1 ᑯᕆᓐᑎᔭᓇ 1:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᓂᐧᑲᓂᓯᑐᒄ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᐅᒋ, ᒋ ᓯᒋᒥᑎᓇᐛᐤ ᒪᒧᐤ ᒐᒋ ᓂᔅᑯᒧᔭᒄ ᒐᒂᓐ ᐊ ᐃᔅᒋᔄᔭᒄ ᒐ ᐊᑲ ᒋ ᑕᑎᐸᓂᐱᔨᔭᒄ ᐊᓐᑕ ᒪᒂᒡ ᐊ ᑕᔭᒄ᙮ ᓱᒃ ᐎ ᒪᒧᐱᔪᐅᒄ ᐸᐃᑯᓄᒡ ᐊ ᐃᓯ ᒪᒥᑐᓇᔨᑎᒪᒄ ᑭᔭ ᐸᐃᑯᓄᒡ ᐊ ᐃᓯ ᓂᔅᑐᑎᒪᒄ᙮

1 ᑯᕆᓐᑎᔭᓇ 1:10 Iomraidhean Croise

ᑎᐱᑦ ᐅᓂᑭᒧᐅᓇ 133:1

ᐛᐸᑎᒥᒄ, ᐊᔅᐱᔅ ᒥᔽᓯᔨᒡ ᑭᔭ ᒥᔪᓇᑯᓂᔨᒡ ᑲᐎᐧᑲᓂᓯᑕᑐᒡ ᒐᒋ ᐎᒋᒥᑐᒡ ᐊ ᐸᐃᑯ ᒥᑐᓇᔨᒋᑭᓂᒡ᙮

ᒪᑎᔪᐤ 9:16

“ᓇᒪ ᐊᐛᓐ ᒥᓴᐃᑲᒐᐤ ᐊ ᐅᔅᑲᔨᒡ ᐱᒍᐎᔭᓂᔪᐤ ᐊᓐᑕ ᒐᔭᔅ ᐊᐱᒋᑕᐅᓂᒡ, ᐊ ᐅᔅᑲᔨᒡ ᐱᒍᐎᔭᓂᔪᐤ ᐊᐱᒋᑕᒐ, ᒋᑭ ᐅᑕᐸᐛᔪᐤ ᑭᔭ ᐊᔭᔅᒃ ᒋᑭ ᐱᑯᐱᔪᐤ ᐊᓐ ᐊᐱᒋᑕᐅᓐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:21

“ᓇᒪ ᐊᐛᓐ ᐊᐱᒋᑕᐤ ᐱᒍᐎᔭᓂᓯᔪᐤ ᐊᑲ ᐅᒋ ᐅᒋᐱᔨᒡ ᐊ ᐎ ᒥᓴᐊᒃ ᐊᑯᐱᔅᒋᓯᔪᐤ᙮ ᐛᔅ ᐅᔭ ᒥᓯᐃᑲᒐᒐ ᐅᒋᐱᔨᒐ ᒪᒃ ᐊᑐᐎᔅ ᒋᑭ ᐱᑯᐱᔪᐤ ᐊᓐ ᐊᑯᑉ ᑕᓐᑕ ᐊᓐᑕ ᑲ ᐱᑯᐱᔨᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:24

