1 ᑯᕆᓐᑎᔭᓇ 1:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᑯᐃᔅᒄ ᐃᑐᐤ ᒋᓴᒪᓂᑐᐤ᙮ ᐊᐅᒄ ᒪᒃ ᐅ ᑲ ᑕᑈᑎᑕᒄ ᒐᒋ ᐎᒐᐅᒪᑯ ᐅᑯᓴ ᐊᐅᑯᔪᐛ ᐅᔭ ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ᙮

1 ᑯᕆᓐᑎᔭᓇ 1:9 Iomraidhean Croise

ᑎᐱᑦ ᐅᓂᑭᒧᐅᓇ 100:5

ᐛᔅ ᑎᐸᔨᒋᒐᓱᐤ ᒥᔽᑎᓯᐤ; ᐅᒋᓴᐛᑎᓯᐅᓐ ᑲᒋᒡ ᐃᑎᑯᓂᔪᐤ; ᑭᔭ ᐅᑕᑈᐅᓐ ᐊᔨᑎᓂᔪᐤ, ᐱᐃᒻ ᒥᓯᐛ ᒐ ᐊᑎ ᐊᓂᔅᒐ ᐱᒪᑎᓯᓇᓄᐎᔨᒡ᙮

ᒪᑎᔪᐤ 24:35

ᒋᒋᒋᓯᒄ ᑭᔭ ᐊᔅᒋᔾ ᒋᑭ ᐃᔎᐱᔪᐛ ᒥᒄ ᒪᒃ ᓂᑦ ᐃᔨᒧᐅᓐ ᓇᒪ ᓂᑕ ᒋᑭ ᐅᒋ ᐃᔎᐱᔪᐤ᙮”

ᒠᓐ 17:21

ᑭᒪ ᐃᓯᓇᑯᓱᒡ ᐅᒡ ᒐᒋ ᐸᐃᑯᒡ᙮ ᓄᑕ, ᒋ ᓂᑐᑎᒪᑎᓐ ᒐᒋ ᐱᒋᔅᑲᑕᐧᑯᒡ ᒧᔭᒻ ᒋᔾ ᐊ ᐃᓯ ᐱᒋᔅᑯᐎᔨᓐ ᑭᔭ ᒐᒋ ᐅᒋ ᑕᑈᑕᒡ ᐊᐛᓐᒋ ᐅᑕ ᐊᔅᒋᒡ ᐊ ᑕᒡ ᑕᑈ ᒋᔾ ᐊᒋ ᐸᒋ ᐃᑎᓴᐎᔨᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:17

ᐊᓐᒡ ᐃᔪᒡ ᒍᐤ ᑲ ᐃᑎᔅᑲᓇᓯᒡ ᐊᐅᑯᐤ ᐅᒡ ᐊᓕᑉ ᒥᔅᑎᒄ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᑲ ᓂᑕᐅᒋᐊᑭᓄᐅᑦ᙮ ᒋ ᑎᑯᓇ ᐅᑎᐧᑯᓇ ᐊᒋ ᓇᑥᑲᐃᑭᓄᐅᒋ ᐊᓐᑕ ᐅᒋ ᒥᔅᑎᑯᒡ᙮ ᐸᐃᒄ ᒪᒃ ᐅᑎᐧᑯᓐ ᓂᑎᒥᒄ ᐊ ᓂᑕᐅᒋᑦ ᐊᓕᑉ ᒥᔅᑎᒄ ᒋ ᒋᑭᒧᑕᑭᓄᐅᔪᐤ ᐊᓐᑕ᙮ ᒋᔨᐛᐤ ᒪᒃ ᐊᑲ ᒍᐤ ᐃᑎᔅᑲᓇᓯᔭᒄ ᐊᐅᑯᓐ ᐊᓐ ᐊᓕᑉ ᒥᔅᑎᒄ ᐊᓐᑕ ᓂᑐᐎᔾ ᑲ ᓂᑕᐅᒋᑦ᙮ ᐊᓄᒡ ᒪᒃ ᒋ ᒥᔪ ᓂᑕᐅᒋᓇᐛᐤ ᐊᒐᐧᑯᐅᓂᒡ ᑭᔭ ᒋᔨᐛᐤ, ᒧᔭᒻ ᑕᓐ ᐊ ᐃᓯ ᒥᔪ ᓂᑕᐅᒋᒡ ᐊᒐᐧᑯᐅᓂᒡ ᐊᓐᒡ ᒍᐤ ᐃᔪᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:28

