Matthew 7:21 - KETHOLESI KESAO N.T. (BSI)

²¹ Thüma A yisü, Nyepoo, Nyepoo, ziyoti mütü ri tüyo küdebalü lütso tayi lho; eli, tüyo küba Apoo müdoko thiyo küti-o zoto.

Matthew 7:21 Iomraidhean Croise

Matthew 12:50

Kükrenamoli, thüma kühopühri tüyo küba Apoo müdoko thi mo zühyo kütiko sü a sazühzürako, a lipüneko mo azuko zo, zita.

Matthew 16:17

Jisu lasü puce po die, No Simon Bar Jonah nuo no yhevetho zo, kükrenamoli, uthi mo uza lüno mo, eli tüyo küba a Po tho hihi po püh n müse müngoküsü zo tina.

Matthew 18:10

Künyitho hiko mipühri müshuh va mo küto na ne münuyi te: Kükrenamoli, I nekoce po süto, Tüyono puko ceco kütha shoyimikoe tüyo küba a Po lhü ngo süh bayo kütina.

Matthew 18:19

Süsari I nekoce po süto, neko cejülü mi küna zori külürhüh die mha kühopühri sho lize, tüyo küba Apo tho mha süo thisü sümi prüto.

Matthew 18:3

Sidie po küti, I nekoce potü süto, neko lü küdepüh natsimine hihi biyi kümosa, neko tüyo küdelü lüyi lhozo, zita.

Matthew 18:35

Süsü bi ne kühopühri ne mülü lüno ne sazümi küjoko va püh prü kütho thiva molize tüyo küba a Po ri neko yo süsü bi ta zoto.

Matthew 19:24

Sü sari I nekoce potü süto, Künemi püh Jihava küdelü lü küto ceri ut püh po thüprüh celü lü küta rüyiku zoto.

Matthew 25:10

Sidie pukoe khrito vo küta dolü zhosao vorita, mo kürüdepü ba kütakoe zhosao züh die nolü Ihülü lüta, sidie cekha khayita.

Matthew 25:21

Süsa pu Nyepoo pu yi sü; “tso süe no ceta küve mo küzüthoo, no mha küdopühlü ri zütho ba küyi na I n po mha kükrolü künyepo to; no ri vori die n Nyepoo züh n nü bata te;” zita.

Matthew 26:39

Sidie Pu küdo kümücuh zalü phe die tüprü zührüh pü die küsho thi die Yhie! Apo, mhaceno thiyi ve to lize, tühe hio püh a thürü vate, zita. Süri a müdo mo n müdo thiyite, zita.

Matthew 26:42

Süsa Pu va künaolü la vo sho die, Yhie! Apo, apo tühe hio kra mo die khavayi lho zo to lize ntho n müdo thiyite, zita.

MARK 3:35

Yhie; azu mu a sazühzürako sü; thüma kühopühri Jihova müdoko thiyo kütio sü a sazüh-o, mu alipü, mu azu zo, zita.

MARK 9:47

Mhaceno nmhü nthi müsu yo lize; süo kürüla vate, kükrelamori n mhü künanyi ba die n kügü püh mezalü sü küva ceri nmhü püh libi die Poo küdeba lü vo küta veku ti la, n mhü küna khi pü meza lü lü küta ceri.

LUKE 11:28

Püpoti. Vele, Ile, süo ceri sopüno Jihova jüko reni mu khiyi sheri süo thejo kepütho.

LUKE 13:25

Ce niepo mipü tasü de cekhakhava, mu neko tavo chozuco thayi de cekha kedü, Niepoo, Niepoo, cekha khri süte; mpü neko fü, kela kesü neko dipü ce vori sheri I neko semo.

LUKE 18:25

Kekrelamori ut püpo theprü celü lü keta reyi ku, kene mipü po Jihova kedelü lüti ceri.

LUKE 6:46

Neko dipüla akhipü, “Niepoo, Niepoo” siziba; akepoko thisü mode?