ᐛᔅ ᒧᔭᒻ ᐊᐛᓐᒋ ᐸᐃᒄ ᐊᔅᒋᔪᐤ ᑲ ᐅᒋᒡ ᒥᒋᐱᔨᑐᑥᐛ ᓇᒪ ᓇᔅᒡ ᒋᑭ ᐅᒋ ᒥᔪᐱᔪᐅᒡ ᐊᓐᑕ ᐅᑦ ᐊᔅᒋᐛᒡ᙮

ᒠᓐ 10:19

ᐊᑯ ᒥᓐ ᒂ ᑎᐸᓂᐱᔪᔨᒋ ᐊᓂᔭᔪᐛ ᒍᐤ ᐃᔪᐛ ᐃᔅᐱ ᐱᔭᑕᑯᑦ ᐅᔭ ᐊ ᐃᔅᒋᔄᑦ᙮

ᒠᓐ 17:23

ᓂᔾ ᐊ ᐱᒋᔅᑯᐅᒂᐤ ᑭᔭ ᒋᔾ ᐊ ᐸᒋ ᐱᒋᔅᑯᐎᔨᓐ ᐊᑯᑕ ᒐᒋ ᐅᒋ ᓇᔅᒡ ᐸᐃᑯᒡ᙮ ᐊᑯᑕ ᒪᒃ ᒐᒋ ᐅᒋ ᑕᑈᑕᒡ ᐊᐛᓐᒋ ᐅᑕ ᐊᔅᒋᒡ ᐊ ᑕᒡ ᒋᔾ ᑕᑈ ᐊᒋ ᐸᒋ ᐃᑎᓴᐎᔨᓐ ᑭᔭ ᑕᑈ ᐊ ᓴᒋᐃᑥᐤ ᒧᔭᒻ ᓂᔾ ᐊ ᐃᔅᐱᔅ ᓴᒋᐃᔨᓐ᙮”

ᒠᓐ 7:43

ᐊᑯ ᒂ ᑎᐸᓂᐱᔪᒡ ᐊᓐᒡ ᐃᔪᒡ ᐊᓂᔭ ᐅᒋ ᐊᑲ ᐸᐃᑯᓄᒡ ᐃᑕᔨᒪᒡ ᒋᓴᓴ᙮

ᒠᓐ 9:16

ᐱᔅᒐ ᒪᒃ ᐊᓐᒡ ᐸᕆᓯᔨᒡ ᒋ ᐃᑕᐅᒡ, “ᐅ ᓇᐸᐤ ᒋᓴᔅ ᓇᒪ ᒋᓴᒪᓂᑐᐛ ᐊ ᑕᔨᒋ ᐅᒋᐤ, ᑕᐸ ᐊᐱᑕᔨᑎᒻ ᐊ ᒍᐤ ᐊᔭᒥᐊᐅᒋᓯᑲᔨᒡ᙮” ᑯᑎᑭᒡ ᒪᒃ ᒋ ᐃᑕᐅᒡ, “ᑕᓐᑕ ᒐᒋ ᐅᒋ ᒪᒥᔅᑲᒡ ᐃᑎᑦ ᐊᐛᓐ ᐊ ᒥᒋᑐᑎᒧᒂ᙮ ᒋ ᑎᐸᓂᐱᔪᒡ ᒪᒃ ᐅᔭ ᐅᒋ ?”

ᐊᑈᔅᑕᓇᒡ 4:32

ᐊᑯ ᒪᒃ ᐊᓐᒡ ᑲ ᑕᑈᔭᔨᒪᒡ ᒋᓴᓴ, ᒋ ᐸᐃᑯ ᒥᑐᓇᔨᑎᒧᒡ ᑭᔭ ᐸᐃᑯᓄᒡ ᒋ ᐃᓯ ᐎᔭᔨᑎᒧᒡ᙮ ᑕᓐ ᑲ ᐃᓯ ᑎᐱᔨᐛᐅᓯᑦ ᐊᐛᓐ ᒐᒂᔪᐤ ᓇᒪ ᐅᒋ ᐃᑕᔨᑎᒻ ᒥᒄ ᐎᔾ ᐊ ᑎᐱᔨᐛᐅᓯᑦ, ᒥᓯᐛ ᐊᐛᔪᐛ ᒋ ᒪᒧᐤ ᐊᐱᒋᑕᔪᐛ ᑕᓐ ᑲ ᐃᓯ ᐊᔭᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:13

ᒐ ᐎ ᒋᔅᒋᓯᔭᒄ ᐅ ᓂᐧᑲᓂᓯᑐᒄ᙮ ᓴᔅ ᒥᒐᑥᐤ ᓂᒋ ᐎᔭᔨᑕᓐ ᒐᒋ ᓂᑐᐛᐱᒥᑎᑯᒡ ᒥᒄ ᒪᒃ ᒧᔅ ᒋ ᑎᑯᓐ ᒐᒂᓐ ᐊ ᓇᑲᐅᑯᔭᓐ᙮ ᐛᔅ ᓂ ᐱᑯᓴᔨᑕᓐ ᑭᔭ ᒋᔨᐛᐤ ᒐᒋ ᐎᒋᐃᑎᑯᒡ ᒐᒋ ᑕᑈᑎᒪᒄ ᒥᔽᒋᒧᐅᓐ ᒧᔭᒻ ᑲ ᐃᓯ ᐎᒋᐃᒂᐤ ᑯᑎᑭᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᑕᑈᑕᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:1

