1 ᑯᕆᓐᑎᔭᓇ 1:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᑕᓐ ᒪᒃ ᐊᓐ ᐊᐛᓐ ᓇᔅᒡ ᑲ ᑭᒐᑕᐛᔨᑕᐧᒃ ? ᑕᓐ ᐊᓐ ᐊᐛᓐ ᓇᔅᒡ ᒥᔅᑎ ᑲ ᒋᔅᑯᑎᒧᐛᑭᓄᐅᑦ ? ᑭᔭ ᑕᓐ ᐊᓐ ᐊᐛᓐ ᓇᔅᒡ ᑲ ᑭᔅᒋᐅᑕᑯᓯᑦ ᐊ ᐃᔨᒥᑦ ? ᒋ ᓄᑯᑕᐤ ᐊ ᒋᓴᒪᓂᑐᐤ ᐊᑲ ᓇᔅᒡ ᒐᒋ ᐃᑈᐧᑲᑕᑯᓂᔨᒡ ᐊᓂᔭ ᐊᔅᒋᐤ ᑭᒐᑕᐛᔨᑎᒧᐅᓂᔪᐤ ?

1 ᑯᕆᓐᑎᔭᓇ 1:20 Iomraidhean Croise

ᒪᑎᔪᐤ 13:22

ᐊᑯ ᒪᒃ ᐊᓐ ᑯᑎᒃ ᓂᑕᐅᒋᑕᑭᓐ ᑲ ᐸᒋᓯᐧᒃ ᐊᓐᑕ ᐊ ᑎᑯᓂᔨᒋ ᑲ ᑲᓱᑕᐛᔅᑯᒋ ᓂᐱᓯᔭᑎᑯᒡ, ᐊ ᐊᑎ ᓂᑕᐅᒋᑦ ᒪᒃ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐃᔪᒡ ᑲ ᓂᑐᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᐊᓂᔭ ᓇᔅᒡ ᐊ ᒥᑯᔅᑲᒋᑕᒡ ᐊᔅᒋᔪᐤ ᒐᒂᔪᐛ ᑭᔭ ᓇᔅᒡ ᒥᒄ ᐊ ᐎ ᐅᓱᓇᔭᓂᒥᒡ ᐊ ᐃᑎᒡ ᑭᔭ ᐱᓯᒄ ᐊ ᒧᔅᑕᓇᒡ ᒐᒂᔪᐛ ᒐᒋ ᐊᔭᒡ ᐊᔪᐅᒄ ᐅᔭ ᒐᒃ ᐛᒋ ᓂᓱᐅᓇᑎᓂᔨᒡ ᐅᑕᑈᑎᒧᐅᓄᐛᐤ᙮ ᐊᑯ ᒪᒃ ᓇᒪ ᒋ ᒥᓂᓱᐎᒡ ᐅᐱᒪᑎᓯᐅᓄᐛᒡ᙮

ᒠᓐ 12:31

ᐊᓄᒡ ᐅᑎᒋᐱᔪᐤ ᒐᒋ ᑎᐸᔅᑯᓇᑭᓄᐎᒡ ᐊᐛᓐᒋ ᐅᑕ ᐊᔅᒋᒡ ᑲ ᑕᒡ ᑭᔭ ᐊᓄᒡ ᐊᑯ ᐛᑎᒋᐱᔨᒡ ᒐᒋ ᐃᔅᐱᓯᐊᑭᓄᐅᑦ ᒥᒋᒥᓂᑐᐤ, ᐊᓐ ᑲ ᑎᐸᔨᒐᑦ ᐅᑕ ᐊᔅᒋᒡ᙮

