MÜNGOKESÜ 1:9 - KETHOLESI KESAO N.T. (BSI)

⁹ I, John neko sazüjürao, kemezhe ketsü kroko, Jisu Khrista kedela kemezhe tsü hü keyiko, I, Patmos cejü rethitso kemolü ba, Jihova jü la mu Jisu Khrista zhopola.

MÜNGOKESÜ 1:9 Iomraidhean Croise

Matthew 20:23

Pu sünyi yisü, Nenyie I kra too küba heo sü krayi vezoto kütho, mo I baptaiz thipü kübalü nenyi baptaizthiyi vezo, Eli nenyi po a zaco mori a veco ba küto sü a müdo mo süri süosü khapüh a Po tho kha prü tozü küsüh kümütao prüto, zita.

MARK 10:39

Mu punyi sü, hanyi thiyi ve; zita, Eli Jisu punyi yisü, nenyie I krato küba heo krayi ve mu I püto küba lü nenyio Baptis thiyi ve kütho mutse!

JOHN 16:33

Mhahiko I nekoce kepo nekopo ayo nelü menü ba ketola. Cejülü neko kemezhe zoto, vele neko nezü vekrü yite; I cejüo pi kuyi ketala.

MHATHOKO 1:15

Hitüce Peter kemelümiko dolü sütha bayo, metükesa thüma krapü mecü kezüba.

MHATHOKO 14:22

Süsa uni tavo sajiko thi kemetü mu thi kethepu sü, de ukopo kemelülü tha metü ba zono sü, kemezhe keti kekrolü ta Jihova kede kethilü vo ketola.

ROMEMIKO 8:17

Uko pü nune ta lize uko pü kalümi ri tazo, Jihova kalü, Khrista zü kesade; mhace u püzü kemezhe yo lize, upüzüde zapozaleri thi kesazo ketola.

ROMEMIKO 8:25

Vele mhace u ngokemo meri ba süze süsa u sügüsühe de süo fübatayo.

CORINTHMIKO KÜNAO 1:7

Mu ha kümüri nieko mütü zoyito, kükrelamole nie hazü kümüzhieyo küzho bi hazü künüri ngoyito tsüla.

PHILIPPIKO 1:7

Silizo nieko a melü lü baketina nieko ri hiko biyi keto I lüzüzo, kekrelamori I kedzükethi lü ri kesatha kesü, dzüyikeve na tha mütü kesülüri nieko ri azüh ngokemezhe kerhühzo ketina.

PHILIPPIKO 4:14

Kühopü biri nieko a müzhie küzaküyi la nieko müzari zoho.

THESSALONIAKO KÜNAO 3:5

Süzo Nyepoo po noko lü rükhüpü u Kümünupüh chelü küpra kükhrüo mu Khrista chelü küpra sügüsühe küzhoo lü voküyi thite.

TIMOTHY KÜNAO 1:8

Süla no u nepo zhopüo küthi ceco ri mu pu jü thiküto püh dzüyi küve la kümüzhe zoyi.

HENREWKO 10:36

Neko sügüsüheti ba moze su, ne Jihova medo thi kesü salü, neko kalü jü popü neko tsüpü kemeta ngoyi ketola.

PETER KÜRAO 5:1

Mehimiko neko dülü kebako, I sheri pethi mehi thi ketabi tarho sü züho, Khrista kemezhe kesü I kengomi mu pü hisa laco zapozale thivori ketolü püzü keza keto püzo.

MÜNGOKESÜ 1:1

Jisu Khrista jü kehalapü mese mengo kesü Jihova pü pütsü kesü, mhathi vori ze ta ketoko pü yithomiko meka kesü; pü tüyochoyimi ketsü pü zasi thipü pü choyi kethio John cesü.

MÜNGOKESÜ 1:2

Pü Jihova jüko züketako, Jisu Khrista zhopo m pü kehüko mu mhathoko ri se m ngo.

MÜNGOKESÜ 1:4

John Asia lü kehu thünako ce kesü; ngokemezhe po neyo ba keyi thite, thelü kemenü (kereyi) khakesüo thajüri ketao, tsüdori ketao, mu hisa ri vori ketoo; Rüpü thünako pü kedeba mhüjü lü tha;

MÜNGOKESÜ 1:6

Mu uko thipü kedemi, m pethi kezho (thevo) thi pü püpo Jihova tsü; püpo zapozale kede thikeyi thite. Amen.

MÜNGOKESÜ 11:7

Uni zhopo tso ketasa khonu uthüla kedice lü paride unizü theri thito, uni meni vato de dokhri vato.

MÜNGOKESÜ 12:11

M uko tekonu zalü kuyite, uko jü zhopo lüko; uko kesa ketso ukehü khrü mozo.

MÜNGOKESÜ 12:17

Fükera thenopü yo pülü redata, de pünu shu nuyekoyo mehakeyiko zü theri thita, Jihova jü kha kesü kezükoyo, m Jisu Khrista zhopoko yo.

MÜNGOKESÜ 13:10

Pü mitüpü thejü kethimi po mijü thitato; zecho pü mi kedokhrimi mipo zechopü pü dokhri tato. Hice kemesako sügüsühe tsü mu kemelü bato.

MÜNGOKESÜ 14:12

Hice, kemesamiko sügüsühe bata: uko Jihova khakesüko zü m Jisu yo kemelü khi bata.

MÜNGOKESÜ 19:10

I zürütsü pü phece pü reshü to le sü, veli pü ace pode, tsizi hite; I ri n bi ketsü yithomi pü zo, n sazüjüra, Jisu zhopo kethi mi Jihova reshüte, Jisu zhopo kethi sü sajü kepo rüpü zo.

MÜNGOKESÜ 20:4

I kedeba kekrongo, thüma sükoyo kebako ri, uko ne keti sü; thüma Jisu la mipo upi dothü kevako rüpü, therü jüla, m khonu marhe reshü kemoko, mori uko tükhayo püzasi thopü kemeko, ubeyori; uko Jisu Khrista züde tütse nye pü kedethi hü to.

MÜNGOKESÜ 3:10

Kekrelamori no ajü sügüsühe ketsü thi keyila, kedo ketsülü I n yo yito, cejü metülü dophi süsü voto.

MÜNGOKESÜ 6:9

Pü mohor pü ngu phrüsü, A kengo kereshü ba khro Jihova jüla mipo u dokhri ke vako rüpü sülaba, uko süo zhopo kola;

MÜNGOKESÜ 7:14

M I püce poti, “Kezhoo, no se batho.” Pü a ce pode, “Thüma hikopo kemezhe shutsü thethilü vori, uko füneko tekonu zalü khrü kemesa kevako.”