1 ᑯᕆᓐᑎᔭᓇ 10:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᒥᓯᐛ ᐊ ᐃᓯ ᑯᒂᒋᐃᑯᐅᔭᐧᒄ, ᐊᐅᑯᓐ ᐊ ᐃᓯ ᑯᒂᒋᐊᑭᓄᐅᑦ ᒥᓯᐛ ᐊᐛᓐ᙮ ᒥᒄ ᒪᒃ ᒋᓴᒪᓂᑐᐤ ᑯᐃᔅᒄ ᐃᑐᐤ᙮ ᓇᒪ ᒋᑭ ᐅᒋ ᐱᔅᑎᓂᑯᓄᐤ ᒥᒋᒪ ᒐᒋ ᐃᓯ ᑯᒂᒋᐃᑯᐅᐛᐧᒄ ᐊᑲ ᒋ ᐃᓯᑲᐳᔅᑎᒪᐧᒄ ᑯᒂᒋᐃᐛᐅᓐ᙮ ᐊᓐᑕ ᐊᓂᔭ ᒪᒂᒡ ᐊ ᑯᒂᒋᐃᑯᐅᐛᐧᒄ ᒋᑭ ᐛᐸᑎᔨᑯᓄᐤ ᒋᓴᒪᓂᑐᐤ ᑕᓐᑕ ᒐᒋ ᐅᒋ ᓴᐳᔅᑭᒪᐧᒄ ᐊᓐ ᑯᒂᒋᐃᐛᐅᓐ᙮ ᐊᐅᒄ ᐅᔭ ᐊ ᐃᓯ ᐎᒋᐃᑕᐧᒄ ᒐ ᐊᑲ ᒋ ᓴᐧᑯᒋᐱᑎᑯᐛᐧᒄ ᐊᓂᔭ ᑕᓐ ᐊ ᐃᓯ ᑯᒂᒋᐃᑯᐅᐛᐧᒄ᙮

1 ᑯᕆᓐᑎᔭᓇ 10:13 Iomraidhean Croise

ᑎᐱᑦ ᐅᓂᑭᒧᐅᓇ 124:7

ᒋᑦ ᐊᒐᐧᑯᓄᐤ ᐎᐧᑯᒋᐅᐤ ᒧᔭᒻ ᐱᔭᓯᔅ ᐅᓇᒂᓂᔨᒡ ᐅᓄᒋᐱᔭᓯᓯᐛᐛ ᐅᒡ: ᓇᒂᓐ ᐱᑯᐱᔪᐤ, ᒋ ᐎᐧᑯᒋᐅᓇᓄᐤ ᒪᒃ᙮

ᑎᐱᑦ ᐅᓂᑭᒧᐅᓇ 125:3

ᐛᔅ ᐅᒥᔅᑎᑯᒧᐛᐤ ᐅᒥᒋᑥᐅᒡ ᓇᒪᐎᔾ ᒋᑭ ᐃᑎᑯᓂᔪᐤ ᒐᒋ ᑎᐸᔨᒥᑯᐃᒋ ᐅᑯᐃᔅᑯᑕᑎᓯᐛ; ᐅᑯᐃᔅᑯᑕᑎᓯᐅᒡ ᒐ ᐊᑲ ᒋ ᑕᒋᓇᒡ ᒥᒐᑎᓯᐅᓂᔪᐤ᙮

