1 ᑯᕆᓐᑎᔭᓇ 1:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᐱᔅᒐ ᐊᐛᓐᒋ ᒋᔎ ᐃᔨᒧᐅᓐ ᐃᑕᔨᑎᒧᒡ ᐊ ᐊᔨᒧᑕᑭᓄᔨᒋ ᒋᓴᓴ ᑲ ᓂᐱᔨᒋ ᒋᐱᔭᑎᑯᒡ ᒐᒋ ᐅᒋ ᐱᒪᒋᐅᔨᒋ ᐅᒥᒐᑎᓯᐛ᙮ ᐊᐅᑯᓐᒡ ᒪᒃ ᐅᒡ ᐊᐛᓐᒋ ᐅᓂᓯᓄᐅᒡ ᐅᔭ ᑲ ᐃᑕᔨᑕᒡ᙮ ᒋᔭᓄᐤ ᒪᒃ ᐎ ᑲ ᐱᒪᒋᐅᔭᐧᒄ, ᒋ ᒋᔅᒐᔨᑕᓇᓄᐤ ᐊ ᐛᐎᑕᑭᓄᐎᔨᒡ ᙭ ᐊᒋ ᓂᐱᑦ ᒋᐱᔭᑎᑯᒡ ᐊᑯᑕ ᔭᐱᑎᓯᒥᑭᓂᔨᒡ ᒋᓴᒪᓂᑐᐤ ᐅᓱᐧᑲᑎᓯᐅᓐ᙮

1 ᑯᕆᓐᑎᔭᓇ 1:18 Iomraidhean Croise

ᐊᑈᔅᑕᓇᒡ 13:41

ᓂᑐᑎᒧᒄ ᒪ, ᒋᔨᐛᐤ ᓇᓂᑎᒻ ᑲ ᒥᒪᔭᔨᒐᔭᒄ, ᒪᒥᔅᑲᑕᔨᑎᒧᒄ ᑭᔭ ᓂᓱᐅᓇᑎᓯᒄ᙮ ᐛᔅ ᒐᒂᓐ ᓂᑭ ᑐᑕᓐ ᐅᑕ ᒪᒂᒡ ᐊᔅᒄ ᐊ ᐱᒪᑎᓯᔭᒄ ᐊᓐ ᒐ ᐊᑲ ᐅᒋ ᑕᑈᑎᒥᐃᑯᔭᒄ ᐊᑎ ᐊᐛᓐ ᐎ ᐎᑎᒪᑯᔭᒂ᙮” ᐊᔪᐅᒄ ᒪᒃ ᐅᔭ ᑲ ᐃᓯ ᐃᔨᒪᐊᑦ ᑈᓪ ᐊᓂᔭ ᐃᔪᐛ᙮

ᐊᑈᔅᑕᓇᒡ 17:18

ᐸᐃᒂᐤ ᒋ ᓂᒋᐊᐅᒡ ᒋᔅᑯᑎᒪᒐᓱᐛ ᓇᔅᒡ ᐊᒋ ᐃᑈᐧᑲᔨᒋ ᐊᐱᑯᕆᔭᓐ ᑭᔭ ᔅᑐᐃᒃ ᑲ ᐃᓯᓂᐧᑲᑕᑭᓄᔨᒋ᙮ ᐅᒡ ᒪᒃ ᒋᔅᑯᑎᒪᒐᓱᐅᒡ ᒋ ᐊᔭᒥᐊᐅᒡ ᐊᓂᔭ ᑈᓚ ᐊᑯ ᑲ ᒪᔭᔨᒪᒡ ᐊ ᐃᑕᒡ, “ᑕᓐ ᐊ ᐃᔅᒋᔄᑦ ᐅ ᒋᔎᐧᑲᓐ ?” ᐊᑯ ᑯᑎᑭᒡ ᑲ ᐃᔅᒋᔄᒡ, “ᒐᔅᑲ ᐊᔨᒧᒪᐤ ᐊᓂᔭ ᐎᔾ ᐊ ᐊᔭᒥᐊᔅᑐᐛᑦ ᐊᐛᔪᐛ, ᓇᒪ ᒪᒃ ᒋ ᒋᔅᒐᔨᒪᓄᐤ ᒋᔭᓄᐤ ᐊᐛᔪᐛ ᐊᓂᔭ᙮” ᐊᐅᒄ ᐅᔭ ᑲ ᐃᔅᒋᔄᒡ ᐛᔅ ᑈᓚ ᒋ ᐊᔨᒧᒪᔪᐛ ᒋᓴᓴ, ᑲ ᐅᓂᔅᑲᔨᒋ ᓂᐳᐅᓂᒡ ᐅᒡ᙮