ᐊᓂᔭ ᐊ ᐃᔅᐱᔅ ᒥᓴᔨᒡ ᒋᓴᒪᓂᑐᐤ ᐅᒋᓴᐛᑎᓯᐅᓐ, ᒋ ᓂᑐᐛᔨᒥᑎᓇᐛᐤ, ᓂᐧᑲᓂᓯᑐᒄ, ᒐᒋ ᐱᔅᑎᓂᒧᐛᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᐛ ᒧᔭᒻ ᐊ ᐱᒪᑎᓯᒥᑲᒋ ᒥᔨᐛᐅᓇ ᐊ ᐃᓯᓇᒂᒋ, ᐊ ᐸᔭᐧᑲᒋ ᑭᔭ ᐊ ᓇᐊᔨᑎᒥᐃᑯᑦ ᒋᓴᒪᓂᑐᐤ᙮ ᐊᐅᒄ ᒋᐸ ᐃᑎᓇᐛᐤ ᒋᒋᐛ ᒐᒋ ᐃᓯ ᐊᑐᔅᑯᐛᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:16

ᒥᓯᐛ ᐊ ᑎᓯᔭᒄ ᓱᒃ ᐎ ᒥᔪ ᐎᒐᐅᑐᒄ᙮ ᐊᑲᐎᔾ ᒋᑭ ᐅᒋ ᒋᔅᑕᔨᒥᑎᓱᓇᐛᐤ᙮ ᐊᑲᐎᔾ ᓇᑲᐎᒄ ᒐᒋ ᐎᒐᐛᑯᒡ ᐊᓐᒡ ᓇᔅᒡ ᐊᑲ ᐊᐱᑕᔨᒥᑯᒡ ᐊᐛᔪᐛ᙮ ᐊᑲᐎᔾ ᒋᑭ ᐅᒋ ᐃᑕᔨᒥᓱᓇᐛᐤ ᓇᔅᒡ ᐊ ᐃᑈᐧᑲᔭᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:30

ᓂᐧᑲᓂᓯᑐᒄ, ᒋ ᑕᑈᔭᔨᒪᓄᐤ ᐅᑎᐸᔨᒋᒐᐤ ᒋᓴᔅ ᙭ ᑭᔭ ᑲ ᐸᔭᒋᓯᑦ ᐊᒐᐧᒄ, ᒋ ᐎᒋᐃᑯᓄᐤ ᒐᒋ ᓴᒋᐃᑐᔭᐧᒄ, ᐊᐅᒄ ᐛᒋ ᐱᑯᓴᔨᒥᑎᑯᒡ ᒐᒋ ᐛᐎᒋᐃᔭᒄ ᑕᓐ ᐊ ᐃᑕᐱᑎᓯᔭᓐ ᓱᒃ ᐊ ᐊᔭᒥᐊᔅᑎᒧᐅᔭᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:17

ᓂᐧᑲᓂᓯᑐᒄ, ᒋ ᐎ ᐃᔭᒂᒥᑎᓇᐛᐤ᙮ ᐃᔭᒂᒥᔅᑐᐛᐧᑯᒡ ᐊᓐᒡ ᑲ ᐃᑐᑐᐛᒡ ᐊᐛᔪᐛ ᒐᒋ ᑕᑎᐸᓂᐱᔨᒋ ᑭᔭ ᐃᔭᒡ ᒐᒋ ᐃᑕᔨᒥᑐᔨᒋ ᑭᔭ ᑲ ᓂᓱᐅᓇᒋᑕᐛᒡ ᑕᓐ ᐊ ᐃᓯ ᑕᑈᑎᒥᔨᒋ᙮ ᐃᔭᒡ ᐃᓯ ᒋᔅᑯᑎᒪᒐᐅᒡ ᑕᓐ ᓴᔅ ᑲ ᐃᓯ ᒋᔅᑯᑎᒪᑯᐛᒄ᙮ ᐊᑲᐎᔾ ᐊᐱᑕᔨᒪᐧᑯᒡ ᐅᒡ᙮