ᑎᐱᑦ ᐅᓂᑭᒧᐅᓇ 36:5

ᒋᓱᐛᔨᒋᒐᐅᓐ, ᐅ ᑎᐸᔨᒋᒐᓱᐤ, ᒋᓯᑯᒡ ᑎᒂᓐ, ᑭᔭ ᒋᑯᐃᔅᑯᑐᐅᓐ ᐅᑎᑎᒧᐤ ᑭᔅᑯᐅᓂᒡ᙮

ᑎᐱᑦ ᐅᓂᑭᒧᐅᓇ 89:33

ᐃᔭᐱᒡ ᒪᒃ ᓂᓴᒋᐃᐛᐤ ᒋᓴᐛᑎᓯᐅᓂᔪᐤ ᓇᒪᐎᔾ ᒋᒋᐛ ᓂᑭ ᒥᔅᑭᒪᐤ, ᓇᒪ ᑭᔭ ᓂᑭ ᓇᐃᑎᒺᓐ ᓂᑯᐃᔅᑯᑐᐅᓂᔪᐤ ᒐᒋ ᓄᑕᐱᔨᒡ᙮

ᐊᒃᓱᑕᔅ 3:17

ᓂᒋ ᐊᓱᑎᒪᒐᓐ ᒐ ᐎᐎᑕᐃᒂᐤ ᓂᑦ ᐃᔨᒥᒡ ᐃᒋᑉᑎᒡ ᐅᒡ ᐊᓐᑕ ᑲ ᐃᔅᐱᔅ ᓂᓇᐧᑲᒋᐅᒡ ᑭᔭ ᒐ ᐃᑐᑕᐃᒂᐤ ᐊᓐᑕ ᐛᒋᔨᒋ ᑲᐃᓇᓐ ᐃᔪᐛ ᑭᔭ ᐊᑦ ᐃᔪᐛ ᑭᔭ ᐊᒧᕆ ᐃᔪᐛ ᑭᔭ ᐸᕆᔅ ᐃᔪᐛ ᑭᔭ ᐃᑉ ᐃᔪᐛ ᑭᔭ ᒐᐱᐅᔅ ᐃᔪᐛ, ᐊᓐᑕ ᐊ ᐛᔪᑎᓯᔨᒋ ᒋᒋᓇᐳᔭ ᑭᔭ ᑲᓯᐛᓯᐛᐳᔪᐤ᙮” ’

ᒪᑎᔪᐤ 6:13

ᐊᑲᐎᔾ ᒪᒃ ᐃᑐᑕᐃᓇᓐ ᐊᓐᑕ ᒐᒋ ᐃᓯ ᑯᒂᒋᐃᑯᐅᔭᒡ᙮ ᒥᒄ ᐸᒋ ᒥᑕᒂᓇᒧᐅᓇᓐ ᐊᓐ ᑲ ᒪᔭᑎᒡ᙮ ᐛᔅ ᒋᔾ ᒋ ᑎᐱᔨᐛᐅᓯᓐ ᐅᒋᒪᐅᓐ ᑭᔭ ᑭᔅᒋᐅᓐ ᑭᔭ ᒋᔅᑕᔨᑕᑯᓱᐅᓐ ᒧᔅ ᑲᒋᒡ, ᐊᒥᓐ᙮” ᐊᐅᒄ ᒪᒃ ᐅᔭ ᒋᓴᔅ ᑲ ᐃᓯ ᒋᔅᑯᑎᒪᒐᑦ ᒐ ᐃᓯ ᐊᔭᒥᐊᓄᐎᒡ᙮

ᓗᒃ 11:4

ᐛᐸᔨᑎᒧᐅᓇᓐ ᓂᒥᒋᑥᐅᓇᓇ, ᐛᔅ ᑭᔭ ᓂᔭᓐ ᓂ ᐛᐸᔨᑎᒧᐅᓇᓐ ᒥᓯᐛ ᐊᐛᓐ ᑲ ᒥᒋᑐᑐᔨᒥᑦ᙮ ᐊᑲᐎᔾ ᒪᒃ ᐃᑐᑕᐃᓇᓐ ᐊᓐᑕ ᒐᒋ ᐃᓯ ᑯᒂᒋᐃᑯᐅᔭᒡ, ᒥᒄ ᐸᒋ ᒥᑕᒂᓇᒧᐅᓇᓐ ᐊᓐ ᑲ ᒪᔭᑎᒡ᙮’ ”

ᓗᒃ 16:26

ᑭᔭ ᑎᑯᓐ ᐅᑕ ᑎᔅᑐᐎᒡ ᐊ ᑕᔭᐧᒄ ᐊ ᐊᑎᑲᒪᓯᓇᓄᐅᒡ ᐊᑲ ᓇᔅᒡ ᒋ ᐃᓯᓇᒂᒡ ᒐᒋ ᐊᓱᐅᑕᑦ ᐊᐛᓐ ᓇᑕ ᐃᔅ ᐊ ᑕᔨᓐ ᑭᔭ ᓇᑕ ᐅᒋ ᒐᒋ ᐸᒋ ᐊᓱᐅᑕᑦ ᐊᐛᓐ᙮’ ”