ᒋ ᒋᔅᒐᔨᑕᓇᓄᐤ ᒪᒃ ᒥᓯᐛ ᒐᒂᔪᐛ ᐊ ᐃᔅᐱᔨᒋ ᐅᐱᒪᑎᓯᐅᓂᔨᒡ ᐊᓂᔭᔪᐛ ᑲ ᓴᒋᐃᑯᑦ ᒋᓴᒪᓂᑐᐤ, ᐃᑐᑎᒧᐛᐤ ᒥᓯᐛ ᒐᒋ ᒥᔪᑐᑕᑯᔨᒋ᙮ ᐊᐅᑯᓐ ᐊ ᐃᑐᑎᒧᐛᑦ ᐊᓂᔭᔪᐛ ᐎᔾ ᑲ ᐃᑕᔨᑕᐧᒃ ᒐᒋ ᐅᑎᓇᑦ ᒐᒋ ᐅᑦ ᐃᔨᒥᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:30

ᐊᓂᔭᔪᐛ ᒪᒃ ᓂᑲᓐ ᑲ ᐎᔭᔨᒪᑦ ᐊᐛᔪᐛ ᒋ ᑕᑈᑕᐤ᙮ ᐅᔭ ᒪᒃ ᑲ ᑕᑈᑕᑦ ᒋ ᑯᐃᔅᑯᓇᑯᐊᐤ ᐎᔾ ᐃᔅ ᐊ ᑕᑦ᙮ ᐅᔭ ᒪ ᑲ ᑯᐃᔅᑯᓇᑯᐊᑦ ᒋ ᒋᔅᑕᔨᑕᑯᐊᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:24

ᒋᔭᓄᐤ ᔅᒋ ᑕᑈᑎᑯᓄᐤ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ᙮ ᓇᒪ ᒪᒃ ᒥᒄ ᓂᔭᓐ ᒍᐤ ᑲ ᐃᑎᔅᑲᓇᓯᔭᒡ ᓂ ᐅᒋ ᑕᑈᑎᑯᓇᓐ ᑭᔭ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᔅᒋ ᑕᑈᑎᑯᐛᐤ᙮

1 ᑯᕆᓐᑎᔭᓇ 1:30

ᐎᔾ ᒋᓴᒪᓂᑐᐤ ᒋ ᓇᐃᐱᔨᑕᐤ ᒐᒋ ᐎᒐᐅᒪᑯ ᒋᓴᔅ ᙭ᑕ᙮ ᒋᓴᔅ ᒪᒃ ᐊ ᑕᑦ ᐅᒋ ᐊᑯᑕ ᐛᒋ ᐊᔭᔭᐧᒄ ᑭᒐᑕᐛᔨᑎᒧᐅᓐ, ᑭᔭ ᑯᐃᔅᑯᑕᑎᓯᐅᓐ, ᑭᔭ ᐸᔭᒋ ᐱᒪᑎᓯᐅᓐ, ᑭᔭ ᐱᒪᒋᐃᑯᓯᐅᓐ᙮

