MÜNGOKESÜ 2:3 - KETHOLESI KESAO N.T. (BSI)

³ M sügüsühe de azala mhathothi de n nyü ta yo kemo.

MÜNGOKESÜ 2:3 Iomraidhean Croise

MARK 15:21

Süsa pukoe Cyrene püh Simon, Alexander mu Rufus nyi poe yi lüno vori küzüce pu kümu thi püh Pu kruso püh.

LUKE 14:27

Pütho pü cross pü kemomi asaji thi shümo.

LUKE 18:1

Pü ukoce jüvepü posü, pütü metülü kecho thiba moze kesu, mu ho mezata kemo.

LUKE 21:19

Neko sügü sühe keyilü nkhri n rarü khi bayi to, (nthinpho merhü yito).

LUKE 5:5

Simon püfü kelade pokesü, kemethao hako tüzüzho metü thehe thizole mhapüri tüyimole; sizosheri I n kepo jüla ajal kelhu süto.

LUKE 8:15

Vele cejü kevelü kekiko, kejütho keve melü, jüo reniyi thi mu züyi; usezhüyi mu sügüsüheyi.

JOHN 15:21

Vele uko azalano mha hiko thipü nekoyo sü zoto, kekrelamori uko aketsü kesüo se kemola.

ROMEMIKO 12:12

Kemerilü rechü bazote, kemezhe zori sügüsühe bazoyi; kecho thimetü vahi.

ROMEMIKO 16:12

Tryphena m Tryphosa Niepoola mhathi kebani kelü süte. Persis Niepoola mhathi shu kesüo kelu süte.

ROMEMIKO 2:7

Sügüsühede mhatho keve thi kebako zapozale, thechu therho m sakemo kechothe kehü phu tayo.

ROMEMIKO 8:25

Vele mhace u ngokemo meri ba süze süsa u sügüsühe de süo fübatayo.

CORINTHMIKO KÜRAO 13:7

Mha metükolü hepü tayo, mha metü melüyo, mha metü lüpü kemeri bayo, metülü sügü sühe yiyo.

CORINTHMIKO KÜRAO 16:16

Neko sheri sübi ti thite, mu kehopü sheri hako zü mhathi ketako yo; kekhrühi kesüko.

CORINTHMIKO KÜNAO 10:15

Sino hatho hachuh küyie tamo, kükremi mhatho lano; vele ha kümüri nie kümülü po ve kühü mu nie dülü ha mhatho po ma müzho küchüyi,

CORINTHMIKO KÜNAO 11:23

Süko Khrista yithomi me? I künyomi bino poto; I püko ce vepü; I püko ce uyi thi mükropü, thüdzü ri thi mükropü, mi aküvü ri kropü, tsükünu sata nu zo.

CORINTHMIKO KÜNAO 4:1

Ha ngokümüzhie ngoyi mu yitho hio ngokütsüla ha chomüza tayo mo.

CORINTHMIKO KÜNAO 4:16

Süla halü thathi yomo si kütsüo mole ha chozou mao thi katazü zori thülü mao tüsonha küsa mama züzo.

CORINTHMIKO KÜNAO 5:9

Süla ha ce hio lü bari mori Pü nü thiyi ton thühe thiyo.

CORINTHMIKO KÜNAO 6:5

Ha küvü, thüdzüküthi, kübvü kütsü, mhatho küthi, zümo kütsü, tükhü küthi,

Galatiamiko 6:2

Neko humelü luni khiyite, mu Khrista zho thitso süte.

Galatiamiko 6:9

Mu mha keve kethilü ho meza ta hikhe, kekrelamori pütü tülü uko rüla zoto tila, uko mhace phesa tamo lize.

PHILIPPIKO 2:16

Nieko kürhühprei dzüo thüzühbei baküyi yolü Khrista zho nha apo anüyito, I kemechü püh na tata mo, mori püco kedi püh lü no mhathi ta kemo na.