ᐊᑈᔅᑕᓇᒡ 17:18

ᐸᐃᒂᐤ ᒋ ᓂᒋᐊᐅᒡ ᒋᔅᑯᑎᒪᒐᓱᐛ ᓇᔅᒡ ᐊᒋ ᐃᑈᐧᑲᔨᒋ ᐊᐱᑯᕆᔭᓐ ᑭᔭ ᔅᑐᐃᒃ ᑲ ᐃᓯᓂᐧᑲᑕᑭᓄᔨᒋ᙮ ᐅᒡ ᒪᒃ ᒋᔅᑯᑎᒪᒐᓱᐅᒡ ᒋ ᐊᔭᒥᐊᐅᒡ ᐊᓂᔭ ᑈᓚ ᐊᑯ ᑲ ᒪᔭᔨᒪᒡ ᐊ ᐃᑕᒡ, “ᑕᓐ ᐊ ᐃᔅᒋᔄᑦ ᐅ ᒋᔎᐧᑲᓐ ?” ᐊᑯ ᑯᑎᑭᒡ ᑲ ᐃᔅᒋᔄᒡ, “ᒐᔅᑲ ᐊᔨᒧᒪᐤ ᐊᓂᔭ ᐎᔾ ᐊ ᐊᔭᒥᐊᔅᑐᐛᑦ ᐊᐛᔪᐛ, ᓇᒪ ᒪᒃ ᒋ ᒋᔅᒐᔨᒪᓄᐤ ᒋᔭᓄᐤ ᐊᐛᔪᐛ ᐊᓂᔭ᙮” ᐊᐅᒄ ᐅᔭ ᑲ ᐃᔅᒋᔄᒡ ᐛᔅ ᑈᓚ ᒋ ᐊᔨᒧᒪᔪᐛ ᒋᓴᓴ, ᑲ ᐅᓂᔅᑲᔨᒋ ᓂᐳᐅᓂᒡ ᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:20

ᐊᑎ ᐊᑲ ᐅᒋ ᒋ ᐛᐱᒪᑭᓄᐅᑦ ᒋᓴᒪᓂᑐᐤ, ᒥᓯᐛ ᑕᓐ ᑲ ᐃᓯ ᑕᑦ ᐅᔭ ᐊᔅᒋᔪᐤ ᐊᑯᑕ ᒐᒋ ᐅᒋ ᐱᔭᑭᔅᒡ ᓂᔅᑐᐅᓂᒺᒡ ᐊᐛᓐᒋ ᐅᑲᒋᒐ ᓱᐧᑲᑎᓯᐅᓂᔪᐤ ᑭᔭ ᐊᑯᑕ ᒐᒋ ᐅᒋ ᒋᔅᒐᔨᒪᒡ ᑕᑈ ᐊ ᒋᓴᒪᓂᑐᐎᔨᒋ᙮ ᓇᒪ ᒪᒃ ᒋᑭ ᒋ ᑕᐤ ᐊᐛᓐ ᐊᑲ ᒋᔅᒐᔨᑕᐧᒃ ᐊ ᑕᔨᒋ ᒋᓴᒪᓂᑐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:22

ᒧᔭᒻ ᓇᔅᒡ ᐊ ᑭᒐᑕᐛᔨᑕᒡ ᒋ ᐃᑕᔨᑕᑯᐃᓱᐅᒡ ᒥᒄ ᒪᒃ ᓇᔅᒡ ᒋᔎᐧᑲᓐᒡ ᐃᑕᔨᑕᑯᓱᐅᒡ᙮

1 ᑯᕆᓐᑎᔭᓇ 1:19

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓂᑭ ᐃᑐᑎᒺᓐ ᐊᑲ ᓇᔅᒡ ᓴᓯᑲᓐ ᒐᒋ ᐃᑕᐱᑎᓂᔨᒡ ᐅᑭᒐᑕᐛᔨᑎᒧᐅᓄᐛᐤ ᐊᓐᒡ ᑲ ᑭᒐᑕᐛᔨᑕᒡ, ᑭᔭ ᐊᓂᔭ ᐊ ᐃᓯ ᒪᒥᑐᓇᔨᑕᒡ ᐊᓐᒡ ᑲ ᐃᑈᐧᑲᒡ ᐊᑲ ᓇᔅᒡ ᒐᒂᓐ ᒐᒋ ᐃᑕᔨᑕᑯᓂᔨᒡ᙮

