1 ᑯᕆᓐᑎᔭᓇ 1:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐛᔅ ᐊ ᐎᒐᐛᒄ ᙭ ᒥᓯᐛ ᒋ ᐊᑎ ᐃᓯ ᐛᔪᑎᓯᓇᐛᐤ ᒋᑦ ᐃᓯᓇᑯᓯᓇᐛᐤ, ᒋ ᐛᔪᑎᓯᐅᓇᐛᐤ ᑭᔭ ᑕᓐ ᐊ ᐃᓯ ᐃᔨᒥᔭᒄ ᑭᔭ ᐊ ᐃᓯ ᑭᒐᑕᐛᔨᑎᒪᒄ᙮

1 ᑯᕆᓐᑎᔭᓇ 1:5 Iomraidhean Croise

ᐊᑈᔅᑕᓇᒡ 2:4

ᒥᓯᐛ ᒪᒃ ᐊ ᑎᓯᒡ ᒋ ᓴᑭᔅᒋᓇᔅᑲᑯᐅᒡ ᑲ ᐸᔭᒋᓯᔨᒋ ᐊᒐᒂ᙮ ᒋ ᐅᒋ ᒂᔅᒋᐃᔨᒧᐅᒡ ᒪᒃ ᑯᑎᑲ ᐃᔨᒧᐅᓇ ᐊ ᐃᓯ ᒥᔨᑯᒡ ᐊᒐᒂ ᒐᒋ ᐃᓯ ᐃᔨᒥᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:12

ᐊᓐᑕ ᑲ ᒥᒋᑐᑕᒡ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐊᑯᑕ ᓇᔅᒡ ᑲ ᓱᐛᔨᒪᑦ ᒋᓴᒪᓂᑐᐤ ᒥᓯᐛ ᐊᓂᔭ ᑯᑎᑲ ᐊᐛᔪᐛ ᐃᔭᒡ ᑲ ᐃᑎᔅᑲᓇᓯᔨᒋ᙮ ᑭᔭ ᐊᓂᔭ ᐊᒋ ᐸᒋᓯᓂᒡ ᐊᑯᑕ ᑭᔭ ᒋᓴᒪᓂᑐᐤ ᑲ ᐅᒋ ᒥᔅᑎ ᓱᐛᔨᒪᑦ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᒐᔅᑎᓇᑕᔨᑕᑯᓐ ᒪᒃ ᐊᑐᐎᔅ ᒐ ᒥᓴᔨᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ ᑲᐤ ᓂᑐᐛᐱᒥᑯᒐ ᒥᓯᐛ ᒍᐤ ᐃᔪᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:14

ᓂᐧᑲᓂᓯᑐᒄ, ᓂ ᒐᔅᑎᓇᐅᓐ ᑕᑈ ᐊ ᓴᑭᔅᒋᓇᔅᑲᑯᔭᒄ ᐊ ᐎ ᒥᔪᑐᑎᒪᒄ, ᒥᓯᐛ ᐊ ᒋᔅᒐᔨᑎᒺᒄ ᑕᓐ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᒋᔅᒐᔨᑎᒺᒄ ᑭᔭ ᐊ ᑭᔅᒋᐅᔭᒄ ᒐᒋ ᒋᔅᑯᑎᒪᑐᔭᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:4

ᒥᓯᐛ ᑕᓐ ᑲ ᐸᒋ ᐃᑎᓯᓇᐃᑭᓄᐅᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᔅᒋ ᐎ ᒋᔅᑯᑎᒪᑯᓇᓄᐤ ᐊᓐᑕ ᐅᒡ᙮ ᐊᑯᑕ ᐛᒋ ᓯᒋᒥᑯᐅᔭᐧᒄ ᑭᔭ ᐊᑯᑕ ᐛᒋ ᐊᔭᔭᐧᒄ ᓯᐱᔪᐛᓯᐅᓐ ᑭᔭ ᒐᒋ ᐊᔭᔭᐧᒄ ᐊᔅᐸᔨᒧᐅᓐ᙮