1 ᑯᕆᓐᑎᔭᓇ 10:13

ᒥᓯᐛ ᐊ ᐃᓯ ᑯᒂᒋᐃᑯᐅᔭᐧᒄ, ᐊᐅᑯᓐ ᐊ ᐃᓯ ᑯᒂᒋᐊᑭᓄᐅᑦ ᒥᓯᐛ ᐊᐛᓐ᙮ ᒥᒄ ᒪᒃ ᒋᓴᒪᓂᑐᐤ ᑯᐃᔅᒄ ᐃᑐᐤ᙮ ᓇᒪ ᒋᑭ ᐅᒋ ᐱᔅᑎᓂᑯᓄᐤ ᒥᒋᒪ ᒐᒋ ᐃᓯ ᑯᒂᒋᐃᑯᐅᐛᐧᒄ ᐊᑲ ᒋ ᐃᓯᑲᐳᔅᑎᒪᐧᒄ ᑯᒂᒋᐃᐛᐅᓐ᙮ ᐊᓐᑕ ᐊᓂᔭ ᒪᒂᒡ ᐊ ᑯᒂᒋᐃᑯᐅᐛᐧᒄ ᒋᑭ ᐛᐸᑎᔨᑯᓄᐤ ᒋᓴᒪᓂᑐᐤ ᑕᓐᑕ ᒐᒋ ᐅᒋ ᓴᐳᔅᑭᒪᐧᒄ ᐊᓐ ᑯᒂᒋᐃᐛᐅᓐ᙮ ᐊᐅᒄ ᐅᔭ ᐊ ᐃᓯ ᐎᒋᐃᑕᐧᒄ ᒐ ᐊᑲ ᒋ ᓴᐧᑯᒋᐱᑎᑯᐛᐧᒄ ᐊᓂᔭ ᑕᓐ ᐊ ᐃᓯ ᑯᒂᒋᐃᑯᐅᐛᐧᒄ᙮

1 ᑯᕆᓐᑎᔭᓇ 10:16

ᐊᓐ ᐊ ᑯᒥᓂᐅᐎᔭᐧᒄ ᒋᓂᓇᔅᑯᒪᓄᐤ ᒋᓴᒪᓂᑐᐤ ᙭ ᐅᒥᐧᒄ ᐊᒋ ᓯᑲᐃᑲᑕᔨᒡ ᑭᔭ ᐅᐱᒪᑎᓯᐅᓐ ᐊᒋ ᐱᔅᑎᓇᐧᒃ ᙭᙮ ᐛᔅ ᐊᓐ ᓱᒥᓇᐳᔾ ᑲ ᒥᓂᔭᐧᒄ ᑭᔭ ᐊᓐ ᐸᒂᓯᑭᓐ ᑲ ᐅᑎᓇᐧᒄ ᐊᑯᑕ ᓄᑯᑕᔭᐧᒄ ᙭ ᐊᒋ ᓂᐱᔅᑎᒪᑕᐧᒄ ᐊᓐᑕ ᒐᒋ ᐅᒋ ᐛᐸᔨᑎᒪᑯᐅᔭᐧᒄ ᒋᒥᒋᑥᐅᓄᐛ᙮

2 ᑯᕆᓐᑎᔭᓇ 1:18

ᒧᔭᒻ ᒋᓴᒪᓂᑐᐤ ᒧᔅ ᐊ ᑕᑈᑦ ᑕᓐ ᐊ ᐃᔅᒋᔄᑦ, ᓂ ᒋᔅᒐᔨᒥᒄ ᑕᑈ ᐊ ᑕᑈᐅᒡ ᑭᔭ ᓂᔾ ᑕᓐ ᐊ ᐃᔅᒋᔄᐅᒡ᙮ “ᓂᐦᐃ” ᐊ ᐃᔅᒋᔄᔭᓂ, ᑕᑈ ᓂᐦᐃ ᓂᑦ ᐃᔅᒋᔄᓐ, “ᓇᒪ” ᐊ ᐃᔅᒋᔄᔭᓂ, ᑕᑈ ᓇᒪ ᓂᑦ ᐃᔅᒋᔄᓐ᙮

ᑲᓚᓯᔭᓇ 1:15

ᐃᔭᐱᒡ ᒪᒃ ᓂᒋ ᐅᑎᓄᑯᑕᑯᐱᓐ ᒋᓴᒪᓂᑐᐤ ᐊᔅᒄ ᐊᑲ ᐅᒋ ᐱᒪᑎᓯᐅᒡ᙮ ᓇᔅᒡ ᑕᑈ ᓂᒋ ᒋᓴᐛᑐᑕᒄ ᑲ ᐅᑎᓂᑦ ᒐᒋ ᐊᑐᔅᑯᐅᒄ᙮ ᐃᔅᐱ ᒪᒃ ᐛᑎᒋᐱᔨᒡ ᐊᓐᑕ ᑲ ᐃᑕᔨᑕᐧᒃ ᒐ ᒋᔅᒐᔨᒥᒋ ᐅᑯᓴ