1 ᑯᕆᓐᑎᔭᓇ 1:26

ᑭᓄᐛᐱᒥᓱᒄ ᒪ ᑕᓐ ᑲ ᐃᑕᔨᑕᑯᓯᔭᒄ ᒋᔨᐛᐤ ᓂᐧᑲᓂᓯᑐᒄ ᐃᔅᐱ ᒋᓴᒪᓂᑐᐤ ᑲ ᑕᑈᑎᑕᒄ᙮ ᓇᒪ ᒥᒐᑦ ᐊᓐᑕ ᐊ ᑎᓯᔭᒄ ᒋ ᐅᒋ ᐃᑕᔨᒥᑯᐛᐤ ᓇᐸᐤ ᐊ ᑭᓄᐛᐱᒥᑕᒄ ᓇᔅᒡ ᐊ ᐃᑈᐧᑲᐛᒄ᙮ ᓇᒪ ᒥᒐᑦ ᒋ ᐅᒋ ᐃᑕᔨᒥᑯᓇᐛᐤ ᓇᔅᒡ ᐊ ᐅᒋᒪᐛᔨᑕᑯᓯᔭᒄ ᑭᔭ ᓇᒪ ᒥᒐᑦ ᒋ ᐅᒋ ᓇᔅᒡ ᒋᒋᐛᔭᔨᒥᑯᓇᐛᐤ᙮

1 ᑯᕆᓐᑎᔭᓇ 1:27

ᒥᒄ ᒪᒃ ᒋᓴᒪᓂᑐᐤ ᒋ ᐅᑎᓇᐤ ᐊᓂᔭᔪᐛ ᐊᐛᔪᐛ ᐊᑲ ᓇᔅᒡ ᒐᒂᓐ ᑲ ᐃᑕᔨᒪᑭᓄᔨᒋ ᒋ ᐅᑎᓇᐤ ᒐᒋ ᐅᒋ ᐛᐸᑎᔭᑦ ᐊᓂᔭᔪᐛ ᒋᒋᐛ ᑲ ᐃᑕᔨᒪᑭᓄᔨᒋ ᐊᑲ ᓇᔅᒡ ᒐᒂᓐ ᐃᑕᔨᑕᑯᓯᔨᒋ ᐎᔾ ᐃᔅ ᐊ ᑕᑦ᙮ ᑭᔭ ᒋ ᐅᑎᓇᐤ ᐊᓂᔭᔪᐛ ᐊᑲ ᓱᒐᔨᑕᑯᓯᔨᒋ ᑲ ᐃᑕᔨᒪᑭᓄᔨᒋ ᐅᑕ ᐊᔅᒋᒡ ᒋ ᐅᑎᓇᐤ ᐊᓂᔭ ᒐᒋ ᐅᒋ ᐛᐸᑎᔭᑦ ᐊᓂᔭᔪᐛ ᑲ ᓱᒐᔨᑕᑯᓯᔨᒋ ᐊᑲ ᓇᔅᒡ ᓱᒐᔨᑕᑯᓯᔨᒋ ᐎᔾ ᐃᔅ ᐊ ᑕᑦ᙮

1 ᑯᕆᓐᑎᔭᓇ 1:28

ᐊᓂᔭᔪᐛ ᐊᑲ ᓇᔅᒡ ᑲ ᒋᐧᑲᔭᔨᑕᑯᓂᔨᒋ ᒐᒂᔪᐛ ᑭᔭ ᐊᑲ ᓇᔅᒡ ᑲ ᐊᐱᑕᔨᑕᑭᓄᔨᒋ ᐊᐅᑯᔪᐛ ᐅᔭ ᑲ ᐅᑎᓇᐧᒃ ᒋᓴᒪᓂᑐᐤ ᒐᒋ ᐅᒋ ᐊᑲ ᒐᒂᓐ ᐃᑕᔨᑕᑯᓂᔨᒋ ᐊᓂᔭᔪᐛ ᒐᒂᔪᐛ ᑲ ᒋᔅᑕᔨᑕᑯᓂᔨᒋ᙮