1 ᑯᕆᓐᑎᔭᓇ 12:10

ᑯᑎᑲ ᐊᐛᔪᐛ ᓱᐧᑲᑎᓯᐅᓂᔪᐤ ᒥᔭᐤ ᒐᒋ ᒪᒥᔅᑲᒡ ᐃᑎᔨᒋ᙮ ᒥᓐ ᑯᑎᑲ ᐊᐛᔪᐛ ᒥᔭᐤ ᒐ ᒋᔅᒋᐛᐃᒐᔨᒋ᙮ ᐊᑯ ᒥᓐ ᑯᑎᑲ ᒪᔭᑦ ᓇᔅᒡ ᒐᒋ ᒐᔅᑎᓇᐅᔨᒋ ᒋᓴᒪᓂᑐᐛ ᐅᐸᔭᒋ ᐊᒐᐧᑯᔪᐛ ᐊ ᐊᑐᔅᒐᔨᒂᓂ ᒪᒃ ᒥᒋ ᐊᒐᒂ ᐊ ᐊᑐᔅᒐᔨᒂᓂ᙮ ᐊᑯ ᒥᓐ ᑯᑎᑲ ᒪᔭᑦ ᒐᒋ ᒂᔅᒋᐃᔨᒥᔨᒋ᙮ ᐊᑯ ᑯᑎᑲ ᐊᐛᔪᐛ ᒪᔭᑦ ᒐᒋ ᐱᔭᑭᔅᒋᑕᑯᑕᔨᒋ ᑕᓐ ᑲ ᐃᔅᒋᔄᔨᒋ ᐊᓂᔭᔪᐛ ᑲ ᒂᔅᒋᐃᔨᒥᔨᒋ᙮

1 ᑯᕆᓐᑎᔭᓇ 12:8

ᐊᐅᒄ ᒪᒃ ᐅ ᑲ ᐸᔭᒋᓯᑦ ᐊᒐᐧᒄ ᒪᔭᑦ ᐱᔅᒐ ᐊᐛᔪᐛ ᒐᒋ ᐛᐎᑎᒥᔨᒋ ᒋᓴᒪᓂᑐᐛ ᐅᑭᒐᑕᐛᔨᑎᒧᐅᓂᔪᐤ, ᐊᑯ ᑯᑎᑲ ᒪᔭᑦ ᒐᒋ ᐎᑎᒪᒐᔨᒋ ᑕᓐ ᐛ ᐃᓯ ᒋᔅᒐᔨᑎᒥᐊᔨᒋ ᒋᓴᒪᓂᑐᐛ ᐊᐛᔪᐛ᙮

1 ᑯᕆᓐᑎᔭᓇ 13:2

ᑭᔭ ᐊᑎ ᒥᔨᑯᐅᔭᓐ ᒐᒋ ᑭᔅᒋᐅᔭᓐ ᐊ ᒋᔅᒋᐛᐃᒐᔭᓐ, ᑭᔭ ᐊᑎ ᒥᓯᐛ ᒋᔅᒐᔨᑎᒪᓐ ᓂᔾ ᑕᓐ ᐊ ᐃᓯ ᐊᑲ ᒋᔅᒐᔨᑕᒡ ᑯᑎᑭᒡ ᐊᐛᓐᒋ, ᑭᔭ ᐊᑎ ᒥᔨᑯᐅᔭᓐ ᒥᓯᐛ ᒐᒋ ᒋᔅᒐᔨᑎᒪᓐ ᒐᒂᓐ ᐊᑲ ᐅᒋ ᒋᔅᒐᔨᑎᒥᐃᐛᓄᐅᒡ ᐊᓐᑕ ᐅᑕᒡ ᑭᔭ ᐊᑎ ᐊᔭᔭᓐ ᑕᑈᑎᒧᐅᓐ ᒐᒋ ᐊᑎᓂᒪᓐ ᐱᔅᑯᑎᓇᐛ ᐊᑲ ᒪᒃ ᐊᔭᔭᓐ ᓴᒋᐃᐛᐅᓐ ᐃᔭᐱᒡ ᓇᒪ ᓇᔅᒡ ᒐᒂᓐ ᓂᐸ ᐅᒋ ᐃᑕᔨᑕᑯᓯᓐ᙮

