Matthew 6:2 - KETHOLESI KESAO N.T. (BSI)

² Süze ne mha müthu püh mi küprü ce küthürakütiko-e thüshüh ngoyi nyi die synagogue ceko lü mo shopüsholiko lü thiyo küti bi die sekhu zota hite. I nekoce po süto. Süko zo-e puko zhokhro ngoyi bate.

Matthew 6:2 Iomraidhean Croise

Matthew 15:7

Neko küthürakütiko, Isaiah sadzüküseoe neko na mhapo mve shüh püh kümüta hibi:

Matthew 16:3

Süsa küshüo lize, tü sü tato, kükrenamoli, tü müre mo kümhü sü zaza ba terü, ziyo.

Matthew 22:18

Jisu püko külü seiyi die sü, Neko küthürakütiko, neko dipüh na a müdephi yo la?

Matthew 23:5

Süri puko mhatho küthi mütü ri mipo ngo küto na thiyo küti zo; süzomoli puko kütholüsi züboko tho mülemülu püh u süh thi pu tayo, mo puko khü mhüko thi kümünye pu tayo.

Matthew 23:6

Sidie puko tülhüko lüri thürho ba kürako phu die bayo; süze synagogko lüri thüba kürükrü mo thürho bako phu die ba küti püko nüyo.

Matthew 24:51

Sidie pu dothü küna thiva die pu püh küthüra kütiko kroolü sü vato; sülüno kra mo uhu thüzhe pu bata to.

Matthew 5:18

Süze I neko ce potü süto, Tü mo cejü dita kümothe mo mha hiko pühri thitsühyi kümothe, thüzhoo lü tü sü küve mori züco ne pühri mhapühceri di tayilho.

Matthew 6:16

Sülibizomoli, neko kümvo tice küthürakütiko bi die ne thusü sa tatahite, süko mi po ngo küto na puko zü thi mükre pu tayo. I neko ce po süto; süko zo-e puko zhokhro ngo bate.

Matthew 6:3

Eli, nekoe mha khaküsüce ne be ne zaco-e khaküsüo ne veco po se hite.

Matthew 6:5

Süze no küsho küthice küthüra kütiko bi ta hite: Kükrenamoli, sükoe mi po ngo küto na synagogkolü mo shopü shiceko tha die sho küti puko nüyo, eli, I nekoce po süto, süko zo-e u zhokhro ngoyi bate.

Matthew 7:5

No küthüra küti-o, ntho n mhülü sühthü-o khiva mürate, sülize no nsazüh-o mhülü sühco-o ngo müle mülu die khi vato.

MARK 12:39

Süko u khüne kürüchu süh die shota, lhethothikolü mipo u külu, Synagoguelü thüba küralü ba, tülhüko lü küzhomi balü ba, zi küti uko nüyo.

MARK 7:6

Pue süko zü küla die sü; Isaiah sadzühküseoe neko küthürakütiko hila; hihibi die tho nve shüh püh müta. Thüma hiko u takhülü a rhoyo, eli uko lün azüh kümücu tayo.

LUKE 11:41

Vele mhakha mitsü mi Za süte, no thi kebabi, hihe, nla mhametü mesazo.

LUKE 11:43

Phariseemiko, kesukerho, neko Synagogues kolü theba kerekrü kolü ba, duka kolü thüma kelu tayo.

LUKE 12:33

Neko, mhakebako zhu yite, kha ketsakhumi vaphi süte; neko khapü ne lekholü süyi, sühü po tiva keho cene, tüyo dita keho mhangu, kerügomi ri mori mhothsü tiri khipü tata keho.

LUKE 12:56

Ne kethera ketako, neko tü mu cejü züyo kevekesu seyi ve; vele neko tsütülü kevekesu se kekre yi hola?

LUKE 13:15

Niepoo püfü kela kesü, no kethera ketao, neko mipü pütho pünyü züvo jü mekra sü yo mome sabbathnha zori?

LUKE 20:46

Lesikeseko yo neceri yite, uko füne rechu süpü mi mhüjülü keta uko nüyo mu methi thethi kolü mipo uko kelü ti reyo mu kereshücelü theba kerekrü kolü ba nyü, mu thenye kolü thethi kemelekolü tanyü phi.