ᐊᑈᔅᑕᓇᒡ 17:32

ᐃᔅᐱ ᒪᒃ ᐱᔭᑐᐛᒡ ᐊᓂᔭ ᑈᓚ ᐊ ᐊᔨᒧᑎᒥᔨᒋ ᐊᓂᔭ ᑲᐤ ᐊ ᐅᓂᔅᑲᓄᐎᒡ ᓂᐳᐅᓂᒡ ᐅᒡ, ᒋ ᒪᔭᔨᒪᐅᒡ ᐊ ᐅᓯᓄᐛᒡ, ᒥᒄ ᒪᒃ ᐱᔅᒐ ᒋ ᐃᑕᐅᒡ, “ᒥᓐ ᒋ ᐎ ᐸᑕᑎᓇᓐ ᐊ ᐊᔨᒧᑎᒥᓐ ᐅ᙮”

ᐊᑈᔅᑕᓇᒡ 2:47

ᒧᔅ ᒋ ᒪᒥᒋᒪᐅᒡ ᐅᑎᐸᔨᒋᒐᐛ᙮ ᒥᓯᐛ ᒪᒃ ᐊᐛᔪᐛ ᒋ ᒥᔽᔨᒥᑯᐅᒡ᙮ ᐊᓯᑯᒻ ᒋᓯᑲᐛ ᒪᒃ ᒋ ᐊᑎ ᒥᒐᑎᔪᐛ ᐊᐛᔪᐛ ᒋᓴᒪᓂᑐᐤ ᐊ ᐱᒪᒋᐊᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:16

ᐛᔅ ᑕᐸ ᓂ ᐱᒪᒥᓯᑐᑕᓐ ᒥᔽᒋᒧᐅᓐ᙮ ᐊᐅᒄ ᐅᔭ ᒥᔽᒋᒧᐅᓂᔪᐤ ᓱᒃ ᐃᔭᐱᒋᑕᑦ ᒋᓴᒪᓂᑐᐤ ᒐᒋ ᐊᔭᔨᒋ ᐱᒪᒋᐃᑯᓯᐅᓂᔪᐤ ᒥᓯᐛ ᐊᐛᔪᐛ ᑲ ᑕᑈᑎᒥᔨᒋ᙮ ᓂᔅᑎᒻ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᒋ ᐛᐎᑎᒧᐛᑭᓄᐅᔪᐛ ᒐᒃ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᒂ ᐛᐎᑎᒧᐛᑭᓄᔨᒋ᙮

1 ᑯᕆᓐᑎᔭᓇ 1:21

ᐊᑯ ᒪᒃ ᐊ ᐃᔅᐱᔅ ᑭᒐᑕᐛᔨᑕᐧᒃ ᒋᓴᒪᓂᑐᐤ ᒋ ᐃᑐᑎᒻ ᐊᑲ ᑭᒐᑕᐛᔨᑎᒧᐅᓂᒡ ᒐᒋ ᐅᒋ ᒋᔅᒐᔨᒥᑯᑦ ᐊᐛᔪᐛ᙮ ᐃᔭᐱᒡ ᒋ ᓇᐊᔨᑎᒥᐃᑯᐤ ᒐᒋ ᐱᒪᒋᐊᑦ ᐊᓂᔭ ᐊᐛᔪᐛ ᑲ ᑕᑈᑎᒥᔨᒋ ᐊᓂᔭ ᒋᔎ ᐃᔨᒧᐅᓂᔪᐤ ᑲ ᐃᓯᓂᐧᑲᑕᑭᓄᐎᒡ ᐊᓂᔭ ᐎᔭᐎᑎᒺᐧᒄ᙮