1 ᑯᕆᓐᑎᔭᓇ 1:11

ᓂᐧᑲᓂᓯᑐᒄ, ᑲᓗᐃ ᑲ ᐃᓯᓂᐧᑲᓱᔨᒋ ᐃᔎᐛ ᐊ ᑕᔨᒋ ᐊ ᐅᑐᑕᒡ ᐊᐛᓐᒋ ᓂᒋ ᐃᑕᒋᒧᔅᑕᑯᒡ ᐊ ᒪᒥᒋᐱᔭᒄ ᐊᓐᑕ ᒪᒂᒡ ᐊ ᑕᔭᒄ᙮

1 ᑯᕆᓐᑎᔭᓇ 11:18

ᓂᔅᑎᒻ ᒐᒂᓐ᙮ ᓂᒋ ᐎᑎᒪᑯᐅᓐ ᐊ ᑎᒂᒡ ᐊᓐᑕ ᐊ ᑕᑎᐸᓂᐱᔨᐃᑐᓇᓄᐅᒡ ᐃᔅᐱ ᒥᔭᒧᐎᔭᑯᐤ ᒐ ᐊᔭᒥᐊᔭᒄ᙮ ᐱᔅᒐ ᒪᒃ ᓂ ᑕᑈᑕᓐ ᑕᓐ ᐊ ᐃᓯ ᐸᑎᒪᓐ᙮

1 ᑯᕆᓐᑎᔭᓇ 12:25

ᐊᐅᒄ ᐅᔭ ᑲ ᐃᓯᑕᑦ ᒐ ᐊᑲ ᒋ ᑎᒂᒡ ᑎᐸᓂᐃᓱᐅᓐ ᒥᔭᒡ, ᒋᓴᒪᓂᑐᐤ ᒋ ᓂᑐᐛᔨᑎᒻ ᐊᓂᔭᔪᐛ ᐱᔅᒐᓯᐅᓇ ᐊᓐᑕ ᒥᔭᒡ ᑲ ᑎᑯᓂᔨᒋ ᒥᓯᐛ ᐸᐃᑯᓄᒡ ᒐᒋ ᐛᐎᒋᐃᑐᒥᑭᓂᔨᒋ, ᓇᒪ ᐎ ᒐᒋ ᑕᑎᐸᓂᐱᔨᐃᓱᒥᑭᓂᔨᒋ᙮

1 ᑯᕆᓐᑎᔭᓇ 3:3

ᐊᔅᒄ ᐊᐅᑯᓐ ᐊ ᐃᓯ ᐱᒪᑎᓯᔭᒄ ᐊ ᐃᓯ ᐱᒪᑎᓯᒡ ᐊᓐᒡ ᐊᔅᒄ ᐊᑲ ᐱᔅᑎᓇᒡ ᑲ ᐸᔭᒋ ᐊᒐᒂ ᒐᒋ ᐱᒥᐱᔨᑕᔨᒋ ᐅᐱᒪᑎᓯᐅᓄᐛᐛ᙮ ᐛᔅ ᒋ ᒪᒥᒐᔨᒥᑐᓇᐛᐤ ᑭᔭ ᒋ ᒪᒥᒋᐱᔨᐃᑐᓇᐛᐤ᙮ ᐊᑯᑕ ᒪᒃ ᐊ ᓄᒂᒡ ᐊᔅᒄ ᐊ ᐃᓯ ᐱᒪᑎᓯᔭᒄ ᐊᓂᔭ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᑕᑈᑕᒡ᙮

1 ᑯᕆᓐᑎᔭᓇ 4:16

ᐊᐅᒄ ᒪᒃ ᐛᒋ ᓇᔅᒡ ᐱᑯᓴᔨᒥᑎᑯᒡ ᒐᒋ ᒋᔅᒋᓄᐛᐱᒥᔭᒄ᙮

2 ᑯᕆᓐᑎᔭᓇ 10:1

ᑎᑯᓐ ᒐ ᐃᓯ ᐱᑯᓴᔨᒥᑎᑯᒡ᙮ ᐅ ᒪᒃ ᒐ ᐊᔨᒧᑎᒪᑎᑯᒡ ᐊᓐ ᐊᔅᐱᔅ ᒋᓴᐛᑎᓯᑦ ᑭᔭ ᐊᔅᐱᔅ ᒋᔭᒥᓯᑦ ᒋᓴᔅ ᙭ ᓂ ᐎ ᐃᑕᔨᑕᑯᓯᓐ ᐊᓐ ᐊ ᐃᓯ ᐃᔨᒥᐃᑎᑯᒡ᙮ ᐃᑕᐅᒡ ᐊᐛᓐᒋ ᐊ ᐃᔅᒋᔄᒡ ᓇᔅᒡ ᐊᑲ ᓴᐱᑕᑯᓱᐅᒡ ᐊᓐᑕ ᐊ ᑕᐛᒄ ᐊ ᑕᐅᒡ᙮ ᒥᒄ ᐊᓐᑕ ᐃᔭᒡ ᐊ ᑕᐅᒡ ᐊ ᐅᒋ ᓱᒐᔨᑕᑯᐃᓱᐅᒡ ᐃᔅᒋᔄᐅᒡ᙮

2 ᑯᕆᓐᑎᔭᓇ 13:11

ᐊᑯ ᒪᒃ ᓂᐧᑲᓂᓯᑐᒄ, ᐛᒋᔭ ᒋᑦ ᐃᑎᓇᐛᐤ᙮ ᓱᒃ ᑯᒋᑕᒄ ᐊᓐ ᒐᒋ ᐃᑕᔨᑕᑯᓯᔭᒄ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᑕᔨᑕᑯᓱᐛᒄ᙮ ᐃᔭᒂᐤ ᓂᑐᑎᒧᒄ ᑕᓐ ᐊ ᐃᓯ ᓯᒋᒥᑎᑯᒡ᙮ ᓱᒃ ᐸᐃᑯᓄᒡ ᐎ ᐃᓯ ᐱᒪᑎᓯᒄ᙮ ᓱᒃ ᒥᔪ ᐎᒐᐅᑐᒄ᙮ ᒋᓴᒪᓂᑐᐤ ᐊᓐ ᑲ ᓴᒋᐃᐛᑦ ᑭᔭ ᑲ ᐊᔭᑦ ᒋᔭᒪᔨᑎᒧᐅᓂᔪᐤ ᒋᑭ ᐎᒐᐅᑯᐛᐤ᙮

2 ᑯᕆᓐᑎᔭᓇ 13:9

ᓂ ᒥᔽᔨᑕᓇᓐ ᐊᓐᑕ ᒪᒂᒡ ᐊᑲ ᓯᔭᐱᓯᔭᒡ ᓂᔭᓐ ᐊᑯᑕ ᒋᔨᐛᐤ ᓱᒋᑲᐳᔭᒄ ᐅᑎᐸᔨᒋᒐᐤ ᐊ ᑕᑦ᙮ ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᒐᒋ ᓂᑕᐅᒋᔭᒄ ᐎᔾ ᐃᔅ ᐊ ᑕᑦ᙮

2 ᑯᕆᓐᑎᔭᓇ 5:20

ᐊᑯ ᒪᒃ ᐊ ᐊᔨᒥᔅᑎᒧᐎᒋᑦ ᙭᙮ ᒋᓴᒪᓂᑐᐤ ᓂᑦ ᐊᐱᒋᐃᑯᐅᓇᓐ ᐊ ᑕᑈᑎᑕᒄ᙮ ᒋ ᓯᒋᒥᑎᓇᓐ ᒥᓐ ᑲᐤ ᒐᒋ ᐎᒐᐛᒄ ᒋᓴᒪᓂᑐᐤ ᒧᔭᒻ ᙭ ᐎᔾ ᐊ ᓯᒋᒥᑕᒄ ᐊ ᐃᓯ ᐃᔨᒥᐃᑕᒡ᙮

2 ᑯᕆᓐᑎᔭᓇ 6:1

ᐊᓐ ᒪᒃ ᐊ ᒪᒧᐤ ᐊᑐᔅᑯᐅᒋᒡ ᒋᓴᒪᓂᑐᐤ ᒋ ᓂᑐᑎᒪᑎᓇᓐ ᒐ ᐊᑲ ᒋ ᐃᓯᓇᑯᓯᔭᒄ ᐊᑲ ᐊ ᐊᐱᑕᔨᑎᒪᒄ ᑕᓐ ᐊ ᐃᓯ ᒋᓴᐛᑐᑕᑕᒄ ᒋᓴᒪᓂᑐᐤ᙮