JOHN 14:7

Mhace neko ase ba tisa neko a Po sheri se batato, tha yowi neko Poo se bate mu püngori süte.

JOHN 15:23

Pü ango metsü ketao a Po sheri ngo metsü tazo.

JOHN 3:5

Jisu püce poti, I nce potü süto, thümapü jü mu Rüpülü menu yi kemosa pü Jihova kede balü lü yiho.

JOHN 5:17

Vele Jisu po kesü, Apo tsüri mhatho thizo kebabi, I sheri mhatho thi bayo.

JOHN 6:40

Hiohi aketsü kesüo medozo, kehopüri Nuo kengoko pü melü keyi, kechothe kerhü ngoyi ketola, thüla tü nha pü kelayi ketola.

JOHN 7:17

Thüma kehopüri Jihova medo thiyo süze akepo jüko se yito, Jihova celü vori me, mode atho amedo jüpo ba sheri.

MHATHOKO 14:22

Süsa uni tavo sajiko thi kemetü mu thi kethepu sü, de ukopo kemelülü tha metü ba zono sü, kemezhe keti kekrolü ta Jihova kede kethilü vo ketola.

ROMEMIKO 12:2

Cejülü zhorüleko züta hite, sitimole nekehü redepü nelüri kesa salayite; vekethoti mipo nengote: yikeshükethi, m vetsüketi Jihova medo bide.

ROMEMIKO 2:13

Kekrelamori thezho reni mori thezho se ketila Jihova mhüjülü matho tamo, vele thezhoko thi m zü keyila mezi yito.

EPHESUSMIKO 6:6

Thüma nü thi küto na mi mhüngoce lübi yitho thita mode Khrista cetami thide ne mülü lü u Jihova müdo-o thiyi.

COLOSSAEKO 4:12

Epaphras, pü neko dolü mipü, Khrista choyi kethimi, neko kelü süho, pü kecholü püyhe thi keba mipü nekola; neko po mesatso mu zhochü de Niepoo medolü thayi ketola.

THESSALONIAKO KÜRAO 4:3

Süo therüo medozo tila, neko thi kemesa keyi, mu keregükerezhü lü ne kethü kerüyi.

THESSALONIAKO KÜRAO 5:18

Mhakehopülü sheri kethezü khasü zote, nekola hiohi Jisu Khrista la Jihova medo tazo.

TITUS 1:16

Uko Jihova sele potayo, vele uko mhathoko lü süko mela tate, (Jihova sekemo thitate), uko keretse phikemero, mu mifü zü kemu, mu mhatho kevelü umelü revote.

HENREWKO 13:21

Mhatho kehopü lü sheri nethi meve tsütso kesü, pümhüjülü pünü keti nezü mhatho thi tate, Jisu Khrista yolü zapozale kechothe ta keyi thite, Amen.

HENREWKO 4:6

Ngokeyi, süla humi talü to, sülü, mu humi talü mote, melü kemola. Zhopo thisü zori.

JAMES 1:22

Vele kürüni lübi de u tho u swüva mole dzüo küthimi thiyite.

PETER KÜRAO 2:15

Süosü Jihova medozo, neko mhakeve kethila kemelo mhasekemoko thipü kemekre vato.

PETER KÜRAO 4:2

Püthipüpho kemenyülü hü, mecho samo te, thüma kemenyükolü, vele Jihova medolü tate.

MÜNGOKESÜ 2:27

M pü thegi kepfü khi shuyeko kekha to; mhabüko le kethio jüphro kesü bi I Apo celü ngo keyi bi.

MÜNGOKESÜ 22:14

Somi pü khakesüjüko thi m züyi sheli thejo kepütho, kerhü sü yo umezi nete, kharüko lü ta nade lü lü ta to.

MÜNGOKESÜ 3:5

Somi thashi sümi füne kekro pü benene süto; kerhü lesidalü I püza va va ho, veli Apo mu tüyo choyimiko mhüjülü pü za po süto.