ᓗᒃ 22:46

ᒋᓴᔅ ᒪᒃ ᒋ ᐃᑕᐤ, “ᑕᓐ ᐊ ᐃᑎᔭᒄ ᐛᒋ ᓂᐸᔭᒄ ? ᐅᓂᐧᒄ ᒐ ᐊᔭᒥᐊᔭᒄ ᒐ ᐊᑲ ᒋ ᓴᐧᑯᒋᐃᑯᔭᒄ ᑯᒂᒋᐃᐛᐅᓐ᙮”

ᐊᑈᔅᑕᓇᒡ 27:44

ᑭᔭ ᐊᓐᒡ ᑯᑎᑭᒡ ᐊᐅᑯᓐ ᒋᐸ ᐃᑐᐅᒡ ᑭᔭ ᐎᔨᐛᐤ ᐊ ᒪᒋᑯᒡ ᓂᐱᐧᑲᑎᑯᒡ ᒪᒃ ᑯᑎᒋᔪᐤ ᒐᒂᔪᐤ ᐊᓐᑕ ᐅᒋ ᐊ ᒥᓴᒡ ᐅᐤᑎᒡ ᐊᒋ ᐱᒂᐊᓂᔨᒡ᙮ ᐊᑯ ᒪᒃ ᒥᓯᐛ ᑲ ᑎᓯᔭᒡ ᑲ ᒥᔪᐱᔭᒡ ᒐᒋ ᑭᐸᔭᒡ ᐊᔅᒋᔾ ᒐᒋ ᑕᒋᔅᑭᒪᒡ᙮

1 ᑯᕆᓐᑎᔭᓇ 1:9

ᑯᐃᔅᒄ ᐃᑐᐤ ᒋᓴᒪᓂᑐᐤ᙮ ᐊᐅᒄ ᒪᒃ ᐅ ᑲ ᑕᑈᑎᑕᒄ ᒐᒋ ᐎᒐᐅᒪᑯ ᐅᑯᓴ ᐊᐅᑯᔪᐛ ᐅᔭ ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ᙮

2 ᑯᕆᓐᑎᔭᓇ 1:10

ᐊᑎ ᐊᒋ ᐃᓯᓇᒂᒡ ᒧᔭᒻ ᒐ ᓂᐱᔭᒡ, ᒋᓴᒪᓂᑐᐤ ᓂᒋ ᑭᓄᐛᔨᒥᑯᓇᓐ᙮ ᐎᔾ ᒪᒃ ᓂ ᑭᓄᐛᔨᒥᑯᓇᓐ ᐊᓄᒡ᙮ ᐊᐅᒄ ᐅᔭ ᐊ ᐃᓯ ᒐᔅᑎᓇᑕᔨᒥᒋᒡ ᐊᓐᑕ ᓂᔅᑕᒥᒡ, ᒐᔅᑎᓇᔅ ᒧᔅ ᒐ ᑭᓄᐛᔨᒥᔨᒥᑦ ᓇᒪ ᐎᔭᓯᓐ ᑕᓐ ᒐ ᐃᓯ ᐊᔨᒥᐅᐛᒐ᙮

1 ᑕᓴᓗᓂᔭᓇ 5:24

ᒋᓴᒪᓂᑐᐤ ᐊᓐ ᑲ ᑕᑈᑎᑕᒄ ᒋᑭ ᐃᑐᑎᒻ ᑕᑈ ᒥᓯᐛ ᑕᓐ ᑲ ᐃᔅᒋᔄᑦ ᒐ ᐃᑐᑕᐧᒃ, ᐛᔅ ᑕᑈᐅᒐᔨᑕᑯᓱᐤ᙮

2 ᑕᓴᓗᓂᔭᓇ 3:3

ᐃᑕᔨᑕᑯᓱᐤ ᒪᒃ ᐅᑎᐸᔨᒋᒐᐤ ᒐᒋ ᑕᑈᐅᒐᔨᒪᑭᓄᐅᑦ᙮ ᒋᑭ ᐃᑐᑕᑯᐛᐤ ᒐᒋ ᓱᒋᑲᐳᐅᐛᒄ ᑭᔭ ᒋᑭ ᒥᔪ ᑭᓄᐛᔨᒥᑯᐛᐤ ᒐ ᐊᑲ ᒋ ᓂᓱᐅᓇᒋᐃᑕᒄ ᒥᒋᒥᓂᑐᐤ᙮