ᑲᓚᓯᔭᓇ 4:12

ᓂᐧᑲᓂᓯᑐᒄ, ᒋ ᓂᑐᑎᒪᑎᓇᐛᐤ ᑭᔭ ᒋᔨᐛᐤ ᒐᒋ ᐃᓯ ᐱᒪᑎᓯᔭᒄ ᒧᔭᒻ ᐊ ᐃᓯ ᐛᐱᒥᔭᒄ ᓂᔾ ᐊ ᐃᓯ ᐱᒪᑎᓯᔭᓐ᙮ ᐊᑎ ᒍᐤ ᐊ ᐃᑎᔅᑲᓇᓯᔭᓐ ᒧᔭᒻ ᐊᑲ ᒍᐤ ᐃᑎᔅᑲᓇᓯᔭᓐ ᓂᒋ ᐃᑎᓐ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᓐ᙮ ᑕᐸ ᓂ ᐎ ᐃᑕᔨᑕᑯᓯᓐ ᐎᓱᐛᐅᓐ ᐎ, ᒐᒋ ᐱᒪᒋᐃᑯᔭᓐ ᑭᑈ ᒐᒋ ᐃᓯ ᑭᓄᐛᐸᑎᒪᓐ᙮ ᓇᒪᐎᔾ ᒐᒂᓐ ᒋ ᐅᒋ ᐃᓯ ᐅᓂᑐᑐᐅᓇᐛᐤ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᓐ᙮

ᐱᓕᐱᔭᓇ 1:27

ᒥᒄ ᒪᒃ, ᐊᐅᒄ ᐅ ᐛᒋ ᔭᐃᑕᔾ ᓇᑐᐛᔨᑕᑯᓯᔭᒄ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᑎᓱᒧᑯᔭᒄ ᒥᔽᒋᒧᐅᓐ ᒋᐸ ᐃᓯ ᐱᒪᑎᓯᓇᐛᐤ᙮ ᐊᑯ ᒪᒃ ᐊᑎ ᐊᑲ ᒥᓐ ᒋ ᐛᐱᒥᑎᑯᒐ ᒪᒃ ᓇᐃᐱᔨᒐ ᒥᓐ ᒐᒋ ᐛᐱᒥᑎᑯᒡ ᒐ ᒋᔅᒐᔨᒥᑎᑯᒡ ᐊᑲ ᒥᑐᓐ ᒐᒂᓐ ᒋ ᐊᑎᓂᑯᔭᒄ ᒥᓯᐛ ᐸᐃᑯᓄᒡ ᐊ ᐃᑕᔨᑎᒪᒄ ᑕᓐ ᐛ ᐃᑎᔭᒄ ᑭᔭ ᑕᑈ ᐸᐃᑯᓄᒡ ᐊ ᐃᓯ ᐱᑯᓴᔨᑎᒪᒄ ᐊ ᒪᒧᐤ ᐊᒋᔅᑎᒪᒄ ᐊ ᐛᐎᑎᒪᒄ ᒥᔽᒋᒧᐅᓐ᙮

ᐱᓕᐱᔭᓇ 3:16

ᐃᔭᐱᒡ ᒪᒃ, ᒧᓯᓇᐤ ᒥᓯᐛ ᓂᓇᑭᑐᐛᔨᑎᒥᐃᑯᑕᐤ ᑕᓐ ᓴᔅ ᑲ ᐃᓯ ᒋᔅᑯᑎᒪᑯᐅᔭᐧᒄ᙮

1 ᑕᓴᓗᓂᔭᓇ 5:13

ᓇᔅᒡ ᒋᐸ ᒋᔅᑕᔨᒪᐛᐅᒡ ᑭᔭ ᒋᐸ ᓴᒋᐊᐛᐅᒡ ᐊᓂᔭ ᐅᑦ ᐊᑐᔅᒐᐅᓄᐛᐤ ᐅᒡ᙮ ᐊᑲᐎᔾ ᒪᒥᒋᐱᔨᑐᒄ᙮

2 ᑕᓴᓗᓂᔭᓇ 2:1

ᓂᐧᑲᓂᓯᑐᒄ, ᒋᑭ ᐊᔨᒧᑎᒪᑎᓇᐛᐤ ᑕᓐ ᒐ ᐃᔅᐱᔨᒡ ᐅᑎᐸᔨᒋᒐᐤ ᒋᓴᔅ ᙭ ᑎᑯᓯᒐ ᒪᒧᐅᔭᒂ ᐊᓐᑕ ᐎᔾ ᐊ ᑕᑦ᙮ ᒋ ᓂᑐᐛᔨᒥᑎᓇᐛᐤ ᓂᐧᑲᓂᓯᑐᒄ,

