MÜNGOKESÜ 21:3 - KETHOLESI KESAO N.T. (BSI)

³ Tüyo I thefü kerekrüpü se poti, hihe, Jihova kereshüce sü thüma zü ba te, pü uko zü hüto, uko pü thüma thi ta to, m Jihova uko zü bata to, de uko Rüo thitato.

MÜNGOKESÜ 21:3 Iomraidhean Croise

JOHN 1:14

Jüo po uthi meve vori, pü udolü hü, hako püngo, zapozale Poo nu püyo ngokemezhe mu kethopo chupü.

JOHN 14:23

Jisu püfü kelakesü, mhace thümao akhrü süze ajüko khipü bato, size a Po pü khrüto süsa a Po hani püce vorito, mu pülü hani ba tato.

CORINTHMIKO KÜNAO 6:16

Mu Nyepoo kürüshüce mu thürümharhece ni dipüh dzükho ba? Kükrelamole uko rhü küta Jihova rüshüce tsüla, süo Jihova potsü “I uko lübato mu uko dülü tato mu I uko Jihova thito mu uko a thüma thito.”

CORINTHMIKO KÜNAO 6:18

Mu I nieko Po thiyi to, mu nieko anu mu anupüko thiyi to, Nyepoo kürükrüthoo sino poyo.

THESSALONIAKO KÜRAO 3:11

Tsühi Jihova pütho ukopo kethi, mu u Niepo Jisu Khrista, hako chotha thipü nekoce sü.

HENREWKO 11:16

Vele uko rüna veku tipü menyü tate, süosü trülü, sülano Jihova uko cüpü uko Rüo kethi menga tamo; pü nadepü kesüpü ukotsüsü.

HENREWKO 8:10

Kekrelamori I jükho hiohi pütü hisalü Isreal cekro zü thi tato; Niepoo poyo, I a thezhoko khapü u kelülü sü tato mu uko melü kolü thosü tato; mu I thüma Rüo thito mu uko ala thüma kropü thi tato (athüma thitato).

HENREWKO 8:2

Kereshübalü choyithi, kereshüce kethoo thebe pü thi kemo, Niepoo tho thikesüo.

MÜNGOKESÜ 10:4

M tüsü thünako ufü thi kesüsa, I süko thoto lesü, I füphrapü tüyo ace pode, mohor vüpü mbade tüsü thünako, tsüko tho hite.

MÜNGOKESÜ 10:8

Füphrapü tüyo ace jüpode, “Taphe lesida ketsüo püyite, hapü mba tsüo, tüyochoyio belü, jü mu cejü ni lütha kethao.”

MÜNGOKESÜ 12:10

I tüyo mhafü kerekrü pü seri, poti, tsüo kelakeyi, mu keku, uko Rüo kede, pü kemeco, Khrista zhü; uko sazüjürako mejo ketayo hu ketuve, tüso tüzü metü lü uko mejo ketao.

MÜNGOKESÜ 21:7

Pü kukeyimi mhametü kalü thiyito; m I pü Rüo thi to de pü a nu thi to.

MÜNGOKESÜ 22:3

Reshu keva basa ho; thürü-o kedeba m tekonu sülü ba to; pü choyimiko sülü pü reyibato;

MÜNGOKESÜ 7:15

Süla uko Jihova kedeba mhüjü tha, de tüso tüzü metülü kereshücelü pü choyi thi ba yo; mu kedebayo kebao hiko dolü hü hü yo.