Matthew 5:16 - KETHOLESI KESAO N.T. (BSI)

¹⁶ Süsü bi mipo ne mhatho küve ngo die tüyo küba neko Po Jihova za thikümüleyi küto na ne küve po vekrü zoyite.

Matthew 5:16 Iomraidhean Croise

Matthew 23:5

Süri puko mhatho küthi mütü ri mipo ngo küto na thiyo küti zo; süzomoli puko kütholüsi züboko tho mülemülu püh u süh thi pu tayo, mo puko khü mhüko thi kümünye pu tayo.

Matthew 23:9

Süze cejü hilü mipühri püh neko po lie cihi. Kükrenamoli tüyo küba neko poe püh libi zo.

Matthew 5:45

Sülize, nekoe tüyo küba neko Poo nuneko thiyi küto na; Kükrenamoli Pün ace mütho püh küsümi rimo küvemi ri vasüyo, mo tü mürü püh küzüthomi ri kümomi ri prü süyo tina.

Matthew 6:16

Sülibizomoli, neko kümvo tice küthürakütiko bi die ne thusü sa tatahite, süko mi po ngo küto na puko zü thi mükre pu tayo. I neko ce po süto; süko zo-e puko zhokhro ngo bate.

Matthew 6:9

Süze nekoe sho kütice hibi die shoyiyi te; tüyo küba ha Po N zapo kümüsao thiyite

Matthew 9:8

Süze makroo sü ngo küsüce puko malhü thita, sidie Jihova küku süsübi küti püh thüma küprü na Pu shuh ta.

LUKE 11:2

Pü ukoce poti, neko kecho kethice hizi thite, hako po tüyokebao, nza kemesao thiyite, Nkede thivorite; Nmedo thiyite cejülü hiri pü tüyo bi süte,

JOHN 15:8

Hibi tilü a Popo zale thiyi to, neko se zhüshuyito, sizi de neko asajimi thi yito.

MHATHOKO 9:36

Tabitha, kemelü mipü Joppa lü hüyo, püzaco Dorcas; theno hipü mhakeve thi shuyo mu mhakha mitsü shuyo.

CORINTHMIKO KÜRAO 14:25

Mhahiko kemekhrü pü melülü thi kesü, mu püzü nekü tsü Jihova reshü tato, mu Jihova neko züta kethozo sizi tato.

CORINTHMIKO KÜNAO 9:13

Yitho hio thi dojü küsülü uko Jihova chuhyito nie thi kürünu püh Khrista dzüyiküveo khro süküyi la, mu uyo mu kükremi yori mphrü küsüla.

Galatiamiko 1:24

Mu uko ala Niepoo zapo zale thisü ta.

EPHESUSMIKO 2:10

Kükrenamoli uko-e pübe mhathokozo, Jisu Khrista yolü uko pomhatho küveko thiyi kütona, süyo na u Jihova müdzümüra uko posülü tayi küto küsüh püh mütate.

EPHESUSMIKO 5:8

Nüko vapüh küzüh lü ta veli tsüo Nyepoo na küvelü bate; süna küveo nuneko thide küve lü tayi.

THESSALONIAKO KÜRAO 2:12

Nekopo Jihova mhüjülü tayi keshü kethi, pü neko cüpü pü kederevü lü mu zapozale lü kesü bi.

TIMOTHY KÜRAO 2:10

Thünomi kütholüyo kütiko uvaküzüve kütiko süde mhathoküve linyiko thipüh ukütsoyi no süzo.

TIMOTHY KÜRAO 5:10

Puno mi mhuzülü ri mhatho küvela thütsüh küpümi molize su; puno natsimi thükü sü, rüso kümüso, kümüsami phe khrü, puno kümüzheküyimi vaphi side mhaküve küthoko sadzi thi küvomi molize su.

TIMOTHY KÜRAO 5:25

Sükümhade thüma mhaküve küthi ri humi mhatho se mhayi tayo, sübide thi kümokori seyi tato.

TIMOTHY KÜRAO 6:18

Künemiko pon ucene süde mhaküve küthilü mhane sayi node posüte, side u ceneko süde miprümiza de thüma pon unüyite.

TITUS 2:14

Pü pükhapü uko tsüsü, pü uko mesakemo metülü uko rhayi, uthi kemesa pü thüma uhü kekre kropü, mhatho kevelü ulüni phite.

TITUS 2:7

M mhametükolü nekhapü mhakeve kethilü thaka thisüte, thezho keve thi merho va kemo, metüte, mu sürhü sürho tilü.

TITUS 3:14

Mu ha thümako pori mhakhimo kesuko khipü ukesüyi keto mhakeve kethilü ukopo usezhü kemopü thita mo ketola.

TITUS 3:4

Vele süsalü ketsükeve mu kekhrü therüo celü uko kelakeyi thüma yo thi kesü ngoyi,

HENREWKO 10:24

Mu süla kekhrülü hunehu hü mu hunehu rele medode mhatho keveko thiyi to khe.

PETER KÜRAO 2:12

Ne jüpo jüliko kemathola; Gentilemiko dolü ketace, neko metsu mu neko khipü thüma kesu kethimi zi ketako, ukoyo neko la mhatho keve thiyi keve mi tari yive, mu uko mhatho keve ngo keyice Jihova khipü zapozale thi süto uko pe vori tice.

PETER KÜRAO 2:9

Vele neko keda keyi nuhüko, kedemi ye thevoko shuye kemesapü, thüma uhü kekre kropü, nekopo thüma pü chu ketola cü keyi neko kezülü tazo sheri cüpü ungo zoti kevelü süyi ketala.

PETER KÜRAO 3:1

Sübi ne micemi neko ne nopuneko khrikhro taite mhace humi jüo zümo ti ba lize, micemineko mhapo mozori kerethi tilü redeyi ve.

PETER KÜRAO 3:16

Pütü pümesü kelülü uko n kesu pozo sheri uko kesu kethimi tila, uko cejü medade ketha kemolü n mejo keba menga yito, no Khrista la mha keve kepo ketilü.

PETER KÜRAO 4:11

Mhace thümapü jüpo lize püpo Jihova la jüpo kevemi thide posüte, mhace humi yithothi lize Jihova pü keve didü khapüphrü sü sheri püpo sübi thisüte; side Jihova po Jisu Khrista yo zapozale thiyi te, püyo kechothe kechumu mipi kekha keyi püzhüzo, Amen.

PETER KÜRAO 4:14

Mhace Khrista zalü ne meshuyo lize, ne kenüko thüma kropüzo, kekrelamori zapozale kethi rüpü Jihova celü vori nekoyo bate; uko lazono pü mha kesu side po, vele neko la pü zapozale kethi zhüzo.