LUKE 6:24

Vele neko mhakeneko kesukerho, neko lü kelu ngoyi ketala

LUKE 6:42

Mori dipübide no n sazüo ce poyiveta, a sazüo apo kerho n mhülü kebao pü vate siziyi veta, nmhülü kerho kebao khiva meramono? No kethera ketao, kerho n mhülü khiva merate, size no kerho ngometseyito mu nsazüo mhülü kerho kebao khivato.

JOHN 13:29

Kekrelamori humi lüti, Judas no presabü khita tila Jisu püpo thenyela mhakhriyi nosütho siziba, side kedimikola mha khapü tsüsü keto latho ziziba.

JOHN 5:41

I thüma celü therho ngoyimo.

JOHN 5:44

Neko kedipü bide melü yita, neko hunehu celü therho phuyo, Jihova celü lebi therho phu yomo?

JOHN 7:18

Somi pütho püju poba sheri pü thechu therho phu bayo, vele pü ketsü kesüo la thechu therho phuyo lize süo zhopo kethozo, matho mezi kemo püri püyo tamo.

MHATHOKO 10:2

Thüma kematho, pücekro metü khipü Jihova khrimeprü tayo, mha mechü khapü mitsü miza shuyo tipü, pütü metülü kecho thi bayo.

MHATHOKO 10:31

Pü ace poti, Cornelius nkecho se bate, mu no mhapü mitsü miza keti rekra taketo Jihova mhüjülü vote.

MHATHOKO 10:4

Pü tosüpe de mpeta, Niepoo dipüla? Püce poti, Nkechoko mu nmhazako rekrata keto sekho Jihova mhüjülü vote.

MHATHOKO 11:29

Süsa kemelü sajiko mipüpü thiyi kevedü kekhrühi ketsüpü usazüjürako Judea lü hükebako tsüsü keto rhüyi.

MHATHOKO 24:17

Tsühi süze, tütse kekro sa mhakhapü ashuye tsüsü ketola mhakengupü I tavo rizü.

MHATHOKO 9:36

Tabitha, kemelü mipü Joppa lü hüyo, püzaco Dorcas; theno hipü mhakeve thi shuyo mu mhakha mitsü shuyo.

ROMEMIKO 12:8

Mori ketarholü mitarhoti sheri, kha miketsülü püpo jükemelulü khasüte; pü mikekha ketimipo menu keti, miphimezhe ketipo unüsayi de kha kesü.

CORINTHMIKO KÜRAO 13:3

Amha azhü kengupü kedimi vathi sü, mu upho pü melü thüsü, vele mivaphiti kekhrü bamo lize süko ala kepra kemeve di.

Galatiamiko 2:10

Uko mhakedimila mhalü rekra sü ti mesüzo ziti lebi, sübi apo sheri sülü mhatho thivota keto ketsü süto.

EPHESUSMIKO 4:28

Rügoyo küzhoko po rügo sa mota de u be süh mha küveko thiyisidemhapüh kütsakhuko vaphi yi küto na.

THESSALONIAKO KÜRAO 2:6

Mori thüma celüthechu therho kephu hayo tamo, mori neko celü sheri, mori kekremi celü sheri, ha neko lüzhe kethi khasü tari vezo sheri Khrista la ha apostle thi ketalü.

TIMOTHY KÜRAO 6:18

Künemiko pon ucene süde mhaküve küthilü mhane sayi node posüte, side u ceneko süde miprümiza de thüma pon unüyite.

PHILEMON 1:7

Size-e ha n kükhrü la hanü phaho ba, mo ha lüri luyi kükrelamori, a sazüo no kümüsako mülü thi merhüsala küyi la.

HENREWKO 13:16

Vele mhakeve kethi mu mhapü mizü keza tiko rekramo ta hite, kekrelamori rütho süko Jihova pü nüzo tila.

PETER KÜRAO 4:11

Mhace thümapü jüpo lize püpo Jihova la jüpo kevemi thide posüte, mhace humi yithothi lize Jihova pü keve didü khapüphrü sü sheri püpo sübi thisüte; side Jihova po Jisu Khrista yo zapozale thiyi te, püyo kechothe kechumu mipi kekha keyi püzhüzo, Amen.