ᑲᓚᓯᔭᓇ 2:20

ᐛᔅ ᒧᔭᒻ ᑕᑈ ᐊᒋ ᐎᒋ ᓂᐱᒥᒃ ᒋᓴᔅ ᑲ ᒋᔅᑕᔎᑕᑭᓄᐅᑦ ᐃᓯᓇᑯᓐ᙮ ᐊᓄᒡ ᒪᒃ ᓇᒪᐎᔾ ᐊᑯ ᓂᔾ ᓂ ᒋᔅᒋᓄᐱᔨᑕᓐ ᓂᐱᒪᑎᓯᐅᓐ᙮ ᐎᔾ ᒋᓴᔅ ᒋᔅᒋᓄᐱᔨᑕᐤ ᓂᐱᒪᑎᓯᐅᓂᔪᐤ ᐛᔅ ᓂ ᐱᒋᔅᑲᒄ᙮ ᐊᑯ ᒪᒃ ᐅ ᐊᓄᒡ ᐊ ᐃᓯ ᐱᒪᑎᓯᔭᓐ ᓂ ᐱᒪᑎᓯᓐ ᐊ ᑕᑈᔭᔨᒥᒃ ᐊᓐ ᑲ ᓴᒋᐃᑦ ᑭᔭ ᑲ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ ᓂᔾ ᐅᒋ, ᐊᐅᒄ ᒋᓴᒪᓂᑐᐤ ᐅᑯᓴ᙮

ᐃᐱᓯᔭᓇ 3:6

ᐊᐅᒄ ᒪᒃ ᐅ ᐊᑲ ᐅᒋ ᒋᔅᒐᔨᑕᑭᓄᐅᒡ ᐊᓐᑕ ᐛᔅᑭᒡ, ᐊᓐ ᒥᔽᒋᒧᐅᓐ ᐅᒋ ᐊᑯᑕ ᐛᒋ ᓇᐃᐱᔨᒡ ᒥᓯᐛ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑭᔭ ᐎᔨᐛᐤ ᒐ ᐊᔭᒡ ᑕᓐ ᒐ ᐃᓯ ᒥᔭᑦ ᒋᓴᒪᓂᑐᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ᙮ ᒋᓴᒪᓂᑐᐛ ᒋ ᒥᔨᑯᐅᒡ ᒍᐤ ᐃᔪᒡ ᐊ ᑕᔨᒋ ᒐᒋ ᐃᓯ ᒥᓯᓇᓱᒡ ᑭᔭ ᐊᓂᔭ ᐊ ᓇᓴᐛᒡ ᒋᓴᓴ ᑭᔭ ᐎᔨᐛᐤ ᒐ ᐊᔭᒡ ᑕᓐ ᑲ ᐃᓯ ᐊᓱᑎᒧᐛᑦ ᒋᓴᒪᓂᑐᐤ ᒍᐤ ᐃᔪᐛ᙮

ᑯᓚᓯᔭᓇ 1:24

ᓂ ᒥᔽᔨᑕᓐ ᒪᒃ ᐊ ᓂᓇᐧᑲᑕᔨᒧᐃᑯᐅᔭᓐ ᒋᔨᐛᐤ ᐅᒋ, ᑭᔭ ᓂᔭᓯᒡ ᓄᐅᔅᒋᑕᓐ ᐊᓂᔭ ᑕᓐ ᐊ ᐃᓯ ᓄᑕᐱᔨᒡ ᙭ ᐅᐎᓯᒐᔨᑎᒧᐅᓂᒡ, ᒐᒋ ᐎᒋᐃᒂᐤ ᒪᒧᐤ ᑲ ᐊᔭᒥᐊᐛᑎᓯᒡ, ᙭ ᐎᔪᐤ᙮