1 ᑯᕆᓐᑎᔭᓇ 11:32

ᒥᒄ ᒪᒃ ᐊᓂᔭ ᐊ ᑎᐸᔅᑯᓂᑕᐧᒄ ᐅᑎᐸᔨᒋᒐᐤ, ᐛᔅ ᐊᓐ ᒋ ᐎ ᑯᐃᔅᑯᓂᑯᓄᐤ, ᑭᔭ ᒋᓴᒪᓂᑐᐤ ᐃᔅᐱ ᑎᐸᔅᑯᓇᒐ ᐊᓂᔭ ᐊᑲ ᑕᑈᑎᒥᔨᒋ ᓇᒪ ᒋᑭ ᐅᒋ ᓂᓱᐅᓇᒋᒥᑯᓇᓄᐤ᙮

1 ᑯᕆᓐᑎᔭᓇ 2:6

ᐊᓐᒡ ᐊᐛᓐᒋ ᑲ ᒥᔪ ᓂᑕᐅᒋᒡ ᑕᑈᑎᒧᐅᓂᒡ ᓂ ᓂᔅᑐᑕᑯᓇᓂᒡ ᑭᒐᑕᐛᔨᑎᒧᓂᒡ ᐊ ᐃᓯ ᐃᔨᒥᐃᒋᒡ᙮ ᓇᒪᐎᔾ ᒪᒃ ᐊᓐ ᑭᒐᑕᐛᔨᑎᒧᐅᓐ ᐊᐛᓐᒋ ᐅᑕ ᐊᔅᒋᒡ ᒋᒋᐛ ᑲ ᐃᑕᔨᑕᒡ ᑲ ᐊᔨᒧᑎᒪᓐ᙮ ᓇᒪᐎᔾ ᑭᔭ ᐊᓐ ᑭᒐᑕᐛᔨᑎᒧᐅᓐ ᒋᒋᐛ ᒐᒂᓐ ᑲ ᐃᑕᔨᑕᒡ ᐊᓐᒡ ᐊᐛᓐᒋ ᑲ ᐅᒋᒪᐅᒡ᙮ ᐛᔅ ᐊᓂᔭ ᐎᔨᐛᐤ ᐅᑭᒐᑕᐛᔨᑎᒧᐅᓄᐛᐤ ᒋᑭ ᐃᔎᐱᔪᐤ᙮

1 ᑯᕆᓐᑎᔭᓇ 2:8

ᓇᒪ ᒪᒃ ᐛᐛᒡ ᐸᐃᒄ ᐊᓐᒡ ᑲ ᐅᒋᒪᐅᒡ ᐅᑕ ᐊᔅᒋᒡ ᐅᒋ ᓂᔅᑐᑎᒧᒡ ᐅᔭ ᑭᒐᑕᐛᔨᑎᒧᐅᓂᔪᐤ ᐛᔅ ᑕᐸ ᒋᐸ ᐅᒋ ᒋᔅᑕᔎᑕᐅᒡ ᐊᓂᔭ ᐅᑎᐸᔨᒋᒐᐛ ᒪᐅᒡ ᑲ ᒋᔅᑕᔨᑕᑯᓯᔨᒋ ᒋ ᒋᔅᒐᔨᑎᒧᐛᑯᐱᓇ᙮