1 ᑯᕆᓐᑎᔭᓇ 13:8

ᓇᒪ ᓂᑕ ᒋᑭ ᐅᒋ ᐃᔎᐱᔪᐤ ᓴᒋᐃᐛᐅᓐ᙮ ᑎᑯᓐ ᐛᒋᒡ ᐊ ᐃᔨᒥᔅᑎᒧᐛᑭᓄᐅᑦ ᒋᓴᒪᓂᑐᐤ ᒥᒄ ᒪᒃ ᐊᔅᒄ ᒋᑭ ᐃᔎᐱᔪᐤ ᐅ ᐊ ᐃᑎᓇᓄᐅᒡ᙮ ᑭᔭ ᒋᑭ ᐳᓂᐱᔪᐤ ᐊ ᒂᔅᒋᐃᔨᒥᓇᓄᐅᒡ᙮ ᑭᔭ ᒋᔅᒐᔨᑎᒧᐅᓐ ᒋᑭ ᐃᔎᐱᔪᐤ᙮

1 ᑯᕆᓐᑎᔭᓇ 14:26

ᓂᐧᑲᓂᓯᑐᒄ, ᒪᐅ ᒋᐸ ᐃᑎᓇᐛᐤ᙮ ᐊ ᓇᒋ ᐊᔭᒥᐊᔭᒄ, ᐱᔅᒐ ᐊᐛᓐᒋ ᒋᑭ ᓂᑭᒧᐅᒡ, ᐱᔅᒐ ᐊᐛᓐᒋ ᒋᑭ ᒋᔅᑯᑎᒪᒐᐅᒡ, ᐊᑯ ᐱᔅᒐ ᒋᑭ ᐎᑎᒧᒡ ᑕᓐ ᑲ ᐃᓯ ᐛᐸᑎᔨᑯᒡ ᒋᓴᒪᓂᑐᐛ᙮ ᐱᔅᒐ ᒋᑭ ᒂᔅᒋᐃᔨᒧᐅᒡ, ᐊᑯ ᑯᑎᑭᒡ ᒐ ᐸᔭᑭᔅᒡ ᐎᑎᒪᒐᒡ ᐊ ᒂᔅᒋᐃᔨᒥᓇᓄᐎᒡ᙮ ᒥᒄ ᒪᒃ ᑕᓐ ᒥᒄ ᒐ ᐃᑎᓇᓄᒂ ᐊᓐᑕ ᐊ ᐊᔭᒥᐊᓄᐅᒡ ᔭᐃᑕᔾ ᒐᒋ ᐎᒋᐃᑯᒡ ᐊᓐᒡ ᑲ ᑕᑈᑕᒡ ᐊᓐᑕ ᐊ ᑕᒡ ᐊᐅᑯᓐ ᒋᐸ ᐃᑐᑕᑭᓄᐤ᙮

1 ᑯᕆᓐᑎᔭᓇ 8:11

ᐛᔅ ᒥᒄ ᐃᓯ ᐃᑐᑎᒥᓇ ᒋᔾ ᑕᓐ ᐊ ᐃᓯ ᒋᔅᒐᔨᑎᒥᓐ ᒐᒂᓐ ᐊᑲ ᒪᒃ ᒪᒥᑐᓇᔨᒥᑕ ᐊᓐ ᒋᐧᑲᓂᔅ ᐊᑲ ᐊᔨᒋᑲᐳᐅᑦ, ᒋᑭ ᒋ ᐃᓯᓇᑯᓐ ᒐᒋ ᓂᓱᐅᓇᒋᑕᐅᑦ ᐅᑕᑈᑎᒧᐅᓐ᙮ ᒋᔅᒋᓯ ᒪ ᑭᔭ ᐎᔾ ᐊᒋ ᓂᐱᔅᑎᒪᑯᑦ ᙭ᑕ᙮

