Matthew 5:11 - KETHOLESI KESAO N.T. (BSI)

¹¹ A na mipo neko mushüh, müthimünyi mo kücezü lünyi po püh neko mütsuyo lize neko yhevetho;

Matthew 5:11 Iomraidhean Croise

Matthew 10:18

Mo mi aza na neko züh küzhoko mo küdeko mhuzülü voto, kükrenamoli süko ri mo mülükümoko mhüzülü ri zhopo püh thisü kütona.

Matthew 10:22

Mo aza na mi mütü po neko mütsü to. Süri yhie zoba pu küla tso küyio külayi to.

Matthew 10:25

Müthaküyioe pu bi mo ceta-oe pu nyepoo bi küyi sasü tsüh zo, Mi celü nyepoo thori yisü Beelzebub litaze, pu celümiko yisü dithili-e cita?

Matthew 10:39

Thüma kühopühri pu kürhühro mükrü püh pu züthiyi künyimi pu süo müdi vato; süri thüma kühopühri aza na pu pho müka müdi va lize, pusüo ngo layi to.

Matthew 19:29

Süze thüma kühopühri, aza na uce ukro, mori u sazühzüra, u lipüne, mori u pone, mori u cemine, mori u zune, mori u tü u cejü kha küva mi pu südü thükra ngo layito, mo pu küshothe kürhüh ngoyi to.

Matthew 24:9

Sücesü mi neko tüpüh kümüzhe kütikolü sü die neko dokhri to. Sidie aza na shühye mütü po neko mütsü to.

Matthew 27:39

Sücesü thüma pheliphe küti mütü pigü die Pu kürhe die sü;

MARK 13:13

Mu a za la mipo neko mütü mütsü to, süri hie zo tha thüla tso küyio külayi to.

MARK 13:9

Süri neko tho ne rüle peyite. Kükrelamori, mi neko tü püh müthikühukolü mu Synagogko lü süto. Mi neko tsali vüto sidie aza la mu puko mhuzülü zhopo püh thi sü küto la mi neko züh die küzhoko mu küdeko ce voto.

MARK 4:17

Süri puko ume ba kümo la dopüh libi güyi yo, sidie künuco züoe kümüzhe küti mu kümüthi kümünyi süri küyice; pukoe unümo mhatayo.

MARK 8:35

Kükrelamori, thüma kühopühri putho pu kürhühro mükrüyi nyisa yo kütimi pu süo müdi vato, eli thüma kühopühri ala mu züyiküeo la pu kürhühro müka küsümi pu süo külayito.

LUKE 21:12

Vele süko kethi mhüjü uko be khapü neko yo sü to; neko methito, neko zü kereshücekolü voto, thejücekolü, kedeko mu kezhomiko mhüjülü voto; azalan.

LUKE 21:17

Mi metü neko ngo metsü tato, azalano.

LUKE 6:22

Mi neko ngometsüyo tiko thejo kepütho, side mi krolü neko hu kevako, neko meshü, nza cüpü thüma kesuthomithi, kekrelamori thümanuo la.

LUKE 9:24

Kekrelamori pü kerhüro kelayi nyüsa tisa pü medi vato, vele pü kehü medi va lize, alano, süo ngolayito.

JOHN 15:21

Vele uko azalano mha hiko thipü nekoyo sü zoto, kekrelamori uko aketsü kesüo se kemola.

JOHN 9:28

Süsa uko pü kerhe de poti, No pü sajimite, vele hako Moses sajimiko.

MHATHOKO 9:16

Kekrelamori I püpo ala kemezhe ketoko thapü püka süto.

ROMEMIKO 8:36

Hizi thometa, nlano tüsonha ha dokhri sütayo, uko khi tenyü tekopübi kedokhrilü.

CORINTHMIKO KÜRAO 4:10

Hako kenyomi thite Khrista lano, vele Khrista lano neko mhakesemi (ketsümi); ha kethathimi, neko keku miko thibate; neko therho kepümi, vele hako mipo thalice ketami thite.

CORINTHMIKO KÜNAO 4:11

Ha rhüküba hio Khrista la mipo püh küsa choco süsüyo, süo thimüshü vayiküve mo hio lü Khrista yo kürhü küba tha mika sü kütola.

PHILIPPIKO 1:29

Khrista zalü khapüh nieko tsükesüe nie po melüketo na lübi mo, deri nieko po ri Pü na kemezhe sü keto na.

PETER KÜRAO 2:23

Pü mipü meshu kesüce pü miyo kenyo tamo, pü kemezhe keyice pü miyo kethi kedü ti thitamo, vele khapü sheco kemezi kethio melü süve.

PETER KÜRAO 4:14

Mhace Khrista zalü ne meshuyo lize, ne kenüko thüma kropüzo, kekrelamori zapozale kethi rüpü Jihova celü vori nekoyo bate; uko lazono pü mha kesu side po, vele neko la pü zapozale kethi zhüzo.

MÜNGOKESÜ 2:3

M sügüsühe de azala mhathothi de n nyü ta yo kemo.