Matthew 5:29 - KETHOLESI KESAO N.T. (BSI)

²⁹ Süsübi die mhaceno nmhü nzaco nthi müsü tayo lize n moyono süo khi kügü vate; kükrenamoli, nmo mütü kügü püh mezalü sü küva ceri nmoyo zatho püh müdi küva veku.

Matthew 5:29 Iomraidhean Croise

Matthew 10:28

Sülize ne mo hio dokhri va zori ne rüpüo dokhri vayi külhoko müprüh ta hite; eli mezalüno ne rüpüri mo ne mo ri müka vayi kütoo müprühyite.

Matthew 11:6

Mo thüma kühopühri mhapüh nari ayo jotayo kümomi yheve tho.

Matthew 16:26

Süze mipüh cejü mütü prapüh puzü thiyi zori pu kürhühro müka va lizepu dipüh küpra ngoyi ta? Mori mipühe dipüh püh pu kürhühro züh küleyi veta?

Matthew 17:27

Utho süzizosheri, püko lü thi müsü küva kümüprühna; no dzüküzholü prü die n khüsüprüh kügü süte, sidie no khu vori kürathoo tüyi die puta cega süte, sülize no rükathi püh ngoyi to; mo süo püh vo ana ri mo nna ri khapüh süko prü vate, zisü.

Matthew 19:12

Kükrenamoli thüma ceyo mo küta hi humi uzune valüno münu püh vori tayo, humi thüma müdolüno süzi tayo, humi tüyo küde na u tho u ceyo thi mu tayo; thüma kühopühri zü hihi zühyi küvemi po zühyite; zita.

Matthew 23:15

Nekoe tsee thiyite neko lüsiküseko mo Phariseeko, neko küthüra kütiko, kükrenamoli, nekoe mipo Jewmi zho zühyi küto na dzüküzho mo cejü mütü whi tayo; mo mipüh po süzi küyice nekoe pu thipüh neko dü küna mezao nune thi vayo.

Matthew 23:33

Neko tünyhiko, neko nyhibvü shühyeko, neko dibi die Gehenna mezalü ne müjo kütoo thürayi ta?

Matthew 5:22

Süri I nekoce potü süto, thüma kühopühri mhacomhala küdilü pu sazüh züra yo pu nümo, mori pulü rüdayo lize pue shetilü pu müjo küva kümüprühlü bate. Mo thüma kühopühri pu sazühzürami yisü ‘raca’ puco mhama pühri di süziyo lize pue mülhiko kühulü pu kümüprühbate; süri thüma kühopühri ‘No kümüloo’ zidie po lize pu Gehenna mezalü pu kümüprüh bate.

Matthew 5:30

Mhaceno, nbe nzaco nthi müsü tayo lize, n yono süo da kügü vate; kükrenamoli nmo mütü püh mezalü kügü küva ceri nmoyo zatho püh müdi küva veku.

MARK 8:36

Kükrelamori, mipüh-e cejü mütü prapüh pu zü thiyi zori pu kürhühro müka va lize pu dipüh küpra ngoyi ta?

LUKE 12:5

Vele I mejü neko sopü mpe moze susheli posüto, mpe moze kesuo sü dokhri kevasa ne kegüdüpü mezalü sü va ketoo pü keku keneo, I posüto pü mpe yite.

ROMEMIKO 6:6

Usekeba, uma kevüo kha püsa cross yo guve, kephomala umo satazoto, hilano ukephoma choyi thi hote.

ROMEMIKO 8:13

Mhace uthi menyülü hüyo süze neko sa zoto, vele Rüpülü kehüla uthi menyüko khava süze neko rhüyito.

CORINTHMIKO KÜRAO 9:27

Vele I athi apho kekhapü akhro süyi, sizi kemosa I mice jüyikeve posü süce mipo a hu kedü kevami thita mo ketola.

Galatiamiko 5:24

Khrista yo ketako uthi upho mu mhamenyü ketako khipü Cross yo guve.

COLOSSAEKO 3:5

Süla nethi nepho mesa vate, cejülü kebace, keregü kerezhü, mesa kemo, thizü kemo kethiko, ukethükeho mhakesu kethi, keregü, kemeho, süko therü marhe kereshü zo tila.