1 ᑯᕆᓐᑎᔭᓇ 1:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᒧᔭᒻ ᐊᑲ ᐸᐃᑯᓯᑦ ᐊᓐ ᙭ ᒥᓯᐛ ᑲ ᓇᓴᐛᒄ ᐃᓯᓇᑯᓐ ᐅ ᐊ ᐃᑎᔭᒄ᙮ ᓂᔾ ᐊ ᓂᒋ ᒋᔅᑕᔎᑎᑯᐅᓐ ᒋᔨᐛᐤ ᐅᒡ ? ᐃᔅᐱ ᑲ ᓯᑲᐃᑕᑯᐅᔭᒄ ᓇᒪ ᐅᒋ ᐃᓇᓄᐤ, ᒋᑎ ᓯᑲᐃᑕᑎᓐ ᑈᓪ ᐅᑦ ᐃᓯᓂᐧᑲᓱᐅᓂᒡ ᐃᔅ᙮

1 ᑯᕆᓐᑎᔭᓇ 1:13 Iomraidhean Croise

ᒪᑎᔪᐤ 28:19

ᐅ ᒪᒃ ᐅᒋ ᒪᒋᒄ ᓂᑐᐛᐱᒪᐧᑯᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒐ ᐃᑐᑐᐛᑯᒡ ᒐᒋ ᐅᒋᔅᒋᓄᐊᒧᐛᑭᓂᔭᓐ, ᒐ ᓯᑲᐃᑐᐛᑯᒡ ᐅᑦ ᐃᓯᓂᐧᑲᓱᐅᓂᔪᐤ ᐅᑕᐎᒪᐛ ᑭᔭ ᐅᑯᓯᓯᒪᐛ ᑭᔭ ᑲ ᐸᔭᒋᓯᔨᒋ ᐊᒐᒂ᙮

ᒪᑎᔪᐤ 3:6

ᒧᓴ ᒋ ᐎᑎᒧᒡ ᑕᓐ ᑲ ᐃᓯ ᒥᒋᑐᑎᒧᐛᒂ ᑭᔭ ᒂ ᓯᑲᐃᑕᑯᒡ ᒠᓇ ᐊᓐᑕ ᒠᕐᑕᓐ ᓯᐱᒡ᙮

ᐊᑈᔅᑕᓇᒡ 10:48

ᒋ ᐃᑎᓱᐛᐤ ᒪᒃ ᒐᒋ ᓯᑲᐃᑐᐛᑭᓄᔨᒋ ᐅᔭ ᒋᓴᔅ ᙭ᑕ ᐅᑦ ᐃᓯᓂᐧᑲᓱᐅᓂᔨᒡ᙮ ᐅᒡ ᒪᒃ ᑲ ᑕᑈᑕᒡ ᒋ ᑯᒂᒋᒪᐅᒡ ᐱᑕᕋ ᐛᐃᐱᔅᒋᔅ ᒥᓐ ᒐᒋ ᑕᔨᒋ ᐊᓐᑕ ᐊ ᑕᒡ᙮

ᐊᑈᔅᑕᓇᒡ 19:5

ᐃᔅᐱ ᒪᒃ ᐊᓐᒡ ᐃᔪᒡ ᑲ ᐃᔨᒥᐃᑯᒡ ᑈᓚ ᐱᔭᑕᒡ ᐅᔭ, ᒋ ᓯᑲᐃᑐᐛᑭᓄᐎᒡ ᐅᑎᐸᔨᒋᒐᐛ ᒋᓴᓴ ᐅᑦ ᐃᓯᓂᐧᑲᓱᐅᓂᔨᒡ ᐃᔅ᙮

ᐊᑈᔅᑕᓇᒡ 2:38

ᐊᑯ ᐱᑕᕐ ᒂ ᐃᑕᑦ, “ᒂᔅᑲᑎᓯᒄ ᒥᓯᐛ ᐸᐸᐃᒄ ᐊ ᑎᓯᔭᒄ᙮ ᓂᑭᑎᒥᒄ ᒋᒥᒋᑥᐅᓄᐛᐛ ᐊᑯ ᒪᒃ ᒐ ᓯᑲᐃᑕᑯᐅᔭᒄ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᒐᒋ ᐅᒋ ᐛᐸᔨᑎᒪᑯᐅᔭᒄ ᒋᒥᒋᑥᐅᓄᐛᐛ᙮ ᒋᑭ ᒥᔨᑯᐛᐤ ᒪᒃ ᒋᓴᒪᓂᑐᐤ ᐅᒥᔨᐛᐅᓐ, ᐊᐅᒄ ᐅᔭ ᑲ ᐸᔭᒋᓯᔨᒋ ᐊᒐᒂ᙮

ᐊᑈᔅᑕᓇᒡ 8:16

ᐛᔅ ᐊᔅᒄ ᓇᒪ ᐅᒋ ᐊᔭᐛᐅᒡ ᑲ ᐸᔭᒋᓯᔨᒋ ᐊᒐᒂ᙮ ᒥᒄ ᒋ ᓯᑲᐃᑐᐛᑭᓄᐅᒡ ᐅᑎᐸᔨᒋᒐᐛ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ ᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:9