2 ᑯᕆᓐᑎᔭᓇ 4:6

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ᐃᔅᒋᔄᑦ ᒋᓴᒪᓂᑐᐤ, “ᒋᑭ ᐛᔅᑕᐤ ᐊᓐᑕ ᐅᒋ ᐅᓂᑎᐱᔅᒋᓯᐅᓂᒡ᙮” ᐊᔪᐅᒄ ᐅᔭ ᐃᔭᐱᒡ ᒋᓴᒪᓂᑐᐤ ᑲ ᐃᑐᑕᐧᒃ ᒐᒋ ᐛᔅᑕᔨᒡ ᒋᑕᐃᓇᒡ᙮ ᐊᑯᑕ ᒪᒃ ᐛᒋ ᑭᔅᒋᐅᐱᔨᒡ ᒐᒋ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐛᐸᑕᒡ ᐅᔭ ᐛᔅᑕᐅᓂᔪᐤ᙮ ᐅ ᒪᒃ ᐛᔅᑕᐅᓐ ᐊᔪᐅᒄ ᐊᓂᔭ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᙭ ᒪᒃ ᐊ ᑕᑦ ᐊᑯᑕ ᐛᒋ ᓄᑯᓂᔨᒡ ᐊᓂᔭ ᐅᒋᔅᑕᔨᑕᑯᓱᐅᓐ᙮

2 ᑯᕆᓐᑎᔭᓇ 6:10

ᑎᑯᓐ ᐊ ᐃᓯ ᒥᓯᒪᔨᑎᒪᒡ᙮ ᐃᔭᐱᒡ ᒪᒃ ᓂ ᒥᔽᔨᑕᓇᓐ᙮ ᓇᒪ ᓂ ᐛᔪᑎᓯᓇᓐ᙮ ᐃᔭᐱᒡ ᒪᒃ ᓂ ᐃᑐᑐᐛᓇᓂᒡ ᐊᐛᓐᒋ ᒐᒋ ᐊᔭᒡ ᒋᒋᐛ ᐛᔪᑎᓯᐅᓂᔪᐤ᙮ ᐊᑎ ᐊᑲ ᒐᒂᓐ ᑎᐱᔨᐛᐅᓯᔭᒡ, ᐃᔭᐱᒡ ᒥᓯᐛ ᒐᒂᓐ ᐊ ᑎᐱᔨᐛᐅᓯᔭᒡ ᓂᑦ ᐃᓯᓇᑯᓯᓇᓐ᙮

2 ᑯᕆᓐᑎᔭᓇ 8:7

ᒥᓯᐛ ᒐᒂᓐ ᓇᔅᒡ ᑕᑈ ᒋ ᑭᔅᒋᐅᓇᐛᐤ᙮ ᓱᒐᔨᑕᑯᓐ ᒋᑕᑈᑎᒧᐅᓄᐛᐤ᙮ ᒋ ᑭᔅᒋᐅᓇᐛᐤ ᐊ ᐊᔨᒧᑎᒪᒄ ᑕᓐ ᐊ ᐃᓯ ᑕᑈᑎᒪᒄ᙮ ᒥᔅᑎ ᒋ ᒋᔅᒐᔨᑎᒺᓇᐛᐤ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ᙮ ᓇᔅᒡ ᑕᑈ ᓱᒃ ᒋᑦ ᐃᑕᔨᑕᓇᐛᐤ ᒐᒋ ᐎᒋᐊᑯᒡ ᑯᑎᑭᒡ ᐊᐛᓐᒋ ᑭᔭ ᓇᔅᒡ ᑕᑈ ᒋᓴᒋᐃᓇᓐ᙮ ᒋᐸ ᐎ ᒥᔪ ᒥᔨᐛᓇᐛᐤ ᒪᒃ᙮