1 ᑕᓴᓗᓂᔭᓇ 2:12

ᓱᒃ ᔅᒋ ᐊᓯᒋᒥᑎᓇᓐ᙮ ᔅᒋ ᒥᔽᔨᒧᐃᑎᓇᓐ ᑭᔭ ᔅᒋ ᓯᒋᒥᑎᓇᓐ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᓯ ᓇᐊᔨᑎᒥᐃᑯᑦ ᒋᓴᒪᓂᑐᐤ ᐊ ᐃᓯ ᐱᒪᑎᓯᓇᓄᐎᒡ᙮ ᐛᔅ ᐎᔾ ᒋᓴᒪᓂᑐᐤ ᒋ ᐎᓴᒥᑯᐛᐤ ᒐᒋ ᐎᒋᐃᐛᔭᒄ ᐊᓐᑕ ᑲ ᒋᔅᑕᔨᑕᑯᓂᔨᒡ ᐅᒋᓴᐅᒋᒪᐅᓂᒡ᙮

2 ᑕᓴᓗᓂᔭᓇ 2:14

ᒋᓴᒪᓂᑐᐤ ᔅᒋ ᐅᑎᓂᑯᐛᐤ ᒐᒋ ᑕᑈᑎᒪᒄ ᑕᑈᐅᓐ ᐃᔅᐱ ᑲ ᐎᑎᒪᑕᒡ ᒥᔽᒋᒧᐅᓐ᙮ ᔅᒋ ᐅᑎᓂᑯᐛᐤ ᒐᒋ ᐊᔭᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮

2 ᑕᓴᓗᓂᔭᓇ 3:3

ᐃᑕᔨᑕᑯᓱᐤ ᒪᒃ ᐅᑎᐸᔨᒋᒐᐤ ᒐᒋ ᑕᑈᐅᒐᔨᒪᑭᓄᐅᑦ᙮ ᒋᑭ ᐃᑐᑕᑯᐛᐤ ᒐᒋ ᓱᒋᑲᐳᐅᐛᒄ ᑭᔭ ᒋᑭ ᒥᔪ ᑭᓄᐛᔨᒥᑯᐛᐤ ᒐ ᐊᑲ ᒋ ᓂᓱᐅᓇᒋᐃᑕᒄ ᒥᒋᒥᓂᑐᐤ᙮

2 ᑎᒧᑎ 1:9

ᒋᓴᒪᓂᑐᐤ ᔅᒋ ᐱᒪᒋᐃᑯᓄᐤ ᑭᔭ ᔅᒋ ᑕᑈᑎᑯᓄᐤ ᒐᒋ ᐸᔭᒋᓯᔭᐧᒄ ᐊ ᐅᑦ ᐃᔨᒥᑕᑕᐧᒄ᙮ ᓇᒪ ᐎ ᐊᓂᔭ ᑕᓐ ᑲ ᐃᓯ ᐊᑐᔅᒐᐛᐧᒄ ᐅᔭ ᐛᒋ ᐃᑐᑕᑕᐧᒄ᙮ ᐊᔅᒄ ᐊᑲ ᐅᒋ ᑎᑯᓂᔨᒡ ᐅᔭ ᐊᔅᒋᔪᐤ ᓴᔅ ᒋ ᐎᔭᔨᑎᒻ ᐅᔭ ᒐ ᐃᑐᑕᑕᐧᒄ ᒋᓴᒪᓂᑐᐤ᙮ ᔅᒋ ᐎ ᐛᐸᑎᔨᑯᓄᐤ ᐅᒋᓴᐛᑎᓯᐅᓐ ᙭ᑕ ᐊ ᑕᔨᒋ ᐅᒡ᙮

2 ᑎᒧᑎ 2:13

ᐊᑲ ᒪᒃ ᑯᐃᔅᒄ ᐃᑎᔭᒂ, ᐃᔭᐱᒡ ᑯᐃᔅᒄ ᒋᑭ ᐃᑐᐤ ᐎᔾ ᙭, ᐛᔅ ᓇᒪ ᐃᔭᒡ ᒋᑭ ᒋ ᐃᑕᔨᑕᑯᓱᐤ ᑕᓐ ᐊ ᐃᑕᔨᑕᑯᓯᑦ᙮”