ᐛᔅ ᙭ ᒋ ᓂᐳᐤ ᑭᔭ ᑲᐤ ᒋ ᐱᒪᑎᓯᐤ ᒐᒋ ᐅᑎᐸᔨᒋᒐᓯᒥᑐᑕᑯᑦ ᑕᐱᔅᑯᓐ ᐊᓂᔭ ᑲ ᐱᒪᑎᓯᔨᒋ ᑭᔭ ᐊᓂᔭᔪᐛ ᓴᔅ ᑲ ᓂᐱᔨᒋ᙮

1 ᑯᕆᓐᑎᔭᓇ 1:15

ᓇᒪ ᒪᒃ ᐊᐛᓐ ᒋᑭ ᒋ ᐃᔅᒋᔄᐤ ᐊᒋ ᓯᑲᐃᑐᐛᑭᓄᐅᑦ ᓂᔾ ᒐᒋ ᐸᒋ ᓇᓴᐅᑦ᙮

1 ᑯᕆᓐᑎᔭᓇ 10:2

ᐊᓐᑕ ᐊᓂᔭ ᑭᔅᑯᐅᓂᔎ ᐊ ᑕᔨᒋ ᑲ ᑕᒡ ᑭᔭ ᐊᓐᑕ ᐎᓂᐸᑯᒡ ᐊᑯᑕ ᑲ ᓯᑲᐃᑐᐛᑭᓄᐅᒡ ᐊ ᓄᑯᑕᑭᓄᐎᒡ ᒧᓱᓴ ᐊ ᓇᓴᐛᒡ᙮

2 ᑯᕆᓐᑎᔭᓇ 11:4

ᒥᔅᑯᒡ ᐛᒋᐱᔪᐛ ᒥᒄ ᒐᒋ ᐃᓯ ᑕᑈᑎᒪᒄ ᑕᓐ ᐊ ᐃᓯ ᐛᐎᑎᒪᑕᑯᒡ ᐅᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᒋᔅᑯᑎᒪᒐᓱᒡ, ᐊ ᐃᑕᔨᒪᑯᒡ᙮ ᓇᔅᒡ ᒋᓂᑐᑐᐛᐛᐤ ᐊᐛᓐ ᐃᔭᒡ ᐊ ᐃᓯ ᐊᔨᒧᒪᑦ ᒋᓴᓴ ᑕᓐ ᑲ ᐃᓯ ᐊᔨᒧᑎᒪᑕᒡ ᓂᔭᓐ᙮ ᐊᓄᒡ, ᒥᒄ ᒋ ᐊᑎ ᐃᓯ ᑕᑈᐅᒐᔨᒪᐛᐤ ᐃᔭᒡ ᐊ ᐃᑕᔨᑕᑯᓯᑦ ᐊᒐᐧᒄ ᑕᓐ ᑲ ᐃᑕᔨᑕᑯᓯᑦ ᐊᓐ ᑲ ᐸᔭᒋᓯᑦ ᐊᒐᐧᒄ ᓂᔅᑎᒻ ᑲ ᐊᔭᐛᒄ᙮ ᑭᔭ ᐃᔭᒡ ᐊ ᐃᑎᑕᑯᒡ ᒥᔽᒋᒧᐅᓐ ᐊᓐ ᑲ ᐃᓯ ᐎᑎᒪᑕᒡ ᒥᒄ ᒋ ᐊᑎ ᐃᓯ ᑕᑈᑕᓇᐛᐤ᙮

ᑲᓚᓯᔭᓇ 1:7

ᑕᐸ ᑎᑯᓐ ᑯᑎᒡ ᒥᔽᒋᒧᐅᓐ᙮ ᒥᒄ ᒪᒃ ᑕᐅᒡ ᐊᐛᓐᒋ ᐊᓐᑕ ᐊ ᑕᔭᒄ ᐊ ᒥᑯᔅᑲᑕᔨᑎᒥᐃᑕᑯᒡ, ᐊ ᐎ ᒂᔅᒋᓇᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᙭ᑕ᙮

ᐃᐱᓯᔭᓇ 4:5

ᒥᒄ ᐸᐃᑯᓱᐤ ᐅᑎᐸᔨᒋᒐᐤ, ᑭᔭ ᐸᐃᑯᓐ ᑕᑈᑎᒧᐅᓐ, ᐸᐃᑯᓐ ᑭᔭ ᓯᑲᐃᑕᒐᐅᓐ᙮

ᑕᐃᑕᔅ 2:14

ᒋ ᐱᔅᑕᔨᒥᑎᓱᐤ ᙭ ᒋᔭᓄᐤ ᐅᒋ, ᒐᒋ ᐛᐸᔨᑎᒪᑯᐅᔭᐧᒄ ᒥᓯᐛ ᒋᒥᒋᑥᐅᓄᐛ ᑭᔭ ᒐᒋ ᐸᔭᒋᐃᑕᐧᒄ ᒥᒄ ᐎᔾ ᒐᒋ ᐊᔭᐅᑕᐧᒄ᙮ ᒋ ᓂᑐᐛᔨᒥᑯᓄᐤ ᓱᒃ ᒐᒋ ᐃᑕᔨᑎᒥᐃᑯᐅᔭᐧᒄ ᑯᐃᔅᒄ ᒐᒋ ᐃᑎᔭᐧᒄ᙮