1 ᑯᕆᓐᑎᔭᓇ 15:2

ᐊᐅᒄ ᒥᔽᒋᒧᐅᓐ ᒋᓴᔅ ᑲ ᐊᔨᒧᒪᑭᓄᐅᑦ ᑲ ᐊᔨᒧᑎᒪᓐ ᑲ ᑭᒐᔅᒋᒥᑎᑯᒡ᙮ ᐊᐅᒄ ᒐ ᐱᒪᒋᐃᑯᔭᒄ ᓱᒃ ᒥᒪᒋᒥᓂᒪᒂ᙮ ᐊᑲ ᒪᒃ ᐅ ᑎᔭᒂ ᐊᑯ ᑭᑈ ᒐᔅᑲ ᐊᒋ ᑕᑈᑎᒪᒄ ᒐ ᐃᓯᓇᒂᒡ ᐊᑲ ᐱᒪᒋᐃᑯᔭᒂ᙮

1 ᑯᕆᓐᑎᔭᓇ 2:14

ᐊᓐ ᐊᐛᓐ ᐊᑲ ᐊᔭᐛᑦ ᒋᓴᒪᓂᑐᐛ ᐅᑦ ᐊᒐᐧᑯᔪᐛ, ᓇᒪ ᒋᑭ ᒋ ᐅᑎᓂᒻ ᐊᓂᔭᔪᐛ ᒥᔨᐛᐅᓇ ᑕᓐ ᐊ ᐃᓯ ᒥᔨᐛᔨᒋ ᒋᓴᒪᓂᑐᐛ ᐅᑦ ᐊᒐᐧᑯᔪᐛ᙮ ᐅ ᐊᐛᓐ ᓇᒪ ᑕᑈ ᓂᔅᑐᑎᒻ ᒐᒂᔪᐛ ᐅᔭ, ᓇᒪ ᐎᔭᔅ ᐃᑕᐱᑎᓇ ᐃᑕᔨᑎᒻ᙮ ᐛᔅ ᒥᒄ ᐊᓐᒡ ᐸᔭᒋ ᐊᒐᒂ ᑲ ᐊᔭᐛᒡ ᒋᑭ ᒋ ᓂᔅᑐᑎᒧᒡ ᑕᓐ ᐊ ᐃᓯ ᒋᒋᐛ ᐃᑕᔨᑕᑯᓂᔨᒋ ᐅᔭ ᒥᔨᐛᐅᓇ᙮

1 ᑯᕆᓐᑎᔭᓇ 2:2

ᓂᒋ ᐎᔭᔨᑕᓐ ᒥᒄ ᐸᐃᒄ ᒐᒂᓐ ᒐ ᐊᔨᒧᑎᒪᓐ ᐊᐅᒄ ᒋᓴᔅ ᙭ ᑭᔭ ᐊᓂᔭ ᐊᒋ ᒋᔅᑕᔎᑕᑭᓄᐅᑦ᙮

1 ᑯᕆᓐᑎᔭᓇ 3:19

ᐛᔅ ᐊᓂᔭ ᐊ ᐃᓯ ᑭᒐᑕᐛᔨᑕᒡ ᐊᐛᓐᒋ ᐅᑕ ᐊᔅᒋᒡ, ᒋᔎᓇᑯᓐ ᐃᑕᔨᑎᒻ ᐎᔾ ᒋᓴᒪᓂᑐᐤ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒋᓴᒪᓂᑐᐤ ᐊᐱᒋᑕᐛᐤ ᓇᐸᐛ ᐅᑭᒐᑕᐛᔨᑎᒧᐅᓂᔪᐤ ᒐᒋ ᐅᒋ ᒋᔅᒐᔨᑎᒥᐊᑦ ᑕᓐ ᐊ ᐃᓯ ᒋᔎᓇᑯᓂᔨᒡ ᐅᑭᒐᑕᐛᔨᑎᒧᐅᓂᔪᐤ᙮