ᑕᐃᑕᔅ 1:2

ᐊᓂᔭ ᒪᒃ ᑕᓐ ᐊ ᐃᓯ ᒋᔅᑯᑎᒧᐅᒂᐤ ᐊᑯᑕ ᒐ ᐅᒋ ᒐᔅᑎᓇᑕᔨᑕᒡ ᒐ ᐊᔭᒡ ᑲᒋᒡ ᐱᒪᑎᓯᐅᓂᔪᐤ, ᐊᓂᔭ ᑲ ᐃᔅᒋᔄᔨᒋ ᒋᓴᒪᓂᑐᐛ ᐊᓐᑕ ᐸᒋ ᐛᔅᑭᒡ ᒐᔅᑎᓇᔅ ᒐ ᐊᔭᐛᑯᐱᓇ᙮ ᓇᒪ ᒪᒃ ᓂᑕ ᑭᑭᒋᔭᐤ ᒋᓴᒪᓂᑐᐤ᙮

ᐃᑉᕈᐛ 10:23

ᓱᒃ ᒪᒃ ᓱᒋᑲᐳᐅᑕᐤ ᑕᓐ ᐊ ᐃᓯ ᒐᔅᑎᓇᑕᔨᑎᒪᐧᒄ, ᐊᑲᐎᔾ ᐊᓏᑎᒧᑕᐤ, ᐛᔅ ᒐᔅᑎᓇᔅ ᒋᑭ ᐃᑐᑎᒻ ᒋᓴᒪᓂᑐᐤ ᐊᓂᔭ ᑲ ᐃᔅᒋᔄᑦ ᒐ ᐃᑐᑕᐧᒃ᙮

ᐃᑉᕈᐛ 11:11

ᑭᔭ ᓴᕋ ᓂᑦ ᐊᔨᒧᒪᐤ᙮ ᐊᑉᕋᐊᒻ ᐎᐛ ᐊᓂᔭ ᓴᕋᔨᒋ᙮ ᑭᔭ ᐎᔾ ᒪᒃ ᓴᕋ ᒋ ᑕᑈᔭᔨᒪᐤ ᒋᓴᒪᓂᑐᐛ᙮ ᓇᒪ ᓂᑕ ᐅᒋ ᐊᔭᐛᐤ ᐊᐛᓴ ᑭᔭ ᓴᔅ ᒋ ᐎᒪᔅᑭᒻ ᐊᓂᔭ ᐊ ᐃᔅᐱᑎᓯᓇᓄᐎᒡ ᒐᒋ ᐊᔭᐛᑭᓄᔨᒋ ᐊᐛᓴ᙮ ᒥᒄ ᒪᒃ ᐃᔭᐱᒡ ᒋ ᐊᔭᐛᐤ ᐊᐛᓴ ᐊᓂᔭ ᐅᒋ ᐊᒋ ᑕᑈᑐᐛᑦ ᒋᓴᒪᓂᑐᐛ ᒐᒋ ᐃᑐᑎᒪᑯᑦ ᑕᓐ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᐃᑐᑎᒪᑯᑦ᙮

ᐃᑉᕈᐛ 2:17

ᐊᐅᒄ ᐊᓂᔭ ᐛᒋ ᓇᔅᒡ ᐃᔨᒡ ᒋ ᐃᓯᐊᑭᓄᐅᑦ᙮ ᒋ ᓂᑐᐛᔨᑕᑯᓱᐤ ᐎᐧᑲᓂᓴ ᒐᒋ ᓂᔅᐱᑐᐛᑦ ᐊᓐᑕ ᒐᒋ ᐅᒋ ᒋᓴᐊᔭᒥᐊᐅᒋᒪᐅᑦ ᒋᓴᒪᓂᑐᐛ ᐊ ᐊᑐᔅᑯᐛᑦ, ᑭᔭ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮

ᐃᑉᕈᐛ 3:1

ᓂᐧᑲᓂᓯᑐᒄ ᑲ ᐸᔭᒋᓯᔭᒄ, ᑭᔭ ᒋᔨᐛᐤ ᒋᓴᒪᓂᑐᐤ ᑲ ᑕᑈᑎᑕᒄ᙮ ᒪᒥᑐᓇᔨᒪᐧᒄ ᒪ ᒋᓴᔅ, ᐊᐅᑯᓂ ᐅᔭ ᒋᓴᒪᓂᑐᐤ ᐅᑦ ᐃᑎᓴᐛᑭᓇ᙮ ᑭᔭ ᐊᐅᒄ ᐅ ᐛᒋᓴᐊᔭᒥᐊᐅᒋᒪᒥᔭᐧᒄ᙮ ᒋ ᐎᒋᐃᑯᓄᐤ ᓇᔅᒡ ᒐᒋ ᑕᑈᑎᒪᐧᒄ ᑭᔭ ᒐᒋ ᐎᑎᒪᐧᒄ ᑕᓐ ᐊ ᐃᓯ ᑕᑈᑎᒪᐧᒄ᙮

ᐃᑉᕈᐛ 3:14

ᒋᐸ ᓱᒋᑲᐳᐅᓇᓄᐤ ᒋᑕᑈᑎᒧᐅᓂᒡ ᒐ ᐃᔅᐱᔅ ᐱᒪᑎᓯᐛᐅᒂ, ᒧᔭᒻ ᑕᓐ ᑲ ᐃᔅᐱᔅ ᓱᒋᑲᐳᐅᔭᐧᒄ ᐅᔅᑭᒡ ᑲ ᑕᑈᔭᔨᒪᐧᒄ᙮ ᐅ ᒪᒃ ᑎᔭᒂ ᙭ ᒥᓯᐛ ᑕᓐ ᐊ ᐃᓯ ᐊᔭᑦ ᒋᑭ ᒥᔨᑯᓄᐤ ᑭᔭ ᒋᔭᓄᐤ ᒐᒋ ᐊᔭᐛᐧᒄ ᑕᓐ ᐊ ᐃᓯ ᐊᔭᑦ᙮

ᐃᑉᕈᐛ 6:18

ᐛᔅ ᓇᒪ ᒋᑭ ᒋ ᑭᑭᒋᔭᐤ ᒋᓴᒪᓂᑐᐤ᙮ ᐛᔅ ᑕᓐ ᐊ ᐃᓯ ᒐᔅᑎᓄᒡ ᐃᔅᒋᔄᑦ ᒐᒂᔪᐤ ᐊᐅᑯᓐ ᒐ ᐃᔅᐱᔨᒡ᙮ ᒋ ᐃᔅᒋᔄᐤ ᒪᒃ ᐅᔭ ᒐᒋ ᒐᔅᑎᓇᑕᔨᑎᒪᐧᒄ ᐊᑲ ᓂᑕ ᐃᔭᒡ ᒐ ᐅᒋ ᐃᑕᔨᑕᐧᒃ᙮ ᐊᑯ ᒪᒃ ᐃᔅᐱ ᓇᑕᓯᒧᑐᑐᐛᒂ ᒐᒋ ᐱᒪᒋᐃᑕᐧᒄ, ᒐ ᔭᐃᑎᔅᑕᒡ ᒋᑦ ᐊᔅᐸᔨᒧᐅᓄᐤ ᐊ ᒐᔅᑎᓇᑕᔨᑎᒪᐧᒄ ᑕᓐ ᑲ ᐃᓯ ᓇᔅᐱᒡ ᑕᑈᑦ᙮

