1 ᑯᕆᓐᑎᔭᓇ 10:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᐊᑯ ᒪᒃ ᐊᑲᐎᔾ ᒋᑭ ᐅᒋ ᐊᔭᒥᐊᔅᑐᐛᓄᐅᒡ ᒥᓂᑐᐧᑲᓐᒡ ᒧᔭᒻ ᐎᔨᐛᐤ ᑲ ᐃᑎᒡ᙮ ᒪᐅ ᐊᑎᔅᑕᒡ ᒥᓯᓇᐃᑭᓂᒡ, ᐊᓐᒡ ᐃᔪᒡ ᒋ ᒥᒋᓱᐅᒡ, ᑭᔭ ᒋ ᒥᓄᐅᒡ, ᑭᔭ ᒋ ᓂᒧᐅᒡ᙮

1 ᑯᕆᓐᑎᔭᓇ 10:7 Iomraidhean Croise

ᐊᒃᓱᑕᔅ 32:17

ᒐᓱᐛ ᒋ ᐸᑎᒻ ᐊ ᐃᑎᑕᑯᓯᔨᒋ ᐃᔪᐛ᙮ ᐊᑯ ᒐᑲᑦ ᐛᑎᑕᐧᒃ ᐊᓐᑕ ᑲ ᒪᓂᑲᓱᓇᓄᐎᒡ, ᒧᓱᓴ ᒋᓂᒋᔅᑯᐛᐤ ᐊᑯ ᒂ ᐃᑕᑦ, “ᓂ ᐸᑕᓐ ᐊᓐᑕ ᑲ ᒪᓂᑲᓱᓇᓄᐅᒡ ᒧᔭᒻ ᐊ ᓂᑐᐱᔨᓇᓄᐅᒋ ᐊᑎᑕᒂᒡ᙮”

ᐊᒃᓱᑕᔅ 32:19

ᒥᒋᒪ ᑲᒋ ᐅᑎᑕᐧᒃ ᒧᓱᔅ ᐊᓐᑕ ᐛᒋᓇᓄᐎᒡ ᑭᔭ ᐎᔭᐱᒪᑦ ᒥᓂᑐᐧᑲᓇ ᑭᔭ ᐊᓂᔭ ᐃᔪᐛ ᓇᒥᔨᒋ, ᒋᒋᐛ ᒋ ᒋᔄᐳᐤ᙮ ᒋ ᐛᐱᓇᐤ ᐊᓂᔭ ᐊᓯᓂᔭ ᑲ ᑕᐧᑯᓇᑦ ᐊᓐᑕ ᒧᔅᑎᑭᒥᒡ ᑭᔭ ᒋ ᐱᓯᓯᒪᐤ᙮

ᐊᒃᓱᑕᔅ 32:4

ᒂ ᐊᐸᓴᐧᒃ ᐊᕋᓐ ᒥᓯᐛ ᐊᓂᔭ ᑲ ᒥᔭᑭᓄᐅᑦ ᑭᔭ ᒂ ᐅᓯᐊᑦ ᒥᓂᑐᐧᑲᓇ ᒥᒋᑎᒂ ᐊ ᐃᓯᓇᑯᓯᔨᒋ᙮ ᒂ ᐃᔅᒋᔄᒡ ᐃᔪᒡ, “ᑭᓄᐛᐱᒥᐧᒄ ᒋ ᒋᓴᒪᓂᑐᒧᐛᐤ, ᐅ ᐃᔅᕋᐃᓪ, ᑲᒋ ᐸᒋ ᐎᐎᑕᐃᑕᒄ ᐃᒋᑉᑎᒡ ᐅᒡ᙮”

ᐊᑈᔅᑕᓇᒡ 15:20

ᒋᐸ ᒥᓯᓇᐊᒧᐛᓄᐅᒡ ᐅᒡ ᐊ ᐎᑎᒧᐛᐧᑯᒡ ᐅᔭ ᒐᒋ ᐃᓯ ᓂᓇᑭᑐᐛᔨᑕᒡ᙮ ᒐ ᐊᑲ ᒋ ᒧᐛᒡ ᐊᐛᓯᓴ ᐊᒋ ᒥᑐᔅᑕᐊᒧᐛᑭᓄᔨᒋ ᒥᓂᑐᐧᑲᓇ, ᑭᔭ ᐊᐛᓯᓴ ᐊᒋ ᒋᐳᑕᒪᐱᐧᑲᑕᑭᓄᔨᒋ ᒪᒃ ᑭᔭ ᒥᐧᑯᔪᐤ ᒐᒋ ᒥᒋᒡ ᑭᔭ ᐊᑲ ᐎᓂᓱᐅᓂᒡ ᒐᒋ ᐃᓯ ᐱᒪᑎᓯᒡ᙮

