PETER KÜNAO 1:16 - KETHOLESI KESAO N.T. (BSI)

¹⁶ Kekrelamori uko theju kethokemo udokevelü tho kesüko mejitamo, hako uko Niepoo Jisu Khrista kevori mu pü keku keba thipü neko ce süte, mu neko se bate, vele umhü sheri ketekhri kethi ngo kesü zhopo ba.

PETER KÜNAO 1:16 Iomraidhean Croise

Matthew 16:27

Kükrenamoli thümanuo Pu po zapozale süh die Pu shoyimi züh kirito, mo Pu mipühpüh mhatho khüce züh die püko zhokhro thi püh prüto.

Matthew 16:28

I nekoce potü süto, hice kütha humi Thümanuo Pu küdelü küvori ngo kümothe küsa ngo Ihozo küti kropüh tha zo; zita.

Matthew 17:1

Süsa zho shorüh sa Jisue Peter mo James, mo sü sazüh-o John züh Pü sa die süko züh kre cejüthu kürükrü pühyo vota.

Matthew 24:27

Kükrenamoli, nathoco tü küprüh sü lize nakrocori ve voyo küti bi thümanuo küvori ri süsü bi zoto tina.

Matthew 24:3

Süsa Pu Olive cejüthuyo ba küyice, müthaküyiko mükhrüh Puce vori die sü; Mha hikohi dipüh küthi ce tata? Mo hio vorita küto zasi, mocejüo thüla küta zasiko püh hakoce po süte, zita.

Matthew 28:18

Mo Jisu pükoce vori die pükoce mhapo die sü, Tüyo rimo cejü ri küku mütü kha a prüve.

MARK 13:26

Sidie ukoe Thümanuo kuku mu zapo zale thi die kümhülü no vori küzü ngoto.

MARK 14:62

Mu Jisue sü, Izo! Mu nekoe Thümanuoe kükuthoo zaco ba die tüyo kümhülu lün vori küzü ngoto; zita.

LUKE 1:2

Süculü püsa meji jüo choyiko umhüpü kengo zhopo kethiko belü khapü uko tsü süte.

LUKE 9:43

Uko metü Jihova keku ngopü ungo shuta, vele Jisu uko ngothi kebace sajiko cepoti.

JOHN 1:14

Jüo po uthi meve vori, pü udolü hü, hako püngo, zapozale Poo nu püyo ngokemezhe mu kethopo chupü.

JOHN 17:2

No keku pü pütsüsü uthiupho metükopi, kechothe kerhüpü no khatsü kesü metüko yo.

ROMEMIKO 1:4

Jihova Nu thitole kekulü po mese kesü, rüpü kemesa zholü, kesalü rhüla keyi yono.

CORINTHMIKO KÜRAO 1:17

Kekrelamori Khrista apo jülo khasü ketola aketsü sümo, vele jüyikeve po ketola zo, mhapokese mhase fümo, siziti Khrista cross keku thimedi kevapü.

CORINTHMIKO KÜRAO 1:23

Vele uko Khrista pü cross yo gu keva zhopo kethi Jew miko la uphe kemesü püzo, mu Jew kemoko la kenyo jü.

CORINTHMIKO KÜRAO 1:7

Süla neko Rüpü mhaphrüko tsakhu mo te, uko Niepoo Jisu Khrista mengo sü keto fü keba bi.

CORINTHMIKO KÜRAO 2:1

I Ta nekoce kevorice, asazüjürako, mu alipü neko, I ketekhri kethi zhopo kethi mhase fülü po vorimo.

CORINTHMIKO KÜRAO 2:4

Ajüpoko makro thechu mu mhase fü lümo, vele Rüpü thakalü mu pü kekulü.

CORINTHMIKO KÜRAO 5:4

Uko Niepo Jisu Khristaa zalü neko tavo kengu keyice, a rüpü uko Niepoo Jisu Khristaa kekulü neko züba.

CORINTHMIKO KÜNAO 2:17

Hano thüma kükro Jihova dzü thimüshüh kütsü bimo: vele ha pü mhüdzülü müzi, mu Nyepoo mhüdzücie ha Khrista la dzü po yo.

CORINTHMIKO KÜNAO 4:2

Si kütsüo mole ha kümükhrü kümüvako khave, küdove tsü cholü mo, mori kücejü lü Niepoo dzüko khimo vele küthoo zhopo thi mu mipo sülü ha lüdo ri sheyi küve thi tayo.

EPHESUSMIKO 4:14

Side kümüthadzü tükhra kümha kütsüko, thüma kütsürü doko, küdove de miswü küdoyo küzho mharhüko po natsimi kümha de u swü püh licohico va kütsü thisa lhote.

PHILIPPIKO 3:21

Püthori pü müdo thide mha mütüko thipüh pü khrikhro süyive, mu pü küku süo püh umo mhathokümo hio ri thiküsapüh pümo vezo küzü züh kümhayi tato.

THESSALONIAKO KÜRAO 2:19

Kekrelamori hako kemeri dipü ba sheri, mori kenü mori rerthu keto kede pira? Neko hizo mome Niepoo Jisu Khrista mhüjülü ba keto pü kevori tülü?

THESSALONIAKO KÜNAO 2:9

Satan pu hüküsü na kürüzü süo küku mu zasiko mu ungo mhatho küthosu,

TIMOTHY KÜRAO 1:4

Ukopo thüdzü küpo mu upotsaneko dzü küpoko rünyi hino posüh, kükrenamoli süko yolü Kümünupüh mhatho kümülülü thaküsüko moli küzüküsu, ulakükreküti püvo tayo kütila.

TIMOTHY KÜRAO 4:7

Siri dzü küthüvako mu kütsapüko kühanya küti dzü küpoko rünyi hide küthokülü cho ntho n küphra sü tayite.

TITUS 1:14

Jew miko ketheju tiko po ketako yo menu hite, reni hite, mu thüma tho po keta thino züno po ketako, uko ketholü regü ta ketako.

PETER KÜNAO 2:3

Mhakemholü uko kethera ketijüko khi neko pü hethoheli thi tato, uko sheco gümecho ba mo tato tsühi sheri mu uko mejova ketolü zü relü mote.

JOHN KÜRAO 4:14

Mu cejüo Külaküyio thito le Jihova pünu kütsüsü küti ukoe ngori zomu süo zhopo thi tayo zo.

JUDE 1:14

Adam zolü hüküpa pho thünao Enoch sadzü küshie dzü po die Heyi! Nyepoo pu kümüsako nyie küri züh vo.

MÜNGOKESÜ 1:7

Hihe, pü kemhüyo vori; themhü metüko pü ngoto, mu zerenyü pü pürhü kesüko ri pü ngoto; kede kekre ketsü cejülü nu metüko pü ngoto, m püla uko lü shü phito. Sizoto, Amen.