1 ᑎᒧᑎ 5:21

ᐅ ᒪᒃ ᒋᑦ ᐃᑎᓱᒥᑎᓐ ᒋᓴᒪᓂᑐᐤ ᑭᔭ ᒋᓴᔅ ᙭ ᑭᔭ ᑲ ᐸᔭᒋᓯᒡ ᐊᓐᒋᓐᒡ ᐊ ᐸᑐᐅᒡ, ᓂᓇᐃᑕ ᐅ ᑕᓐ ᑲ ᐃᑎᓱᒥᑕᓐ ᐊᓄᒡ᙮ ᒥᓯᐛ ᒐᒂᓐ ᐊ ᐃᑐᑎᒥᓐ ᓄᑯᑕ ᑕᐱᑐᐤ ᐊ ᐃᑕᔨᒥᑥᐤ ᒥᓯᐛ ᐊᐛᓐᒋ᙮

2 ᑎᒧᑎ 4:1

ᒋᔾ ᑎᒧᑎ, ᒋᑦ ᐃᑎᓱᒥᑎᓐ ᐅᑎᔅᑯᐤ ᒋᓴᒪᓂᑐᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᐊ ᑕᑦ, ᐊᓐ ᒐ ᑎᐸᔅᑯᓇᑦ ᑲ ᐱᒪᑎᓯᔨᒋ ᑭᔭ ᑲ ᓂᐱᔨᒋ, ᑭᔭ ᒥᓐ ᒐ ᑎᑯᓯᐧᒃ ᒐ ᒋᓴᐅᒋᒪᐅᑦ,

1 ᐱᑕᕐ 2:11

ᓂᐎᒐᐛᑭᓂᑎᒄ ᑲ ᓴᒋᐃᑎᑯᒡ, ᒥᒄ ᐛᔅ ᐊᓐ ᒋ ᒪᓐᑕᐅᓇᐛᐤ ᑭᔭ ᒥᒄ ᒋ ᐱᐸ ᑕᓇᐛᐤ ᐅᑕ ᐊᔅᒋᒡ᙮ ᐊᐅᒄ ᒪᒃ ᐅ ᐛᒋ ᐎ ᓯᒋᒥᑎᑯᒡ ᓇᔅᒡ ᒐ ᐊᑲ ᒋ ᐱᐱᔅᑲᑕᔨᑎᒥᐃᑯᔭᒄ ᐊᓂᔭ ᒥᒋ ᓂᑐᐛᔨᑎᒧᐅᓇ ᐊᓂᔭ ᒧᔅ ᒥᔭᓯᒐᐱᔨᒋ ᒋᑦ ᐊᒐᐧᑯᐛᒡ᙮

1 ᐱᑕᕐ 5:10

ᐃᔅᐱ ᒪᒃ ᒋ ᐃᓯ ᓂᓇᐧᑲᑕᔨᒧᔭᒂ, ᒋᑭ ᐃᑐᑕᑯᐛᐤ ᒋᓴᒪᓂᑐᐤ ᒥᓐ ᒐᒋ ᐎᔨᑲᐳᐅᐛᒄ, ᒋᑭ ᒥᔨᑯᐛᐤ ᒥᔅᑯᓯᐅᓂᔪᐤ, ᒋᑭ ᐊᔨᒋᑲᐳᐃᑯᐛᐤ, ᑭᔭ ᒋᑭ ᓯᑭᔅᒐᔨᒧᐃᑯᐛᐤ᙮ ᒋᓴᒪᓂᑐᐤ ᐊᓐ ᑲ ᐊᔭᑦ ᒥᓯᐛ ᓱᐛᔨᒋᒐᐅᓂᔪᐤ ᒋ ᐎᓴᒥᑯᓄᐤ ᒐᒋ ᐎᒋᐃᐛᔭᐧᒄ ᐊᓐᑕ ᑲᒋᒡ ᐅᒋᔅᑕᔨᑕᑯᓱᐅᓂᒡ ᙭ᑕ ᐊ ᑕᔨᒋ ᐅᒡ᙮