒡ ᐊ ᐃᑕᑎᓯᔭᒡ ᐊᐅᑯᓐ ᑭᔭ ᒋᔨᐛᐤ ᒂ ᐊᑎ ᐃᑕᑎᓯᔭᒄ᙮ ᐊᑯ ᒪᒃ ᐊᔪᐤ ᐅᑎᐸᔨᒋᒐᐤ ᒂ ᐊᑎ ᓂᔅᐱᑐᐛᒄ᙮ ᐊᑎ ᒪᒃ ᓇᔅᒡ ᐊᒋ ᓂᓇᐧᑲᒋᐃᑯᔭᒄ ᐃᔭᐱᒡ ᔅᒋ ᐃᑐᑕᑯᐛᐤ ᑲ ᐸᔭᒋᓯᑦ ᐊᒐᐧᒄ ᒐᒋ ᒧᒋᒐᔨᑎᒪᒄ ᐊ ᐅᑎᓂᒪᓱᔭᒄ ᒥᔽᒋᒧᐅᓐ᙮

1 ᑕᓴᓗᓂᔭᓇ 3:6

ᐊᑯ ᒪᒃ ᐊᒋ ᐸᒋ ᑎᑯᓯᐧᒃ ᑎᒧᑎ ᐊᓐᑕ ᐊ ᑕᐛᒄ ᐊ ᐅᑐᑕᑦ ᑭᔭ ᐊᒋ ᒥᔪ ᐊᔨᒧᑎᒧᔨᒥᑦ ᒋᑕᑈᑎᒧᐅᓄᐛᔪᐤ ᑭᔭ ᒋᓴᒋᐃᐛᐅᓄᐛᔪᐤ, ᐊᔪᐤ ᓂᒋ ᐎᑎᒪᑯᓇᓐ ᒧᔅ ᐊ ᒥᔪ ᒋᔅᒋᑐᐎᔭᒡ ᑭᔭ ᓇᔅᒡ ᐊ ᐎ ᐛᐱᒥᔭᒡ ᒧᔭᒻ ᓂᔭᓐ ᐛ ᐃᔅᐱᔅ ᐎ ᐛᐱᒥᑕᒡ᙮

2 ᑕᓴᓗᓂᔭᓇ 2:15

ᐊᑯ ᒪᒃ ᓂᐧᑲᓂᓯᑐᒄ, ᓱᒃ ᓱᒋᑲᐳᐅᒄ ᒋᑕᑈᑎᒧᐅᓄᐛᒡ ᑭᔭ ᒥᒪᒋᒥᓂᒧᒄ ᑕᓐ ᑲ ᐃᓯ ᒋᔅᑯᑎᒪᑕᒡ ᑲ ᑭᒐᔅᒋᒥᑕᒡ ᑭᔭ ᑕᓐ ᑲ ᐃᓯ ᒥᓯᓇᐊᒪᑕᒡ᙮

2 ᑕᓴᓗᓂᔭᓇ 3:6

ᓂᐧᑲᓂᓯᑐᒄ, ᒋᑦ ᐃᑎᓱᒥᑎᓇᓐ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓐ ᐅᒋ, ᐊᑲᐎᔾ ᐊᐱᑕᔨᒪᐧᑯᒡ ᐊᓐᒡ ᐊᐛᓐᒋ ᐊᑲ ᓇᔅᒡ ᒐᒂᓂᒡ ᐃᑕᐱᑎᓯᒡ ᑭᔭ ᐊᑲ ᐊᐱᑕᔨᑕᒡ ᑕᓐ ᑲ ᐃᓯ ᒋᔅᑯᑎᒪᑕᒡ᙮