2 ᑯᕆᓐᑎᔭᓇ 9:11

ᑭᔭ ᒋᔨᐛᐤ ᒪᒃ ᓇᔅᒡ ᑕᑈ ᓂᓇᐧᑯᐤ ᒋᑭ ᐃᓯ ᐛᔪᐅᒡ ᒥᔨᑯᐛᐤ ᒋᓴᒪᓂᑐᐤ ᑭᔭ ᓂᓇᐧᑯᐤ ᒐᒋ ᐃᓯ ᒥᔭᑯᒡ ᑯᑎᑭᒡ᙮ ᐊᑯ ᒪᒃ ᒐ ᒥᒐᑎᒡ ᐊᓐᒡ ᒐ ᓂᓇᔅᑯᒪᒡ ᒋᓴᒪᓂᑐᐛ ᐃᔅᐱ ᒥᔅᑲᒂᐛ ᐊᓂᔭ ᒋᐱᔅᑎᓂᒐᐅᓄᐛᐅᔪᐤ᙮

ᐃᐱᓯᔭᓇ 1:17

ᓇᓂᑐᑎᒧᐛᐤ ᒋᓴᒪᓂᑐᐤ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ ᐊᓐ ᒪᐅᒡ ᑲ ᒋᔅᑕᔨᑕᑯᓯᑦ ᒐᒋ ᒥᔨᑕᒄ ᐅᑦ ᐊᒐᒂ ᐊᓂᔭᔪᐛ ᒐ ᑭᒐᑕᐛᔨᑎᒥᐃᑕᑯ ᑭᔭ ᒐ ᒋᔅᒐᔨᑎᒥᐃᑕᑯ ᑕᓐᑕ ᒐᒋ ᐅᒋ ᒋᔅᒐᔨᒪᒄ ᒋᓴᒪᓂᑐᐤ᙮

ᐃᐱᓯᔭᓇ 2:7

ᐊᓐᑕ ᓂᑲᓐ ᒐᒋ ᓄᑯᑕᑦ ᐊᔅᐱᔅ ᓇᔅᒡ ᒥᓴᔨᒡ ᐅᓱᐛᔨᒋᒐᐅᓐ ᐊ ᒥᔪᑐᑎᒪᑕᐧᒄ ᙭ ᒋᓴᓴ ᐅᒋ᙮

ᐃᐱᓯᔭᓇ 3:8

ᐊᑎ ᒪᒃ ᓂᔾ ᒪᐅᒡ ᓄᑕᔭᔅ ᐊ ᐃᑕᔨᑕᑯᓯᔭᓐ ᐊ ᐃᑕᔨᑕᑯᓯᒡ ᑲ ᑕᑈᑕᒡ, ᐃᔭᐱᒡ ᓂᔾ ᓂᒋ ᓱᐛᔨᒥᒄ ᒋᓴᒪᓂᑐᐤ ᐊᒋ ᒥᔨᑦ ᒐᒋ ᐛᐎᑎᒪᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑕᓐ ᐊᔅᐱᔅ ᓇᔅᐱᒡ ᐛᔪᑎᓂᔨᒡ ᑭᔭ ᐊᔅᐱᔅ ᐊᑲ ᓂᑕ ᐳᓂᐱᔨᒡ ᑕᓐ ᐛ ᐃᓯ ᓱᐛᔨᒥᑕᒄ ᒋᓴᒪᓂᑐᐤ ᙭ᑕ ᐊ ᑕᔨᒋ ᐅᒋ᙮

ᐃᐱᓯᔭᓇ 6:19

ᐸᒋ ᐊᔭᒥᐊᔅᑎᒧᐅᒄ ᑭᔭ ᓂᔾ ᒐᒋ ᐸᒋ ᒥᔨᑦ ᒋᓴᒪᓂᑐᐤ ᑕᓐ ᒐ ᐃᔅᒋᔄᐅᒡ ᐊ ᐛᐎᑎᒧᒡ ᒥᔽᒋᒧᐅᓂᔪᐤ ᐊᓂᔭ ᑕᓐ ᐊ ᐃᓯ ᐊᑲ ᐅᒋ ᒋᔅᒐᔨᑕᑯᓂᔨᒡ ᐊᓐᑕ ᐅᑕᒡ ᑭᔭ ᐊᔭᒥᐊᔅᑎᒧᐅᒄ ᒐ ᐊᑲ ᒋ ᑯᔅᑕᒋᔭᓐ᙮