2 ᑎᒧᑎ 4:18

ᐛᔅ ᐅᑎᐸᔨᒋᒐᐤ ᓂᑭ ᐎᐧᑯᒋᐃᒄ ᒥᓯᐛ ᑕᓐ ᒐ ᐃᓯ ᐅᑎᑕᐅᑯᔭᓐ ᒐᒂᓐ ᐊ ᒪᔭᑎᒡ ᑭᔭ ᐎᔾ ᓂᑭ ᐸᓱᐅᒄ ᐊᓐᑕ ᐊᓂᔭ ᐅᒋᒪᐅᓂᔪᐤ ᒋᒋᒋᓯᑯᒡ ᐊ ᑎᑯᓂᔨᒡ᙮ ᐎᔾ ᒋᑭ ᐎ ᒋᔅᑕᔨᑕᑯᐊᑭᓄᐤ ᑲᒋᒡ ᑭᔭ ᑲᒋᒡ᙮ ᐊᒥᓐ᙮

ᐃᑉᕈᐛ 10:23

ᓱᒃ ᒪᒃ ᓱᒋᑲᐳᐅᑕᐤ ᑕᓐ ᐊ ᐃᓯ ᒐᔅᑎᓇᑕᔨᑎᒪᐧᒄ, ᐊᑲᐎᔾ ᐊᓏᑎᒧᑕᐤ, ᐛᔅ ᒐᔅᑎᓇᔅ ᒋᑭ ᐃᑐᑎᒻ ᒋᓴᒪᓂᑐᐤ ᐊᓂᔭ ᑲ ᐃᔅᒋᔄᑦ ᒐ ᐃᑐᑕᐧᒃ᙮

ᐃᑉᕈᐛ 11:11

ᑭᔭ ᓴᕋ ᓂᑦ ᐊᔨᒧᒪᐤ᙮ ᐊᑉᕋᐊᒻ ᐎᐛ ᐊᓂᔭ ᓴᕋᔨᒋ᙮ ᑭᔭ ᐎᔾ ᒪᒃ ᓴᕋ ᒋ ᑕᑈᔭᔨᒪᐤ ᒋᓴᒪᓂᑐᐛ᙮ ᓇᒪ ᓂᑕ ᐅᒋ ᐊᔭᐛᐤ ᐊᐛᓴ ᑭᔭ ᓴᔅ ᒋ ᐎᒪᔅᑭᒻ ᐊᓂᔭ ᐊ ᐃᔅᐱᑎᓯᓇᓄᐎᒡ ᒐᒋ ᐊᔭᐛᑭᓄᔨᒋ ᐊᐛᓴ᙮ ᒥᒄ ᒪᒃ ᐃᔭᐱᒡ ᒋ ᐊᔭᐛᐤ ᐊᐛᓴ ᐊᓂᔭ ᐅᒋ ᐊᒋ ᑕᑈᑐᐛᑦ ᒋᓴᒪᓂᑐᐛ ᒐᒋ ᐃᑐᑎᒪᑯᑦ ᑕᓐ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᐃᑐᑎᒪᑯᑦ᙮

ᐃᑉᕈᐛ 12:4

ᓂᐦᐃ, ᔅᒋ ᐅᔅᑯᐎᔅᑕᓐ ᒐ ᐊᑲ ᒋ ᒥᒋᑐᑎᒥᓐ᙮ ᒥᒄ ᒪᒃ ᓇᒪ ᐊᔅᒄ ᒋ ᐅᒋ ᐃᔅᐱᔅ ᓂᒋᔅᑲᓐ ᐊ ᓂᓇᐧᑲᑕᔨᒧᔨᓐ ᒐᒋ ᐃᓯᓇᒂᒡ ᓇᔅᒡ ᒐᒋ ᐎ ᓂᐸᐃᑯᔨᓐ ᒋᑕᑈᑎᒧᐅᓐ ᐅᒡ᙮