1 ᑯᕆᓐᑎᔭᓇ 4:10

ᐛᔅ ᐊᓂᔭ ᐊ ᐊᑐᔅᑯᐅᒋᑦ ᙭, ᐊᐅᒄ ᐛᒋ ᐃᑕᔨᒥᑯᐅᔭᒡ ᐊ ᒋᔎᔭᒡ᙮ ᒋᔨᐛᐤ ᒪᒃ ᐎ ᒧᔭᒻ ᓇᔅᒡ ᐊ ᑭᒐᑕᐛᔨᑎᒪᒄ ᒋᑦ ᐃᑕᔨᒥᑯᐅᓇᐛᐤ ᐊ ᐊᑐᔅᑯᐛᒄ ᙭᙮ ᓂᔭᓐ ᐊᑈᔅᑕᓇᒡ ᓇᔅᒡ ᓇᒪ ᓂᓴᐱᓯᓇᓐ, ᒋᔨᐛᐤ ᐎ ᒪᒃ ᒋ ᓱᐧᑲᑎᓯᓇᐛᐤ᙮ ᓂ ᐛᐧᑲᑎᑯᐅᓇᓐ ᓂᔭᓐ᙮ ᒋᔨᐛᐤ ᒪᒃ ᒋ ᒋᔅᑕᔨᒥᑯᐅᓇᐛᐤ᙮

2 ᑯᕆᓐᑎᔭᓇ 10:4

ᓇᒪ ᐎ ᐊᔅᒋᔪᐤ ᒪᓯᒐᐤ ᒐᒂᓇ ᓂᑦ ᐊᐱᒋᑕᓇᓐ᙮ ᒋᓴᒪᓂᑐᐤ ᐅᓱᐧᑲᑎᓯᐅᓐ ᓂᑦ ᐊᐱᒋᑕᐛᓇᓐ ᐊ ᓂᓱᐅᓇᒋᑕᐎᒋᒡ ᑕᓐ ᓂᓇᐧᑯᐤ ᐊ ᐃᓯ ᒪᒋᒂᐱᐧᑲᑎᑯᒡ ᐊᐛᓐᒋ ᒥᒋᒥᓂᑐᐛ᙮

2 ᑯᕆᓐᑎᔭᓇ 4:3

ᑕᐅᒡ ᐊᐛᓐᒋ ᐊ ᐃᑕᔨᑕᒡ ᐊᑲ ᒥᓯᐛ ᒐᒂᔪᐤ ᐎᑎᒧᒋᒡ ᐊ ᐛᐎᑎᒧᒋᒡ ᐅᔭ ᒥᔽᒋᒧᐅᓂᔪᐤ ᑭᔭ ᓇᒪ ᒋ ᓂᔅᑐᑎᒧᒡ᙮ ᐅᓂᓯᓄᐅᒡ ᐊᓐᒡ ᐊᐛᓐᒋ ᐊᔪᐅᒄ ᒪᒃ ᐛᒋ ᐊᑲ ᒋ ᓂᔅᑐᑕᒡ᙮

1 ᑕᓴᓗᓂᔭᓇ 1:5

ᐃᔅᐱ ᑲ ᐛᐎᑎᒪᑕᒡ ᒥᔽᒋᒧᐅᓐ ᓇᒪ ᒥᒄ ᓂ ᐅᒋ ᐃᔨᒥᓇᓐ ᒪᒃ ᐊᔪᐤ ᔅᒋ ᐛᐸᑕᓇᐛᐤ ᓱᐧᑲᑎᓯᐅᓐ ᑲ ᐸᔭᒋᓯᑦ ᐊᒐᐧᒄ ᐅᒋ᙮ ᑭᔭ ᐊᐅᒄ ᐊᓐ ᑲ ᐃᑐᑕᑕᒄ ᓇᔅᒡ ᒐᒋ ᑕᑈᑎᒪᒄ ᐊ ᑕᑈᒥᑲᒡ ᑕᓐ ᑲ ᐃᓯ ᐎᑎᒪᑕᒡ᙮ ᔅᒋ ᒋᔅᒐᔨᒥᓇᓐ ᑕᓐ ᑲ ᐃᑕᑎᓯᔭᒡ ᐊᓐᑕ ᐊ ᑕᔭᒄ ᑲ ᑕᔭᒡ ᐊᓐᑕ ᐊᒋ ᐅᒋ ᐎ ᐎᒋᐃᑕᒡ᙮

