MÜNGOKESÜ 3:3 - KETHOLESI KESAO N.T. (BSI)

³ N sa rükra süte, no kedipü bide seyi mu ngoyi sheli, thezü metayi mu thelü rüdeyi te. Mhace no fü menu ba mota lize, I kerügomi bi ta nce vori tato, Pütü di püce vori to sheli no se kemolü.

MÜNGOKESÜ 3:3 Iomraidhean Croise

Matthew 25:13

Süna neko khü mo la bazoyite, kükrenamoli neko thümanuo küvori tüsozhoko mo pu bavüdo se kümo na.

MARK 13:33

Münu bayite, khü mu la mu sho ba zoyite, kükrelamori, nekoe di küthice to sü se kümo la.

MARK 13:36

No züh küzülü Pupo mha vori die n ngoyi tamo küto la.

THESSALONIAKO KÜRAO 5:2

Kekrelamori Niepoo vori keto keregomi tüzülü vori ketobi neko semeve shuba.

TIMOTHY KÜRAO 6:20

Timothy, non mha kam kha n mülü küvayo sü münude sü zoyite, side mithon dzüthuko, mori kücejü dzüko yisü mha küse dzü liyo küzhoko mu küngokümu, müsakümo dzüko thüra zoyite, thüma humi süko zü vo ukümülü khave.

TIMOTHY KÜNAO 1:13

No a celü she küyi u sühva mürhü kütsü jüko püh Khrista Jisu celü ngo küyi kümülü mu kürhü lü n mhüdzü thaka püh thipüh tazo yite.

HENREWKO 2:1

Süla uko se keyi sükolü utütso thiku ti mesüzo, motisa mhasüko ucelü rezü di tato tila.

PETER KÜNAO 1:13

Ile, süo pütü zoleti akelüce lübale; I kereshücelü kebathe, uko Niepoo Jisu Khrista thapü ameka kesüla.

PETER KÜNAO 3:1

A kekhrümiko, I tsühi lesitho kesü kenao khapü neko ce sü züho, I nekolü kemesa nekopo rekra sala sü ketola.

PETER KÜNAO 3:10

Vele Niepoo kevori tüsozho sü tüzülü keregomi kevori bi zoto; süce tüko ufü kemere thide di tato, mu mha sülü ketako lü thiri ketala zho tato, mu cejü sheri mu mhatho sülü keba khü thü vato.

MÜNGOKESÜ 16:15

Hihe, I kerügomi bi vorito. Somi füla kebao thejo kepütho ufüne khiba de mechü ta kemo, de mipo pü kemechü kemenga ngo kemomi.

MÜNGOKESÜ 2:25

Veli no melü ketayo pü metü ba zo te I vori kemothe.

MÜNGOKESÜ 2:5

Süla nsa lü sü de no dipüce retu ta sheli de nlü kedeyi de mhatho kerao thiyite; molize n ce mhai voritato, suna meto n yo kebao pü vato n thilü, nlü rüde mota lize.

MÜNGOKESÜ 22:7

Hihe, I mhai zi voritazü; saju jü hiko thopü kemeta lesi hikozüyi ketimi thejo kepütho.

MÜNGOKESÜ 3:11

Hihe, I mhai vori tato; metü tha zote, mikekremi po n kede pira sü khita mo keto la.

MÜNGOKESÜ 3:19

I khrü ketsüko lekhu süyo, m methi süyo; n nüsai m rhürha yite, nlü kede yite.

MÜNGOKESÜ 3:2

Fü menu bate, mesho kebako thi kemetü yi te, sata too kebako; n mhathoko vetsütso mo keta ngo bate Jihova mhüjülü.