ᐃᑉᕈᐛ 6:18

ᐛᔅ ᓇᒪ ᒋᑭ ᒋ ᑭᑭᒋᔭᐤ ᒋᓴᒪᓂᑐᐤ᙮ ᐛᔅ ᑕᓐ ᐊ ᐃᓯ ᒐᔅᑎᓄᒡ ᐃᔅᒋᔄᑦ ᒐᒂᔪᐤ ᐊᐅᑯᓐ ᒐ ᐃᔅᐱᔨᒡ᙮ ᒋ ᐃᔅᒋᔄᐤ ᒪᒃ ᐅᔭ ᒐᒋ ᒐᔅᑎᓇᑕᔨᑎᒪᐧᒄ ᐊᑲ ᓂᑕ ᐃᔭᒡ ᒐ ᐅᒋ ᐃᑕᔨᑕᐧᒃ᙮ ᐊᑯ ᒪᒃ ᐃᔅᐱ ᓇᑕᓯᒧᑐᑐᐛᒂ ᒐᒋ ᐱᒪᒋᐃᑕᐧᒄ, ᒐ ᔭᐃᑎᔅᑕᒡ ᒋᑦ ᐊᔅᐸᔨᒧᐅᓄᐤ ᐊ ᒐᔅᑎᓇᑕᔨᑎᒪᐧᒄ ᑕᓐ ᑲ ᐃᓯ ᓇᔅᐱᒡ ᑕᑈᑦ᙮

1 ᐱᑕᕐ 4:19

ᐊᑯ ᒪᒃ ᐊᓐᒡ ᐊᐛᓐᒋ ᑲ ᓂᓇᐧᑲᑕᔨᒧᒡ ᒋᓴᒪᓂᑐᐛ ᐊᒋ ᐱᔅᑎᓂᒥᔨᒋ ᐅᔭ ᒐᒋ ᐃᔅᐱᔨᒡ, ᐃᔭᐱᒡ ᒋᐸ ᐃᑐᑎᒧᒡ ᐊᓂᔭ ᑕᓐ ᐊ ᐃᓯ ᑯᐃᔅᑯᓇᑯᓂᔨᒡ ᑭᔭ ᓇᔅᒡ ᒋᐸ ᑕᑈᐅᒐᔨᒪᐅᒡ ᒋᓴᒪᓂᑐᐛ ᐊᓂᔭ ᑲ ᐅᓯᐃᑯᒡ, ᐊᓂᔭ ᒐ ᐊᑲ ᓂᑕ ᐅᒋ ᐳᓂᔨᒋ ᐊ ᐎᒋᐃᑯᒡ᙮

2 ᐱᑕᕐ 2:9

ᒐᔅᑎᓇᔅ ᑭᔅᒋᑕᐤ ᒋᓴᒪᓂᑐᐤ ᒐᒋ ᐎᐧᑯᒋᐊᑦ ᐅᑯᐃᔅᑯᑕᑎᓯᐛ ᑕᓐ ᐊ ᐃᓯ ᓂᒋᔅᑭᒥᔨᒋ ᑭᔭ ᓂᓇᑭᑐᐛᔨᑎᒥᐃᑯᐤ ᐛᔅ ᒋᓴᒪᓂᑐᐤ ᑕᓐ ᐊ ᐃᓯ ᒥᒐᑎᓯᓇᓄᐎᒡ ᐊ ᒋᔅᒐᔨᑕᐧᒃ ᐸᐃᒂᐤ ᐊ ᒋᓯᑲᔨᒡ ᒥᓯᐛ ᐊᐛᔪᐛ ᒐ ᑎᐸᔅᑯᓇᑦ᙮