ᐱᓕᐱᔭᓇ 1:9

ᒋᑦ ᐊᔭᒥᐊᔅᑎᒪᑎᓇᐛᐤ ᐊᐛᓯᑕ ᒐᒋ ᐊᑎ ᓴᒋᐃᑐᔭᒄ, ᑭᔭ ᐊᐛᓯᑕ ᒐᒋ ᐊᑎ ᑭᒐᑕᐛᔨᑎᒪᒄ ᑭᔭ ᐊᐛᓯᑕ ᒐᒋ ᒥᔪ ᑭᒐᔅᒐᔨᑎᒪᒄ ᒐᒂᓐ᙮

ᑯᓚᓯᔭᓇ 2:3

ᒥᒄ ᙭ ᒋ ᒥᔨᑯᓄᐤ ᑕᑈ ᒐᒋ ᓂᔅᑐᑎᒪᒄ ᒋᓴᒪᓂᑐᐤ ᐅᐛᔪᐅᒡ ᑭᒐᑕᐛᔨᑎᒧᐅᓐ ᑭᔭ ᐅᐛᔪᐅᒡ ᒋᔅᒐᔨᑎᒧᐅᓐ᙮

ᑯᓚᓯᔭᓇ 3:10

ᑭᔭ ᓇᔅᒡ ᐃᔭᒡ ᐊᑯ ᒋ ᐊᑎ ᐃᓯ ᐱᒪᑎᓯᓇᐛᐤ᙮ ᐊᔭᔅᒃ ᐊᑎ ᐅᔅᒋᓇᑯᓇ ᒋᒥᑐᓇᔨᒋᑭᓄᐛᐛ ᒐᒋ ᓂᔅᐱᑐᐛᒄ ᒋᓴᒪᓂᑐᐤ ᐊᓐ ᑲ ᐅᓯᐃᑕᒄ᙮

ᒋᒥᔅ ᐅᒥᓯᓇᐊᒪᒐᐅᓐ 3:13

ᑕᐤ ᐊ ᐊᐛᓐ ᐊᓐᑕ ᐊ ᑎᓯᔭᒄ ᐊ ᑭᒐᑕᐛᔨᑕᐧᒃ ᑭᔭ ᐊ ᐊᔭᑦ ᓂᔅᑐᑎᒧᐅᓂᔪᐤ ? ᐊᑯᔅ ᒋᑭ ᐛᐸᑎᔨᐛᐤ ᐅᔭ ᑯᐃᔅᒄ ᐊ ᐃᓯ ᐱᒪᑎᓯᑦ ᑭᔭ ᐊ ᐊᑐᔅᒐᑦ ᒋᐸ ᓄᑯᓂᔪᐤ ᐊ ᑭᒐᑕᐛᔨᑕᐧᒃ ᐊᓂᔭ ᐅᒋ ᐊ ᑎᐱᑕᔨᒥᓱᑦ᙮

2 ᐱᑕᕐ 3:18

ᓱᒃ ᐊᑐᐎᔅ ᐎ ᐃᓯ ᓂᑕᐅᒋᒄ ᐅᓱᐛᔨᒋᒐᐅᓂᒡ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᓯᒥᓄᐤ ᒋᓴᔅ ᙭, ᑭᔭ ᓱᒃ ᐊᑐᐎᔅ ᐎ ᒋᔅᒐᔨᒪᐧᒄ ᒋᐱᒪᑎᓯᐅᓄᐛᒡ᙮ ᐎᔾ ᒪᒃ ᒋᑭ ᐎ ᒋᔅᑕᔨᑕᑯᐊᑭᓄᐤ ᐊᓄᒡ ᑭᔭ ᒧᔅ ᑲᒋᒡ᙮ ᐊᒥᓐ᙮