PHILIPPIKO 4:3

Mu I n ceri choyo, a besü küthoo, thüno hini ri khrühi süte, uni dzüyiküveo la Clement hani mu uzü kükreko kürhü lesida lü uza küniekori khrühi shu sü tsüla.

COLOSSAEKO 1:11

Keku metülü uthi kemeco kesü, pü keku zapozale lü, sügüsühe mu kerülü tha keyi unüzode.

THESSALONIAKO KÜRAO 1:3

Neko kemelü mhatho rekra mota yomo, kekhrü mhatho, sügü süheti kemeri Niepoo Jisu Khrista Jihova mhüngolü ukopo.

THESSALONIAKO KÜRAO 2:9

Kekrelamori sazüjürako, neko rekra ba metse hako thehethi mhatho thi kesü, tüso tüzü metülü mhathothi, kekrelamori hakoyo neko po uma thikemo, hako Jihova jüyikeve zhopo thi pü nece sü.

THESSALONIAKO KÜRAO 5:12

Mu hako nekoce choyo, sazüjürako, neko zü mhatho thi kebako neko dolü kebako Niepoo lü neko pi kebako neko tarho sü züho.

THESSALONIAKO KÜNAO 3:13

Eli a küzüko, nüko zoe mhakam kühopüyi thi lizo velikütsüko thi ne süsi tahi.

THESSALONIAKO KÜNAO 3:5

Süzo Nyepoo po noko lü rükhüpü u Kümünupüh chelü küpra kükhrüo mu Khrista chelü küpra sügüsühe küzhoo lü voküyi thite.

THESSALONIAKO KÜNAO 3:8

Süzomoli ha süchesü mipü belü yi püma thi mo de mha yiketsü moli ha noko mipü lüyi thi kütsakhunyi kümona thathava yi küswüyi mhathi kümüzhe rükharüli zo.

TIMOTHY KÜRAO 4:10

Süsüla u rhütayoküzho u Kümünupüh yolü u sadzü bataküti la sürhü mu utütso thitayo zo. U Kümünupüh sü thüma mütüko külaküyiyo zo, süyi kümülümi la muku.

TIMOTHY KÜRAO 5:17

Kühupon pethiko mu kühou küsü munuyo küzhoko bahori dzüyiküvepo mika mi mütha kütilü urhathiyo kütiko rho muku zoyite.

HENREWKO 10:36

Neko sügüsüheti ba moze su, ne Jihova medo thi kesü salü, neko kalü jü popü neko tsüpü kemeta ngoyi ketola.

HENREWKO 12:1

Süla zhopo kemhü kezho umetupü kebabi uko metüpü ba, uko kemeshi süko khapü meta vakhe, kephoma ukeyhu ketako sheri khava side sügü sühe pü umhüjü laco ta kehu kezülü tasü khe.

HENREWKO 13:13

Uko süla chozu laco ta puce vokhe, thothü thethi sa kharü salaco, püzhoshu kesüko khipü yide.

HENREWKO 6:10

Kekrelamori Jihova mezi motalhozo ne kekhrü mhatho thi kesüko rekramo taho, neko pü zalü thi kesüko, neko kemesakoyo thi kesü mu yithothi kesüko.

HENREWKO 6:12

Neko metsüta hite, vele kemelülü sügüsühe pü reshupü kemeta jüo kalü la mhathi ketako süko sajimi thi yite.

HENREWKO 6:15

Mu sübi, pü sügüsühe de gü keyila pü thejo süo ngoyi.

PETER KÜNAO 1:6

Mu mhaselü ukethükerü, mu kethükerü keyilü sügüsühe sayi, mu sügüsühe keyilü kemesa kehü sayi.

MÜNGOKESÜ 1:9

I, John neko sazüjürao, kemezhe ketsü kroko, Jisu Khrista kedela kemezhe tsü hü keyiko, I, Patmos cejü rethitso kemolü ba, Jihova jü la mu Jisu Khrista zhopola.

MÜNGOKESÜ 3:10

Kekrelamori no ajü sügüsühe ketsü thi keyila, kedo ketsülü I n yo yito, cejü metülü dophi süsü voto.