1 ᒠᓐ 1:9

ᒧᔭᒻ ᐎᑎᒧᐛᒂ ᒋᓴᒪᓂᑐᐤ ᒋᒥᒋᑐᑎᒧᐅᓄᐛ, ᐎᔾ ᑕᑈᐅᒐᔨᑕᑯᓱᐤ ᑭᔭ ᑯᐃᔅᑯᑐ, ᒋᑭ ᐛᐸᔨᑎᒪᑭᓄᐤ ᒋᒥᒋᑥᐅᓄᐛ ᑭᔭ ᒋᑭ ᐸᔭᒋᐃᑯᓄᐤ ᑕᓐ ᐊ ᐃᓯ ᐊᑲ ᑯᐃᔅᑯᑕᑎᓯᐛᐧᒄ᙮

ᒋᔅᒐᔨᑕᑯᑕᒐᐅᓐ 19:11

ᐊᑯ ᒂ ᐛᐸᑎᒪᓐ ᒋᒋᒋᓯᒄ ᐊ ᔪᑕᐱᔨᒡ᙮ ᒋ ᐅᒋ ᓄᑯᓱᐤ ᒪᒃ ᑲᐸᐃᑭᔎᐤ ᐊ ᐛᐱᓯᑦ᙮ ᐊᓐ ᒪᒃ ᑲ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ ᑲ ᑕᑈᐅᒐᔨᑕᑯᓯᑦ ᑭᔭ ᑲ ᑕᑈᑦ ᒋ ᐃᓯᓂᐧᑲᑕᑭᓄᐤ᙮ ᑯᐃᔅᑯᑕᑎᓯᐅᓂᒡ ᐃᓯ ᑎᐸᔅᑯᓂᒐᐤ ᑭᔭ ᑯᐃᔅᑯᑕᑎᓯᐅᓂᔪᐤ ᒪᓯᒐᔅᑎᒻ᙮

ᒋᔅᒐᔨᑕᑯᑕᒐᐅᓐ 2:10

ᐊᑲᐎᔾ ᑯᔅᑕᒋᒄ ᑕᓐ ᒐ ᐃᓯ ᓂᓇᐧᑲᑕᔨᒧᔭᒄ᙮ ᒥᒋᒥᓂᑐᐤ ᒋᑭ ᑯᒂᒋᐃᑯᐛᐤ ᐊ ᐃᑐᑕᑕᒄ ᐱᔅᒐ ᒐᒋ ᒋᐸᐅᑯᐛᒄ ᑲᒪᑯᓄᐛᓯᐅᒋᐛᐱᒡ᙮ ᐸᐃᑯᔪᐛ ᒋᓯᑲᐛ ᒋᑭ ᐃᔅᐱᔅ ᓂᓇᐧᑲᑕᔨᒧᓇᐛᐤ᙮ ᐊᑲᐎᔾ ᒪᒃ ᐳᓂᒄ ᐊ ᑕᑈᔭᔨᒥᔭᒄ ᐊᑎ ᐎ ᓂᐸᐃᑯᔭᒂ᙮ ᐊᑯ ᒪᒃ ᒐ ᑲᓂᔪᐅᔭᒄ ᒋᓴᐅᒋᒪᐅᑯᓂᔎᐅᓐ ᐊᐅᒄ ᑲᒋᒡ ᐱᒪᑎᓯᐅᓐ᙮”

ᒋᔅᒐᔨᑕᑯᑕᒐᐅᓐ 3:10

ᐊᓐ ᐊᒋ ᓯᐱᔪᐛᓯᔭᒄ ᑕᓐ ᐊ ᐃᓯ ᓂᒋᔅᑭᒪᒄ ᒧᔭᒻ ᑲ ᐃᑎᓱᒥᑎᑯᒡ ᒐᒋ ᐃᑎᔭᒄ, ᒋᑭ ᑭᓄᐛᔨᒥᑎᓇᐛᐤ ᐊᓐᑕ ᒪᒂᒡ ᐱᒥᐱᔨᒐ ᐊ ᐊᔨᒥᐅᒡ ᐊᐛᓐᒋ, ᐊᓐᑕ ᒪᒂᒡ ᒐ ᓂᑐ ᒋᔅᒐᔨᒪᑭᓄᐎᒡ ᒥᓯᐛ ᐊᐛᓐᒋ ᐅᑕ ᐊᔅᒋᒡ ᐊ ᑕᒡ᙮