1 ᑯᕆᓐᑎᔭᓇ 10:14

ᐊᑯ ᒪᒃ ᓂᐎᒐᐛᑭᓂᑎᒄ ᑲ ᓴᒋᐃᑎᑯᒡ, ᐊᑲᐎᔾ ᓂᑕ ᐊᔭᒥᐊᔅᑐᐛᐧᑯᒡ ᒥᓂᑐᐧᑲᓐᒡ᙮

1 ᑯᕆᓐᑎᔭᓇ 5:11

ᒥᓐ ᒪᒃ ᐸᐃᒂᐤ ᓂᑭ ᒥᓯᓇᐊᓐ ᒐᔅᑎᓇᔅ ᒐᒋ ᓂᔅᑐᑎᒪᒄ ᐊᐛᓐᒋ ᑲ ᐊᔨᒧᒥᒂᐤ᙮ ᐊᑲᐎᔾ ᐎᒐᐛᑭᓂᒄ ᐊᐛᓐ ᐊ ᐃᔅᒋᔄᑦ ᐊ ᑕᑈᔭᔨᒪᑦ ᒋᓴᓴ, ᒥᓯᐛ ᓂᓇᐧᑯᐤ ᐎᓂᓱᐅᓂᒡ ᐊ ᐃᓯ ᐱᒪᑎᓯᒂ, ᐊ ᒧᔅᑕᓂᒪᒐᒂ ᒐᒂᔪᐛ ᑭᔭ ᒪᒃ ᐊ ᐊᔭᒥᐊᔅᑐᐛᒂ ᒥᓂᑐᐧᑲᓇ ᑭᔭ ᒪᒃ ᓂᑎᒥᒄ ᐊ ᐃᑕᒋᒪᒂ ᐊᐛᔪᐛ, ᑭᔭ ᒪᒃ ᐊ ᐎᒋᐸᒂ ᑭᔭ ᒪᒃ ᐊ ᐎᒋ ᑲᒐᒧᑎᒂ᙮ ᐊᑲᐎᔾ ᐛᐛᒡ ᐎᒋᒥᒋᓱᒪᐧᒃ ᐊᐛᓐ ᐅᔭ ᐊ ᐃᑕᑎᓯᑦ᙮

1 ᑯᕆᓐᑎᔭᓇ 6:9

ᐊᑲᐎᔾ ᐎᔭᓯᐃᓱᒄ᙮ ᒋ ᒋᔅᒐᔨᑕᓇᐛᒐ ᐊᓐᒡ ᐊᐛᓐᒋ ᑲ ᒥᒐᑎᓯᒡ ᓇᒪ ᒋᑭ ᐅᒋ ᒥᔨᑯᐅᒡ ᒋᓴᒪᓂᑐᐛ ᐊᓐᑕ ᐅᒋᓴᐅᒋᒪᐅᓂᔨᒡ ᒐᒋ ᑕᒡ᙮ ᒪᒃ ᐊᓐᒡ ᐊᐛᓐᒋ ᒥᓯᐛ ᐎᓂᓱᐅᓂᒡ ᑲ ᐃᓯ ᐱᒪᑎᓯᒡ, ᑭᔭ ᒪᒃ ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ, ᑭᔭ ᒪᒃ ᐊᓐᒡ ᑲ ᐅᓂᑐᑐᐛᒡ ᐅᐎᒋᒪᑭᓄᐛᐛ ᑭᔭ ᒪᒃ ᐊᓐᒡ ᑲ ᒋᓯᐧᑯᐛᑭᓄᐎᒡ ᓇᐸᐅᒡ ᐊ ᐎᐸᒪᑭᓄᐎᒡ ᑭᔭ ᒪᒃ ᐊᓐᒡ ᓇᐸᐅᒡ ᑲ ᐎᐸᒥᑐᒡ, ᑭᔭ ᐃᔎᐅᒡ ᑲ ᐎᐸᒥᑐᒡ᙮

1 ᑯᕆᓐᑎᔭᓇ 8:7

ᒥᒄ ᒪᒃ ᓇᒪ ᒥᓯᐛ ᐊᐛᓐ ᒋᔅᒐᔨᑎᒻ ᐊ ᑕᑈᒥᑭᓂᔨᒡ ᐅᔭ᙮ ᐱᔅᒐ ᐊᐛᓐᒋ ᐃᑕᔨᑎᒧᒡ ᒧᔭᒻ ᒥᓂᑐᐧᑲᓇ ᐊ ᐊᔭᒥᐊᔅᑐᐛᒡ ᐊ ᐃᓯᓇᑯᓯᒡ ᐊ ᒥᒋᒡ ᒥᑐᔅᑕᐊᒪᒐᐅᓂᔪᐤ ᒥᓂᑐᐧᑲᓇ ᐊᒋ ᐱᔅᑎᓂᒧᐛᑭᓄᔨᒋ᙮ ᐛᒋᐱᔪᐤ ᒐᒋ ᐃᑕᔨᑕᒡ ᐅᔭ ᐛᔅ ᓇᒪ ᐊᔨᒋᑲᐳᐅᒡ ᑕᑈᑎᒧᐅᓂᒡ᙮

1 ᒠᓐ 5:21

ᐊᐛᓯᑐᒄ, ᐃᔭᒂᒥᒄ ᒐ ᐊᑲ ᒋ ᐊᔭᒥᐊᔅᑐᐛᑯᒡ ᒥᓂᑐᐧᑲᓐᒡ᙮