1 ᐱᑕᕐ 5:10

ᐃᔅᐱ ᒪᒃ ᒋ ᐃᓯ ᓂᓇᐧᑲᑕᔨᒧᔭᒂ, ᒋᑭ ᐃᑐᑕᑯᐛᐤ ᒋᓴᒪᓂᑐᐤ ᒥᓐ ᒐᒋ ᐎᔨᑲᐳᐅᐛᒄ, ᒋᑭ ᒥᔨᑯᐛᐤ ᒥᔅᑯᓯᐅᓂᔪᐤ, ᒋᑭ ᐊᔨᒋᑲᐳᐃᑯᐛᐤ, ᑭᔭ ᒋᑭ ᓯᑭᔅᒐᔨᒧᐃᑯᐛᐤ᙮ ᒋᓴᒪᓂᑐᐤ ᐊᓐ ᑲ ᐊᔭᑦ ᒥᓯᐛ ᓱᐛᔨᒋᒐᐅᓂᔪᐤ ᒋ ᐎᓴᒥᑯᓄᐤ ᒐᒋ ᐎᒋᐃᐛᔭᐧᒄ ᐊᓐᑕ ᑲᒋᒡ ᐅᒋᔅᑕᔨᑕᑯᓱᐅᓂᒡ ᙭ᑕ ᐊ ᑕᔨᒋ ᐅᒡ᙮

1 ᒠᓐ 1:3

ᐊᓂᒪ ᑲᒋ ᐛᐸᑎᒪᒡ ᑭᔭ ᑲᒋ ᐸᑎᒪᒡ ᒋ ᐎ ᐊᔨᒧᑎᒪᑎᓇᓐ ᑭᔭ ᒋᔨᐛᐤ ᒐᒋ ᒋᔅᒐᔨᒪᒄ ᒧᔭᒻ ᓂᔭᓐ ᐊ ᐃᓯ ᒋᔅᒐᔨᒥᒋᒡ᙮ ᐊᑯ ᒪᒃ ᒐᒋ ᐃᓯ ᐎᒐᐎᔭᒡ ᐊ ᐃᓯ ᐎᒐᐅᒋᒡ ᐅᑕᐎᒪᐤ ᑭᔭ ᐅᑯᓴ ᒋᓴᔅ ᙭ᑕ᙮

1 ᒠᓐ 1:7

ᒧᔭᒻ ᐛᔅᑕᐅᓂᒡ ᐃᓯ ᐱᒪᑎᓯᔭᒂ ᒧᔭᒻ ᐎᔾ ᐛᔅᑕᐅᓂᒡ ᐊ ᐃᓯ ᑕᑦ, ᑕᑈ ᒋᑭ ᒥᔪ ᐎᒐᐅᑐᓇᓄᐤ, ᑭᔭ ᒋᓴᔅ, ᒋᓴᒪᓂᑐᐤ ᐅᑯᓴ, ᐅᒥᐧᒄ ᒋ ᐸᔭᒋᐃᑯᐛᓇᓄᐤ ᒥᓯᐛ ᒥᒋᑥᐅᓂᒡ ᐅᒡ᙮

1 ᒠᓐ 4:13

ᐅᒪ ᒋ ᐅᒋ ᒋᔅᒐᔨᑕᓇᓄᐤ ᐊ ᐱᔅᑯᐛᐧᒄ ᐎᔾ ᑭᔭ ᐊᐱᔅᑲᑕᐧᒄ ᐊᒋ ᒥᔨᑕᐧᒄ ᐅᑦ ᐊᒐᒂ᙮

ᒋᔅᒐᔨᑕᑯᑕᒐᐅᓐ 19:11

ᐊᑯ ᒂ ᐛᐸᑎᒪᓐ ᒋᒋᒋᓯᒄ ᐊ ᔪᑕᐱᔨᒡ᙮ ᒋ ᐅᒋ ᓄᑯᓱᐤ ᒪᒃ ᑲᐸᐃᑭᔎᐤ ᐊ ᐛᐱᓯᑦ᙮ ᐊᓐ ᒪᒃ ᑲ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ ᑲ ᑕᑈᐅᒐᔨᑕᑯᓯᑦ ᑭᔭ ᑲ ᑕᑈᑦ ᒋ ᐃᓯᓂᐧᑲᑕᑭᓄᐤ᙮ ᑯᐃᔅᑯᑕᑎᓯᐅᓂᒡ ᐃᓯ ᑎᐸᔅᑯᓂᒐᐤ ᑭᔭ ᑯᐃᔅᑯᑕᑎᓯᐅᓂᔪᐤ ᒪᓯᒐᔅᑎᒻ᙮