2 ᑕᓴᓗᓂᔭᓇ 2:10

ᒥᓯᐛ ᓂᓇᐧᑯᐤ ᒋᑭ ᐃᓯ ᒥᒋ ᐎᔭᓯᐊᐤ ᐊᓂᔭᔪᐛ ᒐ ᓂᓱᐅᓇᑎᓯᔨᒋ᙮ ᒋᑭ ᓂᓱᐅᓇᑎᓯᔪᐛ ᐊᑲ ᐅᒋ ᐎ ᓴᒋᑕᔨᒋ ᑕᑈᐅᓂᔪᐤ ᐊᓐᑕ ᒐᒋ ᐅᒋ ᐱᒪᒋᐅᔨᒋ᙮

ᐃᑉᕈᐛ 12:2

ᑭᔭ ᑭᓄᐛᐱᒪᑕᐤ ᒋᓴᔅ, ᐊᓐ ᑲ ᐃᑐᑕᑕᐧᒄ ᒐᒋ ᑕᑈᑎᒪᐧᒄ᙮ ᐎᔾ ᒋ ᐎᒋᐃᑯᓄᐤ ᐊᔭᔅᒃ ᒐᒋ ᓱᒋᑲᐳᐅᔭᐧᒄ ᒋᑕᑈᑎᒧᐅᓇᒡ ᐸᑐᔅ ᓇᔅᒡ ᒋ ᓂᓇᐃᑎᒪᐊᒂ ᒋᓴᒪᓂᑐᐤ᙮ ᒋ ᓴᐳᔅᑭᒻ ᓂᐳᐅᓂᔪᐤ ᒋᐱᔭᑎᑯᒡ ᑭᔭ ᓇᒪ ᐛᐛᒡ ᐅᒋ ᐊᐱᑕᔨᑎᒥᐃᑯᐤ ᐊᑎ ᐊᒋ ᒪᔭᔨᒪᑭᓄᐅᑦ ᑭᔭ ᐊᒋ ᓂᓇᐧᑲᑕᔨᒧᐊᑭᓄᐅᑦ ᐛᔅ ᒥᒄ ᐊᓂᔭ ᑕᓐ ᒐ ᐃᔅᐱᔅ ᒧᒋᒐᔨᑕᐧᒃ ᐃᔅᐱ ᐎᒪᐱᔨᒐ ᐊᓐᑕ ᐊ ᓂᓇᐧᑲᑕᔨᒧᑦ, ᐊᐅᑯᓐ ᐊᓂᔭ ᑲ ᒪᒥᑐᓇᔨᑎᒥᐃᑯᑦ᙮ ᐊᑯ ᒪᒃ ᐊᓄᒡ, ᐎᔾ ᒋ ᐅᒋᓴᐅᒋᒪᒥᓇᓄᐤ ᐊᓐᑕ ᒪᒃ ᐊᐳᐤ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ᙮

ᐃᑉᕈᐛ 4:12

ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᐸᑎᓂᔪᐤ᙮ ᓱᒃ ᐊᑐᔅᒐᒥᑭᓂᔪᐤ᙮ ᐅᔅᑕ ᑲᓴᔪᐤ ᐃᔅᐱᔅ ᓂᑐᐱᔪᐅ-ᒧᐧᑯᒪᓂᔪᐤ ᐊ ᐃᑐᐤ ᐊ ᐃᓯ ᑲᓴᔨᒡ᙮ ᓇᔅᒡ ᒋᑦ ᐊᒐᐧᑯᓇᒡ ᑭᔭ ᒋᒥᑐᓇᔨᒋᑭᓇᒡ ᐃᓯ ᐊᑐᔅᒐᒥᑭᓂᔪᐤ᙮ ᓇᔅᒡ ᑭᔭ ᐊ ᓴᓴᐳᑎᓂᔨᒡ ᐊᓂᔅᑯᑭᓇᓂᒡ ᑭᔭ ᐅᔅᑭᓐ ᐱᒥᒡ ᐊᐅᑯᓐ ᐊ ᐃᑕᔨᑕᑯᓂᔨᒡ᙮ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑯᑕ ᓇᔅᒡ ᐎᔭᐸᑎᔨᑯᐅᔭᐧᒄ ᑕᓐ ᐊᓐ ᐊ ᐃᑕᔨᑎᒪᐧᒄ ᑭᔭ ᑕᓐ ᐊᓐ ᐊ ᐃᓯ ᐱᑯᓴᔨᒧᔭᐧᒄ ᒋᑕᐃᓇᒡ᙮