1 ᑯᕆᓐᑎᔭᓇ 3:18

ᐊᑲᐎᔾ ᐊᐛᓐ ᒋᑭ ᐅᒋ ᐎ ᐎᔭᓯᐃᑎᓱᐤ᙮ ᐊ ᐃᑕᒂ ᐊᐛᓐ ᐊᓐᑕ ᐊ ᑎᓯᔭᒄ ᐊ ᐃᑕᔨᑎᒧᒂ ᓇᔅᒡ ᐊ ᒋᔅᒐᔨᑕᐧᒃ ᒐᒂᔪᐤ ᐅᑕ ᐊᔅᒋᒡ ᐊᑯᔅ ᒋᑭ ᐃᓯᓇᑯᓱᐤ ᐊᑲ ᐃᑈᐧᑲᑦ ᒐᒋ ᐅᒋ ᑭᒐᑕᐛᔨᑕᐧᒃ᙮

1 ᑯᕆᓐᑎᔭᓇ 3:19

ᐛᔅ ᐊᓂᔭ ᐊ ᐃᓯ ᑭᒐᑕᐛᔨᑕᒡ ᐊᐛᓐᒋ ᐅᑕ ᐊᔅᒋᒡ, ᒋᔎᓇᑯᓐ ᐃᑕᔨᑎᒻ ᐎᔾ ᒋᓴᒪᓂᑐᐤ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒋᓴᒪᓂᑐᐤ ᐊᐱᒋᑕᐛᐤ ᓇᐸᐛ ᐅᑭᒐᑕᐛᔨᑎᒧᐅᓂᔪᐤ ᒐᒋ ᐅᒋ ᒋᔅᒐᔨᑎᒥᐊᑦ ᑕᓐ ᐊ ᐃᓯ ᒋᔎᓇᑯᓂᔨᒡ ᐅᑭᒐᑕᐛᔨᑎᒧᐅᓂᔪᐤ᙮

1 ᑯᕆᓐᑎᔭᓇ 6:2

ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᑲ ᑕᑈᑕᒡ ᐊᔅᒄ ᐊᓐᑕ ᓂᔅᑕᒥᒡ ᒐ ᑎᐸᔅᑯᓇᒡ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᑲ ᑕᔨᒋ᙮ ᒧᔭᒻ ᒪᒃ ᒐ ᑎᐸᔅᑯᓂᒐᐛᒂ ᐅᑕ ᐊᔅᒋᒡ ᐊᔅᒄ ᐊᓐᑕ ᓂᔅᑕᒥᒡ, ᓇᒪᐎᔾ ᐊ ᐛᐛᒡ ᒋ ᐅᒋ ᐃᑎᓇᐛᐤ ᒐᒋ ᓇᐃᐱᔨᑐᔭᒄ ᒐᒂᓐ ᓇᔅᒡ ᐊᑲ ᐎᔭᐱᒐᔨᑕᒂᒡ ᑕᓐ ᐊ ᐃᓯ ᒪᒥᒋᐱᔭᒄ ᐊᓐᑕ ᐊ ᑕᔭᒄ ?

ᒋᒥᔅ ᐅᒥᓯᓇᐊᒪᒐᐅᓐ 4:4

ᑕᑈ ᓂᑐᐎᔾ ᑲ ᐃᑎᔭᒄ᙮ ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᐊᐛᓐ ᐊ ᓴᒋᑕᑦ ᑕᓐ ᐊ ᐃᑕᑎᓯᓇᓄᐎᒡ ᐅᑕ ᐊᔅᒋᒡ, ᐛᐧᑲᑕᐤ ᒋᓴᒪᓂᑐᐛ ? ᐊᓐ ᐊᐛᓐ ᑲ ᓴᒋᑕᑦ ᑕᓐ ᐊ ᐃᑕᑎᓯᓇᓄᐎᒡ ᐅᑕ ᐊᔅᒋᒡ, ᐃᑐᑕᓱᐤ ᒐᒋ ᐛᐧᑲᑕᑦ ᒋᓴᒪᓂᑐᐛ᙮